Featured ព័ត៌មានសង្គម សន្តិសុខ

ក្មេងទំនើង២នាក់ប្រើដាវកាប់បុរសម្នាក់ឱ្យរយះក្បាលរបួសធ្ងន់

ព្រះសីហនុ៖កម្លាំងនគរបាលខេត្តព្រះសីហនុបានចាប់ក្មេងទំនើង២នាក់ករនីប្រើដាវកាប់លើបុរសម្នាក់បណ្តាលឱ្យរយះក្បាលរងរបួសធ្ងន់ត្រូវបញ្ជូនទៅមន្ទីរពេទ្យភ្លាមៗ។ករណីនោះបានកើតឡើងនៅម្ដុំផ្សារដំរី៥ ជិតរង្វង់មូលតោ២ស្ថិតក្នុងសង្កាត់លេខ៤ ខេត្តព្រះសីហនុកាលពីយប់ថ្ងៃទី២៥ ខែវិច្ឆិកា។ប្រជាពលរដ្ឋបានឱ្យដឹងថា ដំបូងមានបុរស២នាក់ជិះម៉ូតូ២គ្រឿងមកឈប់កន្លែងខាងលើហើយបានចុះពីលើម៉ូតូកាន់ដាវទៅកាប់លើបុរសម្នាក់ទៀតបណ្ដាលឱ្យរងរបួសរយះក្បាលហូរឈាមស្រោចខ្លួនត្រូវបានបញ្ជូនទៅមន្ទីពេទ្យ។ ពេលនោះសមត្ថកិច្ចបានចុះទៅឃាត់ខ្លួនជនសង្ស័យ២នាក់នោះយកទៅស្នងការដ្ឋាននគរបាលខេត្ត។ក្នុងនោះដកហូតបវត្ថុតាងមាន-ដាវ១-កាំភ្លើងខ្លី១ដើម-ទូរសព្ទ៣គ្រឿង-ម៉ូតូ២គ្រឿងម៉ាកហុងដាឌ្រីមផ្លាកលេខកំពត1O-8630-ម៉ាកស្កុបពីគ្មានផ្លាកលេខនិងសម្ភារមួយចំនួនទៀត ។ក្រោយចាប់ខ្លួនជនសង្ស័យ២នាក់ខាងលើត្រូវបានសមត្ថកិច្ចបានកសាងសំណុំរឿងចាត់ការតាមច្បាប់៕

ព័ត៌មានសង្គម សន្តិសុខ

ជម្លោះពីពាក្យសម្តីកើតជាអំពើហឹង្សាបង្កឱ្យមានរបួសសងខាង

តាកែវ៖ស្ត្រី២ភាគីបានទាស់សម្តីក៏ផ្ទុះហិង្សាដាក់គ្នាដោយម្ខាងយកដុំថ្មទៅវាយគេឱ្យរងរបួសតែម្ខាងទៀតបានតបតវិញបណ្តាលឱ្យរយះក្បាលត្រូវបញ្ជូនទៅមន្ទីរពេទ្យ។អំពើហិង្សារនោះនៅភូមិពោធិ៍ខ្វិត ឃុំព្រះបាទជាន់ជុំ ស្រុកគិរីវង់ ខេត្តតាកែវ កាលពីព្រលប់ថ្ងៃទី២៥ ខែវិច្ឆិកា។ មន្ត្រីនគរបាលស្រុកគិរីវង់បានឱ្យដឹងថា ក្រោយហេតុការណ៍កើតឡើងកម្លាំង នគរបាលប៉ុស្តិ៍ព្រះបាទជាន់ជុំបានចុះពិនិត្យកន្លែងដែលមានជម្លោះនោះ។សមត្ថកិច្ចបានបញ្ជាក់ថា ករណីនេះគឺជាហិង្សាទៅវិញទៅមក បង្កដោយស្ត្រីភាគីម្ខាងមានគ្នា២នាក់ឈ្មោះ វ៉ាសុភ័ក្រ អាយុ៣៨ឆ្នាំនៅភូមិពោធិ៍ខ្វិត ឃុំ ព្រះបាទជាន់ជុំ ស្រុកគិរីវង់ខេត្តតាកែវនិងឈ្មោះ វ៉ា សុខអាង អាយុ៤៣ឆ្នាំនៅភូមិឃុំជាមួយគ្នា។ ទាំង២នាក់បានយកដុំថ្មវាយទៅលើស្រ្តីឈ្មោះឆាយ ពៅ អាយុ៥១ឆ្នាំនៅភូមិឃុំខាងលើបណ្តាលឱ្យរយះក្បាលហូរឈាម។ក្រោយមកនគរបាលស្រុកបាននាំខ្លួនភាគីជម្លោះយកទៅសាកសួរនិងកសាងសំណុំរឿងបញ្ជូនបន្តតាមនីតិវិធី៕

ព័ត៌មានសង្គម សន្តិសុខ

ឃុំខ្លួនជនសង្ស័យប្រើគណនីហ្វេសប៊ុកគេចំនួន៣ពីបទឆបោក

ភ្នំពេញ៖អាវុធហត្ថលើផ្ទៃប្រទេសនិងភ្នំពេញសហការចាប់ជនខិលខូចម្នាក់ដែលបានប្រើគណនីហ្វេសប៊ុករបស់គេចំនួន៣ពីបទឆបោកនិងបញ្ជូនទៅតុលាការឃុំខ្លួនបណ្តោះអាន្ន។លោកឧត្តមសេនីយ៍ត្រីអេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេសបានឱ្យដឹងជាសាធារណៈកាលពីរសៀលថ្ងៃទី២៤ ខែវិច្ឆិកាថា ជនខិលខូចបានប្រើប្រាស់គណនីហ្វេសប៊ុក ឈ្មោះ Vin Vin-សុខចិត្រា-និងPu Chet ដោយប្រើរូបថតរបស់យោធិននៃកងរាជអាវុធហត្ថ ដោយសរសេរអត្ថបទឆបោកស្នើសុំលុយជាសាធារណៈ។ លោកបានបន្តថា បន្ទាប់មកកម្លាំងស្នងការដ្ឋានស្រាវជ្រាវព័ត៌មានសន្តិសុខនៃអាវុធហត្ថលើផ្ទៃប្រទេសជាមួយអាវុធហត្ថភ្នំពេញបានស្រាវជ្រាវនិងចាប់ជនសង្ស័យម្នាក់ឈ្មោះលឹម សិលា ភេទប្រុស អាយុ៣៣ឆ្នាំរួចបានបញ្ជូនទៅតុលាការបន្តនីតិវិធី។ជនសង្ស័យត្រូវបានចៅក្រមស៊ើបសួរចេញដីកាបង្គាប់ឱ្យឃុំខ្លួនពីបទឆបោកកាលពីថ្ងៃទី២៣ ខែវិច្ឆិកាឆ្នាំ២០២២ តាមបញ្ញត្តិមាត្រា៣៧៧ និងមាត្រា៣៧៨ នៃក្រមព្រហ្មទណ្ឌ៕

Featured កម្សាន្ត ប្លែកៗ ព័ត៌មានសង្គម ព័ត៌មានអន្តរជាតិ

ធាត់​ពេក​គេ​មិន​ឱ្យ​ជិះ​យន្តហោះ​ត្រឡប់​ទៅ​ប្រទេស​កំណើត​ប្រេ​ស៊ីល​របស់​នាង​វិញ​

​ អន្តរជាតិ៖តារា​បង្ហាញ​ម៉ូត​មាឌធំ​ដែល​ខឹងសម្បា​ម្នាក់ បាន​និយាយថា នាង​ត្រូវបាន​ឃាត់​មិន​អោយ​ឡើង​យន្តហោះ​ក្រុមហ៊ុន​អាកាសចរណ៍ Qatar Airways​ទៅកាន់​​ប្រទេស​កំណើត​ប្រេ​ស៊ីល​របស់​នាង ដោយសារតែ​នាង​ធាត់​ពេក​អង្គុយ​លើ​កៅអី​របស់​គេ​មិន​បាន​ទេ​។​

ព័ត៌មានសង្គម សន្តិសុខ

រាយខ្សែភ្លើងចេញពីផ្ទះឆក់ត្រីភ្លាត់ស្នៀតឆក់ស្លាប់ខ្លួនឯនៅវាលស្រែ

ស្វាយរៀង៖បុរសម្នាក់បានរាយខ្សែភ្លើងយ៉ាងវែងចេញពីផ្ទះដើម្បីឆក់ត្រីយកធ្វើម្ហូបទំនងខុសបច្ចេកទេសក៏ភ្លាត់ស្នៀតត្រូវចរន្តភ្លើងឆក់ស្លាប់ខ្លួនឯងនៅវាលស្រែ។មន្ត្រីមូលដ្ឋានបានឱ្យដឹងថា ហេតុការណ៍បង្កភ្ញាក់ផ្អើលនោះបានកើតឡើងនៅភូមិតាណរ សង្កាត់ស្វាយតឿ ខេត្តស្វាយរៀងកាលពីថ្ងៃទី២៤ ខែវិច្ឆិកា។អ្នកបាត់បង់ជីវិតឈ្មោះពុធ ថា អាយុ៤៩ឆ្នាំនៅភូមិសង្កាត់ខាងលើ។មុនកើតហេតុឈ្មោះពុធ ថា បានរាយខ្សែភ្លើងប្រមាណ១០០ម៉ែត្រចេញពីផ្ទះទៅវាលស្រែដើម្បីឆក់ត្រីយកធ្វើម្ហូប។មួយសន្ទុះក្រោយមកស្រាប់តែមានការភ្ញាក់ផ្អើលព្រោះឃើញជនរងគ្រោះត្រូវខ្សែភ្លើងឆក់នៅវាលស្រែ។ក្រុមគ្រួសារនិងអ្នកភូមិនាំគ្នាជួយសង្គ្រោះតែបុរសនោះបានស្លាប់បាត់ទៅហើយ។បន្ទាប់មានមនុស្សស្លាប់នគរបាលក្រុងស្វាយរៀងនិងគ្រូពេទ្យបានចុះពិនិត្យសពហើយបានបញ្ជាក់ថា ជនរងគ្រោះស្លាប់ដោយសារខ្សែភ្លើងឆក់ពិតមែនព្រោះមិនមានស្លាកស្នាមអ្វីពាក់ព័ន្ធករណីឃាតកម្មនោះទេ៕

ព័ត៌មានសង្គម សន្តិសុខ សេដ្ឋកិច្ច

សមត្ថកិច្ចរកឃើញ​ឈើជាច្រើនកំណា​ត់ក្នុងចម្ការដូងមួយ​នៅខេត្តកំពង់ស្ពឺ

កំពង់ស្ពឺ៖កម្លាំងនគរបាលប្រឆាំងបទល្មើសសេដ្ឋកិច្ចខេត្តកំពង់ស្ពឺបានស្រាវជ្រាវរកឃើញ ឈើប្រណីតជាច្រើនកំណាត់ដែលក្រុមឈ្មួញយកលាក់ទុកក្នុងចម្ការដូងមួយកន្លែង។ មន្ត្រីក្នុងប្រតិបត្តិការបានឱ្យដឹងនៅព្រឹកថ្ងៃទី២៥ ខែវិច្ឆិកានេះថា ផ្នែកជំនាញបានរកឃើញ កំណាត់ឈើប្រណីតប្រភេទសុក្រំចំនួន១៨ដុំ។ឈើនោះត្រូវឈ្មួញបានយកមកលាក់ទុកក្នុងដីចម្ការដូងមួយកន្លែងស្ថិតក្នុងភូមិត្រពាំងប្រិយ៍ ឃុំក្រាំងដីវ៉ាយ ស្រុកភ្នំស្រួច ខេត្ដកំពង់ស្ពឺកាលពីរសៀលថ្ងៃទី២៤ ខែវិច្ឆិកា។ ក្រោយមកសមត្ថកិច្ចបន្ដស្រាវជ្រាវរកឈ្មួញពាក់ព័ន្ធបទល្មើសខាងលើនិងដកហូតវត្ថុតាងមានឈើសុក្រំចំនួន១៨ដុំមិនទាន់វាស់វែងត្រូវដឹកជញ្ជូនទៅរក្សាទុកនៅស្នាក់ការបរិស្ថានចំបក់ក្នុងឧទ្យានជាតិ ព្រះកុសុមៈគីរីរម្យជាបណ្ដោះអាសន្នដើម្បីបន្តនីតិវិធី៕

ព័ត៌មានសង្គម សន្តិសុខ

ដេញចាប់អ្នករត់ផាស្អេបម្នាក់ចាញ់ល្បែងភ្នាល់បាល់លួចទូរសព្ទគេ

ភ្នំពេញ៖នគរបាលខណ្ឌកំបូលដេញស្ទាក់ចាប់បានអ្នករត់ផាស្អេបម្នាក់ចាញ់ល្បែងភ្នាល់បាល់ក៏លួចទូរសព្ទម៉ាក I phone11proគេទុកក្នុងផ្ទះលក់ទំនិញហើយព្យាយាមបើករត់។ករណីនោះបានកើតឡើងនៅតាមផ្លូវបេតុង ក្បែរវត្តអង្គបឹងចក ភូមិអង្គបឹងចក ខណ្ឌកំបូល កាលពីម៉ោង១០ថ្ងៃទី២៤ ខែវិច្ឆិកា។មន្ត្រីសមត្ថកិច្ចបានឱ្យដឹងថា មុនកើតហេតុអ្នកបើកផាស្អេបម្នាក់បានចូលទៅរកទិញអីវ៉ាន់ផ្ទះអ្នកលក់ចាបហួយមួយកន្លែងហើយក៏ឃើញទូរសព្ទម៉ាក I phone11pro មួយគ្រឿងម្ចាស់ទុកចោល។ខណៈម្ចាស់ផ្ទះរវល់លក់ដូរឱកាសល្អបុរសនោះបានលួចយកហើយព្យាយាមបើកផាស្អេបរត់គេចខ្លូន។បន្ទាប់មកម្ចាស់បាត់ទូរសព្ទសង្ស័យលើបុរសបើកផាស្អេបក៏ប្តឹងសមត្ថកិច្ចដេញតាមស្ទាក់ចាប់ បាននៅក្បែរវត្តអង្គបឹងចករកឃើញទូរសព្ទមកវិញរួចនាំខ្លួនទាំងមធ្យោបាយទៅប៉ុស្តិ៍រដ្ឋបាលឪឪឡោក។តាមចម្លើយសារភាពជនសង្ស័យបានប្រាប់ថា ខ្លួនអស់លុយដោយសារញៀនល្បែងភ្នាល់បាល់ដោយឃើញម្ចាស់ផ្ទះទុកទូរសព្ទចោលក៏លួចយកតែម្តង។ក្រោយសាកសួររួចបានកសាងសំណុំរឿងបញ្ជូនទៅផ្នែកជំនាញដើម្បីអនុវត្តនីតិវិធី៕

ព័ត៌មានសង្គម សន្តិសុខ

អាចមកពីធ្វេសប្រហែសបណ្តាលឱ្យកូនតូចធ្លាក់ទឹកលង់ស្លាប់

ពោធិ៍សាត់៖ក្មេងតូចម្នាក់អាចមកពីធ្វេសប្រហែសបានធ្លាក់ពីលើផ្ទះបណ្តែតទឹកចូលទន្លេបណ្តាលឱ្យលង់ស្លាប់ខណៈម្តាយទុកចោលនៅខាងមុខផ្ទះហើយទៅដាំបាយឯខាងក្រោយ។អាជ្ញាធរមូលដ្ឋានបានឱ្យដឹងថា ករណីនោះបានកើតឡើងនៅភូមិដីរនាត ឃុំមេទឹកស្រុកបាកាន ខេត្តពោធិ៍សាត់កាលពីរសៀលថ្ងៃទី២៣ ខែវិច្ឆិកា។ក្មេងប្រុសរងគ្រោះបាត់បង់ជីវិតឈ្មោះ ដូង ជីវ័ន្ត អាយុ២ឆ្នាំឪពុកឈ្មោះ ថៃ ដូង អាយុ៣៤ឆ្នាំម្ដាយឈ្មោះ ហេង ហួច អាយុ ៣៣ឆ្នាំពួគេនៅភូមិដីរនាត ឃុំមេទឹក ស្រុកបាកាន ខេត្តពោធិ៍សាត់។ ស្ត្រីជាម្ដាយបានឱ្យដឹងថា កាលពីម៉ោងជាង១១ថ្ងៃត្រង់ថ្ងៃទី២៣ ខែវិច្ឆិកា មុនកើតហេតុខ្លួនបានទុកកូនចោលនៅខាងមុខផ្ទះបណ្តែតលើទឹកហើយបានទៅដាំបាយនៅខាងក្រោយ។ពេលត្រឡប់មកវិញស្រាប់តែកូនធ្លាក់ចូលទឹកទន្លេបាត់ទៅហើយ។ពេលនោះខ្លួនជាមួយប្តីនិងអ្នកជិតខាងចុះរាវរករហូតមកដល់រសៀលថៃ្ងដដែលទើបរកសពកូនឃើញ៕

ព័ត៌មានសង្គម សន្តិសុខ

ចាប់ប្តីប្រើអំពើហឹង្សាលើប្រពន្ធឱ្យរបួសធ្ងន់រឿងលក់ដីមិនឱ្យដឹង

ពោធិ៍សាត់៖សមត្ថកិច្ចស្រុកកណ្តៀងបានឃាត់ខ្លួនបុរសម្នាក់ពាក់ព័ន្ធបង្កអំពើហឹង្សាលើប្រពន្ធ បណ្តាលឱ្យរងរបួសធ្ងន់ខណៈប្រពន្ធលក់ដីមិនឱ្យប្តីដឹង។ លោកវរសេនីយ៍ទោកែ ហុងឈាង អធិការរងនគរបាលស្រុកកណ្តៀងបានឱ្យដឹងថា ករណីនោះកើតនៅភូមិនៅកញ្ជើបាយដាច ឃុំអន្លង់វិល ស្រុកកណ្តៀង ខេត្តពោធិ៍សាត់ កាលពីព្រលប់ថ្ងៃទី២៣ ខែវិច្ឆិកា។ ជនសង្ស័យឈ្មោះ ស៊ី ម៉ៅអាយុ៣០ឆ្នាំប្រពន្ធឈ្មោះនឿន ចាន់ថា អាយុ៣១ឆ្នាំពួកគេនៅភូមិ ឃុំខាងលើ។មុនកើតហេតុគ្រួសារនេះបានឈ្លោះប្រកែកនិងមានសម្តីធ្ងន់ៗដាក់គ្នាទៅវិញទៅមក។ពេលនោះប្តីបានប្រើអំពើហឹង្សាវាយដុំលើប្រពន្ធបណ្តាលឱ្យរងរបួសធ្ងន់ធ្ងរដោយមូលហេតុកើតឡើងពីរឿងប្រពន្ធលក់ដីមិនឱ្យប្តីដឹង។ភ្លាមៗនោះកម្លាំងបានចុះអន្តរាគមន៍ឃាត់និងនាំខ្លួន ប្តីបញ្ជូនទៅអធិការដ្ឋាននគរបាលស្រុកកណ្តៀងដើម្បីអនុវត្តតាមនីតិវិធី៕

Featured ព័ត៌មានសង្គម សន្តិសុខ

ឃុំខ្លួនអ្នកសារព័ត៌មាន៣នាក់ដាក់ពន្ធនាគារសង្ស័យជំរិតទារលុយ

ព្រះវិហារ៖កម្លាំងនគរបាលខេត្តព្រះវិហារបានចាប់អ្នកសារព័ត៌មាន៣នាក់ចំណោម៤នាក់បញ្ជូនទៅតុលាការឃុំខ្លួនបណ្តោះអាសន្នជាប់ចោទករណីជំរិតទារលុយ។សមត្ថកិច្ចបានឱ្យដឹងថា ករណីនេះកើតនៅភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ស្ថិតនៅភោជនីដ្ឋាផ្កាយព្រឹក២ ក្នុងបន្ទប់ karaok.vip2 កាលពីថ្ងៃទី២១ ខែវិច្ឆិកា។ការចាប់ខ្លួនជនសង្ស័យតាមបណ្តឺងរបស់ឈ្មោះ សាតណាក់ ភេទប្រុស អាយុ៣០ឆ្នាំ អ្នកលក់ដូរនៅសង្កាត់ដំរីជាន់ខ្លា ក្រុងស្ទឹងសែន។ក្នុងបណ្តឹងបានចោទប្រកាន់ថាអ្នកសារព័ត៌មានទាំង៤នាក់នោះបានជំរិតទារលុយចំនួន៤.០០០ដុល្លារតែសម្រួលនៅត្រឹម២១៥០ដុល្លារប៉ុណ្ណោះ។ជនសង្ស័យ-ឈ្មោះ មុំ វិបុល អាយុ៤៤ឆ្នាំអ្នកសារព័ត៌មានប៉ុស្តិ៍លេខ៣នៅភូមិជៀស ឃុំថ្មពូន ខេត្តត្បូងឃ្មុំ។ឈ្មោះ តិន ទ្រី អាយុ២៩ឆ្នាំអ្នកសារព័ត៌មាន រស្មីឆ្នាំងមាស-ឈ្មោះ តិនស៊ីថា អាយុ២៧ឆ្នាំអ្នកសារព័ត៌មាន ខេមមេឌៀ។២នាក់នេះរស់នៅភូមិមឺនរាជ ឃុំខ្យង ស្រុកជ័យសែនខេត្តព្រះវិហារនិងឈ្មោះញ៉ែម  មិនទាន់ស្គាល់អត្តសញ្ញាណបានរត់គេចខ្លួន។ទាំង៣នាក់ត្រូវបានចៅក្រមចេញដីកាឃុំខ្លួនដាក់ពន្ធនាគាខេត្តបណ្តោះអាសន្នកាលពីល្ងាចថ្ងៃទី២៣ ខែវិច្ឆិកាដើម្បីស៊ើបអង្កេតបន្ត៕ដោយ៖សៅវ៉ាន់់ឌី