សន្តិសុខ

បញ្ជូនឧក្រិដ្ឋជនគ្រឿងញៀន២នាក់ទៅតុលាការនិងវត្ថុតាងជាង៥០គីឡូ

ភ្នំពេញ៖កម្លាំងអគ្គស្នងការនគរបាលជាតិកាលពីថ្ងៃទី២៤ខែកក្កដាបានបញ្ជូនឧក្រិដ្ឋជនគ្រឿងញៀន២នាក់ទៅតុលាការរាជធានីភ្នំពេញជាមួយវត្ថុតាងជាង៥០គីឡូក្រាម។ គួរបញ្ជាក់កាលពីថ្ងៃទី ២០ ខែកក្កដា ឆ្នាំ២០២១ សមត្ថកិច្ចនៃមន្ទីរប្រឆាំងបទល្មើសគ្រឿងញៀន(ក១) សហការជាមួយកម្លាំងជំនាញនគរបាលរាជធានីភ្នំពេញចុះស្រាវជ្រាវ និងឈានទៅបង្ក្រាបឧក្រិដ្ឋជនជួញដូរគ្រឿងញៀននៅ៤ទីតាំងផ្សេងគ្នា ។ ទី១នៅម្តុំផ្លូវលំ សង្កាត់ទួលសង្កែរ១ ខណ្ឌឬស្សីកែវ,ទី២ នៅ ត្រង់អតីតរោងចក្រទឹកដោះគោ ផ្លូវជាតិលេខ៥ សង្កាត់ទួលសង្កែរ១ ខណ្ឌឬស្សីកែវ,ទី៣នៅម្តុំផ្ទះជួលលេខ១៣២៩ ផ្លូវ១០៣ ភូមិទួលថ្លាន់ សង្កាត់ទួលសង្កែ២ ខណ្ឌឬស្សីកែវ និងទី៤ ផ្ទះដេ២ ផ្លូវបេតុង ភូមិក្រាំងធ្នង់ សង្កាត់ក្រាំងធ្នង់ ខណ្ឌសសែនសុខ រាជធានីភ្នំពេញ ។ ជនសង្ស័យ ២នាក់នេះ ឈ្មោះ សាន ពិសិដ្ឋ អាយុ ៣៧ ឆ្នាំនិងឈ្មោះ សុខ ពន្លកអាយុ ៣០ឆ្នាំ ។វត្ថុតាងចាប់បានគ្រឿងញៀនសរុបជាង ៥០គីឡូក្រាម,មេតំហ្វេតាមីន៣០កញ្ចប់ធំ ៤កញ្ចប់តូច,កេតាមីន២០កញ្ចប់ធំ ទូរសព្ទ៣គ្រឿង-ម៉ូតូ មួយគ្រឿង -រថយន្ត មួយគ្រឿង ។បច្ចុប្បន្ន ជនសង្ស័យ និងវត្ថុតាងបានបញ្ជូនទៅតុលាការរាជធានីភ្នំពេញដើម្បីបន្តនីតិវិធី៕ដោយ៖

Featured សន្តិសុខ

ឧក្រិដ្ឋជន៥នាក់និងគ្រឿងញៀនជាង១៥៦គីឡូបញ្ជូនទៅតុលាការ

ភ្នំពេញ៖កម្លាំងមន្ទីរប្រឆាំងគ្រឿងញៀននិងនគរបាលក្រុងភ្នំពេញកាលពីថ្ងៃទី២៤ កក្កដាបានបញ្ជូនឧក្រិដ្ឋជន៥នាក់និងគ្រឿងញៀនជាង១៥៦គីឡូក្រាមទៅតុលាការ។ ឧក្រិដ្ឋជន៥នាក់​នេះជនជាតិវៀតណាម៤នាក់ខ្មែរម្នាក់និងគ្រឿងញៀនជាង១៥៦គីឡូក្រាមដែលកម្លាំងមន្ទីរប្រឆាំងគ្រឿង ញៀនសហការនិងនគរបាលក្រុងភ្នំពេញបង្រ្កាបបានកាលពីពាក់កណ្តាលយប់ថ្ងៃទី ២០ ខែកក្កដាកន្លងទៅនៅផ្ទះលេខ ៨០ផ្លូវM៣ បុរីប៉េងហូត ម្តុំបឹងស្នោសង្កាត់និរោធនិ៍ ខណ្ឌច្បារអំពៅ ។ សមត្ថកិច្ចដកហូតបានគ្រឿងញៀនប្រភេទអ៊ិចស្តាស៊ីទម្ងន់សុទ្ធជាង ១០១គីឡូក្រាម,កាទីណូន ទម្ងន់សុទ្ធជាង ៣៩គីឡូក្រាម ,មេតំហ្វេតាមីនទម្ងន់សុទ្ធជាង ១៤គីឡូក្រាម និង កេតាមីនទម្ងន់ជាង ១១គីឡូក្រាម សរុបជាង ១៥៦គីឡូក្រាម។ក្រៅពីនោះនៅមានឧបករណ៍ សម្ភារសម្រាប់កែច្នៃផលិតនិងវេចខ្ចប់គ្រឿងញៀនជាច្រើនប្រភេទទៀតត្រូវសមត្ថកិច្ចរឹបអូសបាននិង បញ្ជូនទៅតុលាការចាត់ការតាមច្បាប់៕ដោយ៖មនោរម្យ

សន្តិសុខ

ចុះកាប់បំផ្លាញដំណាំកញ្ឆាល្មើសច្បាប់១៣ទីតាំងក្នុងស្រុកគិរីវង់

តាកែវ៖សមត្ថកិច្ចបានចុះកាប់បំផ្លាញដំណាំកញ្ឆាដែលជនល្មើសដាំដោយខុសច្បាប់នៅលើទីតាំងចំនួន១៣ក្នុងស្រុកគិរីវង់ខេត្តតាកែវកាលពីថ្ងៃទី២៥ ខែកក្កដា។ លោកវរសេនីយ៍ឯក យុគ សារ៉ាត់ អធិការដ្ឋាននគរបាលស្រុកគិរីវង់បានឱ្យដឹងថា កម្លាំងនគរបាលស្រុកជាមួយនគរបាលប៉ុស្តិ៍រដ្ឋបាលទាំង១២បាន ឡើងលើភ្នំរុករកនិងបានកាប់ដំណាំកញ្ឆាដែលជនខិលខូចលួចដាំដោយខុសច្បាប់។ ក្នុងនោះបានដុតបំផ្លាញដើមកញ្ឆាជាច្រើនដើមលើទីតាំងចំនួន ១៣, អាងស្តុកទឹកចំនួន ៩, នៅត្រង់ដុបគុហារចិន និងដុបដាដំរីលេងក្នុងឃុំព្រះបាទជាន់ជុំ ស្រុកគិរីវង់ ដែលមានផ្ទៃដីប្រមាណ ២.៦៣២ម៉ែត្រការ៉េ។បច្ចុប្បន្នកម្លាំងជំនាញ កំពុងស្រាវជ្រាវស្វែងរកម្ចាស់ទីតាំងជាអ្នកដាំដំណាំកញ្ឆានេះ ដើម្បីយកមកផ្តន្ទាទោសតាមច្បាប់៕ដោយ៖ដូនកែវ

Featured ព័ត៌មានសង្គម សន្តិសុខ សេដ្ឋកិច្ច

ជំនាញរកឃើញមេតាណុលជិត២ម៉ឺនលីត្រកំពុងចរាចរលើទីផ្សារ

ភ្នំពេញ៖អាល់កុលក្លែងក្លាយចំនួន៦២៩កានស្មើនឹង១៨.៨៧០លីត្រត្រូវមន្ត្រីអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំបង្ក្រាបបាននៅរាជធានីភ្នំពេញ ។ រូបភាពពី៖អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំ ។ បន្ទាប់ពីបានទទួលករណីសង្ស័យលើការចរាចរអាល់កុលក្លែងក្លាយលើទីផ្សារកាលពីយប់ថ្ងៃទី២២ ខែកក្កដាមន្រ្តីអគ្គនាយកដ្ឋាន ក.ប.ប. បានចុះអង្កេតតាមបណ្តោយផ្លូវ ៣៧១ លើមធ្យោបាយដឹកជញ្ជូនជាម៉ូតូកង់បី និងរថយន្តដឹកអាល់កុល។ ជាលទ្ធផលចាប់ បាន ម៉ូតូកង់បី៤គ្រឿង និងរថយន្តកូរ៉េ១គ្រឿង សរុបមានអាល់កុលចំនួន១១២កាន ស្មើនឹង៣.៣៦០លីត្រ។ នៅព្រឹកថ្ងៃទី២៣ ខែកក្កដា ឆ្នាំ២០២១ មន្រ្តីអគ្គនាយកដ្ឋាន ក.ប.ប. បាន ចុះឆែកឆេរទីតាំងស្កុក ដោយមានការឯកភាពពីឯកឧត្តមព្រះរាជអាជ្ញាបានចុះត្រួតពិនិត្យ ដកហូតនិងឃាត់ទុកបណ្តោះអាសន្ន មេតាណុល និងអេតាណុលសរុបចំនួន៦២៩កាន ស្មើនឹង ១៨.៨៧០លីត្រ នៅទីតាំងស្តុកទុកមួយកន្លែងស្ថិតក្នុងភូមិសាស្រ្តខណ្ឌខណ្ឌដង្កោ រាជធានីភ្នំពេញ។ សមត្ថកិច្ចចម្រុះសម្រេចបិទសៀលឃ្លាំងជាបណ្តោះ អាសន្ន ដើម្បីដោះស្រាយតាមផ្លូវច្បាប់៕ដោយ៖មនោរម្យ

សន្តិសុខ

សមត្ថកិច្ចចាប់ជនសង្ស័យ៥នាក់ករណីលួចរថយន្ត

ពោធិ៍សាត់៖តាមបណ្តឹងពីម្ចាស់រថយន្តកាលពីវេលាទៀបភ្លឺចូលថ្ងៃទី២៣ខែកក្កដាកម្លាំងនគរបាលស្រុកក្រគរខេត្តពោធិ៍សាត់បានស្រាវជ្រាវចាប់ចោរលួចរថយន្តបាន៥នាក់។រថយន្តបានបាត់នៅម្តុំក្បាលសែប ឃុំសែប ស្រុកកំពង់ត្រឡាច ខេត្តកំពង់ឆ្នាំង។ ម្ចាស់រថយន្ត ឈ្មោះ ដាំង ថុណា ភេទប្រុសអាយុ៣៥ឆ្នាំ រស់នៅភូមិឃុំខាងលើ។ម្ចាស់បានប្រាប់ថា នៅថ្ងៃទី២៣ខែ កក្កដាវេលាទៀបភ្លឺ ខ្លួនបានដាក់រថយន្តម៉ាកសាំយ៉ុង នៅមុខផ្ទះ លុះងើបពីដំណេកក៏បាត់រថយន្តតែម្តង។ មន្ត្រីនគរបាលបានឱ្យដឹងថា ជនសង្ស័យមានគ្នា៥នាក់,ឈ្មោះ ឱ ភារិទ្ធ អាយុ៣៤ឆ្នាំ,ឈ្មោះចាន់ ធី អាយុ៣៦ឆ្នាំ,ឈ្មោះ ខាត់ រ៉ា អាយុ៤៧ឆ្នាំ,ឈ្មោះ ប៉ក មេត្តា អាយុ៣៦ឆ្នាំនិង,ឈ្មោះ ឆេង រ៉ា អាយុ៤០ឆ្នាំ ។ចំពោះជនសង្ស័យទាំង៥នាក់និង វត្ថុតាង បានប្រគល់ជូនសមត្ថកិច្ចនៅខេត្តកំពង់ឆ្នាំងតាមបញ្ជាលោក កូយ កាន់យ៉ា ព្រះរាជអាជ្ញាសាលាដំបូងខេត្តពោធិ៍សាត់៕ដោយ៖ឃ្លាំងមឿង

សន្តិសុខ

ចោរលួចរថយន្តនិងម៉ូតូគេចចេញពីខេត្តកំពតមកជាប់ខ្នោះនៅខេត្តពោធិ៍សាត់

ពោធិ៍សាត់៖មុខសញ្ញាលួចរថយន្តនិងម៉ូតូមានដៃគូជាសង្សារផងបានគេចចេញពីខេត្តកំពតមកសង្ងំលាក់ខ្លួននៅខេត្តពោធិ៍សាត់ត្រូវសមត្ថកិច្ចបានស្រាវជ្រាវចាប់វ៉ៃខ្នោះ។ លោក ឧត្ដមសេនីយ៍ត្រី ម៉ូ លីដា ស្នងការរងទទួលផែនការងារព្រហ្មទណ្ឌ បានឱ្យដឹងថាកម្លាំងបានចុះស្រាវជ្រាវមុខសញ្ញាចោរលួចរថយន្ត និងកាច់សោ.កម៉ូតូឈានដល់ចាប់ខ្លួនបានរួមទាំងនារីជាសង្សារផងដែរ។ប្រតិបត្តិការចាប់ខ្លួនជនសង្ស័យធ្វើឡើងកាលពីរសៀលថ្ងៃទី២៣ ខែកក្កដា ឆ្នាំ២០២១នៅត្រង់ផ្ទះសំណាក់យីហោអង្គារមាស់ស្ថិតនៅភូមិពោធិ៍តាគួយ សង្កាត់លលកស ខេត្តពោធិ៍សាត់ ។ ជនសង្ស័យឈ្មោះ អ៊ុន សុខហន អាយុ ៥០ឆ្នាំ នៅភូមិត្រពាំងចក ឃុំថ្មី ស្រុកកណ្ដាលស្ទឹង ខេត្តពោធិ៍សាត់ និងនារីជាសង្សារឈ្មោះ ណយ នី អាយុ ៣៥ឆ្នាំ នៅភូមិត្រពាំងរាំង ឃុំខ្វាវ ស្រុកសំរោង ខេត្តតាកែវ ។ជននេះបានគេចខ្លួនពីខេត្តកំពត មកពួនសង្ងំនៅខេត្តពោធិ៍សាត់ ម្តុំកន្លែងចាប់ខ្លួន ។ជននេះធ្លាប់ធ្វើសកម្មភាពនៅគ្រប់ទីកន្លែង ក្នុងនោះសមត្ថកិច្ចរកឃើញសៀវភៅពិនិត្យសុខភាព និងបើកថ្នាំជំងឺអេដ៍ ជារបស់ជនសង្ស័យ។ វត្ថុតាងរួមមានៈ រថយន្ត១គ្រឿង លុយក្រដាស២ដុល្លារ ១សន្លឹក លុយខ្មែរចំនួន៤៣ម៉ឺនរៀល អត្តសញ្ញាណប័ណ្ណ១សន្លឹក ទូរសព្ទ៣គ្រឿង ។ ជនសង្ស័យជាមុខសញ្ញារួមទាំងស្រ្តីជាសង្សារ និងវត្ថុតាងទាំងអស់ បានប្រគល់ទទួលជូនសមត្ថកិច្ចនគរបាលខេត្តកំពតវិញ៕ដោយ៖ឃ្លាំងមឿង

សន្តិសុខ

ស្រវឹងបើករថយន្តលេខយោធាបុកពីរគ្រឿងខូចខាតធ្ងន់ធ្ងរ

ភ្នំពេញ៖បុរសម្នាក់ស្រវឹងស្រាបើករថយន្តលេខយោធាទៅបុករថយន្តចតចិញ្ចើមផ្លូវហើយបន្តទៅមុខបុកមួយគ្រឿងទៀតកំពុងបើកឆ្លងផ្លូវបណ្តាលឱ្យខូចខាតធ្ងន់ធ្ងរ។គ្រោះថ្នាក់ចរាចរណ៍កើតចេញពីការស្រវឹងនេះនៅតាមបណ្ដោយផ្លូវ២៨ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញកាលពីយប់ថ្ងៃទី២៣ខែកក្កដាឆ្នាំ២០២១។រថយន្តបង្កម៉ាកហ្វត ពាក់លេខខេមរភូមិន្ទតៃកុងរថយន្តមានសភាពស្រវឹងស្រាបើកក្នុងល្បឿនលឿន។ មកដល់កន្លែងកើតហេតុ រថយន្តនេះបានបុករថយន្តតាកូម៉ារួចបន្តទៅបុករថយន្តមួយគ្រឿងទៀត បណ្តាលឱ្យខូចខាត ផ្នែកខាងមុខធ្ងន់ធ្ងរ ។ក្រោយមកខាងរថយន្តបង្កបានចរចាដោះស្រាយគ្នា និងចេញសំណង៣០០ដុល្លារនិងមួយទៀត១៥០ដុល្លារ ដើម្បីបញ្ចប់រឿង៕ដោយ៖ចំប៉ា

សន្តិសុខ

លួចរថយន្តពីមណ្ឌលគីរីសមត្ថកិច្ចចាប់បាននៅត្បូងឃ្មុំ

មណ្ឌលគិរី៖ចោរម្នាក់បានលួចរថយន្តម៉ាកសាំយ៉ុងចេញពីខេត្តមណ្ឌលគីរីត្រូវសមត្ថកិច្ចខេត្តត្បូងឃ្មុំចាប់ដាក់ខ្នោះ។ ហេតុការណ៍លួចរថយន្តនេះបានកើតឡើងនៅត្រង់បេនរថយន្ត ស្ថិតនៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី កាលពីថ្ងៃទី២៣ខែ កក្កដា ឆ្នាំ២០២១។ រថយន្តម៉ាកសាំងយ៉ុង ជាកម្មសិទ្ធិរបស់ម្ចាស់ឈ្មោះ អឿន សារ៉ន ភេទប្រុស  អាយុ ២៨  ឆ្នាំ ។ជនសង្ស័យឈ្មោះ វុទ្ធី  សៀង  ភេទប្រុសអាយុ ២១ឆ្នាំ នៅ ភូមិព្រែកពោធិ៍ ឃុំគគីស្រុកកៀនស្វាយ  ខេត្តកណ្តាល។កម្លាំងនគរបាលខេត្តមណ្ឌលគិរី បានសហការជាមួយកម្លាំង នគរបាលស្រុកមេមត់ ខេត្តត្បូងឃ្មុំ ចាប់ជនសង្ស័យបាន នៅត្រង់ភូមិស្លា ឃុំទន្លូង ស្រុកមេមត់ ខេត្តត្បូងឃ្មុំ  និងដកហូតបានរថយន្ត១គ្រឿងដែលជាកម្មសិទ្ឋជនរងគ្រោះខាងលើ។ បច្ចុប្បន្នជនសង្ស័យ ត្រូវកម្លាំង ព្រហ្មទណ្ឌនាំខ្លួនយកទៅកាន់ស្នងការដ្ឋាននគរបាលខេត្តមណ្ឌលគិរី ដើម្បីកសាងសំណុំរឿងបញ្ជូនខ្លួនទៅតុលាការចាត់កាទៅតាមច្បាប់៕ដោយ៖

សន្តិសុខ

ជិះម៉ូតូបុកចំហៀងកុងតីន័របានស្លាប់ក្រោមរថយន្ត

តាកែវ៖បុរសម្នាក់បានបានស្លាប់ភ្លាមពេលជិះម៉ូតូលឿនបុករថយន្តកុងតីន័រពីចំហៀងពេញទំហឹងហើយក៏ខ្ទាតចូលក្រោមរថយន្ត។សពជនគ្រោះមិនទាន់ស្គាល់អត្ដសញ្ញាណនៅឡើយទេ។ គ្រោះថ្នាក់ចរាចរណ៍នេះបានកើតឡើងនៅតាមផ្លូវជាតិលេខ៣ ត្រង់ផ្សារថ្នល់បត់ឃុំបឹងក្រាញ់ក្នុងស្រុកសំរោង ខេត្តតាកែវ កាលពីរសៀល រសៀល ថ្ងៃទី២៣ ខែកក្កដា ឆ្នាំ២០២១។ មុនពេលហេតុការណ៍គេបានឃើញបុរសម្នាក់ជិះម៉ូតូ ធ្វើដំណើរតាមបណ្ដោយផ្លូវជាតិលេខ៣ ។ ពេល មកដល់ត្រង់កន្លែងកើតហេតុបុករថយន្តម៉ាកកុងតីន័រសណ្ដោងរ៉ឺម៉ក របស់ក្រុមហ៊ុនមួយពីចំហៀង បណ្ដាលឱ្យម៉ូតូខ្ទាតចូលទៅក្រោមរថយន្តអ្នកបើកបរដួលបោកក្បាលស្លាប់ក្នុងថ្លុកឈាមយ៉ាងអាណោចអាធ័ម។ក្រោយកើតហេតុសមត្ថកិច្ចចុះ យកមធ្យោបាយមកររក្សាទុក ដោះស្រាយពេលក្រោយនិងស្វែងរកសាច់ញាតិសពមកទទួលយក៕ដោយ៖ដូនកែវ  

សន្តិសុខ

បុរសម្នាក់កំពុងជិះកង់ស្រាប់តែដួលស្លាប់នៅតាមផ្លូវ

ភ្នំពេញ៖បុរសជាសន្តិសុខម្នាក់ កំពុងតែជិះកង់មិនដឹងថាមានបញ្ហាអ្វី ស្រាប់តែដួលស្លាប់នៅតាមចិញ្ចើមថ្នល់យ៉ាងអណោចអាធ័ម។ហេតុការណ៍នេះ ត្រូវបាន ប្រជាពលរដ្ឋប្រទះឃើញ  នៅត្រង់ផ្លូវបេតុងខាងកើតវត្តអង្គតាមិញ ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញកាលពីវេលាម៉ោងជាង ៩ព្រឹក ថ្ងៃទី២៤ ខែ កក្កដា  ឆ្នាំ២០២១។ ជនរងគ្រោះខាងលើ ឈ្មោះ  វង្ស ផេង អាយុ៥១ជាបុគ្គលិកក្រុមសន្តិសុខឯកជន MPA ទីលំនៅក្បែរទីតាំងកន្លែងកើតហេតុ ។ការស្លាប់របស់ជនរងគ្រោះគឺនៅ មិនទាន់បានដឹងអំពីមូលហេតុពិតប្រាកដនៅឡើយនោះគឺ ស្ថិតនៅក្រោមការធ្វើ កោសល្យវិច័យពីខាងសមត្ថកិច្ចជំនាញ៕ដោយ៖ចំប៉ី