Featured ព័ត៌មានសង្គម សន្តិសុខ

ក្មេងទំនើង២នាក់ប្រើដាវកាប់បុរសម្នាក់ឱ្យរយះក្បាលរបួសធ្ងន់

ព្រះសីហនុ៖កម្លាំងនគរបាលខេត្តព្រះសីហនុបានចាប់ក្មេងទំនើង២នាក់ករនីប្រើដាវកាប់លើបុរសម្នាក់បណ្តាលឱ្យរយះក្បាលរងរបួសធ្ងន់ត្រូវបញ្ជូនទៅមន្ទីរពេទ្យភ្លាមៗ។ករណីនោះបានកើតឡើងនៅម្ដុំផ្សារដំរី៥ ជិតរង្វង់មូលតោ២ស្ថិតក្នុងសង្កាត់លេខ៤ ខេត្តព្រះសីហនុកាលពីយប់ថ្ងៃទី២៥ ខែវិច្ឆិកា។ប្រជាពលរដ្ឋបានឱ្យដឹងថា ដំបូងមានបុរស២នាក់ជិះម៉ូតូ២គ្រឿងមកឈប់កន្លែងខាងលើហើយបានចុះពីលើម៉ូតូកាន់ដាវទៅកាប់លើបុរសម្នាក់ទៀតបណ្ដាលឱ្យរងរបួសរយះក្បាលហូរឈាមស្រោចខ្លួនត្រូវបានបញ្ជូនទៅមន្ទីពេទ្យ។ ពេលនោះសមត្ថកិច្ចបានចុះទៅឃាត់ខ្លួនជនសង្ស័យ២នាក់នោះយកទៅស្នងការដ្ឋាននគរបាលខេត្ត។ក្នុងនោះដកហូតបវត្ថុតាងមាន-ដាវ១-កាំភ្លើងខ្លី១ដើម-ទូរសព្ទ៣គ្រឿង-ម៉ូតូ២គ្រឿងម៉ាកហុងដាឌ្រីមផ្លាកលេខកំពត1O-8630-ម៉ាកស្កុបពីគ្មានផ្លាកលេខនិងសម្ភារមួយចំនួនទៀត ។ក្រោយចាប់ខ្លួនជនសង្ស័យ២នាក់ខាងលើត្រូវបានសមត្ថកិច្ចបានកសាងសំណុំរឿងចាត់ការតាមច្បាប់៕

Featured កម្សាន្ត ប្លែកៗ ព័ត៌មានសង្គម ព័ត៌មានអន្តរជាតិ

ធាត់​ពេក​គេ​មិន​ឱ្យ​ជិះ​យន្តហោះ​ត្រឡប់​ទៅ​ប្រទេស​កំណើត​ប្រេ​ស៊ីល​របស់​នាង​វិញ​

​ អន្តរជាតិ៖តារា​បង្ហាញ​ម៉ូត​មាឌធំ​ដែល​ខឹងសម្បា​ម្នាក់ បាន​និយាយថា នាង​ត្រូវបាន​ឃាត់​មិន​អោយ​ឡើង​យន្តហោះ​ក្រុមហ៊ុន​អាកាសចរណ៍ Qatar Airways​ទៅកាន់​​ប្រទេស​កំណើត​ប្រេ​ស៊ីល​របស់​នាង ដោយសារតែ​នាង​ធាត់​ពេក​អង្គុយ​លើ​កៅអី​របស់​គេ​មិន​បាន​ទេ​។​

Featured ព័ត៌មានសង្គម សន្តិសុខ

ឃុំខ្លួនអ្នកសារព័ត៌មាន៣នាក់ដាក់ពន្ធនាគារសង្ស័យជំរិតទារលុយ

ព្រះវិហារ៖កម្លាំងនគរបាលខេត្តព្រះវិហារបានចាប់អ្នកសារព័ត៌មាន៣នាក់ចំណោម៤នាក់បញ្ជូនទៅតុលាការឃុំខ្លួនបណ្តោះអាសន្នជាប់ចោទករណីជំរិតទារលុយ។សមត្ថកិច្ចបានឱ្យដឹងថា ករណីនេះកើតនៅភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ស្ថិតនៅភោជនីដ្ឋាផ្កាយព្រឹក២ ក្នុងបន្ទប់ karaok.vip2 កាលពីថ្ងៃទី២១ ខែវិច្ឆិកា។ការចាប់ខ្លួនជនសង្ស័យតាមបណ្តឺងរបស់ឈ្មោះ សាតណាក់ ភេទប្រុស អាយុ៣០ឆ្នាំ អ្នកលក់ដូរនៅសង្កាត់ដំរីជាន់ខ្លា ក្រុងស្ទឹងសែន។ក្នុងបណ្តឹងបានចោទប្រកាន់ថាអ្នកសារព័ត៌មានទាំង៤នាក់នោះបានជំរិតទារលុយចំនួន៤.០០០ដុល្លារតែសម្រួលនៅត្រឹម២១៥០ដុល្លារប៉ុណ្ណោះ។ជនសង្ស័យ-ឈ្មោះ មុំ វិបុល អាយុ៤៤ឆ្នាំអ្នកសារព័ត៌មានប៉ុស្តិ៍លេខ៣នៅភូមិជៀស ឃុំថ្មពូន ខេត្តត្បូងឃ្មុំ។ឈ្មោះ តិន ទ្រី អាយុ២៩ឆ្នាំអ្នកសារព័ត៌មាន រស្មីឆ្នាំងមាស-ឈ្មោះ តិនស៊ីថា អាយុ២៧ឆ្នាំអ្នកសារព័ត៌មាន ខេមមេឌៀ។២នាក់នេះរស់នៅភូមិមឺនរាជ ឃុំខ្យង ស្រុកជ័យសែនខេត្តព្រះវិហារនិងឈ្មោះញ៉ែម  មិនទាន់ស្គាល់អត្តសញ្ញាណបានរត់គេចខ្លួន។ទាំង៣នាក់ត្រូវបានចៅក្រមចេញដីកាឃុំខ្លួនដាក់ពន្ធនាគាខេត្តបណ្តោះអាសន្នកាលពីល្ងាចថ្ងៃទី២៣ ខែវិច្ឆិកាដើម្បីស៊ើបអង្កេតបន្ត៕ដោយ៖សៅវ៉ាន់់ឌី  

Featured ព័ត៌មានសង្គម សន្តិសុខ

បញ្ជូនជនសង្ស័យគប់បំបែកកញ្ចក់រថយន្តកូនបំណុលទៅតុលាការ

ភ្នំពេញ៖កម្លាំងនគរបាលខណ្ឌច្បារអំពៅនៅព្រឹកថ្ងៃទី២៣ ខែវិច្ឆិកានេះបានបញ្ជូនស្ត្រីម្នាក់ទារលុយគេមិនបានក៏យកដុំថ្មគប់បំបែកកញ្ចក់រថយន្តកូនបំណុលទៅតុលាការដើម្បីសាកសួរ ។សមត្ថកិច្ចបានឱ្យដឹងថា ជនសង្ស័យត្រូវឃាត់ខ្លួនឈ្មោះ ហុង សុកដ្ឋា អាយុ២៥ឆ្នាំជាអ្នកលក់ដូរស្នាក់នៅសង្កាត់វាលស្បូវ ខណ្ឌច្បារអំពៅពីបទពាក់ព័ន្ធគប់បំបែកកញ្ចក់រថយន្តគេ។ហេតុការណ៍នោះបានកើតឡើងនៅ ភូមិវាលស្បូវ សង្កាត់វាលស្បូវកាលពីរសៀលថ្ងៃទី២០ ខែវិច្ឆិកា។ជនរងគ្រោះជាកូនបំណុល ឈ្មោះ ដួង អក្ខរា អាយុ៤១ឆ្នាំជាអាជីវករស្នាក់នៅភូមិ សង្កាត់ខាងលើ។ មន្ត្រីដដែលបានបញ្ជាក់ថា មុនកើតហេតុ ជនរងគ្រោះបានខ្ចីលុយជនសង្ស័យចំនួន១.៥០០ ដុល្លារដោយសន្យាសងវិញទាំងដើមនិងការសរុប២.១០០ដុល្លារ។ តែកូនបំណុលមិនបានសងលុយទៅម្ចាស់វិញតាមកំណត់ទេ ទើបបង្កឱ្យមានទំនាស់រហូតគប់បំបែកកញ្ចក់រថយន្តតែម្តង ។សម្ភារជនរងគ្រោះ ខូចខាតរថយន្តម៉ាក Toyota Land Cruiser បែកកញ្ចក់ខាងក្រោយ-ក្រពឹតទ្វារខាងឆ្វេងនិងរថយន្តម៉ាក Toyota Pruisបណ្តាលឱ្យក្រពឹតទ្វារមុខខាងស្តាំ៕

Featured ព័ត៌មានសង្គម សន្តិសុខ

សមត្ថកិច្ចឃាត់ខ្លួនអ្នកបើកសាឡង់បូមខ្សាច់បុកស្ពានបាឡេ៣នាក់

ភ្នំពេញ៖បន្ទាប់ពីមានសាឡង់ដឹកខ្សាច់បុកសសរស្ពានបាឡេកាត់ទន្លេសាបឱ្យខូចខាតកាលពីល្ងាចថ្ងៃទី២០ ខែវិច្ឆិកានោះមកសមត្ថកិច្ចបានឃាត់ខ្លួនមនុស្ស៣នាក់។សមត្ថកិច្ចប្រចាំគោលដៅបានឱ្យដឹងថា កាលពីល្ងាចថ្ងៃទី២០​ ខែវិច្ឆិកា​ មានសាឡង់ដឹកខ្សាច់មួយគ្រឿងបានប៉ះសសរស្ពានដែកបាឡេបណ្តាលឱ្យក្រឡាប់លិច​កល់ជាប់នៅទីនោះតែម្តង។អ្នកបើកបរសាឡង់៣នាក់ត្រូវបានកងកម្លាំងជើងទឹកប្រចាំការនៅជិត ICOC បានជួយសង្រ្គោះទាន់ពេលវេលាហើយបញ្ជូនទៅអធិការដ្ឋាននគរបាលខណ្ឌឫស្សីកែវ ដើម្បីសាកសួរតាមនីតិវិធី។មុនកើតហេតុសាឡង់បូមខ្សាច់នោះបានបើកតាមទន្លេសាបឆ្លងផុតស្ពានប្រហែលជិត៣០០ម៉ែត្រស្រាប់តែម៉ាស៊ីនខូច ទើបធ្វើឱ្យសាឡង់នោះមកប៉ះស្ពានបណ្តាលឱ្យទ្រេតសសរស្ពានខូចខាតចំនួន៣ដើម។តែមន្ត្រីរូបនោះមិនបានបញ្ជាក់ឱ្យដឹងថា សាឡង់នោះជារបស់ក្រុមហ៊ុនមួយណានៅឡើយទេ។ក្រោយមានហេតុការណ៍កើតឡើងអាជ្ញាធររាជធានីភ្នំពេញបានប្រកាសផ្អាកការធ្វើចរាចរណ៍លើស្ពានបាឡេក្រោយពីសាឡង់ដឹកខ្សាច់បុកបណ្តាលឱ្យខូចខាតទ្រព្យសម្បត្តិរបស់រដ្ឋយ៉ាងធ្ងន់ធ្ងររួចមក។ស្ពានបាឡេនោះឆ្លងទន្លេសាប ភ្ជាប់ពីក្រុងរណបជ្រោយចង្វាទៅផ្លូវជាតិលេខ៥ ក្នុងខណ្ឌឬស្សីកែវ៕

Featured ព័ត៌មានសង្គម សន្តិសុខ

ចោទប្រកាន់ស្រ្តីជំនួញម្នាក់ពាន់ព័ន្ធករណីចេញសែកស្អុយរាប់សែនដុល្លារ (មានវីដេអូ)

ភ្នំពេញ៖តុលាការភ្នំពេញថ្ងៃទី២១ ខែវិច្ឆិកានេះសម្រេចចោទប្រកាន់ស្រ្តីពាណិជ្ជករម្នាក់ពាក់ព័ន្ធករណីចេញសែកស្អុយរាប់សែនដុល្លារ។សមត្ថកិច្ចបានឱ្យដឹងថា ស្ត្រីជាប់ចោទឈ្មោះពេជ្រ ស្រីមុំ អាយុ៣៥ឆ្នាំអាជីវករ នៅសង្កាត់និរោធ ខណ្ឌច្បារអំពៅ ពីបទចេញសែកអត់សាច់ប្រាក់រាប់សែនដុល្លារហើយបញ្ជូនទៅចៅក្រមស៊ើបសួរបន្តនីតិវិធី។មន្ត្រីដដែលបានបន្តថា កាលពីរសៀលថ្ងៃទី១៩ខែវិច្ឆិកា អាវុធហត្ថបានបញ្ជូនស្ត្រីសង្ស័យ ទៅតុលាការភ្នំពេញដើម្បីសាកសួរពាក់ព័ន្ធករណីមិនបំពេញកាតព្វកិច្ចចំពោះឧបករណ៍ដែលអាចជួញដូរបាន។ ស្ត្រីជនជាប់ចោទត្រូវចាប់ខ្លួនចំនួន៣លើកគឺទី១-កាលពីថ្ងៃទី៤ ខែឧសភា ឆ្នាំ២០២២ នគរបាលចាប់នៅមុខអាគា Rise Commercial Buil ding ខណ្ឌបឹងកេងកង តាមដីកាតុលាការពាក់ព័ន្ធករណីចេញសែកស្អុយទឹកប្រាក់ចំនួន ៧៧ម៉ឺន៦ពាន់ដុល្លារតាមបណ្តឹង ឈ្មោះ លឹម ហ៊ួរនីតូ អាយុ៣៤ឆ្នាំជាពាណិជ្ជករ ។លើកទី២-អំឡុងខែមិថុនា ចាប់ខ្លួនស្រី្តរូបនេះ ពីបទចេញសែកស្អុយដដែល។ ពេលនោះជនសង្ស័យបានដាក់ប្រាក់តម្កល់ដើម្បីធានាខ្លួន ទើបតំណាងអយ្យការឱ្យវិលទៅផ្ទះវិញ និងលើកទី៣-កងរាជអាវុធហត្ថចាប់ខ្លួនកាលពី ថ្ងៃទី១៧ខែវិច្ឆិកានេះ នៅផ្លូវដាវីន បុរីវរជន ក្នុងកោះពេជ្រ សង្កាត់ទន្លេបាសាក់ ខណ្ឌចម្ការមនពាក់ព័ន្ធករណីចេញសែកស្អុយប្រហែល៩០ម៉ឺនដុល្លារទៀត៕

Featured ព័ត៌មានសង្គម សន្តិសុខ

ឃុំខ្លួនបុរស២នាក់សង្ស័យពាក់ព័ន្ធឆបោកលុយជាង៨លានដុល្លារ

ភ្នំពេញ៖តុលាការភ្នំពេញកាលពីរសៀលថ្ងៃទី១៨ ខែវិច្ឆិកាបានសម្រេចឃុំខ្លួនបុរស២នាក់ដាក់ពន្ធនាគារជាបណ្ដោះអាសន្នសង្ស័យពាក់ព័ន្ធឆបោកលុយជាង៨លានដុល្លារ។សមត្ថកិច្ចបានឱ្យដឹងថា ជនជាប់ចោទទី១-ឈ្មោះ ហៃច័ន្ទភារិទ្ធអាយុ៤៦ឆ្នាំនៅខណ្ឌច្បារអំពៅជាប់ចោទពីបទ“ឆបោកនិងប្រើប្រាស់លិខិតក្លែង” ពាក់ព័ន្ធលុយជាង៦លាន៧សែនដុល្លាររឿងលក់ទិញដី។ជនជាប់ចោទទី២-ឈ្មោះលឹមមានសុខ ជាប់ចោទបីបទ“ ឆបោកលុយចំនួនជាង២លានដុល្លារក្នុងរឿងជំនួញឈើ។

Featured ព័ត៌មានសង្គម សន្តិសុខ

ចាប់ស្ត្រី​អ្នកជំនួញ​ម្នាក់សង្ស័យពាក់ព័ន្ធឆបោកលុយរាប់លានដុល្លារ

ភ្នំពេញ៖កម្លាំងអាវុធហត្ថរាជធានីភ្នំពេញបានឃាត់ខ្លូនស្ត្រី​អ្នកជំនួញ​ហាយសូរម្នាក់សង្ស័យពាក់ព័ន្ធឆបោកលុយរាប់លានដុល្លារពីអ្នកជំនួញដូចគ្នា។សមត្ថកិច្ចបានឱ្យដឹងថា ស្ត្រីសង្ស័យឈ្មោះ ពេជ្រ ស្រីមុំ ត្រូវឃាត់ខ្លួននៅបុរីវរជនក្នុងកោះពេជ្រ សង្កាត់ទន្លេបាសាក់ ខណ្ឌចម្ការមនកាលពីថ្ងៃទី១៧ ខែវិច្ឆិកា។ស្ត្រីខាងលើសង្ស័យជាប់ពាក់ព័ន្ធឆបោកលុយរាប់លានដុល្លារពីមនុស្សជាច្រើននាក់។មន្ត្រីដដែលបានបន្តថា ករណីខាងលើក៏នៅមានបណ្តឹងជាច្រើនទៀតដែលបានប្តឹងពីស្ត្រីឈ្មោះពេជ្រ ស្រីមុំ ចូលស្ថាបនកងរាជអាវុធហត្ថ- នគរបាល-និងតុលាការពាក់ព័ន្ធការឆបោកលុយនេះដែរ។កម្លាំងអាវុធហត្ថបានឃាត់ខ្លួនស្ត្រីរូបនោះតាមដីកាបញ្ជាឱ្យចូលខ្លួន របស់ព្រះរាជអាជ្ញានៃអយ្យកាអមសាលាដំបូងរាជធានីភ្នំពេញលេខ ៤៨០ អ.យ.ក ចុះថ្ងៃទី២៨ ខែតុលាឆ្នាំ២០២២ពាក់ព័ន្ធមិនបំពេញកាតព្វកិច្ចចំពោះឧបករណ៍ដែលអាចជូនដូរបាន។ជុំវិញបញ្ហានេះសារព័ត៌មាន RSC មានប្រភពពីមន្ត្រីចុះប្រតិបត្តិការតែប៉ុណ្ណោះ។តែមិនទាន់បានទទួលការបំភ្លឺឱ្យពិតប្រាកដរបស់សាម៉ីជាប់ចោទនៅឡើយទេហើយនឹងផ្សាយបន្តនាពេលក្រោយ៕

Featured ព័ត៌មានសង្គម សន្តិសុខ

ហ្វូងស្វាបានខាំបង្កឱ្យរបួសដល់អ្នកដំណើរ-សិស្សនិងបន្តការភ័យខ្លាច

ភ្នំពេញ៖ហ្វូងសត្វស្វាបានដេញខាំបង្ករបួសស្នាមដល់អ្នកដំណើរ-សិស្សនិងកំពុងបន្តការភ័យខ្លាចអុកឡុកដោយស្ទាក់ពលរដ្ឋឆ្លងកាត់លើស្ពានអាកាសថ្មើរជើងម្តុំស្តុបសន្ធរម៉ុក។អ្នករស់នៅជិតទីនោះបានឱ្យដឹងថា កាលពីថ្ងៃទី១៦ ខែវិច្ឆិកាថា មានហ្វូងសត្វ​ស្វា​ចំនួន៤-៥ក្បាលសង្ស័យមកពីតំបន់រមណីយដ្ឋានប្រវត្តិសាស្ត្រវត្តភ្នំហើយ​បន្តទៅតំបន់មួយចំនួនទៀតក្នុងរាជធានីភ្នំពេញ។ហ្វូងស្វានោះបានដេញខាំបង្ករបួសស្នាមដល់​សិស្សានុសិស្សនិងអ្នកដំណើរ​ជាច្រើននាក់កន្លងមកខណៈឆ្លងកាត់លើស្ពានអាកាសថ្មើរជើងស្តុបសន្ធរម៉ុកបណ្ដាលឱ្យរងរបួស​ត្រូវបានបញ្ជូនទៅមន្ទីរពេទ្យភ្លាមៗ។ករណីការភ័យខ្លាចនោះក៏មានសំណូមពរដល់អាជ្ញាធរពាក់ព័ន្ធឱ្យចាត់វិធានការចាប់ហ្វូងស្វាទាំងនោះយកទៅដាក់នៅតាមសួរសត្វនានាដើម្បីរក្សាការពារសន្តិសុខសណ្តាប់ធ្នាប់ជូនប្រជាពលរដ្ឋ។ជុំវិញករណីខាង មន្ត្រីអាជ្ញាធរខណ្ឌទួលគោកបានឱ្យដឹងកាលពីរសៀលថ្ងៃទី១៦ ខែវិច្ឆិកាថា មន្ត្រីមូលដ្ឋានបានជូនដំណឹងនេះទៅផ្នែកជំនាញរដ្ឋបាលព្រៃឈើរួចហើយដោយ សន្យាថានឹងចុះមកចាប់យកសត្វស្វាទាំងនោះទៅដាក់ក្នុងសួរសត្វភ្នំតាម៉ៅ៕

Featured ព័ត៌មានសង្គម សន្តិសុខ

បញ្ជូនជនសង្ស័យរំលោភក្មួយស្រីបង្កើតអាយុ១២ឆ្នាំមានផ្ទៃពោះ៧ខែទៅតុលាការ

ភ្នំពេញ​៖​សមត្ថកិច្ចបានចាប់បុរសម្នាក់សង្ស័យរំលោភសេពសន្ថវក្មួយស្រីអាយុ១២ឆ្នាំរហូតមានផ្ទះពោះ៧ខែទើបបែកធ្លាយដល់ក្រុមគ្រួសារ។មន្ត្រីមូលដ្ឋានបានឱ្យដឹងថា ការចាប់បុរសខាងលើបានធ្វើឡើង នៅភូមិកោះដាច់​ សង្កាត់កោះដាច់​ ខណ្ឌជ្រោយចង្វាកាលពីរសៀលថ្ងៃទី១៥ ខែវិច្ឆិកា។ ជនសង្ស័យឈ្មោះ ផាន កុសល អាយុ៣៩ឆ្នាំនៅខណ្ឌជ្រោយចង្វា រាជធានីភ្នំពេញ។កាលពីក្នុងអំឡុងឆ្នាំ២០១៧ ក្មេងស្រីរងគ្រោះត្រូវជនសង្ស័យលួងលោមនាំយកទៅរំលោភនៅផ្ទះទុកចោលមួយកន្លែងក្នុងភូមិកោះដាច់ រហូតបានសម្រេចហើយជនសង្ស័យក៏គំរាម មិនឱ្យប្រាប់អ្នកណាដឹងពីរឿងនេះទេ។ ក្មេងស្រីរងគ្រោះដោយមានការភ័យខ្លាចក៏ធ្វើតាមជនសង្ស័យមិនហ៊ានប្រាប់នរណាឡើយ។ប្រមាណកន្លះខែឬមួយខែជនសង្ស័យតែងនាំនាងយកទៅរំលោភជាបន្តបន្ទាប់រហូតមកដល់ពេលនេះក្មេងស្រីរងគ្រោះមានផ្ទៃពោះចំនួន៧ខែហើយ។នៅយប់ថ្ងៃទី១៤ ខែវិច្ឆិកា ក៏បែកធ្លាយរឿងដឹងដល់ក្រុមគ្រួសារទើបទៅប្តឹងនៅប៉ុស្តិ៍នរគបាលរដ្ឋបាលកោះដាច់។បន្ទាប់ពីបានទទួលបណ្តឹងសមត្ថកិច្ចចុះចាប់ជនសង្ស័យយកមក កសាងសំណុំរឿងដើម្បីបញ្ជូនទៅតុលាការ ចាត់ការតាមផ្លូវច្បាប់៕