Featured ព័ត៌មានអន្តរជាតិ

តាលីបង់ ហាមស្ត្រីៗមិនឱ្យចូលក្រសួងកិច្ចការនារី លើកលែងតែបុរសៗ

អន្តរជាតិ(BBC)៖ តំណាងរបស់ក្រុមតាលីបង់កាលពីថ្ងៃព្រហស្បតិ៍បានរារាំងបុគ្គលិកស្រីមិនឱ្យចូលក្រសួងកិច្ចការនារីនៅទីក្រុងកាប៊ុល ប៉ុន្តែអនុញ្ញាតឱ្យបុរសចូលក្នុងអគារនេះបាន ។បុគ្គលិកក្រសួងម្នាក់បាននិយាយប្រាប់សារព័ត៌មាន Sputnik ថា “ស្ត្រី ៤ នាក់មិនត្រូវបានអនុញ្ញាតឱ្យចូលក្នុងអគារនោះទេ ហើយស្ត្រីទាំងនោះមានបំណងតវ៉ាចំពោះចំណាត់ការនេះនៅជិតក្រសួង” ។ ក្រុមតាលីបង់បានបង្កើនការវាយលុករបស់ខ្លួនប្រឆាំងនឹងកងកម្លាំងរដ្ឋាភិបាលអាហ្វហ្គានីស្ថាន កាលពីមួយខែមុន ហើយបានចូលទីក្រុងកាប៊ុលនៅថ្ងៃទី ១៥ ខែសីហា ។ទន្ទឹមនោះ នៅថ្ងៃទី ៣១ ខែសីហា យោធាអាមេរិកបានចាកចេញពីអាកាសយានដ្ឋានទីក្រុងកាប៊ុល ដែលជាការបញ្ចប់វត្តមានយោធាអាមេរិកជិត ២០ ឆ្នាំនៅអាហ្វហ្គានីស្ថាន ។ចំណែកនៅថ្ងៃទី ៦ ខែកញ្ញា ក្រុមតាលីបង់បានបញ្ជាក់ថា ខ្លួនបានក្ដោបក្ដាប់ខេត្ត Panjshir ដែលជាខេត្តចុងក្រោយក្នុងចំណោមខេត្តចំនួន ៣៤ របស់អាហ្វហ្គានីស្ថាន ដែលមិនស្ថិតនៅក្រោមការគ្រប់គ្រងរបស់ពួកគេ ។ នៅថ្ងៃបន្ទាប់ តាលីបង់បានប្រកាសសមាសភាពរដ្ឋាភិបាលបណ្តោះអាសន្នអាហ្វហ្កានីស្ថាន ហើយវាត្រូវបានដឹកនាំដោយលោក Mohammad Hasan Akhund ដែលបានបម្រើការជារដ្ឋមន្រ្តីការបរទេស ក្នុងអំឡុងពេលដឹកនាំក្រុមតាលីបង់លើកដំបូង ខណៈបុរសរូបនេះស្ថិតនៅក្រោមទណ្ឌកម្មរបស់អង្គការសហប្រជាជាតិតាំងពីឆ្នាំ ២០០១ មក ៕ដោយៈDerm rang

Featured សន្តិសុខ

ឃុំខ្លួនបណ្តោះអាសន្នមន្ត្រីពន្ធនាគារម្នាក់នៅគុកព្រៃស

ភ្នំពេញ៖តុលាការភ្នំពេញនៅល្ងាចថ្ងៃទី១៧កញ្ញា ឆ្នាំ២០២១បានសម្រេចឃុំខ្លួនបណ្តោះអាសន្នមន្ត្រីពន្ធនាគារម្នាក់ចោទពីបទរំលោភលើទំនុកចិត្ត។មន្ត្រីពន្ធនាគារដែលតុលាការឃុំខ្លួននោះបណ្តោះអាសន្នរង់ចាំសវនាការនៅពេលក្រោយនោះឈ្មោះញឹម ប៉ែន អាយុ៤៦ឆ្នាំឋាន:ស័ក្តិ៤។សព្វថ្ងៃរស់នៅភូមិ ទួលតាចាន់ សង្កាត់ព្រែកឯង ខណ្ឌច្បារអំពៅ។ជននេះត្រូវចាប់ខ្លួន កាលពីថ្ងៃទី ១៦កញ្ញា ឆ្នាំ២០២១។     យោងតាមដីកាបង្គាប់ឱ្យឃុំខ្លួនបានបញ្ជាក់ថា តុលាការបានចោទប្រកាន់ឈ្មោះញឹម ប៉ែនពីបទ  រំលោភលើទំនុកចិត្ត ប្រព្រឹត្តនៅភូមិព្រែកថ្លឹង សង្កាត់ជើងឯក ខណ្ឌដង្កោ កាលពីថ្ងៃទី ២៥មេសា ឆ្នាំ២០១៧។ប៉ុន្តែតុលាការមិនបានបញ្ជាក់លម្អិតជុំវិញការចោទប្រកាន់នោះនៅឡើយទេ។ប៉ុន្តែបើទោះជាយ៉ាងណាក៏ដោយអំពើរំលោភលើទំនុកចិត្តដែលត្រូវផ្តន្ទាទោសដាក់ពន្ធនាគារពី៦ខែទៅ៣ឆ្នាំនិងពិន័យជាប្រាក់ពី១លានរៀលទៅ៦លានរៀល៕ដោយ៖ចឹកឡេង

Featured ព័ត៌មានសង្គម សន្តិសុខ សេដ្ឋកិច្ច

ឱ្យជំនាញបច្ចេកទេសពិនិត្យរថយន្ត២គ្រឿងផ្លាកលេខដួចគ្នា

ភ្នំពេញ៖សមត្ថកិច្ចបានសាកសួរម្ចាស់រថយន្ត២គ្រឿងផ្លាកលេខដួចគ្នានិងទំនាក់ទំនងទៅជំនាញបច្ចេកទេសដើម្បីពិនិត្យឯកសាររកម្ចាស់ផ្លាកពិតប្រាកដ។មន្ត្រីនគរបាលប៉ុស្តិ៍សំរោងក្រោមបានឱ្យដឹងថា  នៅរសៀលថ្ងៃទី១៦កញ្ញាឆ្នាំ២០២១ម្ចាស់រថយន្តម៉ាកតូយ៉ូតាព្រូស បានជួបរថយន្តម៉ាកតូយ៉ូតាព្រូសមួយគ្រឿងទៀតដោយចៃដន្យតាមផ្លូវ។ការជួបនោះនៅម្តុំបុរីឈូក វ៉ា២ សង្កាត់សំរោងក្រោម ខណ្ឌពោធិ៍សែនជ័យ ក៏ឃាត់សួរនាំនិងប្តឹងសមត្ថកិច្ចឱ្យជួយអន្តរាគមន៍ព្រោះមានផ្លាកលេខដូចគ្នា។ សមត្ថកិច្ចបានបន្តថា រថយន្តទាំង២គ្រឿងម៉ាកព្រូស ពណ៌ស ឆ្នាំ២០១១ ដូចគ្នា ពាក់ផ្លាកលេខ ភ្នំពេញ 2BK-4454 ដូចគ្នា។រថយន្តមួយគ្រឿង ស្កេនកូដចេញត្រឹមត្រូវ មានម្ចាស់ជាមន្ត្រីនគរបាលនៅសង្កាត់ចោមចៅទី១ ខណ្ឌពោធិ៍សែនជ័យ ។ ចំណែករថយន្ត មួយគ្រឿងទៀត ថ្វីដ្បិតពាក់ផ្លាកលេខដូចគ្នាតែស្កេនកូដមិនចេញ មានម្ចាស់ ជាជាងម៉ាស៊ីនត្រជាក់ នៅបុរីឈូកវ៉ា២ សង្កាត់សំរោងក្រោម ខណ្ឌពោធិ៍សែនជ័យ ។រថយន្តទាំង២គ្រឿង និងម្ចាស់ទាំងសងខាង ត្រូវសមត្ថកិច្ចកំពុងសាកសួរហើយទំនាក់ទំនងទៅជំនាញបច្ចេកទេសដើម្បីពិនិត្យឯកសាររៀងខ្លួនរកម្ចាស់រថយន្តមានផ្លាកលេខពិតប្រាកដ៕ដោយ៖មនោរម្យ

Featured សន្តិសុខ

ជំនុំជម្រះលើជប៉ុនម្នាក់រឿងជួញដូរគ្រឿងញៀនជិត២គីឡូក្រាម

  ភ្នំពេញ៖តុលាការសាលាឧទ្ធណ៍កាលពីថ្ងៃទី១៥ កញ្ញា បានបើកការជំនុំជម្រះលើជនជាតិជប៉ុនម្នាក់ករណីជួញដូរគ្រឿងញៀនជិត២គីឡូក្រាម។មន្ត្រីសមត្ថកិច្ចបានឱ្យដឹងថា ជនជាប់ចោទជនជាតិជប៉ុនឈ្មោះ Nonaka Shunichi ភេទប្រុស អាយុ ៧៣ ឆ្នាំ ជាអ្នកទេសចរ ត្រូវសមត្ថកិច្ចចាប់ខ្លួនកាលពីថ្ងៃទី១៥កុម្ភៈឆ្នាំ ២០២០ ក្នុងព្រលានយន្តហោះអន្តរជាតិភ្នំពេញ ករណីដឹកជញ្ជូនគ្រឿងញៀនជិត២គីឡូក្រាមពីកម្ពុជាទៅប្រទេសជប៉ុនហើយបញ្ជូនទៅតុលាការភ្នំពេញ។ នៅថ្ងៃទី ២២ ខែ តុលា ឆ្នាំ ២០២០តុលាការភ្នំពេញបានកាត់ទោសជប៉ុនរូបនេះ ដាក់ពន្ធនាគារ រយៈពេល២៥ ឆ្នាំពីបទ ដឹកជញ្ជូនគ្រឿងញៀនឆ្លងដែន។ក្រោយមកជនជាប់ចោទបានប្តឹងជំទាស់នឹងសេចក្តីសម្រេចរបស់តុលាការភ្នំពេញទៅកាន់សាលាឧទ្ទរណ៍។ នៅថ្ងៃទី១៥ ខែ កញ្ញា ឆ្នាំ ២០២១សាលាឧទ្ទរណ៍បានបើកការជំនុំជម្រះលើបណ្តឹង របស់ជនជាប់ ចោទNonaka Shunichi ពាក់ព័ន្ធនឹងបទល្មើសដឹកជញ្ជូនគ្រឿងញៀន។ប៉ុន្តែបន្ទាប់ពីសវនាការសាលាឧទ្ធរណ៍បានកំណត់យកថ្ងៃទី២៨ខែកញ្ញាខាងមុខដើម្បីប្រកាសសាលដីកាដែលតុលាការភ្នំពេញកាត់ទោសឱ្យជប៉ុនរូបនេះជាប់ពន្ធនាគារ២៥ឆ្នាំនោះ៕ដោយ៖ចឹកឡេង

Featured ព័ត៌មានសង្គម សន្តិសុខ

លិចទូកក្នុងសមុទ្របាត់ខ្លួនម្នាក់រហូតពេលនេះរកមិនទាន់ឃើញ

ព្រះសីហនុ៖អ្នកនេសាទម្នាក់បានបាត់ខ្លួននិងម្នាក់ទៀតត្រូវបានរកឃើញដោយសារលិចទូកនេសាទនៅស្រុកស្ទឹងហាវខេត្តព្រះសីហនុ។ សមត្ថកិច្ចបានឱ្យដឹងថា កាលពីរសៀលថ្ងៃទី១៤ ខែកញ្ញាមានទូកនេសាទមួយគ្រឿងបានលិចនៅម្តុំចុងអូរប្រមាណ១០០ម៉ែត្រពីដីគោក ឃុំទំនប់រលក ស្រុកស្ទឹងហាវ ។ នៅលើទូកនេសាទមានមនុស្ស២នាក់ឪពុកនិកូន ឈ្មោះមាឃ សៀកអាយុ៤៧ឆ្នាំនិងឈ្មោះ ស៊ន មករា អាយុ១៤ឆ្នាំ បានបាត់ខ្លួនរកមិនទាន់ឃើញ ។ រហូតមកដល់រសៀលថ្ងៃទី១៥ខែកញ្ញា ឆ្នាំ២០២១នគរបាលខេត្តព្រះសីហនុជាមួយកម្លាំងគណ:បញ្ជាការឯកភាពស្រុកស្ទឹងហាវនិងក្រុមមុជទឹកអង្គភាពកំពង់ផែស្វយ័តក្រុងព្រះសីហនុ ។ជាមួយនោះមានក្រុមការងារក្រុមហ៊ុន ជី.ធី.វី.ស៊ី ស្ពីដប៊ូត កម្ពុជា(G.T.V.C) ដឹកនាំដោយ ឧកញ៉ា ទៀ វិចិត្រ កំពុងបន្តរកជនរងគ្រោះឈ្មោះ ស៊ន មករា ដែលបានបាត់ខ្លួននោះ ៕ដោយ៖ដែនសមុទ្រ

Featured សន្តិសុខ

អតីតមន្ត្រីម្នាក់ជាប់គុកជាង២ឆ្នាំរឿងដី១ពាន់ហិកតានៅមណ្ឌលគិរី 

ភ្នំពេញ៖តុលាការភ្នំពេញបានប្រកាសសាលក្រមឱ្យឈ្មោះសេង សុវណ្ណារ៉ាឱ្យជាប់គុក២ឆ្នាំ៦ខែពាក់ព័ន្ធរឿងដីប្រមាណ១ពាន់ហិកតាមនៅខេត្តមណ្ឌលគិរី។ឈ្មោះសេងសុវណ្ណារ៉ា អតីតអនុរដ្ឋលេខាធិការក្រសួងយុត្តិធម៌និងបក្ខពួក៣នាក់ត្រូវចាប់ខ្លួនពាក់ព័ន្ធដីរដ្ឋប្រមាណ១ពាន់ហិកតានៅខេត្តមណ្ឌលគីរី។ ក្រោយមកនៅថ្ងៃទី២៧ ខែមិថុនាឆ្នាំ២០២០តុលាការបានឃុំខ្លួនដោយចោទពីបទសមគំនិតក្នុងអំពើធ្វើឱ្យប៉ះពាល់កម្មសិទ្ធិនៃទ្រព្យសម្បត្តិសាធារណៈ និងបទសម្លុតគំរាមកុំឱ្យដាក់ពាក្យបណ្តឹង ប្រព្រឹត្តនៅខេត្តមណ្ឌលគីរី កាលពីអំឡុងឆ្នាំ២០១៨ ដល់ឆ្នាំ២០២០។ ក្រោយពីឃុំខ្លួនជនជាប់ចោទសេងសុវណ្ណារ៉ានិងបក្ខពួក៣នាក់ត្រូវបានតុលាការភ្នំពេញបើកសវនាការសំណុំរឿងនេះ។មកដល់ព្រឹកថ្ងៃទី១៤កញ្ញា២០២១ តុលាការបានប្រកាសសាលក្រមឱ្យឈ្មោះសេងសុវណ្ណារ៉ាជាប់ពន្ធនាគារ២ឆ្នាំ៦ខែ។រីឯបក្ខពួក៣នាក់ទៀតឱ្យជាប់ពន្ធនាគារម្នាក់ៗ២ឆ្នាំ៕ដោយៈចឹកឡេង

Featured ព័ត៌មានសង្គម សន្តិសុខ

ឃុំខ្លួនបុរសម្នាក់រឿងរំលោភកូនដើម,ប្រើអាវុធខុសច្បាប់និងវ៉ៃប្រពន្ធ

ភ្នំពេញ៖តុលាការរាជធានីភ្នំពេញកាលពីថ្ងៃទី១២ខែកញ្ញាឆ្នាំ២០២១បានឃុំខ្លួនបុរសម្នាក់ដាក់ពន្ធនាការលើបទល្មើសចំនួន៥បទល្មើស ។ សូមបញ្ជាក់ថា កាលពីរសៀលថ្ងៃទី១០ខែកញ្ញា ឆ្នាំ២០២១ សមត្ថកិច្ចបានបញ្ជូនបុរសរូបនេះ ទៅតុលាការពាក់ព័ន្ធជាប់ចោទ៥បទល្មើស ១,វ៉ៃប្រពន្ធធ្វើបាបប្រពន្ធ ២,ប៉ងរំលោភសេពសន្ថវៈលើកូនដើម, ៣បង្ខាំងមនុស្ស ៤,គំរាមសម្លាប់និង៥,ប្រើអាវុធខុសច្បាប់។ ជនជាប់ចោទឈ្មោះឡេង ប៊ុនស្រ៊ី អាយុ៥៦ឆ្នាំស្រុកកំណើតនៅឃុំស្វាយឃ្លាំង ស្រុកក្រូចឆ្មា ខេត្តកំពង់ចាម។បុរសនេះបានរៀបការជាមួយស្រ្តីម្នាក់មេម៉ាយកូន៥នៅចុងឆ្នាំ២០១១។កាលពីថ្ងៃទី៧ ខែកញ្ញា សមត្ថកិច្ចទទួលបានការសុំអន្តរាគមន៍ពីដើមបណ្តឹងថា កូនរបស់គាត់២នាក់ ត្រូវបានប្តីបង្ខាំងទុកក្នុងផ្ទះ។ នគរបាលបានចុះនៅផ្ទះលេខ៤៩ សង្កាត់អូរបែកក្អម ខណ្ឌសែនសុខ រកឃើញជាក់ស្តែងថា ពិតជាមានចាក់សោរបង្ខាំងមនុស្ស២នាក់ខុសច្បាប់មែន។សមត្ថកិច្ចនិងអាជ្ញាធរភូមិបានកាត់សោផ្ទះ រំដោះកូនទាំងពីរនាក់នោះមកវិញ។ ជំនាញតាមចាប់ជនសង្ស័យបាននៅព្រលប់ថ្ងៃទី ៧ ខែកញ្ញា យកមកសាកសួរស្រាប់តែកូនស្រីដើមរបស់ជនសង្ស័យបានប្រាប់ថា នាងធ្លាប់ត្រូវបានឪពុកចុងរូបនេះចាប់រំលោភផងដែរតែនាងមិនហ៊ានប្រាប់អ្នកណាទេ ព្រោះគាត់បានគម្រាមថាសម្លាប់។ ស្ត្រីរងគ្រោះបានបន្តថា ជននេះធ្លាប់ជាប់គុក៦ឆ្នាំរួចមកហើយព្រោះសម្លាប់មនុស្សពីមុនមក និងមានកាំភ្លើង ខ្លី១ដើមទៀត ។ទោះបីយ៉ាងណាគេមិនអាចសុំការបំភ្លឺពីជនជាប់ចោទបាននៅឡើយទេ៕ដោយ៖ចឹកឡេង

Featured ព័ត៌មានសង្គម វប្បធម៌

ឈើតាត្រាវមានលក្ខណ:ពិសេសអាចការពារមិនឱ្យរន្ទះបាញ់នៅម្ដុំប្រាសាទ

សៀមរាប៖ មន្ត្រីបច្ចេកទេសនៃអាជ្ញាធរជាតិអប្សរាបានឱ្យដឹងថា ឈើតាត្រាវគឺមានលក្ខណ:ពិសេស មិនត្រឹមតែធន់ជាប់បានយូររយៈពេលរាប់ពាន់ឆ្នាំប៉ុណ្ណោះទេតែថែមទាំងអាចការពារមិនឱ្យរន្ទះបាញ់ នៅម្ដុំប្រាសាទទៀតផង។ មន្ត្រីដដែលបានបន្តថា ជាយូរលង់មកហើយ នៅតាម វត្ដអារាម ជាច្រើនក្នុងប្រទេសកម្ពុជា ក៏គេតែងសង្កេត ឃើញមានការ យកឈើតាត្រាវ ទៅប្រើប្រាស់ លើសំ ណង់ ធ្វើព្រះពុទ្ធបដិមានិងយកឈើនេះ ធ្វើពិធីបូជាផ្នែក សាស នា  ផងដែរ ។ឈើតាត្រាវ គឺ ជាឈើដែលមើលទៅ មាន លកលក្ខណ:សាមញ្ញ។ ប៉ុន្តែគុណតម្លៃ របស់វា គឺ ល្អបំផុត គ្មានឈើណាប្រៀបបាន ទេសម្រាប់ យកមក ជួយ ទល់ទ្រនិងទប់ជ្រែងប្រាសាទបុរាណនានាឱ្យមានភាពគង់វង្ស បាន យូរ អង្វែង លោក ឃាម មុនីមន្ត្រីបច្ចេកទេសនៃនាយកដ្ឋានអភិរក្សប្រាសាទក្នុងឧទ្យានអង្គរ  និងបុរាណវិទ្យា បង្ការ បានបញ្ជាក់ថា តាមការស្រាវជ្រាវឃើញថាតាំងពីសម័យអង្គរ មក  គឺបុព្វបុរសខ្មែរ បានប្រើ ឈើតាត្រាវ  និងឈើជើងចាប ដើម្បីធ្វើជាធ្នឹមទល់ទ្រប្រាសាទ បុរាណ នានា ឱ្យមានលំនឹង ។ […]

Featured សន្តិសុខ

បញ្ជូននគរបាលវាយស្ត្រីម្នាក់ឱ្យរយះក្បាលទៅតុលាការ

ភ្នំពេញ៖សមត្ថកិច្ចបានបញ្ជូននគរបាលម្នាក់ដែលយកអាយឌីវាយស្ត្រីឱ្យរយះបែកក្បាលហូរឈាមពេញខ្លួននោះទៅតុលាការដើម្បីចាត់ការតាមច្បាប់។ លោកវរសេនីយ៍ឯកសាន សុខសីហាអ្នកនាំពាក្យស្នងការដ្ឋាននគរបាលរាជធានីភ្នំពេញ បានបញ្ជាក់ពីឱ្យដឹងនៅព្រឹកថ្ងៃទី១០ ខែកញ្ញាឆ្នាំ២០២១នេះ។ចំពោះស្ត្រីរងគ្រោះដែលល្មើសច្បាប់ចរាចរណ៍ ហើយគេចវេសមិនស្ដាប់បញ្ជារបស់មន្ដ្រីនគរបាល ក្នុងការអនុវត្តច្បាប់ក៏នឹងត្រូវចាត់វិធានការតាមផ្លូវច្បាប់ដូចគ្នាផងដែរ។ អ្នកនាំពាក្យបានថ្លែងថា “សមត្ថកិច្ច នគរបាលខណ្ឌ៧មករា បានបញ្ជូនមន្ដ្រីនគរបាលដែលបង្កឱ្យមានគ្រោះថ្នាក់ដល់ស្ត្រីម្នាក់ ទៅតុលាការ ភ្នំពេញ នៅព្រឹកថ្ងៃទី១០ខែកញ្ញានេះ ដើម្បីចាត់ការតាមច្បាប់”៕ដោយ៖មនោរម្យ  

Featured សន្តិសុខ

ដាក់គុកអ្នកលេងហ្វេសប៊ុក៧នាក់ម្នាក់ៗ១៨ខែពិន័យ២លានរៀល

ភ្នំពេញ៖តុលាការភ្នំពេញនៅព្រឹកថ្ងៃទី៩ ខែកញ្ញាឆ្នាំ ២០២១បានផ្តន្ទាទោសដាក់គុក៧នាក់ម្នាក់ៗ១៨ខែនិងពិន័យ២លានរៀលពីបទញុះញង់។ បុរសជាប់ចោទឈ្មោះ នូសុធាអាយុ៥៤ឆ្នាំ,ឈ្មោះរិនរដ្ឋ អាយុ ៣៣ ឆ្នាំ,ឈ្មោះរុន ចន្ធី អាយុ៣៦ ឆ្នាំ,ឈ្មោះ ម៉ៅ វីបុលអាយុ៣៨ឆ្នាំ,ឈ្មោះស៊ឹមសុភាអាយុ ៣៤ឆ្នាំ,ឈ្មោះ ពេជ្រ សំបូរអាយុ ៥៥ ឆ្នាំ និងឈ្មោះនាងសុឃុនអាយុ ៣៣ ឆ្នាំ។ លោកស្រីអ៊ុក រ៉េតគន្ធាចៅក្រមជំនុំជម្រះតុលាការភ្នពេញបានបញ្ជាក់ថា នៅក្នុងសំណុំរឿងក្តីនេះ, ពួកគេត្រូវបានជាប់ចោទពីបទ “ការញុះញង់ឱ្យប្រព្រឹត្តអំពើបង្កឱ្យមានភាពវឹកវរធ្ងន់ធ្ងរដល់សន្តិសុខសង្គម” សរសេរសារបង្ហោះតាមបណ្តាញសង្គមហ្វេសប៊ុកនិងLive ផ្សព្វផ្សាយព័ត៌មានប្រឌិតញុះញង់អុចអាលទាក់ទងនឹងបញ្ហាជំងឺកូវីដ១៩។ ទោះយ៉ាងណាក្តី, នាពេលសវនាការ កន្លងមកជនជាប់ចោទ ដែលមានវត្តមាននៅក្នុងបន្ទប់ជំនុំជម្រះ បានឆ្លើយបដិសេធចំពោះការចោទប្រកាន់ពួកគេពួកគេខាងលើ៕ដោយ៖ចឹកឡេង