កម្សាន្ត ព័ត៌មានទេសចរណ៍ ព័ត៌មានសង្គម វប្បធម៌

ពលរដ្ឋចូលរួមកម្សាន្តក្នុងឱកាសបុណ្យអុំទូក ថ្ងៃទី១ប្រមាណជាង១លាននាក់

ភ្នំពេញ​៖ប្រជាពលរដ្ឋបានចូលរួមកម្សាន្តក្នុងឱកាសពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ថ្ងៃទី១មានចំនួនប្រមាណ១លាន២សែននាក់។ តាម​ការឱ្យដឹងពីអគ្គស្នងការដ្ឋាន​នគរបាលជាតិ​បានឱ្យដឹងថា​ ថ្ងៃទី១នៃពិធីបុណ្យអុំទូក បណ្តែតប្រទីប សំពះព្រះខែ និងអកអំបុក មានសន្តិសុខ សណ្តាប់ធ្នាប់ល្អប្រសើរ ដោយប្រជាពលរដ្ឋបានមកចូលរួមកម្សាន្ត យ៉ាងសម្បាយរីករាយប្រមាណ១លាន២សែននាក់ ។ប្រភពដដែលបានឱ្យដឹងទៀត​ថា​ ពិធីបុណ្យអុំទូក បណ្តែតប្រទីប សំពះព្រះខែ និងអកអំបុកថ្ងៃទី១ត្រូវនឹងថ្ងៃទី២៦ ខែវិច្ឆិកាឆ្នាំ២០២៣នេះមានទូក ង ចូលរួមប្រកួតចំនួន ៣៣៨ទូក និងទូកអន្តរជាតិចំនួន១៣៧ទូក។ ក្នុងនោះរួមមាន​-ទូកអុំបុរសចំនួន១៥៨ទូក-ទូកចែវបុរស៤២ទូក-ទូកចែវនារី៣ទូក។

ព័ត៌មានសង្គម វប្បធម៌

គោរពវិញ្ញាណក្ខន្ធ អតីតជំនាញការ​សូវៀត​ ស្លាប់ដោយខ្មែរក្រហម ស្ទាក់​បាញ់តាមផ្លូវ​នៅ​ស្រុកចម្ការលើ​

កំពង់ចាម៖អភិបាលខេត្តកំពង់ចាម លោក អ៊ុន ចាន់ដា ជាមួយមន្ត្រីក្រោមឱវាទ និងប្រជាពលរដ្ឋបានអញ្ជើញគោរពវិញ្ញាណក្ខន្ធ អតីតជំនាញការសូវៀតចំនួន៩រូបខ្មែរ១រូប។ ជនរងគ្រោះបំពេញការងារផ្នែកកសិកម្មដែលបានស្លាប់ ដោយសារក្រុមទាហានខ្មែរក្រហម ស្ទាក់បាញ់ប្រហារនៅតាមផ្លូវក្នុងស្រុកចម្ការលើកាលពីឆ្នាំ១៩៨៣។ពិធី​នេះ​បាន​ធ្វើ​ឡើង​កាលពីថ្ងៃទី​២៥​ ខែវិច្ឆិកា​នៅវត្តដូនធី ​ក្នុង​ឃុំបុសខ្នុរ ស្រុកចម្ការលើ​ ខេត្ត​កំពង់ចាម​ ក្រោម​វត្តមាន​លោក ហ៊ុន​ ម៉ានិត​ អគ្គនាយកស្រាវជ្រាវ ចារកិច្ច និងជាមេបញ្ជាការរងកងទ័ពជើងគោក។ ​លោកឌិតទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ​។លោកH.E. Anatoly Borovik ឯកអគ្គរដ្ឋទូតសហព័ន្ធរុស្ស៊ីប្រចាំកម្ពុជា។គួររំលឹក​ថា​ ពេលកើតហេតុអតីតជំនាញការកសិកម្ម​បានធ្វើដំណើរទៅស្ថានីយ៍ពិសោធន៍ដំណាំកប្បាសនៅស្រុកចម្ការលើ ខេត្តកំពង់ចាម​។ដោយសារស្ថានភាពផ្លូវលំបាកក្រុមការងារបានសម្រាកនៅខេត្តកំពង់ចាម ដោយមានរថយន្ត​ចំនួន៣គ្រឿង រួមមានកងកាពារពីខេត្តចំនួន​១២នាក់។លុះព្រឹកឡើងថ្ងៃទី២៣ ខែសីហាឆ្នាំ១៩៨៣ បានចេញដំណើរទៅស្ថានីយ៍ពិសោធន៍ដំណាំកប្បាស។ ពេលធ្វើដំណើរដល់ភូមិ​ដូនធី​ ពួកខ្មែរក្រហមមាន២ក្រុមបានពួនស្ទាក់បាញ់ប្រហារ ដោយកាំភ្លើងគ្រប់ដៃម៉ាកAK47និងB40 ។ពួកគេបានបាញ់សន្ធាប់លើក្បួនរថយន្តរបស់ក្រុមការងារ ធ្វើឱ្យក្រុមកងការពារបាត់ម្ចាស់ការរត់ដកថយ ដើម្បីរកស្ថានភាពប្រយុទ្ធតបវិញ។ តែយើងត្រូវពួកខ្មែរក្រហមបាញ់ឱ្យរងរបួសនិងស្លាប់។អ្នកបាត់បង់ជីវិតក្នុងព្រឹត្តិការណ៍នោះមាន ១-លោក សូ សុខឃាង មន្ត្រីការិយាល័យស្រាវជ្រាវ ជនជាតិខ្មែរ-លោក ទីមេណូវ វ.វ (N.V.Tikmenov)​ វិស្វករបច្ចេកវិទ្យា​- លោក លិស្សិនកូ ហ្គេ.អា (G.A. Lysenko)​ វិស្វករក្សេត្រសាស្ត្រ​។ លោក ហ្គីប៉ូវ […]

ព័ត៌មានសង្គម វប្បធម៌

អភិបាលខេត្តកំពង់ចាម និងមន្ត្រីក្រោមឱវាទ ដង្ហែរកឋិនសាមគ្គី ចូលវត្តបុទុមរតនៈដីដុះ

កំពង់ចាម៖ឯកឧត្តម អ៊ុនចាន់ដា អភិបាលខេត្តកំពង់ចាម និងលោកជំទាវ ញូងចរិយោ អ៊ុនចាន់ដា ប្រធានកិត្តិយសសមាគមន៍នារីដើម្បីសន្តិភាព និងអភិវឌ្ឍន៍ខេត្តកំពង់ចាម ព្រមទាំងមន្ត្រីក្រោមឱវាទ បានដង្ហែរកឋិនសាមគ្គីចូលវត្តបទុមរតនៈដីដុះ ក្នុងក្រុងកំពង់ចាមកាលពីថ្ងៃទី១២ ខែវិច្ឆិកា។ឆ្លៀតឱកាសនោះអភិបាលខេត្ត បានថ្លែងទៅកាន់ពុទ្ធបរិស័ទក្នុងអង្គកឋិនទាននោះថា ការរៀបចំដង្ហែរកឋិនសាមគ្គី មកកាន់វត្តរតនៈដីដុះនេះមានថ្នាក់ដឹកនាំខេត្ត និងពុទ្ធបរិស័ទដែលបានចូលរួម ហើយគៀងគរប្រមូលបច្ច័យដើម្បីកសាងឧបដ្ឋានសាលា ក្នុងបរិវេណវត្តរតនៈដីដុះ។ការកសាងមានទំហំធំមានរចនាបទស្រស់ស្អាត ស្របតាមព្រះពុទ្ធសាសនា ដែលគ្រោងចំណាយថវិកាប្រមាណជា៦០ម៉ឺនដុល្លារ និងប្រើរយៈពេលសាងសង់ប្រហែលជា៦ឆ្នាំ។ ដូច្នេះបច្ច័យសម្រាប់កសាងឧបដ្ឋានសាលានោះ គឺសង្ឃឹមទៅលើការចូលរួមពីថ្នាក់ដឹកនាំ និងពុទ្ធបរិស័ទ ក្នុងមួយឆ្នាំគ្រោងប្រើថវិកាអស់ប្រមាណ១០ម៉ឺនដុល្លារ។អភិបាលខេត្តបានបន្តថា ឧបដ្ឋានសាលាដែលត្រូវសាងសង់នាពេលនេះ គឺសម្រាប់ជាប្រយោជន៍ដល់ពុទ្ធបរិស័ទ ជួបជុំធ្វើបុណ្យដាក់ទាននិងជាប្រយោជន៍សម្រាប់ភ្ញៀវទេសចរជាតិ-អន្តរជាតិចូលមកសិក្សាស្រាវជ្រាវ និងទស្សនាផងដែរ។ឯកឧត្តមអ៊ុនចាន់ដា មានប្រសាសន៍ទៀតថា ប្រការដែលថ្នាក់ដឹកនាំខេត្ត និងពុទ្ធបរិស័ទដែលបានចូលរួមធ្វើបុណ្យកឋិនសាមគ្គីនាពេលនេះ គឺប្រកបដោយទឹកចិត្តសទ្ធាជ្រះថ្លាទៅនឹងព្រះពុទ្ធសាសនា ។ក្នុងនោះក៏នាំមកនូវភាពរីកចម្រើនរុងរឿង ស្របពេលប្រទេសជាតិ មានសុខសន្តិភាព៕ញ៉ែមសុផល    

ព័ត៌មានសង្គម វប្បធម៌

បកស្រាយករណីស្ត្រីបរទេសម្នាក់ថតវីដេអូ នៅប្រាសាទអង្គរវត្តធ្វើឱ្យប៉ះពាល់វប្បធម៌កម្ពុជា

សៀមរាប៖អាជ្ញាធរជាតិអប្សរា កាលពីរសៀលថ្ងៃទី១២ ខែវិច្ឆិកាឆ្នាំ២០២៣ បានចេញសេចក្តីជូនដំណឹងដោយបញ្ជាក់ថា អាជ្ញាធរជាតិអប្សរាមានកិត្តិយស សូមជម្រាបសាធារណជន មេត្តាជ្រាបថា ថ្មីៗនេះមានការចែករំលែកក្នុងប្រព័ន្ធបណ្តាញសង្គម នូវវីដេអូខ្លីថតនៅប្រាសាទអង្គរវត្ត អមដោយភ្លេងនិងរូបភាពកាត់ត បញ្ចូលផ្សេងៗដែលធ្វើឱ្យប៉ះពាល់ដល់វប្បធម៌ និងបេតិកភណ្ឌដ៏ផូរផង់នៃកម្ពុជា។ អាជ្ញាធរជាតិអប្សរាសូមបញ្ជាក់ជូននូវករណីនេះ។១-កាលពីថ្ងៃទី២៣ ខែតុលា ឆ្នាំ២០២៣ក្រុមភ្នាក់ងារទេសចរណ៍នៃអាជ្ញាធរជាតិអប្សរា បានហាមឃាត់អ្នកទេសចរបរទេសមួយចំនួន ដែលមានបំណងថតសម្លៀកបំពាក់ច្នៃប្រឌិត ជាមួយនឹងសម្ភារមួយចំនួន។ បន្ទាប់ពីហាមមិនឱ្យប្រើប្រាស់សម្ភារនោះមក ភ្នាក់ងារ ទេសចរណ៍ក៏បានតាមពិនិត្យ និងស្នើសុំឱ្យលុបចោលរូបភាពផ្សេងៗ ដែលមានលក្ខណៈមិនសមស្រប។ជាយថាហេតុសមាជិកក្នុងក្រុមនោះដែលបានប្រើប្រាស់ ទូរសព្ទដៃជាឧបករណ៍ថតអាចនឹងលាក់កំបាំង ហើយប្រើប្រាស់រូបភាពមួយចំនួនទាំងក្នុង និងក្រៅប្រាសាទយកមកកាត់តបញ្ចូលគ្នាទាំងសំឡេង និងរូបភាពផ្សេងៗដើម្បីផ្សព្វផ្សាយក្នុងគោលបំណងមិនល្អ។២-ដោយសកម្មភាពជាវីដេអូឃ្លីបមានលក្ខណៈញុះញង់ក្នុងសង្គម អាជ្ញាធរជាតិអប្សរាបានស្នើសុំក្រុមហ៊ុនបណ្តាញសង្គម Tik Tok ទប់ស្កាត់ការបង្ហោះវីដេអូឃ្លីប ក៏ដូចជាសំណូមពរដល់ សាធារណជនទាំងអស់ សូមមេត្តាកុំចូលរួមចែករំលែកបន្ត។ ពីព្រោះបង្ហោះបន្តជាការគាំទ្រនូវការញុះញង់ ដល់សកម្មភាពអវិជ្ជមានទាំងនោះ។ ជាមួយគ្នានេះ អាជ្ញាធរជាតិអប្សរាសូមអភ័យទោស ចំពោះការខ្វះខាតខ្លះ ដែលកើតមានឡើងជាយថាហេតុ ហើយប្តេជ្ញានឹងពង្រឹងកិច្ច ការងារក្នុងការថែរក្សានូវរូបភាព ដ៏បវរនៃរមណីយដ្ឋានអង្គរបន្ថែមទៀត។ ៣- អាជ្ញាធរជាតិអប្សរា សូមថ្លែងអំណរគុណដ៏ស្មោះស្ម័គ្រចំពោះស្មារតីចូលរួមរបស់សាធារណមតិទាំងអស់ ដែលបានរួមចំណែកជួយទប់ស្កាត់នូវករណីអវិជ្ជមាននានា ដែលកើតមានឡើង ក្នុងតំបន់រមណីយដ្ឋានអង្គរ ដែលជាកិច្ចជួយពង្រឹងនូវតម្លៃនៃមរតកវប្បធម៌ ដែលជាដួង ព្រលឹងរបស់ជាតិ។ សេចក្តីដូចបានជម្រាបជូនខាងលើ សូមសាធារណជនជ្រាបអំពីបញ្ហាដែលបានកើតឡើងខាងលើ៕សហការី

ព័ត៌មានទេសចរណ៍ ព័ត៌មានសង្គម វប្បធម៌

ពិធីក្រុងពាលីទូក​ ងឈ្មោះ“តំបន់សឹកសែនជ័យ បារមីលោកតាឌី”មុនចេញប្រកួត

ព្រះវិហារ៖ទូក ងឈ្មោះ“តំបន់សឹកសែនជ័យ បារមីលោកតាឌី” ត្រូវបានរៀបចំពិធីក្រុងពាលី មុនចេញប្រកួតថា្នក់តំបន់នាថ្ងៃទី១៨-១៩ ខែវិច្ឆិកាឆ្នាំ២០២៣ខាងមុខនេះ។ ព្រឹកថ្ងៃទី​២​ ខែវិច្ឆិកា​ឆ្នាំ​២០២៣​ នៅទីបញ្ជាការតំបន់ប្រតិបត្តិការ​សឹករងព្រះវិហារ​ បានរៀបចំពិធីក្រុងពាលី សុំសេចក្តី​សុខសប្បាយ​ និងជ័យ​ជម្នះដល់​ទូក ង​ “ឈ្មោះ​​តំបន់​សឹកសែនជ័យ​ បារមីលោកតាឌី”។​ ជាមួយនោះសុំម្ចាស់ទឹកម្ចាស់ដី​ដែលថែរក្សាទឹកដីជួយ ប្រោសព្រហ្មដល់ក្រុមកីឡាករទូក​ ងទាំងអស់​ដែលបានចូលរួមប្រកួត នៅបឹងទំនប់៩៥ ស្ថិតក្នុងភូមិទំនប់ សង្កាត់ប៉ាលហាល ក្រុងព្រះវិហារ។ពិធីក្រុងពាលីនេះធ្វើឡើង ក្រោមវត្តមានលោកឧត្ដម​សេនីយ៍​ទោ​ ច័ន្ទ​ សុភ័ក្ដ្រា​ មេបញ្ជាការ​ តំបន់​ប្រតិបត្តិការ​សឹករងព្រះវិហារ​ និងចូលរួមដោយមេបញ្ជាការរង​ នាយទាហាន​ នាយទាហាន​រង​ និងពលទាហាន​ចំណុះទីបញ្ជាការតំបន់ប្រតិបត្តិការសឹករងព្រះវិហារ​។ក្នុងឱកាសនេះដែរលោកឧត្ដមសេនីយ៏ទោ មេបញ្ជាការបានផ្ដល់កម្លាំងចិត្ត និងណែនាំដល់ចំណុះទូកទាំងអស់ ពេលប្រកួតសូមសហការគ្នាឱ្យបានល្អ រក្សាសាមគ្គីភាព ផ្ដល់សេចក្ដីស្រឡាញ់ ស្នាមញញឹមដើម្បីឱ្យក្រុមកីឡាករ របស់យើងដែលកើតពីកងយោធពលខេមរភូមិន្ទ គឺកម្លាំងតំបន់ប្រតិបត្តិការរងខេត្តព្រះវិហារតែម្ដង៕សៅវ៉ាន់ឌី

ព័ត៌មានសង្គម វប្បធម៌

ប្រវត្តិអុំទូក បណ្តែតប្រទីប សំពះព្រះខែ អកអំបុក

ភ្នំពេញ៖ពិធីបុណ្យអុំទូក បណ្តែតប្រទីប សំពះព្រះខែគឺជាពិធីបុណ្យប្រពៃណីរបស់ប្រជារាស្រ្តខ្មែរដែលធ្លាប់ប្រារព្ធធ្វើជារៀងរាល់ឆ្នាំ តាំងពីបុរាណកាលមក។ពិធីប្រណាំងទូក៖ប្រវត្តិនៃបុណ្យអុំទូកមានតាំងពីយូរលង់ណាស់មកហើយ គឺមានចែងក្នុងឯកសាររបស់ប្រវត្តិវិទូបរទេសក៏ដូចជា តាមសិលាចារឹកនៃប្រាសាទអង្គរ។សូមបញ្ជាក់ថាអុំទូកនេះមានការបកស្រាយប្លែកៗគ្នាជាច្រើន ហើយពិធីធ្វើក៏មានប្លែកៗគ្នាដែរ ។តាមសៀវភៅជ័យវរ្ម័នទី៧ មានក្នុងវិជ្ជាស្ថានពុទ្ធសាសនបណ្ឌិតពីដើមចែងថា៖ នៅសម័យអង្គរនាសតវត្សទី១២ កម្ពុជាមានសេចក្តីសុខក្សេមក្សាន្តរុងរឿងណាស់ ដោយព្រះបាទជ័យវរ្ម័នទី៧ ស្តេចចេញធ្វើសឹកសង្គ្រាមជើងទឹកបង្រ្កាបពួកចាមដោយកងទ័ពទូកជាចំបាំងដោះក្រុងកម្ពុជាឱ្យរួចផុតពីខ្មាំងសត្រូវ(គ.ស១១៧៧–១១៨១)។រឿងចំបាំងគ្រានោះមានឆ្លាក់នៅជញ្ជាំងប្រាសាទបាយ័ននិងបន្ទាយឆ្មារ។ក្នុងចំបាំងនោះគេឃើញមានកងទ័ពទូកជាច្រើន មហិមាដែលមានព្រះឆាយាលក័្ខនៃព្រះបាទជ័យវរ្ម័នទី៧ប្រថាប់ឈរលើ ទីតាំងនាវាចំបាំងដោយទ្រង់ធ្នូនិងដំបងយ៉ាងស្វាហាប់ក្នុងចំណោមកងទ័ពទូកទាំងឡាយ ៕ស្រាវជ្រាវនិពន្ធដោយ៖លោក ជាគាន  

Featured ព័ត៌មានទេសចរណ៍ ព័ត៌មានសង្គម វប្បធម៌

បញ្ចូលប្រាសាទកោះកេរចូលជាសម្បត្តិបេតិកភណ្ឌពិភពលោក

ព្រះវិហារ៖ក្រសួងទេសចរណ៍កម្ពុជា កាលពីថ្ងៃទី១៧ ខែកញ្ញាឆ្នាំ២០២៣បានផ្សាយព័ត៌មាន ប្រាសាទកោះកេរត្រូវដាក់បញ្ចូលជាសម្បត្តិបេតិកភណ្ឌពិភពលោកដោយជោគជ័យ។ មន្ត្រីជំនាញបានឱ្យដឹងថា ប្រាសាទកោះកេរត្រូវបានដាក់បញ្ចូលជាបេតិកភណ្ឌពិភពលោកក្នុងបញ្ជីរបស់អង្គការសហប្រជាជាតិ បន្ទាប់ពីកម្ពុជាបានចូលរួមកិច្ចប្រជុំគណៈកម្មការបេតិកភណ្ឌពិភពលោកលើកទី៤៥ នៅប្រទេសអារ៉ាប៊ីសាអូឌីត ដែលប្រព្រឹត្តឡើងចាប់ពីថ្ងៃទី១០ដល់ថ្ងៃទី២៥ ខែកញ្ញាឆ្នាំ២០២៣។សូមបញ្ជាក់ថា ប្រាសាទកោះកេរ ត្រូវបានក្រសួងវប្បធម៌ និងវិចិត្រសិល្បៈបានបញ្ជូនឯកសារស្នើសុំចុះបញ្ជីនៅតំបន់ប្រាសាទកោះកេរ ទៅអង្គការយូណេស្កូ តាំងពីខែមករា ឆ្នាំ២០២១។ប្រាសាទកោះកេរមានទំហីផ្ទៃដីជាង៨.៧០០ហិកតា ស្ថិតក្នុងស្រុកគូលែន ឃុំស្រយង់ ខេត្តព្រះវិហារ។ប្រាសាទនេះមានលក្ខណៈ ជាប្រាសាទភ្នំ កម្ពស់ប្រមាណ៣៥ម៉ែត្រ ចែកចេញជា៧ថ្នាក់ ដូចជាមហាចេតិយ៍បែរមុខទៅរករាជធានីអង្គរ នៅឯទិសខាងលិច ដោយមានកាំជណ្តើរប្រមាណ៥៥កាំ។តាមថ្នាក់ពីមួយទៅមួយ មានកម្ពស់៥ម៉ែត្រ មានផ្ទៃរាបប្រមាណ២ម៉ែត្រ តាមចន្លោះថ្នាក់នីមួយៗ។ នៅលើកំពូលប្រាសាទនេះ មានរូបចម្លាក់គ្រុឌធំៗជាច្រើន កំពុងសំដែងរិទ្ធ ទ្រនូវសិវលឹង្គ ត្រីភូវនេស្វរៈ ។នៅក្បែរគ្នានេះដែរមានមាត់រន្ធអណ្តូងមួយទំហំ៤មគុណ៤ម។ប្រាសាទកោះកេរបានកសាងឡើងក្នុងរជ្ជកាលព្រះបាទជ័យវរ័្មនទី៤ ឧទ្ទិសដល់អាទិទេពមួយអង្គឈ្មោះ ត្រីភូវនេស្វរៈ ក្នុងព្រហ្មញ្ញសាសនា។ ប្រាសាទកោះកេរ មានរូបរាងជាពីរ៉ាមីតដោយមាន៧ជាន់និងមានកម្ពស់៣៥ម៉ែត្រ។ សព្វថ្ងៃនៅរមណីយដ្ឋានប្រាសាទកោះកេរ មានសំណង់ប្រាសាទ សំណង់សាសនា ប្រព័ន្ធធារាសាស្រ្តចំនួន១២៧ ក្នុងនោះមានប្រាសាទដែលនៅមានរូបរាងចំនួន៥៦៕សៅ វ៉ាន់ឌី      

Featured ព័ត៌មានសង្គម វប្បធម៌

ខួប១៥ឆ្នាំ​នៃប្រាសាទព្រះវិហារអាយុកាលជាង១.០០០ឆ្នាំដែលចុះក្នុងបញ្ជីបេតិកភណ្ឌពិលោក

ព្រះវិហារ៖ថ្ងៃនេះគម្រប់ខួប១៥ឆ្នាំនៃប្រាសាទព្រះវិហារ ដែលមានអាយុកាលជាង១.០០០ឆ្នាំបានចុះក្នុងបញ្ជីបេតិកភណ្ឌពិលោក។ លោកគង់ ពុទ្ធិកា អគ្គនាយកអាជ្ញាធរជាតិព្រះវិហារបានប្រាប់អ្នកសារព័ត៌មានឱ្យដឹងថា ប្រាសាទព្រះវិហារ​បានកសាងឡើងនៅភ្នំខ្ពស់សន្លឹម ​ខុសប្លែកពីប្រាសាទនានាក្នុងព្រះរាជាណា​ចក្រ​កម្ពុជា ។ក្នុងនោះមានទេសភាពដ៏ស្រស់ត្រកាល ​មាន​ក្បូនក្បាច់​រចនា​បទ​ស្ថាបត្យកម្មល្អឯក និង​មានតម្លៃមហាសាលមិនអាចកាត់ថ្លៃបាន។ម្យ៉ាងទៀតជាប្រាសាទដែលដំណាងឱ្យសាសនាផងនិងការសាមគ្គីភាពគ្នាផង ខណៈដែលការកសាងប្រាសាទនេះ គឺប្រើពេលរហូតដល់ជាង៣០០ឆ្នាំទើបរួចរាល់។លោកអគ្គនាយកបានបញ្ជាក់ដែរថា មូលហេតុឬកត្តាដែលយើង​មាន​ជា​អំណះអំណាង និង​ជាប្រវត្តិសាស្ត្រ​ទាំងអស់នេះហើយ ​ទើបគ្រប់​លក្ខណខណ្ឌ​ដែល​បាន​ឈ្នះក្តីលើឆាកអន្តរជាតិ និងត្រូវ​បាន​ចុះក្នុង​បញ្ជីសម្បត្តិ​បេតិកភណ្ឌពិភពលោកទៅបាន។ជាមួយនេះដែរយុវជននៅរាជធានីភ្នំពេញ ​បាន​សម្តែងការ​អបអរសាទរ និង​ប្តេជ្ញា​ការ​ពារ​មរតក​ប្រាសាទ​ព្រះវិហារឱ្យ​នៅគង់វង្ស​បន្តដល់កូនចៅជំនាន់ក្រោយ ​ព្រមទាំង​ផ្សព្វផ្សាយ​ឱ្យ​កាន់តែល្បីល្បាយ​ទៅលើឆាកអន្តរជាតិ។លើសពីនេះពួកគាត់បាន​កោត​ស្ងប់ស្ងែង​ចំពោះបុព្វបុរសខ្មែរ ដែលបាន​បន្សល់ទុក​មរតក​ដ៏​អស្ចារ្យនេះ សម្រាប់អ្នកជំនាន់ក្រោយ។ប្រាសាទព្រះវិហារដែលមានអាយុកាលជាង១.០០០ឆ្នាំ​ ស្ថិតនៅលើភ្នំដងរែក ​ត្រូវ​បាន​ចុះបញ្ជីជា​សម្បត្តិ​បេតិកភណ្ឌ​ពិភពលោក នាកិច្ចប្រជុំទី៣២របស់គណៈកម្មាធិការបេតិកភណ្ឌពិភពលោក​របស់អង្គការយូណេស្កូ (UNESCO)​កាលពីថ្ងៃទី៧ ខែកក្កដា​ឆ្នាំ២០០៨​នៅទីក្រុងកេបិច ប្រទេសកាណាដា។ពួក​អាណានិគម​បារាំង​ បានប្រគល់ប្រាសាទព្រះវិហារឱ្យប្រទេសថៃក្នុងឆ្នាំ១៩៥៤។ តែត្រូវព្រះមហាក្សត្រខ្មែរទាមទារបានមកវិញដោយការកាត់សេចក្ដីពីតុលាការអន្តរជាតិទីក្រុងទ្បាអេ ​នាថ្ងៃទី១៥ ខែមិថុនាឆ្នាំ១៩៦២ក្រោមព្រះរាជកិច្ចដឹកនាំ​ដោយព្រះបរមរតនកោដ្ឋ ​ព្រះវររាជបិតាជាតិខ្មែរសម្តេច នរោត្តមសីហនុ៕សៅវ៉ាន់ឌី

Featured ព័ត៌មានសង្គម ព័ត៌មានអន្តរជាតិ វប្បធម៌

ពេលធ្វើធម្មយាត្រានៅអារ៉ាប៊ីសាអ៊ូឌីតអាចមានស្លាប់២៣០នាក់និង៤.០០០នាក់បញ្ជូនទៅមន្ទីរពេទ្យដោយសារក្តៅខ្លាំង

បរទេស៖អ្នកនាំពាក្យក្រសួងសុខាភិបាលអារ៉ាប៊ីសាអ៊ូឌីតបានឱ្យដឹងថា អ្នកធ្វើធម្មយាត្រាជាង៤.០០០នាក់ត្រូវបានបញ្ជូនទៅមន្ទីរពេទ្យដោយសារតែកម្តៅ ខណៈចំនួនមនុស្សដែលរងការអស់កម្លាំងបានកើនឡើងលើសពី៦.៧០០នាក់ ដោយសារតែសីតុណ្ហភាពក្តៅខ្លាំង។ពេលធម្មយាត្រាទៅទីក្រុង Mecca ប្រទេសអារ៉ាប៊ីសាអ៊ូឌីតឆ្នាំនេះ សីតុណ្ហភាពបានឡើងលើស៤៥ អង្សាសេ កន្លែងគោរពបូជាតែងតែគ្មានខ្យល់។រយៈពេល៤ ថ្ងៃចាប់ពីថ្ងៃទី២៥-២៨ខែមិថុនាមូស្លីមជាង១,៨លាននាក់មកពីទូទាំងពិភពលោកបានសម្រុកទៅទីក្រុង Mecca ដើម្បីបំពេញកាតព្វកិច្ចប្រចាំឆ្នាំរបស់ខ្លួន។ ជាមួយនឹងសកម្មភាពដែលត្រូវបានរៀបចំជាចម្បង ក្រោមព្រះអាទិត្យក្តៅនៅវាលខ្សាច់។ឆ្នាំនេះ អ្នកគោរពប្រណិប័តន៍មនុស្សចាស់ជាច្រើនបានចូលរួមធម្មយាត្រា បន្ទាប់ពីការដាក់កំហិតអាយុអតិបរមាក្នុងអំឡុងពេលការរាតត្បាត COVID-19 ត្រូវបានដកចេញ។ក្រសួងសុខាភិបាលអារ៉ាប៊ីសាអ៊ូឌីតបានឱ្យដឹងថា កាលពីថ្ងៃទី២៩ ខែមិថុនាមនុស្ស១.២៧១នាក់បានកើតជំងឺដាច់សរសៃឈាមខួរក្បាល។ ក្រសួងណែនាំឱ្យអ្នកគោរពប្រណិប័តន៍ក្រោមពន្លឺព្រះអាទិត្យ និងទទួលទានទឹកឱ្យបានច្រើន។យោងតាមមន្ត្រីអារ៉ាប៊ីសាអ៊ូឌីត អ្នកធម្មយាត្រាមួយចំនួនធំនៅតែស្ថិតនៅកន្លែងពិសិដ្ឋ បន្ទាប់ពីពិធីសំខាន់ៗត្រូវបានបញ្ចប់។មន្ត្រីអារ៉ាប៊ីសាអ៊ូឌីតមិនបានបញ្ជាក់ពីចំនួនអ្នកស្លាប់ក្នុងអំឡុងពេលធ្វើធម្មយាត្រានេះទេ ។ប៉ុន្តែគេរាយការណ៍ថា យ៉ាងហោចណាស់មនុស្ស២៣០នាក់បានស្លាប់ដោយមិនបញ្ជាក់ពីមូលហេតុរួមទាំងជនជាតិឥណ្ឌូនេស៊ីជាច្រើននាក់ផងដែរ។រដ្ឋាភិបាលអារ៉ាប៊ីសាអ៊ូឌីតបានបញ្ជូនបុគ្គលិកពេទ្យរាប់ពាន់នាក់ និងបង្កើតមន្ទីរពេទ្យបណ្តោះអាសន្ន ដើម្បីគាំទ្រអ្នកធ្វើធម្មយាត្រាក្នុងអំឡុងពេលថ្ងៃឈប់សម្រាកដ៏វិសុទ្ធនេះ។អាកាសធាតុនៅក្នុងរដ្ឋឈូងសមុទ្រកំពុងក្លាយជាក្តៅខ្លាំង។ អ្នកជំនាញព្យាករថា កំពូលសីតុណ្ហភាព៥០ អង្សាសេក្នុងរដូវក្តៅទំនងជានឹងកើតឡើងជារៀងរាល់ឆ្នាំនៅចុងសតវត្សនេះ ហើយតំបន់ឆ្នេរសមុទ្រជាច្រើននឹងលែងមានកន្លែងរស់នៅទៀតហើយ។ ធម្មយាត្រាទៅកាន់ទីក្រុង Mecca ក្នុងប្រទេសអារ៉ាប៊ីសាអ៊ូឌីត គឺជាដំណើរធម្មយាត្រាដ៏ធំបំផុតមួយនៅក្នុងពិភពលោក។ នេះគឺជាកាតព្វកិច្ចដែលត្រូវតែអនុវត្តយ៉ាងហោចណាស់ម្តងក្នុងជីវិតរបស់មូស្លីមតាមដែលអាចធ្វើទៅបាន៕ពីសហការី

Featured នយោបាយ ព័ត៌មានសង្គម វប្បធម៌

សម្ពោធដាក់ប្រើប្រាស់វិហារអីស្លាម“នូរុលអៀសសាន្ត”គីឡូម៉ែត្រលេខ៧

ភ្នំពេញ៖វិហារអីស្លាម“នូរុលអៀសសាន្ត”គីឡូម៉ែត្រលេខ៧ ស្ថិតក្នុងភូមិ១ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ បានសម្ពោធដាក់ឱ្យប្រើប្រាស់ កាលពីថ្ងៃទី១៦ ខែមិថុនាឆ្នាំ២០២៣។ពិធីនេះក្រោមអធិបតីភាពលោកបណ្ឌិត ហ៊ុន ម៉ាណែតតំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត។លោក ឃួង ស្រេង អភិបាលរាជធានីភ្នំពេញបានរាយការណ៍ឱ្យដឹងថា វិហាអីស្លាម“នូរុលអៀសសាន្ត”បានសាងសង់ឡើងវិញក្នុងអំឡុងខែធ្នូឆ្នាំ២០១៦ និងបញ្ចប់ការសាងសង់ក្នុងខែមេសាឆ្នាំ២០១៩ ខណៈសំណង់អគារវិហារចាស់ដែលបានសាងសង់តាំងពីឆ្នាំ១៨១៥មកម្លេះ ដោយមានសភាពទ្រុឌទ្រោមខ្លាំង។សំណង់អគារវិហារថ្មីសង់ផុតពីដីទំហំទទឹង២៦មគុណ៣៦ម៉ែត្រ អាចផ្ទុកអ្នកថ្វាយបង្គំប្រមាណ១.០០០នាក់។ ក្រៅពីសំណង់អគារវិហារថ្មីក៏មានសមិទ្ធនានាៗជាច្រើនទៀតដូចជា-សាលារៀន-អគារអន្តេវេសិកដ្ឋាននិងអគារស្នាក់នៅ ដែលចំណាយថវិកាសាងសង់សរុបជាង៤១ម៉ឺន៥ពាន់ដុល្លារ។ក្នុងនោះ៨៥ភាគរយជាថវិកាទទួលបានពីសប្បុរសជនក្នុងស្រុកនិង១៥ភាគរយទទួលបានពីសប្បុរសជនក្រៅស្រុក។ជាមួយគ្នានេះលោក អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេសក៏បានចូលរួមថ្លែងនូវចំណាប់អារម្មណ៍ថា សមិទ្ធិផលថ្មីនេះអាចកើតមានឡើងដោយសារប្រទេសមានសុខសន្តិភាពពេញលេញ ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិត និងចក្ខុវិស័យច្បាស់លាស់ របស់សម្តេចតេជោ ហ៊ុន សែន នាយករដ្ឋមន្ត្រី។លោកបណ្ឌិតហ៊ុន ម៉ាណែត តំណាងដ៏ខ្ពង់ខ្ពស់សម្តេចតេជោ ហ៊ុនសែននាយករដ្ឋមន្ត្រីនៃកម្ពុជានិងសម្តេចកិត្តិព្រឹទ្ធបណ្ឌិត បានថ្លែងសាកសួរសុខទុក្ខនិងក្តីនឹករលឹកជូនចំពោះភ្ញៀវកិត្តិយសបងប្អូនសាសនិកអីស្លាមសិស្សានុសិស្ស ក្រុមយុវជន និងពលរដ្ឋទាំងអស់ខណ្ឌឬស្សីកែវក្នុងមនោសញ្ចេតនាស្រឡាញ់។លោកបណ្ឌិត ហ៊ុន ម៉ាណែត បានអបអរសាទរចំពោះការសម្ពោធដាក់ឱ្យប្រើប្រាស់ជាផ្លូវការវិហារអីស្លាម“នូរុលអៀសសាន្ត”និងសមិទ្ធផលនានាដែលបានសាងសង់ទ្បើងវិញ ដោយកម្លាំងរួបរួមសាមគ្គីរបស់ពលរដ្ឋជាសាសនិកអីស្លាមក្នុងស្រុក និងក្រៅប្រទេសដើម្បីជាទីកន្លែងថ្វាយបង្គំ រំលឹកដល់អល់ឡោះជាម្ចាស់ដោយកាយវិការនិងចិត្ត។លោកបណ្ឌិតក៏បានផ្តល់កិត្តិយសបំពាក់នូវគ្រឿងឥស្សរយស និងមេដាយមាស ជូនដល់គណៈកម្មការសាងសង់វិហារ និងសប្បុរសជន ដែលបានចូលរួមចំណែកជាមួយរាជរដ្ឋាភិបាល ក្នុងការអភិវឌ្ឍន៍ប្រទេសជាតិលើវិស័យសាសនា។ក្នុងឱកាសនេះ លោកបណ្ឌិតហ៊ុនម៉ាណែត បាននាំយកនូវអំណោយសម្តេចតេជោ […]