មុខម្ហូប

​ឆា​គ្រុំ​

+ គ្រឿងផ្សំ​-​គ្រុំ​(​យកតែ​សាច់​កន្លះ​គីឡូ​)-​ខ្ទឹមស​៧​កំពឹស​-​ម្ទេស​៥​គ្រាប់​-​ប្រេងខ្យង​១​ស្លាបព្រា​បាយ​-​ទឹកត្រី កន្លះ​ស្លាបព្រា​បាយ​-​ទឹកស៊ីអ៊ីវ ១​ស្លាបព្រា​កាហ្វេ​-​ស្ករស កន្លះ​ស្លាបព្រា​បាយ​-​ម្រេចស​បន្តិច​-​ជី​ក្រហម​ + វិធី​ធ្វើ​-​បុក​ខ្ទឹមស និង​ម្ទេស​ឱ្យ​ហ្មត់ ដាក់​ខ្ទះ​ដាក់​ប្រេងឆា​ដាំ​ឱ្យ​ក្ដៅ​បន្តិច សឹម​ដាក់​ខ្ទឹ​ស និង​ម្ទេស​បុក​ចូល រលីង​ឱ្យ​ឈ្ងុយ​បន្តិច សឹម​ចាក់​សាច់​គ្រុំ​ចូល​-​បន្ទាប់មក ដាក់​គ្រឿង ប្រេងខ្យង ទឹកត្រី ទឹកស៊ីអ៊ីវ ស្ករស ម្រេចស ឆា​វា​ឲ្យ​ចូល​គ្រឿង ដាក់​ជី​ចូល​ឆា​ត្រឡប់​បន្តិច​រួច​ជាការ​ស្រេច​៕​រស្មី​កម្ពុជា

មុខម្ហូប

​សម្ល​ត្រពាំង​ជូរ​ត្រី​ក្រហម​

+ គ្រឿងផ្សំ​-​ត្រី​ក្រហម​១​ក្បាល​ធំ​-​ទំពាំងជូរ​២​ខាំ​-​ប្រហុក​២​ស្លាបព្រា​បាយ​-​ខ្ទឹមក្រហម​២​មើម​-​ម្ទេស​ក្រហម​៥​គ្រាប់​-​ម្ទេស​អាចម៍សត្វ​១០​គ្រាប់​-​ស្ករស​១/២​ស្លាបព្រា​បាយ​-​គល់​ស្លឹកគ្រៃ ៣​គល់​-​ម្អម​-​ស្លឹក​ខ្ទឹម​ + វិធី​ធ្វើ​-​លាង​ត្រី​ឱ្យ​ស្អាត​កាត់​ជា​កង់ៗ​,​បុក​ខ្ទឹមក្រហម និង​ម្ទេស​ក្រហម​ជាមួយគ្នា​ឱ្យ​ហ្មត់​,​ទំពាំងជូរ​ច្របាច់​លាង​ទឹក​ឱ្យ​ស្អាត​-​ដាក់​ដាំទឹក​ល្មម​មួយ​សម្ល ពេល​ទឹក​ពុះ​បង់​គល់​ស្លឹកគ្រៃ​ខ្ទឹម​បុក​ស្ករស និង​ត្រី​ចូល​ទុកឱ្យ​ពុះ ឆ្អិន​ត្រី​ទើប​ដាក់​ទំពាំងជូរ​ចូល​រួច​ជ្រុំប្រហុក ដាក់​ម្ទេស​អាចម៍សត្វ ម្អម និង​ស្លឹក​ខ្ទឹម រួច​ជាការ​ស្រេច​៕​រស្មី​កម្ពុជា​

មុខម្ហូប

​បុក​ត្រី​ធូ​ណា​

+ គ្រឿងផ្សំ​-​ត្រី​ធូ​ណា​១​កំប៉ុង​-​ម្ទេស​១០​គ្រាប់​-​ខ្ទឹមស​៥​កំពឹស​-​ខ្ទឹមក្រហម​៣​មើម​-​ឫស​ជី​វ៉ាន់ស៊ុយ​២- អំបិល​ចុង​ស្លាបព្រា​កាហ្វេ​-​ក្រូចឆ្មា​១​ផ្លែ​-​ទឹកត្រី​១​ស្លាបព្រា​បាយ​បន្លែ​អន្លក់​ត្រសក់​សណ្ដែកកួរ ព​ពាយ ស្ពៃក្ដោប អាច​ជ្រើសរើស​តាម​ចំណូលចិត្ត ។​ + វិធី​ធ្វើ​-​យក​ខ្ទឹមស ខ្ទឹមក្រហម​ម្ទេស​ឫស​ជី​វ៉ាន់ស៊ុយ​រលីង​ក្នុង​ខ្ទះ​ឲ្យ​ទន់​សឹម​យកមក​បុក​ឱ្យ​ហ្មត់​ជាមួយ​គ្រឿង អំបិល រួច​ដាក់​ទឹកត្រី និង​ច្របាច់​ក្រូចឆ្មា​ចូល​ច្របល់​ឱ្យ​សព្វ​រួច​ជាការ​ស្រេច អាច​ផ្ទាប់​ជាមួយ​បន្លែ​បាន​៕​រស្មីកម្ពុជា

មុខម្ហូប

​សម្លម្ជូរ​ល្ហុង​

+​គ្រឿងផ្សំ​–​ល្ហុង​១​ផ្លែ​តូច​ល្មម​–​ត្រី​ធូ​ណា​កំប៉ុង ១​កំប៉ុង​–​កាពិ​កន្លះ​ស្លាបព្រា​បាយ​–​គ្រឿងការី​ក្រហម​១​ស្លាបព្រា​បាយ​–​ទឹកត្រី​១​ស្លាបព្រា​បាយ​–​ទឹកអំពិល​ទុំ​៣​ស្លាបព្រា​បាយ​–​បង្គា​។​ + វិធី​ធ្វើ​–​បុក​គ្រឿងការី​ក្រហម​ត្រី​ធូ​ណា​និង​កាពិ​ឱ្យ​ហ្ម​ត​ហាន់​ល្ហុង​ជា​កង់​ដុំៗ​ធំ​ល្មម​–​ដាក់​ដាំទឹក​ឱ្យ​ពុះ​រួច​ដាក់​គ្រឿង​បុក​ចូល​កូរ​ឱ្យ​សព្វ​រួច​ដាក់​ល្ហុង​ចូល​ដាក់​ទឹកត្រី​និង​ទឹកអំបិល​ទុំ​កូរ​ឱ្យ​សព្វ​រួច​រម្ងាស់​៣០​នាទី​សឹង​ដាក់​បង្គា​ចូល​ឱ្យ​ឆ្អិន​រួច​ការ​ស្រេច​៕​រស្មីកម្ពុជា

មុខម្ហូប

​ឆា​ក្ដៅ​គ្រឿងក្នុង​មាន់​​

+ គ្រឿងផ្សំ​,​គ្រឿងក្នុង​មាន់​៤​ខាំ​,​រំដេង​១​មើម​,​ម្ទេស​ក្រៀម​១៥​គ្រាប់​,​ខ្ទឹមក្រហម ៤​មើម​,​គល់​ស្លឹកគ្រៃ ២​គល់​,​ស្លឹក​ក្រូច​៥​សន្លឹក​,​ទឹកស៊ីអ៊ីវ​២​ស្លាបព្រា​បាយ​,​ប្រេងខ្យង​២​ស្លាបព្រា​បាយ​។​ + វិធី​ធ្វើ​,​កាត់​រំដេង​ជា​ដុំ​តូចៗ កាត់​ខ្ទឹមក្រហម​ជា​ដុំៗ រួច​បុក​ជាមួយ ម្ទេស​ក្រៀម​ឱ្យ​ហ្មត់ រួច​ដាក់​ប្រេងឆា​ក្នុង​ខ្ទះ​ឱ្យ​ក្ដៅ​បន្តិច​សឹម​ដាក់​គ្រឿង បុក​ចូល​ឆា​ត្រឡប់​ឱ្យ​ឈ្ងុយ​។​រួច​ដាក់​គ្រឿង ក្នុង​មាន់​ចូល និង​ដាក់​ទឹក​បន្តិច បន្ទាប់មក​ដាក់​ទឹកស៊ីអ៊ីវ ប្រេងខ្យង​ចូល​ឆា​វា​ឱ្យ​រីង​ទឹក​បន្តិច​រួច​ដាក់​គល់​ស្លឹកគ្រៃ ហាន់​ប​ញ្ឈិ​តៗ​ប្រវែង​១​ថ្នាំ​ដៃ និង​ស្លឹក​ក្រូច​ចូល គ្រប​ទុកឱ្យ​ឆ្អិន​បន្តិច​សឹម​ឆា​ឲ្យ​ស្ងួត​ទឹក​បន្តិច រួច​ជាការ​ស្រេច ៕​រស្មី​កម្ពុជា​

មុខម្ហូប

​ប្រហិត​រុំ​អំពៅ​

គ្រឿងផ្សំ​៖- បង្គា​៤០០​ក្រាម (​បក​ឱ្យ​ស្អាត​)- សាច់គោ​(​សាច់​សុទ្ធ​) ៤០​ក្រាម ចិញ្ច្រាំ ឬ​កិន​ឱ្យ​ហ្មត់​ល្អ​ – សាច់​ត្រី​ស្លាត ៤០​ក្រាម ហាន់​ជា​ដុំៗ​ខ្លាញ់គោ​៤០​ក្រាម ហាន់​ជា​ដុំ​តូចៗ​- គល់​ស្លឹក​ខ្ទឹម ២០​ក្រាម ហាន់​ល្អិត​- អំបិល ១​ស្លាបព្រា​កាហ្វេ​- ស្ករស ២​ស្លាបព្រា​កាហ្វេ​- ទឹកត្រី ១​ស្លាបព្រា​បាយ​-​ម្រេច​ហ្មត់ ១/២​ស្លាបព្រា​កាហ្វេ​- ម្សៅ​ស៊ុប​ខ្នរ ១/២​ស្លាបព្រា​កាហ្វេ​- ស៊ុត (​យកតែ​ពណ៌​ស កន្លះ​គ្រាប់​)-​ប្រេង​សម្រាប់​បំពង​- អំពៅ។ ​វិធី​ធ្វើ​៖​សកសំបក​អំពៅ​ឱ្យ​ស្អាត កាត់​ជាដើម​តូចៗ​ល្មម​សម្រាប់​រុំ ប្រវែង​ប្រហែល ៧-១០​សង់ទីម៉ែត្រ​-​យក​បង្គា​ដាក់​អំបិល​ចូល ១​ស្លាបព្រា​កាហ្វេ ប្រឡាក់​ឱ្យ​សព្វ រួច​យក​ទុក​ក្នុង​ទូរ​ទឹកកក​ប្រហែល ១​ម៉ោង​- យក​ខ្លាញ់គោ​ដាក់​ស្ករស​ចូល ១​ស្លាបព្រា​កាហ្វេ ច្របល់​ឱ្យ​សព្វ ទុក​មួយ​ឡែក​ប្រហែល ៣០​នាទី​- បន្ទាប់មក​យក​បង្គា​ដាក់ចូល​ម៉ាស៊ីន ដាក់​គល់​ស្លឹក​ខ្ទឹម​ចូល កិន​ចូលគ្នា​ឱ្យ​ហ្មត់​ល្អ ។​ ​រួច​ដាក់​សាច់គោ​និង​សាច់​ត្រី​ចូល កិន​ចូលគ្នា​ឱ្យ​ហ្ម​ត​ហើយ​ដាក់​ខ្លាញ់គោ​, ស៊ុត​ពណ៌​ស​, ស្ករស ១​ស្លាបព្រា​កាហ្វេ​, ម្សៅ​ស៊ុប​ខ្នរ​, ម្រេច​ហ្មត់ និង​ទឹកត្រី​ចូល កិន​ចូលគ្នា​ឱ្យ​សព្វ​ល្អ​- រួចរាល់​អស់ហើយ​យក​អំពៅ​មក​រុំ​សាច់​ដែល​កិន​ហើយ […]

មុខម្ហូប

​សម្លម្ជូរ​ស្រែ​ក្ដាត​

គ្រឿងផ្សំ​៖​សាច់​ត្រី ហ្វី​ឡេ ៣ បន្ទះ (​អាច​ប្រើ​ត្រី​ផ្សេង​ក៏បាន​),​ក្ដាត​១​គីឡូ​,​ទឹក​ធម្មតា ៣​កែវ​,​រំដេង​៤​បន្ទះ​,​ខ្ទឹមស​៤​ទៅ​៥​កំពឹស​,​ប្រហុក​១​ស្លាបព្រា​បាយ​,​អំបិល​បន្តិច​,​ស្ករស​១​ស្លាបព្រា​កាហ្វេ​,​ទឹកត្រី​២​ស្លាបព្រា​បាយ​,​ម្សៅ​អំពិល​១​ទៅ​២​ស្លាបព្រា​បាយ​,​ម្អម​,​ម្ទេស​។​ ​គ្រឿងផ្សំ​,​ចិត​សំបក​ក្ដាត​ចេញ ចិត​ក្ដាត​ជា​បន្ទះ​ស្ដើងៗ រួច​ដាក់​ត្រាំ​ទឹកអំបិល​ចោល​មួយសន្ទុះ រួច​លាង​ទឹក​ច្របាច់​ឱ្យ​ស្អាត​ទុក​មួយអន្លើ និង​លាង​ម្អម​ហាន់​ល្អិតៗ​ទុក​មួយអន្លើ​,​ហាន់សាច់​ត្រី​ជា​បន្ទះ​តូច​ដាក់​ដាំទឹក​ក្នុង​ឆ្នាំងសម្ល​៣​កែវ​។​នៅពេល​វា​ចង់​ពុះ​ដាក់​ខ្ទឹមស និង​រំដេង​ចូល ពេល​ទឹក​ពុះ ជ្រុំប្រហុក ។​ ​ បន្ទាប់មក​ដាក់​សាច់​ត្រី​ចូល ទុកឱ្យ​ឆ្អិន សឹម​ដាក់​ក្ដាត​ចូល ពេល​ទឹក​ពុះ​ម្ដងទៀត ដាក់​ស្ករស ទឹកត្រី ម្សៅ​អំពិល​ចូល​រួច​ភ្លក្ស​ថែមថយ​គ្រឿង​តាម​រសជាតិ ចង់បាន បន្ទាប់មក​បង់​ម្អម​នឹង​ម្ទេស​ចូល​រួច​ជាការ​ស្រេច ៕Rasmei news​

មុខម្ហូប

​បុក​កំ​ពិស​

គ្រឿងផ្សំ​=​កំពឹស​,​សណ្តែកកួរ​,​ខ្ទឹមស​,​ខ្ទឹមក្រហម​,​ខ្ញី​,​ម្ទេស​,​ស្លឹក​ជី​នាងវង​,​អំបិល​,​ស្ករស​,​ម្សៅ​,​ស៊ុប​, ​សណ្តែកដី​លីង​។​ របៀប​ធ្វើ​,​ដាក់​ខ្ញី​,​ខ្ទឹមស​,​ខ្ទឹមក្រហម​,​ម្ទេស​,​បុក​ចូលគ្នា​ឱ្យ​ហ្មត់ ហើយ​ដាក់​សណ្តែកកួរ​ចូល បុក​ជ្រុំៗ​ឱ្យ​ម៉ត់​បន្តិច​,​បន្ទាប់មក​ដាក់​,​កំ​ពិស​,​អំបិល​,​ម្សៅ​ស៊ុប​,​និង​,​ស្ករស​,​បុក​ឱ្យ​ហ្មត់​សព្វ​ចូលជាតិ រួច​ភ្លក់​មើល​ឱ្យ​ល្មម​តាម​ការនិយម​ចូលចិត្ត​ហើយ​ដាក់​ស្លឹក​ជី​នាងវង​និង​សណ្តែកដី​បុក​កុំ​ម៉ត់​ពេក​រួច​ជាការ​ស្រេច​។ ​ប្រសិនបើ​មិនសូវ​ចំណូល​កំពឹស​ឆៅ​អាច​យក​កំពឹស​ស្រុះ​ជាមួយ​ទឹក​ក្ដៅ​បន្តិច​ក៏បាន​ដែរ​ប៉ុន្តែ​កុំឱ្យ​ឆ្អិន​ពេក​​៕​ប្រភព​: Facebook

មុខម្ហូប

​សាច់​លៀស​បំពង​

– លៀស​បួន​កំប៉ុង​ស្រុះ​រួច​ឆ្កឹះ​យកតែ​សាច់​ខាងក្នុង​ទុក​មួយអន្លើ​– ពង​ទា​ពីរ​គ្រាប់​– អំបិល​មួយ​ស្លាបព្រា​កាហ្វេ​– ស្ករស​មួយ​ស្លាបព្រា​កាហ្វេ​+ ធ្វើ​ទឹកអំបិល​ម្រេច​ក្រូចឆ្មារ​សម្រាប់​ជ្រលក់​ ​ វិធី​ធ្វើ​៖– វាយ​ពង​ទា​អោយ​ឡើង​បន្តិច​– ចាក់​លៀស​ចូល​ថែម​អំបិល ស្ករស​– យក​ស្លាបព្រា​បាយ​កូរ​អោយ​សព្វ​និង​ដួស​ម្តង​មួយ​ស្លាបព្រា​ពេញៗ ដាក់​បំពង​ក្នុង​ប្រេង​ដែល​កំពុង ដាំ​ក្តៅ​លើ​ខ្ទះ រួច​ប្រែ​អោយ​ឆ្អិន​ទាំងសងខាង​។​– ទទួលទាន​ជាមួយ​ទឹក​អំបិលម្រេច​ក្រូចឆ្មារ ៕​រស្មី​កម្ពុជា ​

មុខម្ហូប

​មឹក​ឆា​ប្រេងខ្យង​

គ្រឿងផ្សំ​– មឹក​បំពង់​តូចៗ ១​គីឡូ​– ខ្ទឹមស ៤​កំពឹស​– ខ្ទឹមបារាំង ២​មើម​– ប៉េងប៉ោះ ២​ផ្លែ​– ម្រេចខ្មៅ កន្លះ​ស្លាបព្រា​កាហ្វេ​– ទឹកខ្មេះ ២​ស្លាបព្រា​បាយ​– ទឹកស៊ីអ៊ីវ ៣​ស្លាបព្រា​បាយ​– ម្ទេស​ក្រហម​៣​ផ្លែ​ – ម្ទេស​ខៀវ​៣​ផ្លែ​– ប្រេងខ្យង ២​ស្លាបព្រា​បាយ​ ​វិធី​ធ្វើ​– លាង​មឹង​ឲ្យ​ស្អាត​ទុក​ឲ្យ​ស្រក់​ទឹក ដាក់​ប្រេងឆា​ក្នុង​ខ្ទះ​ឲ្យ​ក្ដៅ​បន្តិច​រួច​ដាក់​ខ្ទឹមស​ចិញ្ច្រាំ​រំលីង ឲ្យ​ឈ្ងុយ​សឹម​ដាក់​ខ្ទឹមក្រហម​ហាន់​ល្អិត​រំលីង​ឲ្យ​ទន់​សឹម​ដាក់​ប៉េង​បោះ​ចូល​ដោយ​ហាន់​ជា​ចំណិតៗ បន្ទាប់មក​ដាក់​ម្រេច​ម៉ត់​ចូល​កូរ​ឲ្យ​សព្វ​គ្រប​ទុក​រយៈពេល​៥​នាទី ដាក់​ម្ទ​ស​ក្រហម ទឹកស៊ីអ៊ីវ ប្រេងខ្យង ទឹកខ្មេះ រម្ងាស់​វា​ឲ្យ​ពុះ​១០​នាទី ដាក់​ម្ទេស​ខៀវ​ចូល​កូរ​ឲ្យ​សព្វ​រួច​ជាការ​ស្រេច ៕​រស្មី​កម្ពុជា​