ប្លែកៗ

កញ្ចាញ់ចេក​កម្ជិល​ឡើង​ជិះ​ខ្នង​អណ្តើក​ធ្វើ​ជា​តាក់ស៊ី​!

តោះ​មើល​ទិដ្ឋភាព​គួរឱ្យ​អស់សំណើច កញ្ចាញ់ចេក​កម្ជិល​ទម្ងន់ ៨៥ ក្រាម​សម្រេចិត្ត​ឡើង​ជិះ​លើ​ខ្នង​អណ្តើក​ធ្វើ​ជា​តាក់ស៊ី​។រូបថត​ជាច្រើន​បានបង្ហាញ​កញ្ចាញ់ចេក​ហាក់​កំពុង​ញញឹម ខណៈ​វា​ហាក់ដូច​កំពុង​ប្រាប់​កូនអណ្តើក​ឱ្យ​ងើបឡើង ដឹក​វា​ចេញ​ទៅ​មុខ​។ រូប​មួយទៀត​បង្ហាញ​អណ្តើក​ទម្ងន់​២,២​គីឡូក្រាម​នេះ​កំពុង​លៀន​ជើង​ទប់​នឹង​ដី ខណៈ​វា​កំពុង​ប្រឹង​វារ​ទៅ​មុខ​ជាមួយ​កញ្ចាញ់ចេក​ទុំ​លើ​ខ្នង​។រូបភាព​មិន​គួរឱ្យ​ជឿ​ទាំងនេះ​ត្រូវបាន​ថត​នៅ​ទីក្រុង​ផា​ដាំ​ង ប្រទេស​ឥណ្ឌូនេស៊ី​៕ប្រែសម្រួល : កញ្ញាដាលីស ៖

ប្លែកៗ ព័ត៌មានទេសចរណ៍ ព័ត៌មានសង្គម វប្បធម៌

ទំនួញទន្សោងខ្មែរ

  និពន្ធដោយលោក​ ស៊ាន​ យឿម​ -រូបំទុក្ខំទុក្ខអើយទុក្ខខ្លាំងទុក្ខពន់ប្រមាណប្រឹងរស់លាក់ខ្លួន  ម្តេចគ្មានសុខសាន្ត​ មនុស្សលោករំខានគ្មានក្តីមេត្តា។ -ជើងជាប់អន្ទាក់ ទឹកភ្នែកហូរធ្លាក់ ឈឺចាប់ខ្លោចផ្សាដោយដៃមនុស្សព្រាន គ្មានក្តីករុណា ច្បាប់ហាមយ៉ាងណាគេនៅបំពាន។-បើព្រានជាសត្វ គេចាប់ចងកាត់ វះស្បែកពោះវៀនយកធ្វើអាហារ តាមចិត្តគេឃ្លាន តើអស់ជាតិព្រានឈឺចាប់យ៉ាងណា?-កាលស្រុកសង្គ្រាម  សល់ឆ្អឹងបាត់ឈាម  ព្រាត់គូសង្សាខំប្រឹងគេចគ្រាប់. ការពារសង្ខារ  សាន្តត្រាណហើយណាម្តេចជួបកម្មទៀត? -ជាតិមនុស្សជាព្រាន  លបលួចបំពាន  ប្រើគ្រប់ល្បិចស្នៀតឆក់បាញ់សម្លាប់  តាមចិត្តពិឃាដ មិនចោលមារយាទជាតិព្រានឃាតកម្ម។-ឱព្រានឬស្សា ចាំដល់ពេលណា ទើបអ្នកចេះចាំ? បញ្ញត្តិច្បាប់ខ្មែរ ដែលបានចែងផ្តាំ អ្នកត្រូវតែចាំហើយជួយការពារ។-សង្វេគពេកក្តាត់ បើទោះជាសត្វ  ចេះឈឺដូចគ្នាពិសេសជាសត្វ  ដែលត្រូវការពារ រក្សាពូជវាឱ្យគង់វង្សនៅ៕ពីផេកក្រសួងបរិស្ថាន    

Featured ប្លែកៗ

មនុស្សម្នាក់ដេកស្រាតចំកណ្តាលវង់ មនុស្សជាង៣០នាក់

ប្លែកៗ មនុស្សម្នាក់ដេកស្រាតចំកណ្តាលវង់ មនុស្សជាង៣០នាក់ជុំវិញឱ្យពួកគេគូររូបខ្លួន។ ទីបញ្ចប់ រូបគំនូរ ដែលចេញមកពីការគូរទាំងអស់សុទ្ធតែខុសគ្នា ព្រោះតែអ្នកគូរទាំងឡាយអង្គុយមើលពីជ្រុងផ្សេងៗគ្នា។ ដូចគ្នានេះដែរមនុស្សទាំងឡាយនៅជុំវិញយើង ហើយដែលគេកំពុងមើលមករូបយើង ពួកគេប្រាកដជាវាយតម្លៃយើងផ្សេងៗគ្នាតាមតែអ្វីដែលពួកគេមើលឃើញ មិនគ្រប់ជ្រុងជ្រោយ។ ហេតុដូច្នេះចូរយើងកុំយកចិត្តទុកដាក់ចំពោះការវិនិច្ឆ័យរបស់ពួកគេ ។ បើមិនដូច្នោះទេយើងអាចនឹងឆ្កួតក៏ព្រោះតែការវាយតម្លៃរបស់ពួកគេ។ ចូររស់នៅជាបុគ្គលខ្លួនយើង ៕ ប្រភពហ្វេសប៊ុក

ប្លែកៗ

​ក្រពើ​ស៊ី​ក្រពើ​

​រូបភាព​គួរឱ្យ​តក់ស្លុត​ជាច្រើន​បានបង្ហាញ​ពី​ក្រពើ​ទម្ងន់​ប្រមាណ​ជាង​៥៤៤​គីឡូក្រាម​ស៊ី​កូន​ក្រពើ​ក្រោយ​ពន្លិច​ចង្កូម​ស្រួច​ទាំង​បួន​របស់​វា​ទៅលើ​ដងខ្លួន​កូន​ក្រពើ​នោះ​។​ក្រពើ​ឈ្មោល​ស្ទាវ​ពេញកម្លាំង​នេះ​ត្រូវបាន​ថត​ជាប់​ពេល​កំពុង​វាយប្រហារ​កូន​ក្រពើ ដែល​ស្រែក​ទាំងអស់​សង្ឃឹម​។ ខណៈ​វា​ត្រូវបាន​ខាំ​គ្រវាត់​ឡើងលើ រួច​ស៊ី​ទាំង​រស់​។​ ​អ្នក​ថតរូប​ឈ្មោះ ជេន បាត់​ធឺ អាយុ ៦៩ ឆ្នាំ​មកពី​ទីក្រុង​អាំ​ស្ទើ​ដាំ ប្រទេស​ហូ​ឡង់ បាន​ថតរូប​មិនគួរ​ឱ្យ​ជឿ​ទាំងនេះ​នៅ​ឧទ្យាន​ជាតិ​គ្រូ​ជើ ប្រទេស​អាហ្វ្រិក​ខាងត្បូង​។​លោក​ជេន​និយាយថា​”​រំពេច​នោះ​យើង​ឃើញ​ក្រពើ​ធំ​ខាំ​ក្រពើ​តូច​។ ត្រឹម​១​នាទី វា​ចាប់​អូស​ចំណី​ពីលើ​គោក​ចុះទៅ​ស៊ីក្នុង​ទឹក​ដោយមាន​ចំណី​ក្នុង​មាត់​ស្រាប់ វា​បាន​ហែល​ទឹក​ចេញទៅ​បាត់​តែម្តង​”៕​រស្មី​កម្ពុជា​