កីឡា

រកឃើញ២ក្រុមទៀតឡើងវគ្គ Semi-Final ពានរង្វាន់យូរ៉ូ

បន្ទាប់ពីអេស្ប៉ាញនិងអ៊ីតាលី យប់មិញគេបានរកឃើញក្រុមពីរទៀតឡើងវគ្គ៤ក្រុមចុងក្រោយ (Semi-Final) ពានរង្វាន់បាល់ទាត់ទ្វីបអឺរ៉ុប។អង់គ្លេស និងដាណឺម៉ាក បានឈានទៅកាន់វគ្គនេះ ក្រោយយកឈ្នះគូប្រជែងរៀងៗខ្លួន។ ក្នុងការប្រកួតនៅពហុកីឡដ្ឋាន Stadio Olimpico នៃទីក្រុង រ៉ូម ប្រទេស អ៊ីតាលី, ក្រុមបាល់ទាត់ជម្រើសជាតិ អង់គ្លេស បានបំបាក់ក្រុម អ៊ុយក្រែន យ៉ាងចាស់ដៃក្នុងលទ្ធផល ៤-០។៤គ្រាប់របស់អង់គ្លេសរកបានដោយកីឡាករ Harry Kane ២គ្រាប់ម្នាក់ឯង នៅនាទីទី៤ និង ៥០។ ចំណែកខ្សែការពារ Harry Maguire រកបានមួយគ្រាប់ដែរនៅនាទីទី៤៦ ខណៈមួយគ្រាប់ទៀត រកបានដោយកីឡាករ Jordan Henderson នៅនាទីទី៦៣។ រីឯការប្រកួតមួយគូទៀតនៅកីឡដ្ឋាន Baku Olimpiya Stadionu នៃប្រទេស អាហ្ស៊ែបៃហ្សង់, ក្រុមបាល់ទាត់ជម្រើសជាតិ ដាណឺម៉ាក បានយកឈ្នះ ឆែក​ ដោយលទ្ធផល ២-១។២គ្រាប់របស់របស់ដាណឺម៉ាក រកបានដោយកីឡាករ Thomas Delaney នៅនាទីទី៤ និង Kasper Dolberg នៅនាទីទី៤២ […]

Featured កីឡា ព័ត៌មានសង្គម

ដំណើរការសាងសង់កីឡដ្ឋានជាតិមរតកតេជោ សម្រេចបានតាមផែនការ៨០ភាគរយហើយ

ភ្នំពេញ៖បើទោះបីជាកម្ពុជាស្ថិតនៅក្នុងវិបត្តិជំងឺកូវីដ-១៩ ព្រឹត្តិការណ៍សហគមន៍២០កុម្ភៈនៅឡើយក្តី ប៉ុន្តែ ដំណើរ ការសាងសង់កីឡដ្ឋានធំនៃពហុកីឡដ្ឋានជាតិមរតកតេជោ ស្ថិតនៅខណ្ឌជ្រោយចង្វារ នៅតែបន្តដំណើរការដោយភាពរលូនដែលនឹងសម្រេចបានតាមផែនការដែលបានគ្រោងទុក គិតមក​ដល់​ថ្ងៃទី២៣ ខែមីនា​ ឆ្នាំ២០២១នេះបានប្រមាណ៨០ភាគរយ ខណៈការបំពាក់កៅអីសម្រេចបាន​ជាង​១២.០០០ កៅអី។ លោកវ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ហៅកាត់គ.ជ.ប.អ (CAMSOC) បានបង្ហាញបច្ចុប្បន្នភាពនៃដំណើរការសាង​សង់​កីឡដ្ឋានធំនៃពហុកីឡដ្ឋានជាតិមរតកតេជោ ស្ថិតនៅខណ្ឌជ្រោយចង្វារ រាជធានីភ្នំពេញនៅពេលនេះ​កំពុងបន្តការសាងសង់ដោយរលូនជាប្រក្រតី ដោយអាចនឹងបញ្ចប់នាអំឡុងចុងខែឧសភា ឆ្នាំ២០២១។ លោកបន្ដថា ពេលនេះការបំពាក់កៅអីអង្គុយ សម្រាប់កីឡដ្ឋានធំ (Main Stadium) សម្រេចបាន​ជាង ១២.០០០ កៅអីហើយ នៅសល់ជាង៤ម៉ឺនកៅអីទៀត ហើយក្នុង១ថ្ងៃៗសម្រេចបានប្រមាណ៨០០កៅអី ។ដោយ​ការបំពាក់កៅអីនេះនឹងអាចរួចរាល់ជាស្ថាពរនៅក្នុងខែមេសា ឆ្នាំ២០២១នេះ។ លោកបានបញ្ជាក់ថា ចំពោះការដាំស្មៅលើទីលានបាល់ទាត់គឺបានដាំពេញទីលានរួចរាល់ហើយ នៅសល់តែផ្លូវរត់អត្តពលកម្មជុំវិញទីលានបាល់ទាត់ប៉ុណ្ណោះ ដែលតាមផែនការការរៀបចំតុបតែងនានាកំពុងពន្លឿនឱ្យ​បានឆាប់​រហ័សផងដែរ។ លោកអគ្គលេខាធិការបន្ថែមថា ខាងភាគីចិនកំពុងពន្លឿនផែនការសាងសង់នេះឱ្យ​បានឆាប់​រហ័ស ដោយទាំងវិស្វករ កម្មករចិន-ខ្មែរទាំងអស់ត្រូវបានថែរក្សាបង្ការជំងឺកូវីដ-១៩ មិនអនុញ្ញាតឱ្យចេញ-ចូលនោះទេ ពោលគឺអ្នកធ្វើការសាងសង់កីឡដ្ឋានធំនេះស្នាក់នៅ ហូបចុក នៅទីនេះតែម្តង។ នេះគឺជា ដំណើរការវឌ្ឍនភាពការងារនៃការងារសាងសង់ពហុកីឡដ្ឋានធំនៃពហុកីឡដ្ឋានជាតិមរតកតេជោ។ សូមបញ្ជាក់ថា ពហុកីឡដ្ឋានជាតិមរតកតេជោ គឺជាកន្លែងរៀបចំពិធីបើក-បិទព្រឹត្តិការណ៍កីឡា ស៊ីហ្គេម […]

Featured កីឡា ព័ត៌មានអន្តរជាតិ

ស្ត្រីវ័យ ១១៨ ឆ្នាំម្នាក់ នឹងក្លាយជាអ្នករត់ភ្លើងគូប ក្នុងព្រឹត្តិការណ៍កីឡាអូឡាំពិកក្រុងតូក្យូ

អន្តរជាតិ៖ បើតាមការចេញផ្សាយរបស់ទូរទស្សន៍ CNN បាននិយាយថា នៅក្នុងខែឧសភា ឆ្នាំ២០២១ខាងមុខនេះ ព្រឹត្តិការណ៍កីឡាអូឡាំពិកក្រុងតូក្យូឆ្នាំ ២០២០ នៅប្រទេសជប៉ុន ស្ត្រីម្នាក់ដែលមានអាយុច្រើនជាងគេលើលោក គឺវ័យ ១១៨ឆ្នាំ នឹងក្លាយជាអ្នករត់ភ្លើងគូប។ លោកយាយ Kane Tanaka មានវ័យ ១១៨ឆ្នាំ សញ្ជាតិជប៉ុនដែលបានរស់រានមានជីវិតពីជំងឺមហារីកចំនួនពីរដង ហើយជាអ្នកចូលចិត្តពិសាភេសជ្ជៈផងនោះ នឹងកាន់យកគូបភ្លើងអូឡាំពិកពីផ្ទះនៅឯស្រុកកំណើតក្នុងក្រុង Fukuoka។ ប៉ុន្តែលោកយាយ Tanaka នឹងត្រូវអង្គុយលើរទេះរុញ ហើយគ្រួសារលោកយាយនឹងរុញរទេះនោះចម្ងាយ ១០០ ម៉ែត្រដើម្បីផ្តល់ភ្លើងគូប។មិនតែប៉ុណ្ណោះលោកយាយ Tanaka ដែលមានអាយុលើសពី ១១០ឆ្នាំរូបនេះ បានប្តេជ្ញាដើរពីរបីជំហានចុងក្រោយនៅមុនពេលហុចគូបភ្លើងដល់អ្នករត់បន្ទាប់។ សូមរំលឹកថា ចំពោះអ្នកមានកំណត់ត្រា កាន់គូបភ្លើងអូឡាំពិកចំណាស់ជាងគេរួមមាន៖ Aida Gemanque សញ្ជាតិប្រេស៊ីលក្នុងអាយុ១០៦ឆ្នាំ បានបំភ្លឺគូបភ្លើងនៅឯព្រឹត្តិការណ៍អូឡាំពិករដូវក្ដៅក្រុងរីយ៉ូ ឆ្នាំ ២០១៦។ អតីតអ្នកលេងវាយកូនឃ្លីលើតុ Alexander Kaptarenko ដែលបានរត់កាន់គូបភ្លើងនៅអូឡាំពិកដូវរងាសូជីឆ្នាំ ២០១៤ នៅក្នុងអាយុ ១០១ ឆ្នាំ។គួរបញ្ជាក់ថា បើមិនមានការប្រែប្រួលអ្វីទេ អូឡាំពិកក្រុងតូក្យូឆ្នាំ២០២០ នឹងចាប់ផ្តើមការប្រកួតផ្លូវការពីថ្ងៃទី២៣ ខែកក្កដា ដល់ថ្ងៃទី៨ ខែសីហា […]

កីឡា ព័ត៌មានសង្គម

បិទការប្រកួតកីឡាបាល់ទាត់ជ្រើសរើសជើងឯកដណ្ដើមពានរង្វាន់៧មករា

ព្រះវិហារ៖បិទការប្រកួតកីឡាបាល់ទាត់ជ្រើសរើសជើងឯកដណ្ដើមពានរង្វាន់៧មករាក្នុងឱកាសអបអរសាទរខួបលើកទី៤២ថ្ងៃជ័យជំនៈ៧មករា១៩៧៩និង៧មករា២០២១។កាលពីរសៀលថ្ងៃទី១១ខែមករាឆ្នាំ២០២១លោកនាន់បូរ៉ាអនុប្រធានមន្ទីរអប់រំយុវជននិងកីឡាខេត្តព្រះវិហារ។ លោកនាន់បូរ៉ាបានអញ្ជើញប្រគល់ពានរង្វាន់ដល់ក្រុមកីឡាករទទួលបានជ័យលាភីនៃការប្រកួតកីឡាបាល់ទាត់ជ្រើសរើសជើងឯកទូទាំងខេត្តប្រចាំឆ្នាំ២០២១ដែលការប្រកួតនាពេលនេះមានចំនួន៤ពូលស្មើនិង១២ក្រុម។ដើម្បីអបអរសាទរខួបលើកទី៤២នៃថ្ងៃជ័យជំនះ៧មករា១៩៧៩និង៧មករា២០២១នៅមណ្ឌលកីឡាខេត្តព្រះវិហារ។ លោកនាន់បូរ៉ាបានថ្លែងថា៖វិស័យកីឡាត្រូវបានយកចិត្តទុកដាក់យ៉ាងខ្លាំងពីរាជរដ្ឋាភិបាល ក្នុងការជម្រុញវិស័យមួយនេះឆ្ពោះទៅរកកិត្យានុភាពជាតិសាមគ្គីភាពនិងមោទនភាពជាតិព្រមទាំងជួយពង្រឹងសុខភាពនិងមិត្តភាពនិងជួយដល់យុវជនគ្រប់មជ្ឈដ្ឋានចៀសឆ្ងាយពីអំពើអបាយមុខផ្សេងៗ។ ឆ្លងតាមការប្រកួតយ៉ាងស្វិតស្វាញអស់រយៈពេល៧ថ្ងៃដោយគិតចាប់ពីថ្ងៃទី៥ខែមករាដល់ថ្ងៃ១១ខែមករាឆ្នាំ២០២១និងដោយឈរលើស្មារតីចេះអធ្យាស្រ័យគ្នាមានសាមគ្គីភាពមិត្តភាពហើយប្រកាន់បានយ៉ាងខ្ជាប់ខ្ជួននូវគោលការណ៍ច្បាប់បញ្ញតិបទបញ្ជាបច្ចេកទេសផងនោះបានធ្វើឱ្យការប្រកួតបញ្ចប់ទៅដោយភាពជោគជ័យគួជាទីមោទនៈ។ ជាលទ្ធផលនៃការប្រកួតបាល់ទាត់នាពេលនេះចំណាត់ថ្នាក់លេខ១បានទៅលើក្រុមខ្លាព្រៃ CSO ទទួលបានថវិការ ២លានរៀល។លេខ២បានទៅលើក្រុមព្រះវិហារCityទទួលបានថវិការ១លាន៦០ម៉ឺន និងលេខ៣ បានទៅលើក្រុមព្រះវិហារ United ទទួលបានថវិការ ១លាន២០ម៉ឺន៕វ៉ាន់ឌី

Featured កីឡា ព័ត៌មានអន្តរជាតិ

​ម៉ៃ​ថៃ​សាន់ ប្រកាសឡើង​សង្វៀន​ម្តងទៀត​ក្រោយពី​ប្រកួត​ត្រឹម​ស្មើ​ជាមួយ​Roy Jones Jr.

​អន្តរជាតិ​៖​អតីត​កំពូល​កីឡាករ​ប្រដាល់​ទម្ងន់​ធ្ងន់​ម៉ៃ​ថៃ​សាន់​បាន​សំដែង​ការខកចិត្ត​នៅពេល​អាជ្ញាកណ្តាល បានប្រកាស​លទ្ធផល​ត្រឹម​ស្មើ ក្នុងការ​ប្រកួត​ជាពិសេស​ជាមួយ​អតីត​កីឡាករ Roy Jones Jer. កាលពី​ថ្ងៃអាទិត្យ​កន្លងទៅនេះ​ដែលមាន​ការ​ប្រកួត​៨​ទឹក​។​ថៃ​សាន់​បានប្រកាសថា​លោក​នឹង​ស្វះស្វែង សុំឱ្យ​មានការ​ប្រកួត​សារជាថ្មី​ទៀត​ជាមួយ​Jones​ដើម្បី​រកឱ្យឃើញ​ថា​អ្នកណា​ជា​អ្នកឈ្នះ​ពិតប្រាកដ​នាពេល​ខាងមុខនេះ​។​ ​ម៉ៃ​ថៃ​សាន់​ដែល​ពេលនេះ​មាន​អាយុ​៥៤​ឆ្នាំ​បានបញ្ចប់​ពេលវេលា​ជា​កីឡាករ​អាជីព​អស់​រយៈពេល​១៥​ឆ្នាំ​ហើយ​នោះ បាន​ឡើង​ប្រកួត​ជាពិសេស ជាមួយ Jones អាយុ​៥១​ឆ្នាំ ដែល​ការប្រកួត​នោះ ក៏មាន​លក្ខណៈ​ជាការ​សំដែង​ផងដែរ​។ ​ការប្រកួត​នេះ ត្រូវបាន​ធ្វើឡើង​ក្នុង​ទីក្រុង​ឡូ​ស​អង់​ហ្សឺ​ឡេស ដែល​ក្នុងពេលនោះ ក៏មាន​អតីត​កំពូល​កីឡាករ​ប្រដាល់​លំដាប់​ពិភពលោក​បាន​ចូលរួម​ផងដែរ​ដូចជា​៖ David Haye, Lennox Lewis និង​លោក George Foreman ជាដើម​៕Skay news​

Featured កីឡា ព័ត៌មានអន្តរជាតិ

​ម្ចាស់​ពាន​បាល់ទាត់​ពិភពលោក​អា​ហ្ស​ង់​ទីន​បាន​ស្លាប់​ដោយសារ​គាំងបេះដូង​

អន្តរជាតិ​៖​កីឡាករ​បាល់ទាត់​អា​ហ្ស​ង់​ទីន​លោក​ឌី​ហ្គូ​ម៉ា​រ៉ា​ដូ​ណា​(DiegoMaradona)​បាន​ស្លាប់​ដោយសារ​គាំងបេះដូង នៅ​អាយុ ៦០​ឆ្នាំ​កាលពី​ថ្ងៃ​ពុធ​ទី​២៥​ខែវិច្ឆិកា​ឆ្នាំ​២០២០​។​ ​លោក​ម៉ា​រ៉ា​ដូ​ណា​ត្រូវគេ​ទទួលស្គាល់ថា​ជា​កីឡាករ​ដ៏​ឆ្នើម​ម្នាក់​នៅក្នុង​ប្រវត្តិសាស្ត្រ​នៃ​ការប្រកួត​កីឡាបាល់ទាត់​ពានរង្វាន់​ពិភពលោក​បន្ទាប់ពី​លោក​ជួយ​ឱ្យ​ប្រទេស​របស់លោក​ទទួលបាន​ពានរង្វាន់​ពិភពលោក នៅ​ឆ្នាំ ១៩៨៦​។​រដ្ឋាភិបាល​អា​ហ្ស​ង់​ទីន បានប្រកាស​កាន់ទុក្ខ​ថ្នាក់ជាតិ​រយៈពេល ៣​ថ្ងៃ ខណៈដែល​សព​របស់លោក​ម៉ា​រ៉ា​ដូ​ណា​នឹងដាក់​តម្កល់​នៅឯ​រដ្ឋ​CasaRosada​ជា​កន្លែង​កៅអី​របស់​រដ្ឋាភិបាល​អា​ហ្ស​ង់​ទីន​។​ កីឡាករ​បាល់ទាត់ អា​ហ្ស​ង់​ទីន លោក ឌី​ហ្គូ ម៉ា​រ៉ា​ដូ​ណា​ ​ ​សូមបញ្ជាក់ថា​លោក​ម៉ា​រ៉ា​ដូ​ណា​គឺជា​កីឡាករ​ដែល​បាន​លេង​ឱ្យ​ក្លិប​ជាច្រើន​រួមមាន​ក្លិប​បាល់ទាត់​បា​សេ​ឡូ​ណា (Barcelona) និង ក្លិប​ណា​ប៉ូ​លី (Napoli) ។​លោក​គឺជា​ប្រធាន​ក្រុម ក្នុង​ឆ្នាំ​ដែល​អា​ហ្ស​ង់​ទីន ឈ្នះ​ពានរង្វាន់​ពិភពលោក ឆ្នាំ ១៩៨៦ ដោយ​រកបាន​គ្រាប់​បាល់​ច្រើន ឈ្នះ​អង់គ្លេស​ក្នុង​វគ្គ​ផ្តាច់​ព័​ត្រ ។​រហូត​គេ​ដាក់​រហ័ស្ស​នាម​ហៅ​លោក​ថា​ជា ដៃ​របស់​ព្រះ​(Hand of God)៕​ឡេង ដេ​ត​ ​ ​ ​ ​

កីឡា

​ពេជ្រ ប៊ុន​សិទ្ធ និង ភួង ឡាំ​កូស៊ីន​នរណា​កក់​កៅអី​ជុំ​ទី​២?

ភ្នំពេញ​៖​ព្រឹត្តិការណ៍​TV5BoxingKnockOutSeriebyCellcard​សម្រាប់​ថ្ងៃទី​១៩​កញ្ញា​អ្នក​ប្រដាល់​ជើង​ខ្លាំង​វ័យក្មេង​២​រូប​ទៀតហើយ​ដែល​ត្រូវ​ប្រជែង​គ្នា​ដណ្ដើមយក​កៅអី​សម្រាប់​វគ្គ​ជម្រុះ​ជុំ​ទី​២ ។​ ​សម្រាប់​ព្រឹត្តិការណ៍​នេះ​អ្នកចាញ់​គឺ​ហាលអាវ​ចំពោះ​អ្នកឈ្នះ​នឹង​ឡើងទៅ​ប្រកួត​ជម្រុះ​បន្ត​នៅ​ជុំ​ទី​២​ទៀត ។​ពេជ្រ ប៊ុន​សិទ្ធ​ក្លិប​ចលនា​យុវជន​កម្ពុជា​១៥៧​គុន​ខ្មែរ​ជួប​ជាមួយ​អ្នក​ប្រដាល់​ជាយដែន​ភួ​ន ឡាំ​កូស៊ីន​មកពី​ក្លិប​សាន់​យ៉ាន់​នាគា ។​ពួកគេ​ជា​កំពូល​អ្នកខ្លាំង​ក្នុង​ប្រភេទ​ទម្ងន់​៥៤​គីឡូក្រាម​ដូចគ្នា ។​ ​ ​ ខ្លាំង​និង​ខ្លាំង​ជួបគ្នា​មិនដឹងថា​នរណា​ប្រជែង​បាន​កៅអី​នៅ​វគ្គ​ជម្រុះ​ជុំ​ទី​២​ហើយ​នរណា​ត្រូវ​វេចសម្ពាយ​ត្រឡប់ទៅផ្ទះ​វិញ​នោះទេ​។​ប៊ុន​សិទ្ធ​គេ​មាន​ប្រវត្តិ​ប្រកួត​ចំនួន​៦៨​ដង​ឈ្នះ​៥០​ដង​ចាញ់​១០​និង​ស្មើ​ពិន្ទុ​៨​ដង​។​គេ​ជា​អ្នក​ប្រដាល់​ដែល​ចូលចិត្ត​វ៉ៃ​ប្ដូរ​កែង​និង​ជង្គង់​មិនតែប៉ុណ្ណោះ​គេ​វ៉ៃ​មិនសូវ​ចេះ​សន្សំសំចៃ​កម្លាំង​ឡើយ ។​ ​ ចំពោះ​ភួ​ន​ឡាំ​កូស៊ីន​វិញ​មួយរយៈ​នេះ​គេ​បានធ្វើឱ្យ​ទស្សនិកជន​ចាប់អារម្មណ៍​យ៉ាងខ្លាំង​ដោយសារតែ​គេ​មាន​របៀប​វ៉ៃ​យ៉ាង​ពិសេស គឺ​ល្អ​ទាំង​វ៉ៃ​លុក និង ល្អ​ទាំង​ការការពារ​មិនតែប៉ុណ្ណោះ​កម្លាំង​គេ​ក៏​ល្អ ។​អ្នក​ប្រដាល់​ជាយដែន​រូបនេះ​មាន​ប្រវត្តិ​ប្រកួត​៤៥​ដង ឈ្នះ​៣៥​ដង ចាញ់​៧​ដង និង​ស្មើ​ពិន្ទុ​៣​ដង ។​ ​ ជើង​ខ្លាំង​ភួ​ន​ឡាំ​កូស៊ីន​ដែល​ខំ​ស្កាត់​មកពី​ពី​ជាយដែន​ខេត្តបន្ទាយមានជ័យ​និង​ពេជ្រ​ប៊ុន​សិទ្ធ​ដែលជា​អ្នក​លេងដី​ក្រុងភ្នំពេញ​មិនដឹងថា​នរណា​ខ្ទាត​ចេញពី​ការប្រកួត​នោះឡើយ ? ​ ​សូមបញ្ជាក់ថា​មកទល់​ពេលនេះ​មាន​អ្នក​ប្រដាល់​ចំនួន​៣​រូប​ហើយ​ដែល​បាន​កក់​កៅ​អៅ​សម្រាប់​ប្រកួត​បន្ត​នៅ​វគ្គ​ជម្រុះ​ជុំ​ទី​២​ហើយក៏​មាន​អ្នក​ប្រដាល់​៣​រូប​ដែរ​ដែល​ខ្ទាត​ចេញពី​ការប្រកួត​នោះ ។​ ​ចំពោះ​គូប្រកួត​ក្រៅ​ព្រឹត្តិការណ៍​ពានរង្វាន់​វិញ​នោះ​លន់​សៀកឡេង​ក្លិប​ថ្នល់ទទឹង​គុន​ខ្មែរ​ត្រូវបាន​ផ្គូរ​ផ្គង​ឲ្យ​ប្រកួត​ជាមួយ​អ្នក​ប្រដាល់​ងួន​គា​ក្លិប​តា​ឡី​ដំរី​មាន​រិ​ទ្ធ​ដោយ​ប្រកួត​គ្នា​ក្នុង​ប្រភេទ​ទម្ងន់​៥៧​គីឡូក្រាម ។​ ​សៀកឡេង​ជា​អ្នក​ប្រដាល់​ដែល​ចូលចិត្ត​វ៉ៃ​ប្ដូរ​ហើយ​នៅពេល​ប្រកួត​ប្រសិនបើ​គេ​អាច​ផ្ដួល​គូប្រកួត​បាន​គេ​នឹង​ផ្ដួល​ភ្លាមៗ​តែម្ដង​។​តែ​ជួប​ជាមួយ​ងួន​គា​វា​មិនមែនជា​រឿង​ងាយស្រួល​នោះទេ​គេ​ជា​អ្នក​ប្រដាល់​ចិត្តធ្ងន់​វ៉ៃ​មិន​ឆេវឆាវ​ជាពិសេស​គេ​ជា​អ្នក​ប្រដាល់​ដែល​មិន​ងាយ​គូប្រកួត​វាយ​ឱ្យ​សន្លប់​នោះឡើយ ។​ ​ជំនួប​មួយ​នេះ​នរណា​ឈ្នះ​តែ​សម្រាប់​ងួន​គា​ប្រសិនបើ​គេ​ចាញ់​នោះ​ក៏​គេ​ធ្វើ​ឲ្យ​គូប្រកួត​វេទនា​និង​ទ្រមខ្លួន​ដែរ​។​តុ​ប​ផេង​ក្លិប​កុលបុត្រ​គុន​ខ្មែរ​ត្រូវបាន​ដាក់ឱ្យ​ប្រកួត​ជាមួយ​អ្នក​ប្រដាល់​សូ​ដា​លី​ម៉ូ​ក្លិប​គោព្រៃ​គុន​ខ្មែរ​ដោយ​ពួកគេ​ប្រកួត​គ្នា​ក្នុង​ប្រភេទ​ទម្ងន់​៥៧​គីឡូក្រាម​។​ពួកគេ​ជា​អ្នក​ប្រដាល់​ជើង​ថ្មី​ដែល​មិនសូវមាន​គេ​ស្គាល់​នោះឡើយ​។​បើតាម​ការអះអាង​ពី​មន្ត្រី​ផ្គូរ​ផ្គង​នោះ​ថា​ពួកគេ​នៅ​ខ្ចី​មែន​តែ​ស្នៀតគុន​របស់គេ​មិន​អន់​ឡើយ​ពួកគេ​នឹងធ្វើ​ឲ្យ​គេ​កាន់តែ​ស្គាល់​តាមរយៈ​ការប្រកួត​នេះ​មិន​ខាន​។​ ​ថាំង​ឌី​ណា​ក្លិប​គុហារ​ព្រហ្ម​ជ័យ​ខេត្តសៀមរាប​ត្រូវបាន​ដាក់​ឲ្យ​ប្រកួត​ជាមួយ​អ្នក​ប្រដាល់​ពូកែ​ឌឺ​ម៉ន​ភា​រម្យ​ដោយ​ប្រកួត​គ្នា​ក្នុង​ប្រភេទ​ទ​ម្ង់​៥៤​គីឡូក្រាម​។​ពួកគេ​ជា​អ្នក​ប្រដាល់​ជើងចាស់​ដែលមាន​កលល្បិច​វ៉ៃ​ល្អ​និង​រហ័ស​ដូចគ្នា​។​ការជួបគ្នា​រវាង​អ្នក​ប្រដាល់​ទាំង​២​រូបនេះ​ទាំង​អ្នកឈ្នះ​ទាំង​អ្នកចាញ់​នឹង​ទ្រមខ្លួន​ដូចគ្នា​មិនខានឡើយ​៕​រ៉ូ​ហ្សា​ ​ ​ ​ ​ពេជ្រ ប៊ុន​សិទ្ធ និង ភួ​ន ឡាំ​កូស៊ីន​

កីឡា

​រិ​ន​ដេ​វិដ​ប្រើពេល​តែ​២​ទឹក​ប៉ុណ្ណោះ​សម្រាប់​កៅអី​ជុំ​ទី​២

ភ្នំពេញ​៖​ព្រឹត្តិការណ៍​TV5BoxingSeriebyCellcard​វគ្គ​ជម្រុះ​ជុំ​ទី​១​នា​យប់​ថ្ងៃទី​១២​ខែកញា​អ្នក​ប្រដាល់​រិ​ន ដេវីដ​ក្លិប​នាគរាជ​គុន​ខ្មែរ​ប្រើពេល​តែត្រឹម​២​ទឹក​ប៉ុណ្ណោះ​ផ្ដួល​អ្នក​ប្រដាល់​រឿន​សុខលី​ក្លិប​យុវជន​ពន្លក​ថ្មី​ព្រែក​ឯង​ឱ្យ​សន្លប់​ក្រោក​លែងរួច ។​ ​ សុខលី​ហាក់ដូចជា​បង្ហាញ​ពី​ភាព​គ្មាន​ជំនឿ​ចិត្ត​ចំពោះ​ការប្រកួត​នេះ​តាំង​ពីមុន​ការប្រកួតរ​ចាប់ផ្ដើម​ឯណោះ​ក្នុងខណៈដែល​រិ​ន​ដេវីដ​បាន​និយាយ​ដោយ​ប្រយ័ត្នប្រយែង​ថា​គេ​មិន​ហ៊ាន​មើលស្រាល​គូប្រកួត​ឡើយ​តែ​គេ​នឹង​ប្រកួត​ឱ្យ​អស់ពី​សមត្ថភាព​។​ ដេវីដ​ពិតជា​ធ្វើ​បានល្អ​ដោយ​គេ​ទាត់​សុខលី​មួយ​ជើង​ចំក​ញ្ចឹ​ង ក និង​បន្ថែម​ប៉ុន្មាន​កណ្ដាប់ដៃ​ទៀត​ធ្វើ​រឿន សុខលី​សន្លប់​ក្រោក​លែងរួច​តែម្ដង ។​រឿន​សុខលី​ត្រូវ​ខ្ទាត​ចេញពី​ការប្រកួត​ដោយ​គ្មាន​វាសនា​បាន​ឡើងទៅ​ប្រកួត​ជុំ​ទី​២​ទៀតឡើយ​។​រីឯ​រិ​ន ដេវីដ​បាន​ឱកាស​កក់​កៅអី​សម្រាប់​ប្រកួត​វ​គ្គេ​ជម្រុះ​ជុំ​ទី​២​បន្តទៀត​។ ​ចំពោះ​ការប្រកួត​ក្រៅ​ព្រឹត្តិការណ៍​ពានរង្វាន់​វិញ​នោះ​អ្នក​ប្រដាល់​នឹម​នន​ក្លិប​ទ័ព​ឆ័​ត្រ​យោង​៩១១​បាន​បំពាន​ដល់​គូប្រកួត​របស់ខ្លួន​ភួង ពិសិដ្ឋ​ក្លិប​តា​ឡី​ដំរី​មាន​រិ​ទ្ធ​នៅ​ទឹក​ទី​ត្រូវ​អាជ្ញាកណ្ដាល​កំណត់ឱ្យ​ចាញ់​ដោយសារតែ​បំពាន​គូប្រកួត ។​ ​តាមពិត​ស្ថានភាព​នៃ​ការប្រកួត​រវាង​អ្នក​ប្រដាល់​ទាំង​២​រូបនេះ​សមត្ថភាព​មិនមាន​នរ​ណា​លើ​នរណា​ខ្លាំង​នោះទេ​។​តែ​នឹម​នន​ដែលជា​អ្នក​ប្រដាល់​ដែលមាន​មហិច្ឆតា​ចង់​ឈ្នះ​គូប្រកួត​ឱ្យបាន​ឆាប់​នោះ​នៅ​ទឹក​ទី​២​ខណៈដែល​ពិសិដ្ឋ​ដួល​នោះ​នឹម​នន​បាន​បន្ថែម​មួយ​ជង្គង់​ស្ដាំ​ចំ​ថ្គាម​ឆ្វេង​របស់​ពិសិដ្ឋ​បណ្ដាលឱ្យ​ពិសិដ្ឋ​ដួលសន្លប់​ក្រោក​លែងរួច​។​ លោក​ហ៊ិ​ន សៃ​ហេង​ដែលជា​អាជ្ញាកណ្ដាល​ដឹកនាំ​ ​ការប្រកួត​នោះបាន​ប្រាប់​ទៅ​ចៅក្រម​ទាំង​៥​រូប​ថា​នឹម នន​ពិតជា​បំពាន​លើ​គូប្រកួត​មែន ។ លោក​បាន​និយាយថា​បទបញ្ជា​នៃ​ការប្រកួត​ទោះបី​ដោយ​ចេតនា​ក៏ដោយ​អ​ចេតនា​ក៏ដោយ​ក៏មាន​កំហុស​ដូចគ្នា ។​ ​ស្នងការ​ប្រកួត​នៃ​ព្រឹត្តិការណ៍​នេះ​បាន​ឯកភាព​ចំពោះ​ការលើកឡើង​របស់​អាជ្ញា​កណ្ដាល​ហើយក៏​កំណត់ឱ្យ​អ្នក​ប្រដាល់​នឹម​នន​ចាញ់​ភួង​ពិសិដ្ឋ​ដោយ​ស្វ័យប្រវត្តិ​តែម្ដង​។​ប្រកួត​ក្រៅ​ព្រឹត្តិការណ៍​ខ្សែក្រវាត់​នេះដែរ​អ្នក​ប្រដាល់​ជើង​ខ្លាំង​ជំនាន់​ក្រោយ​ខាំ​សូរិយា​ក្លិប​រ៉ា​ហាប់​ស្វ័យ​ប៉ាក​ត្រូវ​អ្នក​ប្រដាល់​ជើង​ចាស់​វៀត ប៊ុន​ឌឿ​ន​ក្លិប​គុហារ​ព្រហ្ម​ជ័យ​ទាត់​ឱ្យ​ខូច​ជើង​នៅមុន​ស្នូរ​ជួង​បញ្ចប់​ទឹក​ទី ១ ។​ ​ ​ សម្រាប់​គូ​នេះ​នរណា​ក៏​ដឹង​ជាមុន​ថា​សូរិយា​មិនមែនជា​ឧបសគ្គ​សម្រាប់​ប៊ុន​ឌឿ​ន​ដែរ​តែ​សម្រាប់​ប៊ុន​ឌឿ​ន​ទំនងជា​មាន​មាន​ជំនឿ​ចិត្ត​ថា​ការប្រកួត​នេះ​គេ​នឹង​ឈ្នះ​រួចទៅហើយ​។​ទីបំផុត​ប៊ុន​ឌឿ​ន​ប្រើ​រយៈពេល​ខ្លី​បំផុត​ក្នុងការ​យកឈ្នះ​គូប្រកួត​៕​រ៉ូ​ហ្សា​ ​ ​ ​ ទិដ្ឋភាព​ប្រកួត​ ​

កីឡា

​សាលា​គុន​សុរិយា​ប្រកាស​ពី​ការចូលរួម​ប្រកួត​កីឡា​កា​រ៉ា​តេ​ទូទាំងប្រទេស​២០២០

​ភ្នំពេញ​៖​សាលា​គុន​កីឡា​កា​រ៉ា​តេ​សុរិយា​និង​ក្រសួងមហាផ្ទៃ​ធ្វើការ​ហ្វឹកហាត់​ជាប្រចាំ​នៅ​ក្លិប​របស់ខ្លួន​ដោយ​ស្ថិតក្រោម​ការប្រុងប្រយ័ត្ន​ខ្ពស់​ដើម្បី​ចូលរួម​ការពារ​មេរោគ​COVID19​តាម​ការណែនាំ​របស់​ក្រសួងសុខាភិបាល និង​ក្រសួង​អប់រំ យុវជន និង​កីឡា ។​ដើម្បី ចូលរួម​ការប្រកួត​កីឡា​កា​រ៉ា​តេ​ជ្រើសរើស​ជើងឯក ទូទាំងប្រទេស ២០២០​នៅ​ថ្ងៃ ២២ ដល់ ២៤ ខែ តុលា​២២២០​នៅ​សកលវិទ្យា​ភូមិន្ទ​ភ្នំពេញ​។​ ​លោក ឡា​ច ច័ន្ទដារ៉ា គ្រូបង្វឹក​ក្រសួង មហាផ្ទៃ និង​ជា​ម្ចាស់​សាលា​គុន​សុរិយា​បាន​ប្រាប់​ឱ្យដឹងថា ក្លិប​កីឡា​កា​រា​តេ​ក្រសួងមហាផ្ទៃ​និង​ក្លិប​សុរិយា​នឹង​បញ្ជូន​កីឡាករ​កីឡាការិនី​ដែលមាន​សក្តានុពល​ជាច្រើនរូប​ទៅតាម​ប្រភេទ​ទម្ងន់​ដើម្បី​ចូលរួម​ក្នុងការ​ដណ្តើម​មេដាយ​នៃ​ការប្រកួត​កីឡា​កា​រ៉ា​តេ​ជ្រើសរើស​ជើងឯក ទូទាំងប្រទេស ២០២០​ខាងមុខនេះ​។​ ​ លោក​បាន​បន្តថា​កីឡាករ​កីឡាការិនី​សុទ្ធ​តែមាន​សមត្ថភាព​ខ្ពស់​ដែល​ពួកគេ​មានឱកាស​អាច​ដណ្តើម​មេដាយ​ពី​ការប្រកួត​លើក​នេះ​។​ហើយ​ថ្មីៗ​កន្លងមកនេះ​លោក​បាន​បញ្ជូន​កីឡាករ​កីឡាការិនី​ចូលរួម​ព្រឹត្តិការណ៍​នៃ​ការប្រកួត​យុទ្ធសិល្ប៍​ចម្រុះ​ដណ្ដើម ពានរង្វាន់​សម្ដេច​ក្រឡា​ហោម​ស ខេង​លើក​ទី​៣ ដែល​រៀបចំឡើង​ដោយ​ក្រុមប្រឹក្សា​កីឡា ក្រសួងមហាផ្ទៃ​ដោយ​ទទួលបាន​លទ្ធផល​ល្អ ៕​រ៉ូ​ហ្សា ​ ​ ​ ​x​ទិដ្ឋភាព​ហ្វឹកហាត់​ ​

កីឡា

​ធន អៀង​ឡៃ​ទម្លាក់​សេក សារ៉ាន​នៅ​ជុំ​ទី​១

​ភ្នំពេញ​៖​ព្រឹត្តិការណ៍​CallCardChampion​ប្រភេទ​ទម្ងន់​៥៤​គីឡូក្រាម​បានចាប់ផ្ដើម​ហើយ​លើស​ង្វៀន​ប៉ុស្ដិ៍​លេខ​៥​បានចាប់ផ្ដើម​ហើយ​នៅ​យប់​ថ្ងៃទី​២៩​សីហា​ឆ្នាំ​២០២០​។​ការប្រកួត​ដែលមាន​តែមួយ​គូ​នោះ​អ្នក​ប្រដាល់​ធន​អៀង​ឡៃ​ក្លិប​កងយោធពល​ខេមរភូមិន្ទ​បាន​យកឈ្នះ​អ្នក​ប្រដាល់​សេក​សារ៉ាន់​ក្លិប​អង្គរ​មានជ័យ​ខេត្តសៀមរាប​ដោយ​ពិន្ទុ​ដាច់​តែម្ដង​។​អៀង​ឡៃ​មានប្រៀប​លើ​គូប្រកួត​គ្រប់ទឹក​ទាំងអស់​ហើយ​ស្ថានភាព​នៃ​ការប្រកួត​អៀង​ឡៃ​វ៉ៃ​លិ​ក​ច្រើនជាង ។​ ​ ​ ចំពោះ​សារ៉ាន​វិញ​នៅ​ទឹក​ដំបូង​គេ​ហាក់ដូចជា​ក្លាហាន​គ្រាន់បើ​ហើយ​គេ​ក៏​បើក​ការវាយលុក​ច្រើន​ដែរ​។​តែ​បន្ទាប់​វ៉ៃ​លុក​មិនបាន​ផល​ហើយ​បែរជា​ត្រូវ​អៀង​ឡៃ​ច្រាស់​សង​មកវិញ​ផ្ទួនៗ​នោះ​អ្នក​ប្រដាល់​មកពី​ខេត្តសៀមរាប​រូបនេះ​វ៉ៃ​លែងចេញ​តែម្ដង​ដោយ​គេ​ដកថយ​និង​ការពារ​ច្រើនជាង​។​ បន្ទាប់ពី​ចប់​ការប្រកួត​ធន អៀង​ឡៃ​បានទទួល​ជ័យជំនះ​លើ​សេក សារ៉ាន់​ដោយ​ពិន្ទុ​។​ចៅក្រម​ទាំង​៥​សុទ្ធតែ​ផ្ដល់​ពិន្ទុ​ឱ្យ​អៀង​ឡៃ​​ឈ្នះ​គ្រប់ៗ​គ្នា​។​សេក​សារ៉ាន់​ហាលអាវ​ត្រឹម​ជុំ​ទី​១​នេះ​មុនគេ​ខណៈដែល​ធន​អៀង​ឡៃ​កក់​កៅអី​សម្រាប់​ប្រកួត​បន្ត​វគ្គ​ជម្រុះ​ជុំ​ទី​២​ទៀត ។​ ​ ​ ​ចំពោះ​គូប្រកួត​ក្រៅ​ព្រឹត្តិការណ៍​ពានរង្វាន់​វិញ​នោះ​អ្នក​ប្រដាល់​ជើង​ថ្មី​សូត្រ​វាសនា​ក្លិប​បក្សី​ស្លាប​ដែក​ប្រកួត​ចាញ់​ពិន្ទុ​អ្នក​ប្រដាល់​ជើងចាស់​រឿ​ម​វណ្ណៈ​ក្លិប​អប់រំ​កាយ​ស្រុក​អន្លង់វែង​។​វណ្ណៈ​ដែលជា​អ្នក​ប្រដាល់​ចូលចិត្ត​ប្រើ​កែង​វាយប្រហារ​គូប្រកួត​នោះ​ទោះបី​កម្ពស់​របស់គេ​ចាញ់​ប្រៀប​វាសនា​ក៏ពិតមែន​ក៏​គេ​ព្យា​ ​យាម​ប្រើ​កែង​វាយប្រហារ​លើ​គូប្រកួត​ដោយ​គ្មាន​ញញើត​ដែរ​។​ការប្រើ​កែង​វាយប្រហារ​ដោយ​សន្ធាប់​បែបនេះ​ធ្វើឱ្យ​វាសនា​វ៉ៃ​ដោយ​ប្រយ័ត្ន​និង​មិនសូវ​ហ៊ាន​វាយប្រហារ​សង​វិញ​ឡើយ ។​ ​ ​ ទោះជា​យ៉ាងណា​ក៏​អ្នក​ប្រដាល់​ទាំង​២​រូបនេះ​ប្រកួត​គ្នា​៥​ទឹក​ពេញ​ដោយ​លទ្ធផល​ចុងក្រោយ​រឿ​ម វណ្ណៈ​បានទទួល​ជ័យ​ជំ​នេះ​លើ​សូ​ត្ត​វាសនា​ដោយ​ពិន្ទុ​ទាំង​ទ្រមខ្លួន​។​រឿង​សារិទ្ធ​ក្លិប​ម្កុដ​រាជសីហ៍​ប្រកួត​ចាញ់​ពិន្ទុ​អ្នក​ប្រដាល់​សយ​សុខ​ក្លិប​ពន្លឺ​វិបុល​ដោយ​ពិន្ទុ​បន្ទាប់ពី​ប្រកួត​គ្នា​៥​ទឹក​ពេញ​នោះ ។​អ្នក​ប្រដាល់​ទាំង​២​រូបនេះ​ប្រកួត​គ្នា​ក្នុង​ប្រភេទ​ទម្ងន់​៥៧​គីឡូក្រាម ។​ ​ ​ សារិទ្ធ​ដែលជា​អ្នក​ប្រដាល់​ពោរពេញ​ដោយ​អំណួត​នោះគេ​ព្យាយាម​ទាត់​និង​បញ្ចេញ​កណ្ដាប់ដៃ​វាយ​គូប្រកួត​ដោយ​ក្លាហាន​។​តែ​សយ​សុខ​ដែលមាន​ស្នៀត​ជង្គង់​ល្អ​នោះបាន​ច្រាស់​សង​វិញ​ចំ​គោលដៅ​បាន​យ៉ាង​ល្អ ។​អ្នក​ប្រដាល់​ទាំង​២​រូបនេះ​ប្រកួត​គ្នា​៥​ទឹក​ពេញ​ដែរ​ហើយ​លទ្ធផល​ចុងក្រោយ​សយ សុខ​ជា​អ្នក​បានទទួល​ជ័យជំនះ​។​ធន​ស៊ី​ហុង​ក្លិប​កងយោធពល​ខេមរភូមិន្ទ​ប្រើ​កែង​ផ្ដួល​អ្នក​ប្រដាល់​ថាំង​ឌី​ណា​ក្លិប​គុហារ​ព្រហ្ម​ជ័យ​ខេត្តសៀមរាប​បណ្ដាលឱ្យ​ដួលសន្លប់​មុន​ស្នូរ​ជួង​បញ្ចប់​ទឹក​ទី​៤ ៕​រ៉ូ​ហ្សា​ ​