(Skay news)៖កាប៉ាល់ទីតានិចឬ RMS Titanic គឺជាកប៉ាល់ទេសចរណ៍ដ៏ប្រណីត និងធំជាងគេ របស់ក្រុមហ៊ុនWhiteStarLineដែលបានបញ្ចប់ការសាងសង់នៅថ្ងៃទី២ខែមេសាឆ្នាំ១៩១២។តែគួរឱ្យស្ដាយវាបានលិចបាត់នៅមហាសមុទ្រអាត្លង់ទិក នៅវេលាទៀបភ្លឺ ឈានចូលថ្ងៃទី១២ខែមេសាឆ្នាំ ១៩១២។ ករណីលិចកប៉ាល់ទីតានិចគឺជាសោកនាថកម្មដ៏ធំមួយនៅក្នុងប្រវត្តិសាស្ត្រមនុស្សជាតិដោយបានសម្លាប់មនុស្សច្រើនជាង១.៥០០នាក់ត្រឹមតែរយៈពេល២ម៉ោងហើយភាគច្រើនជនរងគ្រោះសុទ្ធតែជាអ្នកមានទ្រព្យសម្បត្តិស្ដុកស្ដម្ភ និងមកពីគ្រួសារអភិជន។ ការលិចកប៉ាល់ទីតានិច នេះត្រូវបានផលិតករភាពយន្តជនជាតិកាណាដា ដ៏ល្បីល្បាញគឺលោក ជេម កាម៉ារូនបានដកស្រង់យកមកផលិតជាភាពយន្តបែបមនោសច្ចេតនារ៉ូមែនទិកមានចំណងជើងថា “ទីតានិច”។ ភាពយន្តនេះបាន ចេញផ្សាយក្នុងឆ្នាំ ១៩៩៧ ហើយបានទទួលជោគជ័យយ៉ាងខ្លាំង ដោយរកចំណូលបានជាងពីរពាន់លានដុល្លារខណៈដែលថ្លៃដើមផលិតត្រឹមអស់តែពីររយលានដុល្លារប៉ុណ្ណោះ។ រឿង”ទីតានិច”មិនត្រឹមតែបង្ហាញពីសោកនាថកម្មលិចកប៉ាល់ទីតានិចប៉ុណ្ណោះទេក្នុងនោះក៏បានបង្កប់នូវសាច់រឿងស្នេហាដ៏កំសត់និងផ្អែមល្ហែមរបស់តួអង្គឯកប្រុសស្រីមួយគូឈ្មោះនាងរ៉ូសដេវីតប៊ូគ័រនិងលោកជេកដាវសុន។សំនួរសួរថាតើមនុស្សពីរនាក់នេះពិតជាមានវត្តមាននៅក្នុងហេតុការណ៍លិចកប៉ាល់ទីតានិច ពិតមែនដែរឬទេ? មានតួអង្គមួយចំនួនដូចជា លោកស្រី ម៉ាការ៉េត ក្រោន, កាពីទែន អ៊ីដវើដ ស្មីត, លោក ប្រ៊ូជ អាយស្មាយ,លោកស្រីលូស៊ីឌូសកាដុន…សុទ្ធតែបញ្ជាក់ថាជាមនុស្សពិតស្ថិតនៅក្នុងហេតុការណ៍លិចកប៉ាល់ទីតានិច។ តែចំពោះតួអង្គ ជេក និង រ៉ូស គ្រាន់តែជាតួអង្គប្រឌិត បញ្ចូលក្នុងរឿងប៉ុណ្ណោះ។ ទន្ទឹមគ្នានេះដែរក៏មានប្រភពមួយចំនួនបាននិយាយថាតួអង្គរ៉ូសគឺជាមនុស្សពិតស្ថិតនៅក្នុងហេតុការណ៍លិចកប៉ាល់ទីតានិកប្រាកដមែនហើយប្រភពទាំងនោះថែមទាំងមានរូបថតមកបញ្ជាក់ផងដែរ។ តាមការស្រាវជ្រាវជាក់ស្ដែងបានឱ្យដឹងថាៈតួអង្គរ៉ូសនៅតែមិនមែនជាមនុស្សពិតស្ថិតនៅក្នុងហេតុការណ៍លិចកប៉ាល់ទីតានិចឡើយ។ក៏ដឹងទៀតថា តួអង្គ រ៉ូស នេះ គឺបង្កើតឡើងដោយ លោកស្រី បៀទ្រិក វូដ ដែលជាអ្នកសិល្បៈរៀបចំបង្កើតតួសម្ដែង ដ៏ល្បីឈ្មោះជនជាតិអាមេរិក។ លោក […]
