កំពត៖ពលករចំណាកស្រុកបានបញ្ចេញឱ្យដឹងអំពីភាពលំបាកក្នុងការចំណាយកម្លាំងរកប្រាក់ចំណូលពេលស្នាក់នៅស្រុកគេ។ជម្រើសល្អបំផុតគឺធ្វើការងារក្បែរផ្ទះជួបជុំគ្រួសារទោះសល់ប្រាក់តិចតួចក៏មានភាពកក់ក្តៅដែរ។
ស្ត្រីម្នាក់កំពុងស្ថិតនៅដាច់ដោយឡែកពីសមាជិកគ្រួសារសម្រាប់រយៈពេល១៤ថ្ងៃក្រោយវិលត្រឡប់ពីប្រទេសថៃមកដល់ភូមិតាដឹបសង្កាត់អណ្តូងខ្មែរក្រុងកំពតខេត្តកំពតដែលជាស្រុកកំណើតរបស់ខ្លួន។ស្ត្រីរូបនេះបានរៀបរាប់ថាសមាជិកគ្រួសាររបស់គាត់មានគ្នាប្រាំនាក់គឺប្តីកូនពីរនាក់និងម្តាយចាស់ជរាម្នាក់។
ព្រោះតែជឿតាមគេប្រាប់ថានៅប្រទេសថៃសម្បូរការងារធ្វើនិងទទួលបានប្រាក់កម្រៃខ្ពស់ទើបគាត់បបួលប្តីនិងក្មួយប្រុសម្នាក់ទៀតទៅទីនោះកាលពីបួនឆ្នាំមុនដោយធ្វើជាជាងផ្សាដែក។
ពលករចំណាកស្រុកដដែលបានបន្តថាប្រាក់ចំណូលដែលទទួលបានគឺផ្ញើមកផ្ទះប្រមាណ២.០០០បាតប្រហាក់ប្រហែល៣០០.០០០រៀលជារៀងរាល់ខែ។ស្ត្រីដដែលបានបញ្ជាក់ថាការវិលត្រឡប់មកនេះពួកគាត់មិនចាកចេញទៅណាទៀតទេគឺបន្ទាប់ពីការស្នាក់នៅដាច់ដោយឡែក១៤ថ្ងៃហើយនឹងរកការងារធ្វើក្បែរផ្ទះដើម្បីជួបជុំគ្រួសារឡើងវិញ។
នៅស្រុកគេមិនដូចផ្ទះខ្លួនឯងទេពិបាកទ្រាំណាស់។ប៉ុន្តែក្នុងដំណាក់កាលនេះសូមអំពាវដល់ថ្នាក់ដឹកនាំក៏ដូចជាសម្បុរសជននានាជួយឧបត្ថម្ភជាសម្ភារឬគ្រឿងឧបភោគបរិភោគដើម្បីជួយដល់គ្រួសារពេលពួកគាត់កំពុងខ្វះខាតផង។
លោកយ៉យស៊ីថងចៅសង្កាត់អណ្តូងខ្មែរបានបញ្ជាក់ថាអាជ្ញាធរសង្កាត់មានការយកចិត្តទុកដាក់ណាស់ចំពោះគ្រួសារពលករដែលទើបត្រឡប់មកពីប្រទេសថៃជាអាទិភាព។ក្រុមការងារបានចុះអប់រំផ្សព្វផ្សាយពន្យល់ណែនាំឱ្យពួកគាត់ស្នាក់នៅដាច់ដោយឡែកសម្រាប់រយៈ១៤ថ្ងៃជាកំហិត។ក្នុងនោះក៏បានផ្តល់ជាអំណោយមួយចំនួនដើម្បីសម្រាលការលំបាក។
តាមរបាយការណ៍របស់គណៈកម្មការខេត្តដើម្បីប្រយុទ្ធប្រឆាំងជំងឺកូវីដ១៩បានឱ្យដឹងថាគិតត្រឹមរសៀលថ្ងៃទី៣១ខែមីនាឆ្នាំ២០២០ពលករត្រឡប់មកពីធ្វើការងារនៅក្រៅប្រទេសចូលមកស្រុកកំណើតក្នុងខេត្តកំពតមានចំនួន៧០៦នាក់៕សុខឌីណា