បន្ទាយមានជ័យ៖កម្លាំងកងរាជអាវុធហត្ថក្រុងប៉ោយប៉ែតបានចុះឃាត់ខ្លួនជនសង្ស័យចំនួន៤នាក់ពីបទបានលើកគ្នាទៅប៉ងកាប់ក្រុមមួយទៀតតែមិនបានសម្រេចព្រោះក្រុមនោះរត់អស់។
មន្ត្រីកងរាជអាវុធហត្ថក្រុងប៉ោយប៉ែតបានឱ្យដឹងថា ៖ ហេតុការណ៍កើតឡើងកាលពីម៉ោង១ និង៣០នាទីរំលងអាធ្រាត្រ ថ្ងៃទី៣១ខែមីនា ឆ្នាំ២០២០ ។នៅពេលបន្ទាប់សមត្ថកិច្ចបានដកហូតដាវចំនួន៣ដើមម៉ូតូចំនួន១គ្រឿងម៉ាកZOOMER-Xពណ៌ស្លាទុំលាយខ្មៅសេរីឆ្នាំ២០១៥។ឆែករកឃើញគ្រឿងញៀនមេតំហ្វេតាមីនទឹកកកចំនួន២កូនថង់តូចស្មើ១.២២ក្រាម។
ឃាត់នៅចំណុចម្ដុំស្រះ១០០ស្ថិតក្នុងភូមិសាមគ្គីមានជ័យសង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យហើយបានយកមកបញ្ជាការមូលដ្ឋានអាវុធក្រុងដើម្បីធ្វើការសាកសួរ។
មន្ត្រីដដែលបានឱ្យបន្ត៖ថា ជនសង្ស័យទាំង៤នាក់ មាន ១-ឈ្មោះ ភ័ក្ត្រ ផុត ភេទប្រុស អាយុ១៧ឆ្នាំ ។២៖ ឈ្មោះ ចេង ដាវីដ ភេទប្រុស អាយុ១៩ឆ្នាំ ។ ៣ -ឈ្មោះ ប៊ុត ម៉េងឡុង ភេទប្រុស អាយុ១៦ឆ្នាំ។ ៤- ឈ្មោះ ស៊ុន លាប ភេទប្រុស អាយុ១៥ឆ្នាំ ។អ្នកទាំង៤នាក់ រស់នៅភូមិ សង្កាត់ដូចខាងលើ ។
ក្រោយពេលបញ្ជូនមកសមត្ថកិច្ចជំនាញអាវុធហត្ថខេត្តសាកសួរហើយជនសង្ស័យបានឆ្លើយសារភាពថា៖ បក្ខពួកខ្លួនបានយកដាវដេញកាប់ភាគី១ក្រុមទៀតដោយសារមានគំនុំនឹងគ្នាកន្លងមក តែពួកវាបានរត់គេចអស់។ចំណែកគ្រឿងញៀន២កញ្ចប់ គឺពួកគេទុកជក់ដើម្បីឱ្យស្ពឹកមុខ តែចិត្តហ៊ានក្នុងការចេញធ្វើសកម្មភាពសងសឹក ។
ថ្ងៃទី៣១ខែមីនាកម្លាំងជំនាញអាវុធហត្ថខេត្តបញ្ជូនបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី៕
