ខេត្តព្រះសីហនុ៖មនុស្សម្នាក់បានស្លាប់និង៤នាក់ទៀតរងរបួសធ្ងន់និងស្រាលដោយគ្រោះថ្នាក់ចរាចរបង្កឡើងដោយរថយន្តកុងតឺនរ័បុកគ្នាជាមួយរថយន្តLexusRX300បញ្ច្រាស់ទិសគ្នា។ហេតុការណ៍នេះកើតឡើងលើដងផ្លូវជាតិលេខ៤ នៅចន្លោះ Km 157-158ស្ថិតក្នុងភូមិអូរតាហយ ឃុំស្ទឹងឆាយស្រុកកំពង់សីលាខេត្តព្រះសីហនុកាលពីល្ងាចថ្ងៃទី២ខែមេសាឆ្នាំ២០២០ ។
សមត្ថកិច្ចបញ្ជាក់ថាគ្រោះថ្នាក់ចរាចរនេះកើតឡើងរវាងរថយន្តកុងតឺន័រពណ៌ខៀវពាក់ស្លាកលេខភ្នុំពេញ 3C-0054(អ្នកបើកបរមិនស្គាល់អត្តសញ្ញាណ)(រត់គេចខ្លួន)មានទិសដៅពីខេត្តព្រះសីហនុឆ្ពោះទៅភ្នំពេញបានបុកប៉ះគ្នាជាមួយរថយន្តលុចស៊ីសRX300ណ៌សពាក់ផ្លាកលេខភ្នំពេញ2H3030មានទិសដៅបញ្ច្រាសទិសគ្នាបណ្តាលឱ្យខូចខាតរថយន្តនិងមនុស្ស ប្រុស ស្រី ស្លាប់និងរងរបួស ធ្ងន់ស្រាលសរុប៥នាក់។
សមត្ថកិច្ចបន្តរថា ១/អ្នកបើកបរឈ្មោះ សូ សុខាល័យ ភេទប្រុស អាយុ៣៣ឆ្នាំ រស់នៅភ្នំពេញ រងរបួសធ្ងន់ ។២/ឈ្មោះ សូនី ភេទស្រី អាយុ ២៨ឆ្នាំ ជនជាតិខ្មែរ មានទីលំនៅ ខេត្តព្រៃវែង (ស្លាប់) ៣/ឈ្មោះ លី គ័ង ភេទប្រុស អាយុ៣៥ ឆ្នាំ ជនជាតិ ចិន ទីលំនៅ ភ្នំពេញ រងរបួស ធ្ងន់។ ៤/ ឈ្មោះ បូរ៉ា ភេទប្រុស អាយុ២០ឆ្នាំ ជនជាតិ ខ្មែរ ទីលំនៅ ខេត្តព្រៃវែង រងរបួស ធ្ងន់ ។៥/ ឈ្មោះ ហុង សៀវហាក់ អាយុ១១ឆ្នាំ ជនជាតិ ខ្មែរ ទីលំនៅភ្នំពេញ រងរបួស ស្រាល ។
ក្រោយកើតហេតុ សមត្ថកិច្ចបានប្រគល់សាកសពអោយក្រុមគ្រួសារយកទៅធ្វើបុណ្យតាមប្រពៃណី ។រីឯអ្នករងរបួសត្រូវបានកងរាជអាវុធហត្ថស្នាក់ការសន្តិសុខ៤០១និង៤០២ព្រមទាំងកម្លាំងអធិការដ្ឋាននគរបាលស្រុកកំពង់សីលាជួយសង្គ្រោះបញ្ជូនទៅមន្ទីរពេទ្យភ្នំពេញ។ចំណែកវត្ថុតាងរថយន្តទាំងពីរស្ទូចយកទៅរក្សាទុកនៅអធិការដ្ឋាននគរបាលស្រុកកំពង់សីលាបន្តតាមនីតិវិធី៕
