សៀមរាប៖តុលាការខេត្តសៀមរាបនៅព្រឹកថ្ងៃទី២៩ខែមេសាឆ្នាំ២០២០នេះបានបន្តបើកសាវនាការ ពាក់ព័ន្ធករណីលោកឌឹមសួនណាតអគ្គនាយកក្រុមហ៊ុនអ៊ីណារីតា(Enarita)ដែលត្រូវអតិថិជនរបស់ខ្លួនប្រមាណ១.០០០នាក់ដាក់ពាក្យប្តឹងទៅតុលាការពីបទឆបោកលុយជាង៣០០លានដុល្លារ។ក្នុងនោះតារាចម្រៀងអ្នកនាងខាត់សុឃីមនិងស្វាមីរួមជាមួយអ្នកតវ៉ាប្រមាណជា១.០០០នាក់បាននាំគ្នាទាមទារឱ្យតុលាការខេត្តសៀមរាប ដោះលែង អគ្គនាយកក្រុមហ៊ុននេះ។
ប្រភពបានឱ្យដឹងថាលោកឌឹមសួនណាតអគ្គនាយកក្រុមហ៊ុនអ៊ីណារីតាEnaritaបានលក់ដីឡូតិ៍ពុះលក់ខ្យល់,វិនិយោគដាក់លុយបានប្រាក់ចំណេញ២០ភាគរយចាយសែកប្រាក់និងរបរជាច្រើនទៀត។ប្រភណបន្តថាបន្ទាប់ពីមានបណ្តឹងរបស់កូនបំណុលរហូតដល់ជាង១.០០០នាក់រួចមកសមត្ថកិច្ចក៏បានស៊ើបអង្កេត និងឃាត់ខ្លួនជនសង្ស័យរូបនេះមកតុលាការដើម្បីចាត់ការតាមនីតិវិធី។
ចំណែកភាគីម្ខាងទៀតដែលគាំទ្រលោកឌឹមសួនណាតគឺអ្នកនាងខាត់សុឃីមបានប្រមូលផ្តុំអ្នកតវ៉ានៅព្រឹកថ្ងៃទី២៩ខែមេសានេះដោយបានលើកឡើងថា សុំឱ្យស្ថាប័នតុលាការដោះលែងលោក ឌឹម សួនណាត។អ្នកនាងខាត់សុឃីមនិងក្រុមអ្នកតវ៉ាបានបន្តថាបើគ្មានការដោះលែងអគ្គនាយកក្រុមហ៊ុនអ៊ីណារីតាEnaritaរូបនេះទេការបង់ខាតរបស់គ្រួសាររាប់ពាន់គ្រួសារក៏គ្មានដំណោះស្រាយ។
ដើម្បីកុំឱ្យលោកបន្តជាប់ឃុំនិងអាចឱ្យលោកមករកស៊ីដោះស្រាយបំណុលកូនក្រុមទាំងអស់ដែលបានដាក់ហ៊ុនមុនពេលតុលាការធ្វើការចោទប្រកាន់។ក្រោយការតវ៉ាមួយព្រឹកខាងអយ្យការតុលាការខេត្តសៀមសៀមបានហៅតំណាង៣នាក់ឱ្យចូលចចារដោយខាងតុលាការសន្យារថានឹងជួយរកដំណោះស្រាយ។
សូមរំលឹកថាកាលពីថ្ងៃទី២១ខែកក្កដាឆ្នាំ២០១៩ចៅក្រមស៊ើបសួរលោកជូលឹមហ៊ាងបានចេញដីកាឱ្យឃុំខ្លួនជនសង្ស័យឈ្មោះឌឹមសួនណាតអគ្គនាយកក្រុមហ៊ុនអ៊ីណារីតា(Enarita)ពីបទឆបោកដោយមានស្ថានទម្ងន់ទោស។ដែលបានប្រព្រឹត្តនៅក្រុងសៀមរាបខេត្តសៀមរាបនិងនៅតាមបណ្តាខេត្តជាច្រើនទៀតកាលពីអំឡុងឆ្នាំ២០០៩ដល់បច្ចុប្បន្ន៕Skay news
