ភ្នំពេញ៖សមត្ថកិច្ចជំនាញមន្ទីរប្រឆាំងគ្រឿងញៀននៃអគ្គស្នងការដ្ឋាននគរបាលជាតិបង្ក្រាបបទល្មើសកែច្នៃជួញដូរគ្រឿងញៀននិងរឹបអូសវត្ថុតាងជាង១សែនគ្រាប់នៅខណ្ឌពោធិ៍សែនជ័យ។អនុវត្តបញ្ជាដឹកនាំរបស់នាយឧត្ដមសេនីយ៍ សន្តិបណ្ឌិត អគ្គស្នងការនគរបាលជាតិ។
តាមការបញ្ជាដឹកនាំដោយផ្ទាល់ របស់ នាយឧត្ដមសេនិយ៍ ម៉ក់ ជីតូ អគ្គស្នងការរងនគរបាលជាតិនិង លោកឧត្ដមសេនិយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន នៅវេលាម៉ោង១៤ម៉៤០នាទី ថ្ងៃទី២៩ខែមេសាឆ្នាំ២០២០នៅចំណុចផ្ទះគ្មានលេខភូមិត្រពាំងពោធិ៍សង្កាត់ចោមចៅខណ្ឌពោធិសែនជ័យ។
កម្លាំងជំនាញ”ក១១”របស់មន្ទីរប្រឆាំងបទល្មើសគ្រឿងញៀនដឹកនាំដោយលោកឧត្ដមសេនិយ៍ត្រី ស៊ី ផល្លា នាយករងមន្ទីរ និងមានការសម្របសម្រួលពីលោកព្រះរាជអាជ្ញារង សាយ ណូរ៉ា។
បានដំណើរការបង្ក្រាបករណីកែច្នៃ ជួញដូរគ្រឿងញៀន។ជាលទ្ធផល :១, ឃាត់:២នាក់ស្រីម្នាក់ឈ្មោះ LEE KWAN FUK ភេទប្រុស ជនជាតិចិនហុងកុងកាន់លិខិតឆ្លង ដែនលេខKJ06288571។
ឈ្មោះTHET THET HLAINGភេទស្រី ជនជាតិមីយ៉ាន់ម៉ា កាន់លិខិតឆ្លងដែនលេខ MA 030746 ។២, ចាប់យកវត្ថុតាង៖សារធាតុញៀនអិចស្តាស៊ី ប្រមាណ ១៤០.០០០គ្រាប់(ដប់បួនម៉ឺនគ្រាប់) ទម្ងន់: ៥៧គក្រ.៣៨។ម៉ាស៊ីនកែឆ្នៃ ២គ្រឿង ។
បច្ចុប្បន្នជនសង្ស័យនិងវត្ថុតាងបានបញ្ជូនមកមន្ទីរប្រឆាំងគ្រឿងញៀនដើម្បីបន្តការស៊ើបអង្កេតតាមចាប់មេខ្លោង និងមុខសញ្ញាពាក់ព័ន្ធទៀត ៕សហការី