ភ្នំពេញ៖បុរសម្នាក់បានស្លាប់ភ្លាមៗនិងម្នាក់ទៀតរងរបួសធ្ងន់ក្រោយពេលជិះម៉ូតូបុកខឿនចែកផ្លូវខ្ទាតចូលក្រោមកង់រថយន្តត្រូវរថយន្តកិនបែកក្បាល។ហេតុការណ៍គ្រោះថ្នាក់ចរាចរណ៍នេះបានកើតឡើងនៅតាមបណ្តោយផ្លូវចោមចៅភូមិត្រពាំងថ្លឹងសង្កាត់ចោមចៅទី១ខណ្ឌពោធិសែនជ័យរាជធានីភ្នំពេញកាលពីរសៀលថ្ងៃទី៣០ខែមេសាឆ្នាំ២០២០។
សមត្ថកិច្ចបានឱ្យដឹងថាជនរងគ្រោះដែលស្លាប់បាត់បងជីវិតមានឈ្មោះសុខធីភេទប្រុសអាយុ៣៨ឆ្នាំ ជនជាតិខ្មែមុខរបជាងកង់ស្នាក់នៅម្តុំផ្សារអូឬស្សី។ក្រោយពេលកើតហេតុសមត្ថកិច្ចចុះមកវាស់វែងនិងជួយសម្រួលចរាចរណ៍នៅកន្លែងកើតហេតុបន្ទាប់ពីធ្វើការវាស់វែងរួចសមត្ថកិច្ចក៏បានយករថយន្តនិងម៉ូតូទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញដើម្បីដោះស្រាយតាមផ្លូវច្បាប់៕