បន្ទាយមានជ័យ៖កម្លាំងនគរបាលក្រុងសិរីសោភ័ណបានបង្ក្រាបជនសង្ស័យ៥នាក់ជាក្មេងស្ទាវដែលលួចជក់និងលក់គ្រឿងញៀនយ៉ាងសកម្មហើយថែមទាំងមានកាំបិតដែលអាចប្រើក្នុងគោលដៅសម្រាប់ធ្វើឃាតមនុស្សផង ។ការឃាត់ខ្លួននៅចំណុចភូមិភ្នំបាក់ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យកាលពីថ្ងៃទី២ខែមិថុនាឆ្នាំ២០២០ ។
មន្ត្រីនគរបាលក្រុងសិរីសោភ័ណបានឱ្យដឹងថាជនសង្ស័យទាំងនេះជាមុខសញ្ញាលក់ដូរនិងជក់ថ្នាំញៀនយ៉ាងសកម្មកន្លងមកនិងបច្ចុប្បន្ន។ក្មេងៗស្ទាវប្រុសៗទាំងនោះរួមមាន៖១ឈ្មោះណារិទ្ធដេវីដអាយុ១៨ឆ្នាំនៅភូមិភ្នំបាក់សង្កាត់ទឹកទឹកថ្លា។ជននេះគឺជាមុខសញ្ញាជួញដូរនិងផ្តល់ទីតាំងផ្ទះឱ្យអ្នកជក់ដែលកម្លាំងនគរបាលស៊ើបអង្កេតជាយូរមកហើយ។និងបានឃាត់ខ្លួនអ្នកជក់ចំនួន៤នាក់បន្ថែមទៀត។
ក្នុងការបង្ក្រាបនេះ សមត្ថកិច្ចបានធ្វើការដកហូតបានវត្ថុតាងថ្នាំញៀនប្រភេទម្សៅក្រាម ពណ៌សថ្លា ចំនួន៣ថង់តូចកូនថង់សម្រាប់ច្រកមួយចំនួនពូថៅ១ដើមកាំបិតចំនួន២ដើមទូរស័ព្ទដៃចំនួន៣គ្រឿងម៉ូតូចំនួន៤គ្រឿងនិងឧបករណ៍សម្រាប់ជក់មួយចំនួន។ជនសង្ស័យរួមទាំងវត្ថុតាងត្រូវនគរបាលក្រុងបញ្ជូនទៅឱ្យការិយាល័យជំនាញនគរបាលប្រឆាំងគ្រឿងញៀនស្នងការដ្ឋាននគរបាលខេត្តនៅថ្ងៃទី៣ខែមិថុនាឆ្នាំ២០២០ដើម្បីចាត់ការទៅតុលាការ ៕