ភ្នំពេញ៖រថយន្តហ៊ីយ៉ាន់ដាយប្រភេទទេសចរណ៍បើកកបរដោយបុរសជនជាតិចិនម្នាក់បានបុកថ្មចែកផ្លូវបណ្ដាលឱ្យរងការខូចខាតយ៉ាងដំណំនិងរងរបួសធ្ងន់។ហេតុការណ៍បានកើតឡើងនៅបរិវេណកោះពេជ្រក្នុងសង្កាត់ទន្លេបាសាកខណ្ឌចំការមនកាលពីរំលងអាធ្រាត្រចូលថ្ងៃទី២៦ខែមិថុនាឆ្នាំ២០២០។
សន្តិសុខក្នុងកោះពេជ្របានឱ្យដឹងថាមុនកើតហេតុគេឃើញរថយន្តបង្កម៉ាកហ៊ីយ៉ាន់ដាយប្រភេទរថយន្តទេសចរណ៍ពណ៌ខ្មៅពាក់ស្លាកលេខភ្នំពេញ2AZ3557។បានធ្វើដំណើរពីកើតមកលិចក្នុងល្បឿនយ៉ាងលឿន។
លុះមកដល់ចំណុចកើតហេតុក្បែរនិងស្ពានឥន្ទធនូបានបុកទ្រូងផ្លូវបណ្ដាលឱ្យរថយន្តបង្កក្រឡាប់ជាច្រើនត្រឡប់រងការខូចខាតយ៉ាងដំណំនិងធ្វើឱ្យតៃកុងជាជនជាតិចិនបើកបរតែម្នាក់ឯងរងរបួសធ្ងន់៕