អន្តរជាតិ៖យោងតាមតួលេខស្តីពីអ្នកឆ្លង និងស្លាប់ដោយវីរុសកូវីដ១៩ចេញពីគេហទំព័រworldometer កាលពីវេលាម៉ោង៨និង៣០នាទីព្រឹកថ្ងៃទី២៧ខែមិថុនាឆ្នាំ២០២០បានចុះផ្សាយថាចំនួនអ្នកឆ្លងកូវីដ១៩នៅសហរដ្ឋអាមេរិកបានកើនឡើងដល់២.៥៥២.៤៤៦ករណី។ក្នុងនោះអ្នកជំងឺសរុប១២៧.៦១៩នាក់ស្លាប់ នឹងជាង១លានអ្នកផ្សេងទៀត បានជាសះស្បើយ។
ដោយឡែកបើយោងតាមគេហទំព័រសារព័ត៌មានNPRនាយប់ថ្ងៃទី២៦ខែមិថុនាឆ្នាំ២០២០នេះបានចុះផ្សាយថា តាមការសន្និដ្ឋានពី មជ្ឈមណ្ឌលប្រយុទ្ធនឹងជំងឺឆ្លងរបស់អាមេរិក បានបញ្ជាក់ថាតួលេខពិតពីអ្នកឆ្លងកូវីដ១៩ នោះគឺមានមនុស្ស ២០លាននាក់ មិននមែនជាង២លាននាក់ដូចបច្ចុប្បន្ននោះទេ។
ការសន្និដ្ឋានខាងលើ បានបន្តទៀតថា ក្នុងចំណោមពលរដ្ឋអាមេរិក១០០ នាក់ គឺមានចំនួនពី៥ ទៅ៨នាក់ មានផ្ទុកកូវីដ ១៩។គួរបញ្ជាក់ផងដែរថា នៅទូទាំងពិភពលោក គិតត្រឹមព្រឹកនេះ ចំនួនឆ្លងជំងឺ COVID19បានកើនឡើងដល់៩.៨៩៥.៩៥៣ករណីហើយ។ក្នុងនោះមនុស្សជាងជិត៥០ម៉ឺននាក់បានស្លាប់ និងជាង៥,៣លាននាក់ បានជាសះស្បើយឡើងវិញ៕Skay news
