អន្តរជាតិ៖យោងតាមការផ្សាយចេញពីទីភ្នាក់ងារសារព័ត៌មាន CNAkaកាលពីព្រឹកថ្ងៃទី២៨ ខែសីហា ឆ្នាំ២០២០នេះបានចុះផ្សាយថាៈលោកShinzoAbeដែលជានាយករដ្ឋមន្ត្រីជប៉ុននឹងត្រូវលាឈប់ពីតំណែងព្រោះតែបញ្ហាសុខភាព។
លោកShinzoAbeបាននិយាយថា«ការលាលែងពីតំណែងនេះគឺជាកិច្ចព្រមព្រៀងដែលបានសម្រេចធ្វើរួចហើយ»។ជាមួយគ្នានេះលោកនាយករដ្ឋមន្ត្រីនឹងធ្វើសន្និសីទសារព័ត៌មានជាផ្លូវការមួយ នៅវេលាម៉ោង៥ល្ងាច (ម៉ោង៣រសៀលនៅកម្ពុជា) ។
គួររំលឹកថាលោកAbeមានបញ្ហាពោះវៀនអស់រយៈពេលជាច្រើនឆ្នាំហើយការមកពិនិត្យសុខភាពមន្ទីរពេទ្យថ្មីៗចំនួន២ដងក្នុងរយៈពេលមួយសប្តាហ៍នេះបានធ្វើឱ្យមានសំណួរជាច្រើនថាតើគាត់អាចបន្តការងារនេះរហូតដល់ចប់អាណត្តិបានឬយ៉ាងណា?លោក Abe បានឈប់សម្រាកចំនួន៣ថ្ងៃនៅក្នុងខែនេះ ហើយនៅថ្ងៃទី១៧ ខែសីហា បានធ្វើពិនិត្យសុខភាពនៅមន្ទីរពេទ្យ អស់រយៈពេលជាង ៧ ម៉ោង ដែលធ្វើឱ្យសាធារណជនសម្តែងការព្រួយបារម្ភចំពោះបញ្ហាសុខភាពរបស់លោកនាយករដ្ឋមន្ត្រី៕Skay news
