ភ្នំពេញ៖បន្ទាប់ពីទស្សនិកជន បានឃើញភាពផ្អែមល្ហែម របស់តារាហ្វេសប៊ុក និងមានភាពសិចស៊ី គួរឱ្យទាក់ភ្នែកនាងចោមច័ន្ទនិងមិត្តប្រុសជាជនជាតិបារាំងកន្លងមកពេលនេះស្រាប់តែធ្លាយដំណឹងថា នាងបានបែកបាក់ ស្នេហ៍នោះហើយ ដោយមិនដឹងថា ដើមហេតុ មកពីអ្វីឱ្យប្រាកដ នោះទេ។ ប៉ុន្តែអ្នកស្និទ្ធនឹងនាង បានបង្ហើបថា នាងមិនខ្វល់ ពីភាពប្រះឆាស្នេហ៍ឡើយ តែរឹតតែធ្វើឱ្យនាង ទៅហាត់ប្រាណ រក្សារាង និងថែសម្រស់ស្អាត លើសដើម។
ប្រភពដដែល បានបង្ហើបថាៈ ឥឡូវនេះ បងស្រីខ្លួនមិនទាន់បានគិតគូឬបើកភ្លើងខៀវទទួលយកបុរសថ្មី មកស្អំបេះដូងនោះទេដោយសារតែរវល់ជាមួយមុខជំនួញអចលនទ្រព្យនៅខេត្តនិងមុខជំនួញគ្រឿងសម្អាង ថែរក្សាសម្រស់ បុរសនារី ស្ទើរតែរកពេលទំនេរគ្មានទេ។
អ្វីដែលពិសេសនោះ ឆាប់ៗខាងមុខនេះ អ្នកនាង ចោម ច័ន្ទ ត្រៀមនឹងនាំចូល ផលិតផល៤ប្រេន មកពីប្រទេសថៃ មកចែកចាយ នៅកម្ពុជា និង ១៥ ប្រទេសផ្សេងទៀត។ ចំពោះដើមទុន ក្នុងការនាំចូល ទាំង៤ប្រេននេះដែរ គឺអ្នកនាង ចោម ច័ន្ទ ចាយដើមទុន រាប់លានដុល្លារឯណោះ។
រីឯរូបសម្រស់របស់ អ្នកនាង ចោម ច័ន្ទ កាន់តែស្រស់ស្អាត និងក្មេងជាងវ័យ ក្រោយបែកស្នេហ៍ ជាមួយបុរសជនជាតិបារាំងដោយសារតែបងស្រីដេនីក្វាន់រូបនេះឧស្សាហ៍ហាត់ប្រាណទទួលទានអាហារឱ្យទៀងទាត់ពេលវេលា។មួយវិញទៀតអ្វីដែលពិសេសគឺអ្នកនាងចោមច័ន្ទទទួលទានខូលេជេនដែលអ្នកនាងលក់រាល់ថ្ងៃទើបធ្វើឱ្យស្បែកភ្លឺថ្លាស្រស់ស្អាតនិងក្មេងជាងវ័យបែបនេះ។
សាច់ញាតិ របស់អ្នកនាង ចោម ច័ន្ទ បញ្ជាក់បន្ថែមទៀតថាៈ បច្ចុប្បន្ននេះ មិនខ្វះទេកំឡោះៗ ដែលមានរូបរាងសង្ហា តាមសុំស្នេហ៍ ចោម ច័ន្ទ ក្រោយបែកស្នេហ៍ ជាមួយបុរសជនជាតិបារាំងនោះ គឺមានទាំងខ្មែរ និង បរទេស ដោយពួកគេម្នាក់ៗ រង់ចាំតែអ្នកនាង បើកភ្លើងខៀវ តែប៉ុណ្ណោះ៕ស្រី ញឹប