អន្តរជាតិ៖ បុរស៣នាក់ជាជនជាតិលីប៊ី បានដើរចូលទៅក្នុងរោងចក្រមួយកន្លែងនៅក្នុងទីក្រុងទ្រីប៉ូលី ហើយបានយកប្រេង ស្រោចទៅលើកម្មករម្នាក់ជាជនជាតិនីហ្សេរីយ៉ានិងបានដុតសម្លាប់គាត់ ទាំងរស់តែម្តង។
នេះបើយោងតាមរបាយការណ៍របស់ក្រសួងមហាផ្ទៃនៃប្រទេសលីប៊ីហើយវាក៏ជាករណីថ្មីមួយទៀតនៃការវាយប្រហារទៅលើជនអន្តោប្រវេសន៍នៅក្នុងប្រទេសអាហ្វ្រិកខាងជើងមួយនេះ។
អង្គការសហប្រជាជាតិ បានហៅទង្វើនេះថា ជាការប្រព្រឹត្តបទឧក្រិដ្ឋ ដ៏មិនសមហេតុផលមួយ ប្រឆាំងទៅនឹងជនអន្តោប្រវេសន៍ដែលកើតមាននៅក្នុងប្រទេសមួយនេះ។ជនសង្ស័យម្នាក់ក្នុងចំណោមជនសង្សយ័ទាំង៣ត្រូវបានប៉ូលិសចាប់ខ្លួនបានហើយ។
មានរបាយការណ៍ជាបន្តបន្ទាប់អំពីការប្រព្រឹត្តអំពើដ៏ហិង្សាជាច្រើនមកលើជនអន្តោប្រវេសន៍នៅក្នុងប្រទេសនេះ។ដែលអ្នកខ្លះគ្រាន់តែជាជនភៀសខ្លួនធ្វើដំណើរឆ្លងកាត់ប្រទេសនេះដើម្បីឆ្ពោះទៅកាន់ប្រទេសទី៣ទៀតតែប៉ុណ្ណោះ៕Skay news
