ព្រះវិហារ៖លោកប្រាក់សុវណ្ណប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះវិហារនិងជាអភិបាលខេត្តរួមមានលោកឡុងសុវណ្ណប្រធានក្រុមប្រឹក្សាខេត្តនិងក្រុមការងារ។បាននាំយកអំណោយទៅផ្តល់ជូនប្រជាពលរដ្ឋរងគ្រោះដោយទឹកជំនន់និងប្រជាពលរដ្ឋងាយរងគ្រោះសរុបចំនួន៣០គ្រួសារ។
នៅភូមិសំរោងចំនួន៥គ្រួសារភូមិគោកបេង១០គ្រួសារភូមិថ្មី១៥គ្រួសារស្ថិតនៅសង្កាត់កំពង់ប្រណាកក្រុងព្រះវិហារខេត្តព្រះវិហារកាលពីព្រឹកថ្ងៃទី២១ខែតុលាឆ្នាំ២០២០។
លោកប្រាក់សុវណ្ណបានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជា។ដែលសម្តេចតែងតែគិតគូរពីសុខទុក្ខបងប្អូនជានិច្ចគឺទីណាមានការលំបាកទីនោះមានកាកបាទក្រហមកម្ពុជា។លោកក៏បានផ្តាំផ្ញើសូមឱ្យបងប្អូនថែរក្សាសុខភាពត្រូវហូបទឹកស្អាតជានិច្ចពិសេសមាន ការប្រុងប្រយ័ត្នក្នុងពេលទឹកឡើង ការពារកូនតូចៗ ជៀសវាងគ្រោះ ថ្នាក់កើតឡើងជាយថាហេតុ។
សម្ភារផ្តល់ជូនក្នុងមួយគ្រួសារៗរួមមាន៖អង្ករ,មី,ត្រីខ,ទឹកស៊ីអីវ,ទឹកបរិសុទ្ធ,តង់,សារុង,ក្រមា,ភួយ,មុងនិងថវិកាមួយចំនួន៕ញ៉ែម សុផល