ព្រៃវែង៖ប្រភពពីគេហទំព័រដើមរាំងបានឱ្យដឹងថាៈនាយកប្រតិបត្តិនៃគេហទំព័រ”ដើមរាំង”លោកចាន់ថនគ្រោងប្ដឹងមេឃុំកំពង់ប្រាំងស្រុកពារាំងខេត្តព្រៃវែងពីបទញុះញង់ប្រជាពលរដ្ឋមួយចំនួនតូចឱ្យមានការរើសអើងស្អប់អ្នកកាសែតនិងបង្កភាពចលាចល។
មេឃុំរូបនោះក៏បានយកឈ្មោះប្រធានក្រុមការងារចុះជួយឃុំកំពង់ប្រាំងថាបានបញ្ជាក្នុងហេតុការណ៍នេះ។ជាមួយករណីនេះនាយកប្រតិបត្តិបានអះអាងថាៈមេឃុំរូបនេះមានចេតនាកែនកម្លាំងពលរដ្ឋនិងជំរុញឱ្យពលរដ្ឋខ្លះធ្លាក់ចូលក្នុងជម្លោះបុគ្គលរវាងការផ្សាយគេហទំព័រ”ដើមរាំង”និងភាពមិនប្រក្រតីនៃអាជ្ញាធរឃុំកំពង់ប្រាំង។
លោកចាន់ថន៖នាយកប្រតិបត្តិនៃគេហទំព័រ”ដើមរាំង”
លោកចាន់ថនបានឱ្យដឹងទៀតថាៈលោកសាតហ៊ាងមេឃុំកំពង់ប្រាំងស្រុកពារាំងខេត្តព្រៃវែងបានយកជម្លោះផ្ទាល់ខ្លួនមកបញ្ជាលោកមេភូមិទាំង៦ភូមិឱ្យដើរបញ្ចុះបញ្ចូលញុះញង់ពលរដ្ឋឱ្យមានការរើសអើងស្អប់អ្នកកាសែតដែលអ្នកកសែតបានបំពេញវិជ្ជាជីវៈត្រឹមត្រូវ។មេឃុំប្រាប់ឱ្យពលរដ្ឋផ្ដិតម្រាមដៃប្ដឹងសុំដកអាជ្ញាប័ណ្ណគេហទំព័រ«ដើមរាំង»ទាំងគ្មានកំហុសដែលបង្កភាពចលាចលក្នុងមូលដ្ឋាន។
ជាក់ស្ដែង៖កាលពីថ្ងៃទី១២រហូតដល់ព្រឹកទី១៣ខែវិច្ឆិកាឆ្នាំ២០២០លោកមេភូមិរួមនិងអនុភូមិនិមួយៗនៅក្នុងឃុំកំពង់ប្រាំងទាំងមូលបានដើរបញ្ចុះបញ្ចូលពលរដ្ឋឱ្យស្អប់អ្នកកាសែតនិងឱ្យផ្ដិតម្រាមដៃលើក្រដាស់សរដោយពុំមានសរសេរបញ្ជាក់ពីមូលហេតុ បង្កការភ្ញាក់ផ្អើលជាខ្លាំង។
ក្នុងនោះពលរដ្ឋប្រមាណជាង៩០ភាគរយមិនផ្ដិតម្រាមដៃឱ្យទេដោយថា៖រឿងផ្ទាល់ខ្លួនសោះមកឱ្យពលរដ្ឋផ្ដិតម្រាមដៃដែរ។ខ្លះថាៈរឿងខ្លួនឯងប្រយោជន៍ខ្លួនឯងខឹងគេផ្សាយរឿងពាក់ព័ន្ធភាពមិនប្រក្រតីគឺដីបឹងមួយកន្លែងបែរជាយកពលរដ្ឋធ្វើជាខែលដាក់បន្ទុកទៅលើអ្នកកាសែតទៅវិញ។ទន្ទឹមនិងនោះពលរដ្ឋបានបញ្ជាក់ថា៖នៅពេលមកសុំផ្ដិតម្រាមដៃគឺលោកមេភូមិបានបញ្ចុះបញ្ចូលលួងលោមថា៖យើងរួមគ្នាផ្ដិតម្រាមដៃសុំលុបអាជ្ញាប័ណ្ណកាសែត«ដើមរាំង»ចោល។
លុះពលរដ្ឋសួរថា៖ខាងណាអ្នកឱ្យផ្ដិត?លោកមេភូមិប្រាប់ថាៈតាមបញ្ជាលោកមេឃុំកំពង់ប្រាំងខណៈប៉ែកខាងលើនៃក្រដាសដែលត្រូវផ្តិតនោះគឺពុំមានបញ្ជាក់អ្វីឱ្យច្បាស់លាស់ទេ។ក្នុងនោះពលរដ្ឋមួយចំនួនធំប្រកែកមិនព្រមផ្ដិតម្រាមដៃឱ្យឡើយ។នៅព្រឹកទី១៤ខែវិច្ឆិកាឆ្នាំ២០២០លោកសាតហ៊ាងមេឃុំកំពង់ប្រាំងបានថ្លែងទទួលស្គាល់ថា៖លោកពិតជាឱ្យមេភូមិដើរផ្ដិតម្រាមដៃមែនគឺតាមបញ្ជាពីលោកខឹមសនប្រធានក្រុមការចុះជួយឃុំកំពង់ប្រាំង។រីឯលោកខឹមសនប្រធានក្រុមការចុះជួយឃុំកំពង់ប្រាំង«ដើមរាំង»មិនអាចសុំការបញ្ជាក់បានទេនៅព្រឹកថ្ងៃទី១៤ខែខែវិច្ឆិកានេះ។
ក្នុងនោះដែរនៅភូមិព្រែកជ្រូកពុំមានអ្នកផ្ដិតម្រាមដៃឱ្យទេខណៈលោកមេភូមតារ័ត្ន បានថ្លែងថា៖ ភូមិរបស់លោកគឺដើរផ្ដិតម្រាមដៃបានជាង២០នាក់គឺអត់ដាក់លេខរៀងអត់បញ្ជាក់នៅលើក្រដាសនោះ។ភូមិកំពង់ប្រាំង,ផ្ដិតម្រាមដៃបានជាង២០នាក់។ភូមិសាបួរ,មិនមានអ្នកផ្ដិតមេដៃឱ្យទេ។លោកជៀមចន្ថាមេភូមិល្វាកោងបានថ្លែងថាភូមិរបស់គាត់ផ្ដិតបានជាង៧០នាក់។លោកសែតគាមេភូមិពាក់ស្បៃ,បានអះអាងថា៖ការផ្ដិតម្រាមដៃនោះជារឿងសម្ងាត់ព្រោះលោកមេឃុំឱ្យលាក់ការមិនឱ្យប្រាប់នរណាទេ ខណៈភូមិលោកផ្ដិតបានជាង៥០នាក់។
ទោះជាយ៉ាងណាក្ដីលោកចាន់ថននាយកប្រតិបត្តិនៃគេហទំព័រ«ដើមរាំង»បានថ្លែងថា៖ចំពោះករណីនេះលោកកំពុងប្រមូលឯកសារនានាដើម្បីប្ដឹងលោកសាតហ៊ាងមេឃុំកំពង់ប្រាំងពីបទ”ញុះញង់ឱ្យមានការរើសអើង”។បំផុសបំផុលបង្កភាពចលាចលតាមមាត្រា២៩៤ដល់២៩៨នៃក្រមព្រហ្មទណ្ឌទៅអយ្យការអមសាលាដំបូងខេត្តនៅពេលខាងមុខ។លោកចាន់ថនបានអះអាងថាៈនៅពេលនេះមានពលរដ្ឋជាច្រើននាក់ដែលព្រមធ្វើសាក្សីដឹងឮសម្រាប់តតាំងក្ដីតាមផ្លូវច្បាប់។
ចំពោះរឿងសុំលុបអាជ្ញាប័ណ្ណពីសំណាក់លោកមេឃុំកំពង់ប្រាំងលោកចាន់ថនបន្តថា៖”គេហទំព័រខ្ញុំគ្មានកំហុសទេសូមថ្នាក់ដឹកនាំស្ថាប័នពាក់ព័ន្ធដាក់ការស៊ើបអង្កេតនិងរកយុត្តិធម៌ផងចុះ”។ខណៈគេហទំព័រ«ដើមរាំង»ផ្សាយរឿងដី(បឹងបាយសី)នៅឃុំកំពង់ប្រាំងក្នុងស្រុកពារាំងកាលពីខែមុននោះគឺជាការលើកឡើងនិងអះអាងរបស់ពលរដ្ឋប៉ុណ្ណោះ។គេហទំព័រ«ដើមរាំង»មិនបានសន្និដ្ឋានខ្លួនឯង,មិនវិនិច្ឆ័យសេចក្ដីហើយក៏បានធ្វើបទសម្ភាសន៍ជាមួយប្រជាពលរដ្ឋផ្ទាល់ទៀតផង។
លោកចាន់ថនបានបន្តថាៈក្នុងការផ្សាយរបស់«ដើមរាំង»ករណីដីបឹងនៅទីនោះមិនបានបង្កលក្ខណខុសឆ្គងជាមួយប្រជាពលរដ្ឋទេគឺពលរដ្ឋមានការគាំទ្រ។ផ្ទុយពីសាម៉ីមេឃុំដែលខ្លួនគិតថាការផ្សាយនោះមិនត្រឹមត្រូវអាចតវ៉ាឱ្យបកស្រាយឬប្ដឹងតាមនីតិវីធីពុំមែនប្រើអំណាចយកក្រុមការងារបក្សដើរញុះញង់ពលរដ្ឋឱ្យផ្ដិតម្រាមដៃសុំលុបអាជ្ញាប័ណ្ណសារព័ត៌មានអីចឹងទេ៕សាដាម