ព្រះវិហារ៖កម្លាំងនគរបាលខេត្តព្រះវិហារបានឃាត់ខ្លួនបុរសម្នាក់តាមពាក្យបណ្តឹងរបស់ជីដូនក្មេងស្រីរងគ្រោះ២នាក់ដែលបុរសរូបនេះជាឪពុកចុងដែលចាប់រំលោភសេពសន្ថវៈលើកូនដើមបានសម្រេចជាច្រើនឆ្នាំ។ករណីនេះបានកើតឡើងនៅភូមិអង្គ្រង(ភូមិរណប)ឃុំរណសិរ្យស្រុកសង្គមថ្មីខេត្តព្រះវិហារកាលពីព្រលប់ថ្ងៃទី១៩ខែវិច្ឆិកាឆ្នាំ២០២០។
មន្ត្រីសមត្ថកិច្ចបានបញ្ជាក់ឱ្យដឹងទៀតថាៈកម្លាំងនគរបាលស្រុកសង្គមថ្មីបានសហការជាមួយប៉ុស្តិ៍រដ្ឋបាលឃុំរណសិរ្យបានឃាត់ខ្លួនជនសង្ស័យជាឪពុកចុងម្នាក់តាមពាក្សបណ្តឹងរបស់ជីដូនក្មេងស្រីរងគ្រោះ២នាក់ ដែលត្រូវឪពុកចុងធ្វើសកម្មភាពចាប់រំលោភអស់រយៈពេលជាច្រើនឆ្នាំ។
ជនសង្ស័យឈ្មោះក្អើយបឿអាយុ៥៤ឆ្នាំមុខរបរកសិករនៅភូមិអង្គ្រង(ភូមិរណប)ឃុំរណសិរ្យស្រុកសង្គមថ្មីខេត្តព្រះវិហារ។ផ្អែកតាមចម្លើយរបស់ជនរងគ្រោះបានប្រាប់សមត្ថកិច្ចថាខ្លួនត្រូវបានឪពុកចុងរូបនេះធ្វើសកម្មភាពចាប់រំលោភសេពសន្ថវៈតាំងពីអាយុ៣ឆ្នាំរហូតមកពេលពេលនេះគឺអាយុ១៣ឆ្នាំ។
ជនសង្ស័យជាឪពុកចុងមិនត្រឹមតែរំលោភលើខ្លួនជាបងនោះទេថែមទាំងធ្វើសកម្មភាពរំលោភប្អូនស្រីរបស់នាងទៀត។ជាហេតុធ្វើឱ្យប្អូនស្រីនាងមានការឈឺចាប់រាងកាយក៏បានយករឿងនេះទៅប្រាប់ជីដូន ហើយជីដុននាងក៏បានរាយការណ៍មកមេភូមិឈានដល់ការចាប់ខ្លួនជនសង្ស័យតែម្តង៕វ៉ាន់ឌី
