ស្វាយរៀង៖ឧប្បទ្ទវហេតុធម្មជាតិមួយពេលមានភ្លៀងធ្លាក់រលឹមតិចៗលាយឡំនិងខ្យល់ផងក៏ស្រាប់តែមានរន្ទះបានបាញ់សម្លាប់បុរសម្នាក់ពេលជិះម៉ូតូនៅលើខ្នងទំនប់ជាប់មាត់ប្រឡាយ។
ហេតុការណ៍បានកើតឡើងស្ថិតក្នុងភូមិបឹងឃុំកំពង់ពិលស្រុករំដួលខេត្តស្វាយរៀងកាលពីរសៀលថ្ងៃទី២០ខែវិច្ឆិកាឆ្នាំ២០២០
អ្នកភូមិបានឱ្យដឹងថាៈជនរងគ្រោះឈ្មោះ កឹង យ៉ាត អាយុ ៤៩ឆ្នាំ មុខរបរកសិករ រស់នៅភូមិព្រៃបឹង ឃុំម៉ឺនជ័យស្រុករំដួលខេត្តស្វាយរៀង។
ប្រភពព័ត៌មានដដែលបានបន្តថាៈពេលមានភ្លៀងធ្លាក់រលឹមតិចៗលាយឡំនិងខ្យល់ផងនោះគេឃើញជនរងគ្រោះជិះម៉ូតូម៉ាកហុងដាឌ្រីមសេ១២៥លើខ្នងទំនប់ជាប់មាត់ប្រឡាយ។
រំពេចនោះក៏ឮសំឡេងរន្ទះបាញ់លាន់ខ្លាំងមួយសន្ទុះក្រោយមកក៏ប្រទះឃើញបុរសរងគ្រោះដេកស្លាប់ក្បែរម៉ូតូ។ក្រោយពីកើតហេតុសមត្ថកិច្ចចុះដល់ទីតាំងត្រួតពិនិត្យធ្វើកោសល្យវិច័យរួចប្រគល់សពជូនក្រុមគ្រួសារ៕វិចិត្រ
