ភ្នំពេញ៖នាព្រឹកថ្ងៃទី៩ ខែធ្នូឆ្នាំ២០២០នេះក្រសួងសុខាភិបាលបានចេញសេចក្តីប្រកាសព័ត៌មាន បញ្ជាក់ពីលទ្ធផលកាលពីថ្ងៃទី៨ខែធ្នូឆ្នាំ២០២០រកឃើញអ្នកឆ្លងជំងឺកូវីដ១៩ថ្មីចំនួន៤នាក់បន្ថែមទៀត
ដែលជាបុគ្គលិកហាងPedroនិងជាអ្នកចូលហាងZandoបឹងកេងកងនិងPedroផ្លូវព្រះសីហនុ។គឺពាក់ព័ន្ធព្រឹត្តិការណ៍សហគមន៍២៨វិច្ឆិកាហើយពុំមានអ្នកជាសះស្បើយទេខណៈអ្នកកំពុងព្យាបាលកើនដល់៤៧នាក់។
អ្នកឆ្លងថ្មីទាំង៤នាក់នេះជាបុរសជនជាតិខ្មែរ១,ឈ្មោះអិតកុម៉ាលអាយុ៣៥ឆ្នាំស្នាក់នៅសង្កាត់បឹងកេងកង៣ខណ្ឌបឹងកេងកងបានទៅហាងZandoបឹងកេងកងនៅថ្ងៃទី២៧ខែវិច្ឆិកាឆ្នាំ២០២០។២,បុរសជនជាតិខ្មែរ ឈ្មោះ សន សាន់បញ្ញារិទ្ធ អាយុ២០ឆ្នាំ ស្នាក់នៅភូមិថ្មី សង្កាត់តាខ្មៅក្រុងតាខ្មៅខេត្តកណ្តាល ជាបុគ្គលិកហាងPedroផ្លូវព្រះសីហនុ។
៣,ស្ត្រីជនជាតិខ្មែរឈ្មោះឡុងសុខនីអាយុ៣៣ឆ្នាំស្នាក់នៅសង្កាត់ព្រែកឬស្សីក្រុងតាខ្មៅខេត្តកណ្តាលជាបុគ្គលិកហាងPedroផ្លូវព្រះសីហនុ។៤,បុរសជនជាតិខ្មែរឈ្មោះ ទៅគឹមហុកអាយុ២៧ឆ្នាំស្នាក់នៅបឹងទំពន់ខណ្ឌមានជ័យបានទៅហាងPedroដែលជាអ្នកប៉ះពាល់ជាមួយអ្នកជំងឺឈ្មោះញិលសុខកូឡាដែលរកឃើញកូវីដ១៩។
បច្ចុប្បន្ននេះ អ្នកជំងឺទាំង៤នាក់ ត្រូវបានដាក់សម្រាកព្យាបាល នៅមន្ទីរពេទ្យមិត្តភាពខ្មែរសូវៀត និងមណ្ឌលសុខភាពចាក់អង្រែ ។សម្រាប់ថ្ងៃទី៨ ខែធ្នូឆ្នាំ២០២០វត្ថុសំណាកដែលនៅសល់ពីថ្ងៃទី៧ ខែធ្នូ ឆ្នាំ២០២០ ចំនួន១៦០៥សំណាក។
បូកបន្ថែមចំនួនវត្ថុសំណាកដែលទទួលបានពីតាមបណ្តាខេត្ត និងរាជធានី ។ដែលជាថ្ងៃធ្វើតេស្តលើកទី២ សម្រាប់ព្រឹត្តិការណ៍ សហគមន៍២៨វិច្ឆិកា សរុបចំនួន ៣.៤៦៧សំណាកត្រូវបានធ្វើវិភាគដោយវិទ្យាស្ថានប៉ាស្ទ័រកម្ពុជា។ គឺមានលទ្ធផលវិជ្ជមានវីរុសកូវីដ១៩ ថ្មីចំនួន៤នាក់ដែលជាអ្នកជំងឺនេះ។ដោយឡែកនៅសល់វត្ថុសំណាក់ចំនួន៤.៩៩៤សំណាកផ្សេងទៀត ដែលត្រូវវិភាគបន្តនៅថ្ងៃទី៩ ខែធ្នូ។
សូមបញ្ជាក់ថា៖គិតត្រឹមម៉ោង៧ព្រឹកថ្ងៃទី៩ខែធ្នូឆ្នាំ២០២០នេះកម្ពុជាបានរកឃើញអ្នកឆ្លងកូវីដ១៩សរុបចំនួន ៣៥៤នាក់។ក្នុងនោះអ្នកជាសះស្បើយចំនួន ៣០៧នាក់ និងអ្នកកំពុងសម្រាកនៅមន្ទីរពេទ្យចំនួន ៤៧នាក់៕ចាន់ថន
