ខេត្តតាកែវ៖ភ្ញៀរទេសចរជាតិនិងអន្តរជាតិដែលមកកម្សាន្តនៅរម្មណីយដ្ឋានសួនសត្វភ្នំតាម៉ៅត្រូវបានត្រួតពិនិត្យយ៉ាងហ្មត់ចត់លើគោលការណែនាំនៃក្រសួងសុខាភិបាលមុននិងចូលទស្សនាសត្វព្រៃនៅសួនសត្វ។ក្រោយស្ថានភាពជំងឺកូវីដ១៩ក្នុងប្រទេសកម្ពុជាកំពុងស្ថិតនៅចំណុចប្រុងប្រយ័ត្នខ្ពស់អំពីការឆ្លងរីករាលដាលនៃជំងឺកូវីដ១៩។
លោករតនៈពេជ្រប្រធានសួនសត្វភ្នំតាម៉ៅបានឱ្យដឹងថា៖នៅក្នុងកំឡុងដែលប្រទេសកម្ពុជាយើងកំពុងរួមគ្នាប្រយុទ្ធប្រឆាំងនឹងជំងឺកូវីដ១៩នេះគឺស្ថានភាពភ្ញៀវទេសចរជាតិនិងអន្តរជាតិដែលចូលមកទស្សនាសត្វព្រៃគឺមានការថយចុះគួរឱ្យកត់សម្គាល់។តែមិនបង្កឱ្យមានការប៉ះពាល់អ្វីដល់សុខភាពសត្វព្រៃទាំងនោះឡើយ។
លោកបានបន្តថា៖ព្រោះពពួកសត្វព្រៃទាំងនោះត្រូវអធ្យានុរៈមើលថែទាំសុខភាពនិងគ្រប់គ្រងរបបអាហារបានយ៉ាងល្អប្រសើរផងដែរ។ក៏បន្តែដោយសារតែកត្តាបម្រែបម្រួលអាកាសធាតុមានការប្រែប្រួលខុសពីធម្មតាក៏បានធ្វើឱ្យសត្វមួយចំនួនតូចឈឺតែត្រូវបានក្រុមគ្រូពេទ្យសត្វព្យាបាលត្រឹមត្រូវតាមបែបបទបសុព្យាបាល។
លោកប្រធានសួនសត្វភ្នំតាម៉ៅបានឱ្យដឹងទៀតថា៖ចំពោះកត្តាជំងឺកូវីដ១៩នេះបានជះឥទ្ធិពលខ្លាំងដល់ក្រុមអាជីវករលក់ដូរចំណីអាហារនៅក្នុងរម្មណីយដ្ឋានព្រោះមិនមានភ្ញៀវចូលមកទស្សនាសត្វព្រៃ។
តែដោយសារមួយរយៈពេលក្រោយមកថ្មីៗនេះរាជរដ្ឋាភិបាលកម្ពុជាយើងបាននិងកំពុងគ្រប់គ្រងស្ថានភាពជំងឺកូវីដ១៩បានយ៉ាងល្អប្រសើរជៀសឆ្ងាយពីការឆ្លងរីករាលដាលក្នុងសហគមន៍ទើបមានភ្ញៀវទេសចរជាតិមកលេងកម្សាន្តខ្លះៗវិញ៕ដូនកែវ