ព្រះវិហារ៖សាខាកាកបាទក្រហមកម្ពុជាខេត្តព្រះវិហារកាលពីរសៀលថ្ងៃទី២៧ខែមករា ឆ្នាំ២០២០លោក អ៊ុង ប៊ុនសឿន អនុប្រធានគណ:កម្មាធិការ អនុសាខាកាក បាទក្រហមកម្ពុជា ស្រុកឆែបបានយកអំណោយមនុស្សធម៌ផ្តល់ជូនគ្រួសាររងគ្រោះដោយសារភ្លើងឆេះផ្ទះចំនួនមួយគ្រួសារ កាលពីរថ្ងៃ ទី២៥ ខែមករា ឆ្នាំ២០២០ នៅឃុំសង្កែមួយ ស្រុកឆែប ។
នៅក្នុងឱកាសនោះដែរ លោកអនុប្រធានគណៈកម្មាធិការអនុសាខាកាកបាទក្រហមកម្ពុជា ស្រុកឆែប បានចូលរួមសោកស្តាយជាមួយបងប្អូនម្ចាស់ផ្ទះដែលរងគ្រោះដោយសារភ្លើងឆេះ បណ្តាលឱ្យបាត់ បង់ផ្ទះនិងទ្រព្យសម្បត្តិផ្សេងៗទៀត។លោកបានបន្ថែមថាសម្ភារនិងថវិកាដែលអនុសាខាផ្តល់ជូននាពេលនេះគ្រាន់តែជួយសម្រាលការលំបាករបស់បងប្អូនមួយគ្រាប៉ុណ្ណោះ។
សម្ភារផ្តល់ជូនរួមមាន៖អង្ករ,មី,ត្រីខ,ទឹកស៊ីអ៊ីវ,តង់,សារុង,មុង,ភួយ,ក្រមា,អាវយឺត,និងថវិកាសប្បុរសជនរួមមាន៖លោកសុខសាន្តតារ៉ាប្រធានកិត្តិយសអនុសាខាចំនួន២០០.០០០រៀលក្រុមប្រឹក្សាឃុំសង្កែមួយ ចំនួន ១០០.០០០រៀល៕ញ៉ែមសុផល
