កណ្តាល៖មានករណីអគ្គិភ័យឆេះរោងចក្រខ្សែភ្លើងឃ្យុងស៊ីង ស្ថិតនៅតំបន់សេដ្ឋកិច្ចពិសេស (7NG) ភូមិវិហារសួគ៌ ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាលកាលពីព្រឹកថ្ងៃទី២៤ ខែមីនា ឆ្នាំ២០២១ ។រោងចក្រមានទំហំ ១២០គុណ៨០ មែត្រ ។ភ្លើងបានឆេះរោងបាយកម្មករទំហំបណ្ដោយ ៨០គុណ១៥ ម៉ែត្រ ។
ករណីនេះបណ្ដាលឱ្យមានកម្មករម្នាក់រងរបួសឈ្មោះ ភឹម រដ្ឋា ភេទ ប្រុស អាយុ ២៤ ឆ្នាំ រស់នៅភូមិព្រៃចាស់ ឃុំវិហារសួគ៌ ស្រុកខ្សាច់កណ្ដាល ជាកម្មករផ្នែកជាង ។ខូចខាតសម្ភាររួមមានៈ ម៉ាស៊ីនភ្លើងធំចំនួន១ គ្រឿង- ម៉ាស៊ីនស្កេនក្រយ៉ៅដៃចំនួន ១៥ គ្រឿង និងតុបាយ កៅអី កង្ហាមួយចំនួន ។ម្ចាស់រោងចក្រឈ្មោះ ចាង សាងហូ ភេទ ប្រុស អាយុ ៤៦ ឆ្នាំ ជាជនជាតិ កូរ៉េខាងត្បូង ។កម្មកររោងចក្រមានចំនួន ១.៦៧៥ នាក់ ស្រី ១.៣១៨ នាក់ ដែលកំពុងធ្វើការងារ ។
មូលហេតុៈ ដោយសារទុសេ្សខ្សែរភ្លើងនៅក្បែររោងបាយហើយបានឆាបឆេះផ្នែករោងម៉ាស៊ីនរហូតដល់រោងបាយតែមិនឆេះចូលកន្លែងកម្មករធ្វើការឡើយ ។បានប្រើរថយន្តពន្លត់អគីភ័យស្រុកខ្សាច់កណ្ដាលចំនួន១ គ្រឿង និងរថយន្តទឹក(7NG) ចំនួន២ គ្រឿង ប្រើប្រាស់ទឹកអស់ចំនួន ២៥ គីប៕ចំប៉ា