ភ្នំពេញ៖កាលពីព្រឹកថ្ងៃទី១ខែកុម្ភៈឆ្នាំ២០២០ក្លិបអ្នកកាសែតកម្ពុជាបានរៀបចំពិធីបោះឆ្នោតជ្រើសរើសគណៈកម្មាធិការនាយកសម្រាប់អាណត្តិទី៦របស់ក្លិបអ្នកកាសែតកម្ពុជាប្រព្រឹត្តទៅនៅភោជនីយដ្ឋានទន្លេបាសាក់ ២ ខណ្ឌ ចំការមន រាជធានី ភ្នំពេញ ដោយមានសមាជិក សមាជិកា ចូលរួម ចំនួន១៦៤ នាក់ ។
ក្រោយការបោះឆ្នោតជ្រើសរើសគណៈកម្មាធិការនាយកសម្រាប់អាណត្តិទី៦របស់ក្លិបអ្នកកាសែតកម្ពុជាជាលទ្ធផលសម្រេចលោកប៉ែនបូណាប្រធានក្លិបអ្នកកាសែតកម្ពុជាអាណត្តិមុនជាប្រធានក្លិបអាណត្តិថ្មីបន្តទៀត។
ក្នុងពិធីនេះលោកប៉ែនបូណាបានលើកឡើងថារយៈពេលកន្លងមកក្លិបអ្នកកាសែតកម្ពុជាបានជួយ អ្នក កាសែត ជាច្រើន ដែល បាន ជួប បញ្ហា ផ្លូវច្បាប់តែក្លិបអ្នកកាសែតកម្ពុជា ជួយ អ្នកសារព័ត៌មានខាងក្រោយឆាកគឺតាមរយៈការសម្របសម្រួលរវាងភាគីទំនាស់ដែលធ្វើឱ្យក្លិបអ្នកកាសែតកម្ពុជាមិនសូវឮឈ្មោះឮសំឡេងនៅក្នុងសង្គមនោះទេ។
លោកបន្តថាកន្លងក្លិបមកបានបើកវគ្គបណ្ដុះបណ្ដាលជាច្រើនសម្រាប់អ្នកសារព័ត៌មានមានឱកាសចែករំលែកចំណេះដឹងនិងបទពិសោធន៍ឲ្យគ្នា ទាំង អ្នកសារព័ត៌មាន អាជីពនិងមិនអាជីព៕
