ភ្នំពេញ៖រាជរដ្ឋាភិបាលកម្ពុជា កាលពីថ្ងៃទី៩ខែមិថុនាឆ្នាំ២០២១បានចេញ អនុក្រឹត្យ ស្តីពីការរៀបចំ និងការប្រព្រឹត្តទៅរបស់ គណៈកម្មាធិការ បច្ចេកទេស អន្តរក្រសួង រៀបចំគោលនយោបាយគ្រប់គ្រងនិងប្រើប្រាស់ដីធ្លីដើម្បីអភិវឌ្ឍន៍ខេត្តព្រះសីហនុទៅជាតំបន់សេដ្ឋកិច្ច ពិសេសគំរូពហុបំណង។
នៅក្នុងអនុក្រឹត្យលេខ ៨២អនក្រ.បក ដែលចុះហត្ថលេខាដោយ សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានសម្រេច នៅត្រង់មាត្រា១ថា អនុក្រឹត្យនេះ កំណត់អំពីការរៀបចំ និងការប្រព្រឹត្តទៅរបស់ គណៈកម្មាធិការបច្ចេកទេស អន្តរក្រសួង រៀបចំគោលនយោបាយ គ្រប់គ្រង និងប្រើប្រាស់ដីធ្លី ដើម្បីអភិវឌ្ឍន៍ខេត្តព្រះសីហនុ ទៅជាតំបន់សេដ្ឋកិច្ចពិសេស គំរូពហុបំណង សរសេរជាអក្សរកាត់ថា គ.ប.ដ។
គណៈកម្មាធិការបច្ចេកទេសអន្តរក្រសួងរៀបចំគោលនយោបាយគ្រប់គ្រងនិងប្រើប្រាស់ដីធ្លី ដើម្បីអភិវឌ្ឍន៍ ខេត្តព្រះសីហនុ ទៅជាតំបន់សេដ្ឋកិច្ចពិសេស គំរូ ពហុបំណង (គ.ប.ដ) នេះ មានរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជាប្រធាន រដ្ឋមន្ត្រីក្រសួង សាធារណការ និងដឹកជញ្ជូន។
រដ្ឋមន្ត្រី ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាអនុប្រធាន ដោយរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រដ្ឋមន្ត្រីក្រសួងបរិស្ថាន រដ្ឋមន្ត្រីក្រសួងទេសចរណ៍ រដ្ឋមន្ត្រីក្រសួងប្រៃសណីយ៍ និងទូរគមនាគមន៍ រដ្ឋមន្ត្រីក្រសួងធនធាន ទឹក និងឧតុនិយម រដ្ឋមន្ត្រីក្រសួងរ៉ែ និងថាមពល ជាសមាជិក និងសមាជិក ១៤ រូបទៀត ជាអគ្គលេខាធិការ ក្រុមប្រឹក្សាអភិវឌ្ឍន៍កម្ពុជា រដ្ឋលេខាធិការ ទេសាភិបាលនៃធនាគារជាតិ នៃកម្ពុជា តំណាងឧត្តមក្រុមប្រឹក្សា សេដ្ឋកិច្ចជាតិ និងអភិបាល ខេត្តព្រះសីហនុ៕ដោយៈ ប.ខុន