ខេត្តព្រះសីហនុ៖កម្លាំងនគរបាលក្រុងព្រះសីហនុកាលពីរសៀលថ្ងៃទី២២ខែកក្កដាបានចាប់ ជនជាតិចិនចំនួន៤នាក់ ពាក់ព័ន្ធករណីចាប់ចិនដូចគ្នាក្នុងគំនិតទុច្ចរិត។
សមត្ថកិច្ចបានឱ្យដឹងថា កម្លាំងនគរបាល បានទទួលព័ត៌មាន ថា មានជនជាតិចិនមួយក្រុម បានចាប់ជនជាតិចិនម្នាក់ ញាត់ចូលក្នុងរថយន្ត ម៉ាក ឡុងគ្រីស័រប្រាដូ នៅលើផ្លូវក្បែរកាស៊ីណូ ប៉ាវទូស្ថិតក្នុងក្រុងព្រះសីហនុ ។បន្ទាប់ពីទទួលបានព័ត៌មានរួចកម្លាំង នគរបាល ដេញតាមរហូតដល់ផ្លូវបុរី គុជអាស៊ី ក្នុងសង្កាត់៣ ទើបចាប់បានរថយន្ត ព្រមទាំងជនសង្ស័យជាជនជាជនជាតិចិន៤ នាក់ និងរំដោះជនរងគ្រោះម្នាក់ជាជនជាតិចិនដូចគ្នា។
ជនសង្ស័យជាបុរសទាំង ៤នាក់ ឈ្មោះ LAI XING YONG អាយុ៣២ឆ្នាំ ។ឈ្មោះ JIA YONG SHENG អាយុ៤៥ ឆ្នាំ ឈ្មោះ HUANG YOU TAO អាយុ២៧ ឆ្នាំ ឈ្មោះ ZHANG KE WEI អាយុ៣៦ ឆ្នាំ អ្នកទាំង៤ស្នាក់នៅ ភូមិ៣ សង្កាត់៣ ក្រុង-ខេត្តព្រះសីហនុ។
ជាមួយនោះ សមត្ថកិច្ចបានដកហូតវត្ថុតាង រថយន្ត ១គ្រឿង ម៉ាកឡុងគ្រីស័រប្រាដូ ពាក់ស្លាកលេខ ភ្នំពេញ 2AZ-9381 ជាមធ្យោបាយជិះធ្វើសកម្មភាព។ចំណែកជនរងគ្រោះឈ្មោះ ZHANG TAO អាយុ ២៨ឆ្នាំ ស្នាក់នៅភូមិ៤ សង្កាត់លេខ៤ ក្រុងព្រះសីហនុ។ ក្រោយឃាត់ខ្លួន ជនសង្ស័យ និងវត្ថុតាង ត្រូវបានសមត្ថកិច្ច បានកសាងសំណុំរឿង បញ្ជូនទៅតុលាការបន្តនីតិវិធី៕ដោយ៖ដែនសមុទ្រ