ខាងក្រោមនេះ យើងខ្ញុំនឹងបង្ហាញអ្នកពីរយៈពេលដែលអ្នកម្តាយគួរតែប្រយ័ត្នពីវីរុសថ្មី។ តើមានអ្វីខ្លះទៅ?នៅពេលដែលអ្នកចេញក្រៅ យកល្អអ្នកគួរតែជិះឡានខ្លួនឯង ឬតាក់ស៊ី មិនគួរជិះឡានក្រុងនោះទេ ព្រោះអាចនាំមេរោគច្រើនចូលក្នុងរាងកាយអ្នកបាន។ អ្នកគួរតែកុំនៅក្នុងមន្ទីរពេទ្យ យូរពេកឲ្យសោះ។
ជាពិសេស ប្រសិនជាត្រូវចាប់លេខតម្រង់ជួរអ្នកគួរតែឲ្យអ្នកផ្ទះតម្រង់ ជួរជំនួស ហើយអ្នកគួរតែរកកន្លែងដែលមានខ្យល់អាកាសបរិសុទ្ធ ដើម្បីអង្គុយដោយមិនគួរ អង្គុយក្នុងមន្ទីរពេទ្យយូរនោះឡើយ។
នៅពេលដែលអ្នកត្រឡប់ទៅផ្ទះ អ្នកគួរតែពាក់ម៉ាស់N95 ឬម៉ាស់ពេទ្យ រួមទាំងស្រោមដៃ ទើបអាចចៀសពីការឆ្លងវីរុសថ្មីមួយនេះបាន។ ក្នុងកាបូបរបស់អ្នក គួរតែដាក់ទឹកលាងដៃ តាមខ្លួន ឬក្រណាត់សើមដែលមានជាតិអាកុល ដើម្បីលាងសម្អាតដៃគ្រប់ពេល។ ជាពិសេស អ្នកមិនគួរយកដៃញីភ្នែក លូកចូលច្រមុះ និងមាត់នោះទេ ទើបវីរុសនោះមិនឆ្លងចូលរាងកាយ។
ក្រោយពេលដែលអ្នកពិនិត្យពោះរួច អ្នកគួរតែពាក់ម៉ាស់ លាងដៃ និងលុបមុខ។ ជាពិសេស ក្នុងផ្លូវដែលអ្នកត្រឡប់មកផ្ទះវិញ អ្នកគួរតែនៅឲ្យឃ្លាតពីអ្នកដទៃចំនួន១ម៉ែត្រ ហើយដល់ផ្ទះ ភ្លាម អ្នកគួរតែផ្លាស់ប្តូរខោអាវភ្លាម ទើបអាចការពារមេរោគនោះបាន៕រស្មីកម្ពុជា