ព្រះវិហារ៖កម្លាំងសមត្ថកិច្ចផ្នែកនិងសង្កាត់រដ្ឋបាលព្រៃឈើរវៀងបានសហការជាមួយកងរាជអាវុធហត្ថស្រុកបានឃាត់រថយន្តV1មួយគ្រឿងដឹកដំឡូងពីលើឈើពីក្រោមដោយគ្មានច្បាប់អនុញ្ញាតពីរដ្ឋបាលព្រៃឈើឡើយ។
លោក ស៊ុ ស៊ីវុត្ថា នាយផ្នែករដ្ឋបាលព្រៃឈើរវៀងបានឱ្យដឹងថាករណី រថយន្តប្រភេទV-1ម៉ាក់Hyundia ពណ៌សជ្រុងពណ៌ត្រួយចេកស្លាកលេខកំពង់ចាម3A6742ដឹកដំឡូងមីបង្កប់ឈើពីក្រោមចេញពីស្រុកជាំក្សាន្តតាមបណ្តោយផ្លូវជាតិលេខ62។រថយន្តនេះត្រូវមន្ត្រីរដ្ឋបាលព្រៃឈើរវៀងនិងអាវុធហត្ថឃាត់នៅភូមិជីអោកឃុំរមណីយស្រុករវៀងខេត្តព្រះវិហារកាលពីថ្ងៃទី១១ខែកុម្ភៈឆ្នាំ២០២០។
ពេលដែលកំពុងឆែកឆេរដែលមិនទាន់រកឃើញបទល្មើសនោះត្រូវបានអ្មកបើកបរគេចខ្លួនបាត់។បច្ចុប្បុន្នវត្ថុតាងរក្សាទុកនៅទីស្នាក់ការសង្កាត់រវៀងដើម្បីរើក្តារដែលកប់ក្រោមដំឡូងយកវាស់វែងនិងចងក្រងសំណុំរឿងតាមនីតិវិធីនៃច្បាប់រដ្ឋបាលព្រៃឈើ៕សៅវ៉ាន់ឌី
