Featured ព័ត៌មានអន្តរជាតិ

រូបថតពីអាកាសបង្ហាញយន្តហោះរាប់ពាន់គ្រឿងទុកចោលនៅវាលខ្សាច់រដ្ឋអារីហ្សូណា

May 21, 2022May 21, 2022 rsc Comment(0)

ដេល្លីម៉េល៖ រូបថតពីលើអាកាសដ៏គួរឱ្យញាក់សាច់ពីកន្លែងដាក់យន្តហោះរបស់រដ្ឋអារីហ្សូណាបានបង្ហាញយន្តហោះលែងប្រើរាប់ពាន់គ្រឿងដាក់តម្រៀបជាជួរយ៉ាងមានរបៀបនៅក្នុងអ្វីដែលអាចជាកន្លែងសម្រាកចុងក្រោយរបស់ពួកវានៅលើវាលខ្សាច់។

អ្នកថតរូបជនជាតិអាល្លឺម៉ង់លោក បឺណាត ឡាង (Bernhard Lang)បានផ្តិតយកទិដ្ឋភាពមិនគួរឱ្យជឿនេះនៅឯក្រុមជួសជុលនិងថែទាំយន្តហោះលេខ៣០៩ 309th AMARG នៅមូលដ្ឋានទ័ពអាកាសក្នុងទីក្រុងធូសសុន Tucson ។

យន្តហោះទាំងជួរៗបានអង្គុយរង់ចាំរហូតច្រែះចាប់ឬខូច ឬប្រហែលដើម្បីហោះហើរម្តងទៀត។ជួរនីមួយៗត្រូវបានរៀបចំតាមគំរូនិងទំហំ រួមទាំងយន្តហោះស៊ីវិលដែលបានចូលនិវត្តន៍ បន្ទាប់ពីតម្រូវការសម្រាប់ការធ្វើដំណើរតាមផ្លូវអាកាសដួលរលំដោយសារតែជំងឺរាតត្បាតកូវីដ១៩។

យន្តហោះជិត ៤.០០០ គ្រឿងត្រូវបានដាក់នៅមូលដ្ឋានទ័ពអាកាសដេវីសម៉ុនថាន Davis-Monthan នៅលើផ្ទៃដី ១.០៥២ ហិកតាដែលធ្វើឱ្យវាក្លាយជាកន្លែងផ្ទុកនិងរក្សាទុកហោះធំបំផុតនៅលើពិភពលោក។

យន្តហោះយោធាទាំងនោះត្រូវបានចតចោលក្នុងអំឡុងពេលមិនប្រើប្រាស់ជាបណ្ដោះអាសន្ន ឬត្រូវបានទុកចោលរហូតខូចខាត និងត្រូវបានកែច្នៃឡើងវិញ។គ្រឿងបង្គំដែលអាចប្រើប្រាស់បានត្រូវបានដោះចេញនិងលក់បន្ត។ ចំណែកវត្ថុធាតុដើមត្រូវបានបន្សុទ្ធតាមប្រភេទនិងបញ្ជូនសម្រាប់ការកែច្នៃឡើងវិញ។

វាលខ្មោចយន្តហោះ ថ្វីត្បិតតែមានឈ្មោះចឹងក្តី ក៏នៅតែមានយន្តហោះ ដែលអាចហោះហើរម្តងទៀតផងដែរដែលវាជាប្រធានបទមួយត្រូវបានផ្តោតសំខាន់ដោយសង្គ្រាមនៅអ៊ុយក្រែននិងតម្រូវការក្នុងការប្រគល់អាវុធដល់ប្រទេសនេះដើម្បីជួយទប់ទល់នឹងការឈ្លានពានរបស់រុស្ស៊ី៕ប្រែសម្រួល : កញ្ញាដាលីស (រស្មីកម្ពុជា)

rsc

Featured នយោបាយ ព័ត៌មានសង្គម

“នាយទាហានត្រូវបំពេញតួនាទីស្របតាមរដ្ឋធម្មនុញ្ញនិងនយោបាយការពារជាតិ”

February 10, 2020 rsc

ភ្នំពេញៈលោកឧត្តមសេនីយ៍ឯកហ៊ុនម៉ាណែតអគ្គមេបញ្ជាការរងនៃកងយោធពលខេរមភូមិន្ទមេបញ្ជាការកងទ័ពជើងគោក។លោកបានជំរុញឱ្យមេបញ្ជាការមេបញ្ជាការរងគ្រប់លំដាប់ថ្នាក់នាយទាហាននាយទាហានរងនិងពលទាហានទូទាំងយោធភូមិភាគទី៥ប្រកាន់យកការសម្រេចចិត្តច្បាស់លាស់។ លោកឧត្តមសេនីយ៍បន្តថាត្រូងប្រុងប្រយ័ត្នជាមួយនឹងការគិតគូរពិចារណាគ្រប់ជ្រុងជ្រោយក្នុងការបំពេញតួនាទីនិងភារកិច្ចក្នុងនាមកងយោធខេមរភូមិន្ទស្របតាមរដ្ឋធម្មនុញ្ញច្បាប់និងនយោបាយការពារជាតិរបស់ព្រះរាជាណាចក្រកម្ពុជាដើម្បីសម្រេចបានសមិទ្ធិផលកាន់តែល្អប្រសើរជូនជាតិប្រជាជននិងមាតុភូមិ។ ការថ្លែងរបស់លោកឧត្តមសេនីយ៍ឯកហ៊ុនម៉ាណែតបានធ្វើឡើងក្នុងពិធីបូកសរុបលទ្ធផលការងារយោធាសន្តិសុខឆ្នាំ២០១៩និងផ្សព្វផ្សាយផែនការសកម្មភាពការងារយោធាសន្តិសុខឆ្នាំ២០២០របស់យោធភូមិភាគទី៥នៅខេត្តបាត់ដំបងកាលពីព្រឹកថ្ងៃទី១០ខែកុម្ភៈ ឆ្នាំ២០២០។ លោកឧត្តមសេនីយ៍ឯកហ៊ុនម៉ាណែតបានលើកឡើងថាសមិទ្ធផលការងារទាំងនេះស្តែងឱ្យឃើញអំពីកិច្ចខិតខំប្រឹងប្រែងប្រកបដោយពលិកម្ម និងការប្តេជ្ញាចិត្តរបស់មេបញ្ជាការមេបញ្ជាការរងគ្រប់លំដាប់ថ្នាក់ នាយទាហាននាយទាហានរងនិងពលទាហានទូទាំងយោធភូមិភាគទី៥។ សង្ឃឹមយ៉ាងមុតមាំថាថ្នាក់ដឹកនាំព្រមទាំងយោធិនទូទាំងយោធភូមិភាគទី៥នឹងបន្តប្រកាន់ខ្ជាប់នូវស្មារតីនិងគោលការណ៍ទាំងនេះដើម្បីធានាបាននូវនិរន្តរភាពការងារ និងការរីកចម្រើនរបស់យោធភូមិភាគបន្តទៅមុខទៀត៕សុភាព

ព័ត៌មានអន្តរជាតិ

អាមេរិករកឃើញករណីឆ្លងវីរុសផ្លូវដង្ហើមដែលបានឆក់យកជីវិតមនុស្ស៦នាក់នៅប្រទេសចិន

January 22, 2020January 22, 2020 rsc

ព័ត៌មានអន្តរជាតិ៖អាជ្ញាធរអាមេរិកកាលពីថ្ងៃទី២១ខែមករាឆ្នាំ២០២០បានប្រកាសករណីដំបូងនៃវីរុសថ្មីមួយដែលបានឆក់យកជីវិតមនុស្ស៦នាក់នៅក្នុងប្រទេសចិននិងធ្វើឱ្យមនុស្សរាប់រយនាក់ឈឺ។ នេះបើយោងតាមសារព័ត៌មាន CNA។ យោងតាមមន្ត្រីសហព័ន្ធ និងរដ្ឋបានឱ្យដឹងថា បុរសដែលជាអ្នករស់នៅសហរដ្ឋអាមេរិកមានអាយុ៣០ ឆ្នាំដែលរស់នៅក្បែរទីក្រុងSeattleក្នុងរដ្ឋWashingtonបានស្ថិតក្នុងសភាពល្អប្រសើរហើយបានទៅរកគ្រូពេទ្យដោយខ្លួនឯងបន្ទាប់ពីបានអានព័ត៌មានអំពីវីរុស SARS ដូចនៅក្នុងរបាយការណ៍ព័ត៌មាន។ ក្រោយការពិនិត្យមន្ទីរពេទ្យក្នុងតំបន់បានអះអាងថាបុរសរូបនេះពិតជាមានផ្ទុកវីរុសខូរ៉ូណា(Coronavirus) ដែលជាវីរុសផ្លូវដង្ហើមធ្ងន់ធ្ងរមានប្រភពដើមពីចិននោះប្រាកដមែន។ លោកChrisSpittersមន្ត្រីសុខាភិបាលរដ្ឋវ៉ាស៊ីនតោនបាននិយាយថា“បច្ចុប្បន្នអ្នកជំងឺកំពុងសម្រាកព្យាបាលនៅក្នុងមន្ទីរពេទ្យដោយមានការប្រុងប្រយ័ត្នខ្ពស់ហើយសម្រាប់ការត្រួតពិនិត្យរយៈពេលខ្លីមិនមែនដោយសារតែមានជំងឺធ្ងន់ធ្ងរទេ” ។ ដោយឡែកមន្ត្រីមួយរូបនៃមជ្ឈមណ្ឌលគាំពារនិងគ្រប់គ្រងជំងឺឆ្លង(CDC)នៃសហរដ្ឋអាមេរិកលោកស្រី ណាន់ស៊ីមេស្សូនា(NancyMessonier)ក៏បានលើកឡើងផងដែរថា«នេះគឺជាស្ថានការណ៍ដែលកំពុងតែវិវត្តឡើងហើយជាថ្មីម្តងទៀតយើងរំពឹងថានឹងអាចមានអ្នកជំងឺបន្ថែមនៅសហរដ្ឋអាមេរិកនិងនៅទូទាំងពិភពលោក។ទោះបីជាបែបក្តីហានិភ័យសម្រាប់ពលរដ្ឋអាមេរិកនៅតែស្ថិតក្នុងកម្រិតទាប»។ បើតាមអាជ្ញាធរបានឲ្យដឹងថា បុរសដែលបានឆ្លងវីរុសខាងលើនេះ គឺទើបតែបានត្រឡប់មកពីទីក្រុង វូហាន(Wuhan)ភាគកណ្តាលប្រទេសចិនកាលពីថ្ងៃទី១៥ខែមករាជាតំបន់ដែលវីរុសCoronaផ្ទុះឡើងដំបូង និងកំពុងស្ថិតក្នុងស្ថានភាពអាក្រក់។ សូមជម្រាបថា គិតត្រឹមថ្ងៃពុធនេះ មនុស្សស្លាប់ដោយសារវីរុសផ្លូវដង្ហើមនៅចិនមានចំនួន០៦នាក់ និងជាង៣០០នាក់ទៀតឆ្លងនៅក្នុងទីក្រុងវូហាន,ប៉េកាំង,សៀងហៃនិងខេត្តក្វាងទុង។ដោយឡែកប្រទេសមួយចំនួនដែលបានរកឃើញមនុស្សមានផ្ទុកវីរុសនេះដែរគឺមានដូចជាថៃកូរ៉េខាងត្បូង ជប៉ុន និងសហរដ្ឋអាមេរិក៕សហការី

ព័ត៌មានអន្តរជាតិ

អ្នកឆ្លងវីរុសកូវីដ១៩នៅប្រទេសថៃកើនដល់២.៦៧២ករណីនិង៤៦នាក់ស្លាប់

April 16, 2020 rsc

ព័ត៌មានអន្តរជាតិ៖យោងទៅតាមទីភ្នាក់ងារសារព័ត៌មានworldometerកាលពីថ្ងៃទី១៦ខែមេសាឆ្នាំ២០២០បានឱ្យដឹងថាអ្នកឆ្លងCOVID19សរុបនៅក្នុងប្រទេសថៃកើនដល់២.៦៧២នាក់។ក្នុងនោះអ្នកជំងឺ៤៦នាក់បានស្លាប់ខណៈ១.៥៩៣នាក់បានជាសះស្បើយឡើងវិញនិងត្រូវបានអនុញ្ញាតឱ្យត្រឡប់ទៅផ្ទះ។ សូមបញ្ជាក់ផងដែរថាបើតាមអាជ្ញាធរសុខាភិបាលថៃបានប្រកាសពីការរកឃើញករណីឆ្លងថ្មីនៃជំងឺCOVID19ចំនួន២៩ករណីបន្ថែមទៀតនិងអ្នកស្លាប់៣នាក់។នេះបើតាមការចេញផ្សាយសារព័ត៌មាន Straitstimes នៅថ្ងៃព្រហស្បតិ៍ ទី១៦ ខែមេសា ឆ្នាំ២០២០។ លោក ថាវីស៊ីន វីសានុយុទ្ធិន (Taweesin Wisanuyothin) អ្នកនាំពាក្យអង្គភាពប្រយុទ្ធប្រឆាំងនឹងជំងឺ COVID-19 នៅក្នុងប្រទេសថៃ បានគូសបញ្ជាក់ថា ក្នុងចំណោម ករណីឆ្លងថ្មីទាំង ២៩ករណីខាងលើ មាន ១៤ករណីមានទំនាក់ទំនងនឹងករណីឆ្លងមុនៗ,៥ករណី មិនមានទំនាក់ទំនងនឹងករណីពីមុនៗ មកទេ។ ដោយឡែក ១០ករណីទៀត កំពុងស្ថិតនៅក្រោមការស៊ើបអង្កេតរកប្រភពនៅឡើយ។ គួររំលឹកថាក្រោយពីបានផ្ទុះនូវករណីឆ្លងវីរុសនេះលឿនយ៉ាងខ្លាំងបែបនេះបើយោងតាមគេហទំព័រ ASEAB BREIEFINGបានផ្សាយថាប្រទេសថៃបានដាក់ចេញនូវផែនការរឹតបន្តឹងមួយចំនួនដូចជា៖ ពលរដ្ឋខ្មែរដែលកំពុងសិក្សាធ្វើការនិងរស់នៅក្នុងប្រទេសថៃគួរជៀសវាងការធ្វើដំណើរចេញពីប្រទេសថៃ បើមិនមានភាពចាំបាច់។ អ្នកដំណើរតាមយន្តហោះចូលប្រទេសថៃចាំបាច់ត្រូវត្រៀមឯកសារមួយចំនួនដើម្បីទុកបង្ហាញដល់ប្រតិបត្តិករអាកាសចរណ៍ដូចជា៖ ១. សំបុត្របញ្ជាក់សុខភាព (មានសុពលភាព មិនលើសពី៧២ម៉ោង មុនកាលបរិច្ឆេទនៃការធ្វើដំណើរ)។២.ឯកសារ/គោលការណ៍ធានារ៉ាប់រងសុខភាពដែលបញ្ជាក់ទឹកប្រាក់ធានារ៉ាប់រងទាបបំផុត១០ម៉ឺនដុល្លារដែលគ្របដណ្តប់ប្រទេសថៃផងនិងរ៉ាប់រងលើជំងឺcoVID-19ផងដែរ។ ពេលចូលទឹកដីថៃអាចមានលក្ខខណ្ឌដាក់ឱ្យនៅដាច់ពីគេស្ថិតក្រោមការឃ្លាំមើល។នាយករដ្ឋមន្ត្រីថៃលោកប្រាយុទ្ធចាន់អូចានាថ្ងៃអង្គារទី២៤ខែមីនាបានប្រកាសថាប្រទេសថៃនឹងត្រូវដាក់ក្នុងគ្រាមានគ្រោះអាសន្នសម្រាប់រយៈពេល១ខែ។ការដាក់ប្រទេសក្នុងគ្រាអាសន្ននេះបានចូលជាធរមានកាលពីថ្ងៃទី២៦ ខែមីនាឆ្នាំ២០២០។ សម្រាប់ពលករខ្មែរដែលមានទិដ្ឋាការស្នាក់នៅនិងប័ណ្ណអនុញ្ញាតការងារអស់សុពលភាពក្រសួងការងារថៃនឹងបន្តឱ្យស្នាក់នៅជាបណ្តោះអាសន្នដល់ថ្ងៃទី៣០ខែមិថុនាឆ្នាំ២០២០ដោយលើកលែងការផាកពិន័យលើការស្នាក់នៅលើសកំណត់។ ក្នុងករណីពលករខ្មែរត្រូវការធ្វើការងារបន្តចាំបាច់ត្រូវឱ្យនិយោជក(ថៅកែ)បញ្ជូនបញ្ជីឈ្មោះទៅក្រសួងឬមន្ទីរការងារតាមប្រព័ន្ធអនឡាញឱ្យរួចរាល់ត្រឹមថ្ងៃទី៣១ ខែមេសាឆ្នាំ២០២០ ដើម្បីបន្តធ្វើការជាបណ្តោះអាសន្នបាន ដល់ថ្ងៃទី៣០ ខែមិថុនា ឆ្នាំ២០២០ ។ ពលរដ្ឋខ្មែរដែលបានចូលទៅប្រទេសថៃ(ប្រភេទទេសចរណ៍)អាចស្នើសុំបន្តស្នាក់នៅបានរយៈពេល៣០ថ្ងៃបន្ថែម។បងប្អូនត្រូវស្នើសុំលិខិតបញ្ជាក់ពីស្ថានទូតកម្ពុជានៅបាងកកឬស្ថានអគ្គកុងស៊ុលកម្ពុជានៅខេត្តសាកែវ(ករណីបិទច្រកដោយសារស្ថានភាពកូវីដ១៩)ដើម្បីដំណើរការបន្តសុពលភាពនៃការស្នាក់នៅ។ នាយករដ្ឋមន្ត្រីថៃបានប្រកាសដាក់បម្រាមគោចរនៅទូទាំងប្រទេសថៃដែលបានចូលជាធរមានចាប់ពីយប់ថ្ងៃទី៣ខែមេសាឆ្នាំ២០២០តទៅដែលមានខ្លឹមសារដូចខាងក្រោម៖ហាមមិនឱ្យប្រជាជនចេញក្រៅផ្ទះចាប់ពីម៉ោង១០យប់ដល់ម៉ោង៤ទាបភ្លឺ។លើកលែងមានការចាំបាច់ឬអ្នកបំពេញការងារឬដឹកជញ្ជូនទំនិញសំខាន់ៗបន្ទាន់។ដោយត្រូវមានលិខិតធានាពីភាពចាំបាច់នៃការធ្វើដំណើរនិងឯកសារបញ្ជាក់ទំនិញដឹកជញ្ជូនទាំងនោះ។ ជនណាដែលល្មើសនឹងបម្រាមខាងលើត្រូវជាប់ពន្ធនាគាររហូតដល់២ឆ្នាំឬពិន័យជាប្រាក់រហូតដល់៤ម៉ឺនបាត (ឬប្រមាណ១.២៥០ដុល្លារ) ឬត្រូវពិន័យនិងដាក់ពន្ធនាគារ។ក្នុងករណីសេចក្តីប្រកាស ឬបទបញ្ជាកន្លងមកមានខ្លឹមសារដូចចំណុចខាងលើនៅតាមខេត្តតំបន់ឬទីកន្លែងផ្សេងទៀតត្រូវបន្តអនុវត្តដដែល។ […]

Related Articles

“នាយទាហាន​​ត្រូវបំពេញ​តួនាទី​ស្របតាម​រដ្ឋធម្មនុញ្ញ​និង​នយោបាយ​ការពារជាតិ”​

អាមេរិក​រកឃើញ​ករ​ណី​ឆ្លង​វីរុស​ផ្លូវដង្ហើម​ដែល​បាន​ឆក់យក​ជីវិត​មនុស្ស​៦​នាក់​នៅ​ប្រទេស​ចិន​

​អ្នក​ឆ្លង​វីរុស​កូ​វីដ​១៩​នៅ​ប្រទេស​ថៃ​កើន​ដល់​២.៦៧២​ករណី​និង​៤៦​នាក់​ស្លាប់​

Leave a Reply Cancel reply

“នាយទាហានត្រូវបំពេញតួនាទីស្របតាមរដ្ឋធម្មនុញ្ញនិងនយោបាយការពារជាតិ”

អាមេរិករកឃើញករណីឆ្លងវីរុសផ្លូវដង្ហើមដែលបានឆក់យកជីវិតមនុស្ស៦នាក់នៅប្រទេសចិន

អ្នកឆ្លងវីរុសកូវីដ១៩នៅប្រទេសថៃកើនដល់២.៦៧២ករណីនិង៤៦នាក់ស្លាប់