អន្តរជាតិ៖នាងដាដាចាន់បានធ្វើតាមដំបូន្មានរបស់អ្នកដឹកនាំរឿងដើម្បីសម្រកទម្ងន់៨គីឡូក្រាមដើម្បីសម្តែងជាតួស្រីមានផ្ទៃពោះនៅក្នុងរឿង“អាថ៌កំបាំងជីវិតរបស់ស្ត្រីជាម្តាយ”។ប៉ុន្តែសុខភាពរបស់នាងកាន់តែយ៉ាប់យ៉ឺននៅពេលនាងមានពេលតែមួយខែដើម្បីស្រកទម្ងន់។បន្ទាប់ពីនាងត្រូវបានផ្តល់តួនាទីសម្តែងក្នុងខ្សែភាពយន្តមួយផ្សេងទៀត។
យោងតាមវេបសាយMingPaoបានឱ្យដឹងថានាងចាន់អាយុ៣០ឆ្នាំនិយាយថា“ខ្ញុំនឹងមិនធ្វើវាម្តងទៀតឡើយ”។ក្នុងការតស៊ូប្រជែងនឹងពេលវេលានាងបានលាតត្រដាងថានាងញ៉ាំអាហារតែមួយពេលក្នុងមួយថ្ងៃសូម្បីតែអាហារមួយពេលនេះក៏នាងកាត់បន្ថយដែរ។ថ្វីបើខ្វះកាល់ឡូរីច្រើនក៏ដោយក៏នាងនៅតែធ្វើលំហាត់ប្រាណយ៉ាងឧស្សាហ៍ព្យាយាមហើយមិនយូរប៉ុន្មាននាងបានខាតបង់តម្លៃដ៏ធ្ងន់ធ្ងរចំពោះរឿងនេះ។
តារាស្រីរូបនេះក៏មានបញ្ហាសុខភាពម្តងដែរក្នុងឆ្នាំ២០១៧នៅពេលស្ត្រេសក្នុងការងារបានធ្វើឱ្យនាងវិលមុខ។អំពីមូលហេតុដែលទទួលបានមេរៀនឈប់សម្រាកអស់មួយឆ្នាំហើយនៅតែមិនរាងចាលនាងចាន់និយាយថាជួនកាលការលះបង់មានសារខាន់ណាស់ដើម្បីធ្វើឱ្យការសម្តែងមើលទៅជាក់ស្តែងនៅលើអេក្រង់៕រស្មីកម្ពុជា
