ភ្នំពេញ៖បុរស៣នាក់បន្ទាប់ពីចេញមើលប្រគំតន្ត្រីកំពុងដើរតាមផ្លូវត្រូវម៉ូតូបុកស្លាប់ម្នាក់នៅតាមផ្លូវលេខ១០៤ ក្នុងសង្កាត់រលួស ខណ្ឌដង្កោកាលពីរំលងអធ្រាត្រចូលថ្ងៃទី២៦ ខែវិច្ចិកា។បុរសជាមិត្តភក្តិបានឱ្យដឹងថា អ្នកដែលស្លាប់ឈ្មោះគីម ស្រស់ អាយុ៣៥ឆ្នាំជាជាងសំណង់មានទីកំណើតនៅខេត្តកំពង់ចាម។ជនរងគ្រោះទើបមកពីកំពង់ចាមធ្វើការក្នុងការដ្ឋានសំណង់មួយកន្លែងបានប្រមាណជិត១០ថ្ងៃតែប៉ុណ្ណោះ។មុនកើតហេតុពួកគេបាននាំគ្នាទៅមើលការប្រគំតន្ត្រីនៅរង្វង់មូលកួរស្រូវចម្ងាយជាង៣គីឡូម៉ែត្រពីការដ្ឋាន។លុះម៉ោងជាង១២យប់ពួកគេបាននាំគ្នាដើរត្រឡប់ទៅការដ្ឋានវិញ។ស្រាប់តែមានមនុស្ស៤នាក់ជិះម៉ូតូ២គ្រឿងក្នុងល្បឿនលឿនបានបុកបុរសម្នាក់ពេញទំហឹងបណ្តាលឱ្យដួលបោកក្បាលស្លាប់ភ្លាមនិងខាងម៉ូតូម៉ាកClick ដួលរងរបួសត្រូវខាងទាំង៤នាក់នោះលើកម៉ូតូនាំគ្នាបើករត់គេចខ្លួនបាត់អស់។ក្រោយកើតហេតុកម្លាំងសមត្ថកិច្ចបន្តស្រាវជ្រាវរកម៉ូតូបង្កហេតុយកមកដោះស្រាយតាមច្បាប់៕
Related Articles
នឹងបញ្ជូនជន៤នាក់ទៅតុលាការរឿងគ្រឿងញៀនជិត៤គីឡូក្រាម
ភ្នំពេញ៖កម្លាំងមន្ទីរប្រឆាំងគ្រឿងញៀននឹងបញ្ជូនខ្លួនជនសង្ស័យចំនួន៤នាក់ទៅតុលាការ ករណីគ្រឿងញៀនជិត៤គីឡូក្រាម។ សមត្ថកិច្ចបានបញ្ជាក់នៅព្រឹកថ្ងៃទី៦ខែសីហាថា ក្នុងការបង្ក្រាបករណីជួញដូរគ្រឿងញៀននេះបានឈានដល់ការចាប់ខ្លួនជនសង្ស័យបាន៤នាក់ និងរឹបអូសគ្រឿងញៀនជិត៤គីឡូក្រាម នៅរាជធានីភ្នំពេញ។ការចាប់ខ្លួនជនសង្ស័យ កាលថ្ងៃទី៣ ខែសីហា ឆ្នាំ២០២១ ដោយកម្លាំងជំនាញនៃមន្ទីរប្រឆាំងគ្រឿងញៀន (ក១១) នៅក្នុងភូមិព្រៃខ្លា សង្កាត់ក្រាំងធ្នុង ខណ្ឌសែនសុខ។ ជនសង្ស័យ៤នាក់នឹងបញ្ជូនតុលាការឈ្មោះ សាក់ សិដ្ឋអាយុ ២២ឆ្នាំឈ្មោះ ឡុង ដាណេ អាយុ ឆ្នាំ ឈ្មោះ កែវ ណារ៉ុងអាយុ ២៩ឆ្នាំនិងឈ្មោះ ឡេង វណ្ណាអាយុ ២៧ឆ្នាំ។ វត្ថុតាងចាប់បានមានគ្រឿងញៀនប្រភេទ មេតំហ្វេតាមីន(ICE)ទម្ងន់សុទ្ធជិត៣គីឡូក្រាម។ករណីនេះមន្ទីរប្រឆាំងបទល្មើសគ្រឿងញៀន បានកសាងសំណុំរឿង បញ្ជូនទៅតុលាការ រាជធានីភ្នំពេញ បន្តនីតិវិធី៕ដោយ៖មនោរម្យ
ត្រៀមបញ្ជូនជនសង្ស័យករណីឃាតកម្មទៅតុលាការ
ព្រៃវែង៖សមត្ថកិច្ចក្រសួងមហាផ្ទៃនៅថ្ងៃទី១០ខែវិច្ឆិកានេះបានត្រៀមបញ្ជូនជនសង្ស័យម្នាក់ករណីឃាតកម្មទៅតុលាការ។សមត្ថកិច្ចបានឱ្យដឹងថា បន្ទាប់ពីឃាត់ខ្លួននិងសាកសួរជនសង្ស័យករណីឃាតកម្មសម្លាប់ក្មេងស្រីម្នាក់យកទម្លាក់ចូលក្នុងទឹកអូរមួយកន្លែងនៅម្តុំភូមិទួលជៃ ឃុំព្រះស្ដេច ស្រុកព្រះស្ដេច ខេព្រៃវែងកាលពីថ្ងៃទី៧ ខែវិច្ចិកា ឆ្នាំ២០២១កន្លងទៅ។ជនសង្ស័យឈ្មោះយ៉ែម សុផែន ភេទប្រុស អាយុ ២១ឆ្នាំ ស្នាក់នៅភូមិ ឃុំកើតហេតុ។ គួរបញ្ជាក់ថាកាលពីរសៀលថ្ងៃទី៧ ខែវិច្ចិកា គេប្រទះឃើញក្មេងស្រីឈ្មោះម្នាក់អាយុ១២ឆ្នាំស្លាប់នៅក្នុងប្រឡាយ ស្ថិតក្នុងភូមិទួលជ្រៃខេត្តព្រៃវែង ។កម្លាំងជំនាញបានស្រាវជ្រាវរហូតចាប់ជនសង្ស័យឈ្មោះយ៉ែម សុផែន អាយុ ២១ឆ្នាំយកមកសាកសួរ ។ ជនសង្ស័យបានសារភាពថា ខ្លួនបានទៅចូល រួមកម្មវិធីខួបកំណើតកូនរបស់អ្នកជិតខាងពេលត្រឡប់ទៅផ្ទះវិញឃើញក្មេងស្រីនោះឈរនៅមុខផ្ទះហើយខ្លួនបានឈប់ម៉ូតូយកទៅរំលោភ។តែត្រូវក្មេងស្រីនោះរើបម្រាស់ ដោយខ្លាចបែកការខ្លួនក៏ចាប់សង្កត់ច្រមុជក្នុងទឹកអូរនោះរហូតដល់ដាច់ខ្យល់តែម្តង ។បច្ចុប្បន្នជនសង្ស័យត្រូវបានកសាងសំណុំរឿងបញ្ជូនទៅតុលាការខេត្តព្រៃវែងផ្តន្ទាទោសតាមផ្លូវច្បាប់៕
អនុគណក្រុងប៉ោយប៉ែត រងការចោទប្រកាន់ ពីស្រ្តីម្នាក់ប្តឹងពីបទ រំលោភសេពសន្ថវៈ
បន្ទាយមានជ័យ៖ស្រ្តីម្នាក់បានចោទប្រកាន់ ក្នុងបណ្តឹងទៅសមត្ថកិច្ចថា អនុគណក្រុងប៉ោយប៉ែត និងជាព្រះគ្រូចៅអធិការវត្តស្ទឹងបត់ បានចាប់នាងរំលោភសេពសន្ថវៈ រហូតបានស្រេចហើយអនុគណមិនទទួលខុសត្រូវ ដោយសុំបង់លុយត្រឹម៣ពាន់ដុល្លារ ដើម្បីបញ្ចប់រឿង។តាមពាក្យបណ្តឹង របស់ស្រ្តីរងគ្រោះអាយុ២២ឆ្នាំ នៅស្រុកអូរជ្រៅ ខេត្តបន្ទាយមានជ័យ នាងបានប្តឹងទៅអង្គការ និងសមត្ថកិច្ចជួយរកយុត្តិធម៌ ពីបទរំលោភសេពសន្ថវៈ ពីបុគ្គលជាសង្ឃខាងលើ បានចាប់រំលោករូបនាងកាលពីវេលាជិតភ្លឺថ្ងៃទី៤ ខែមិថុនាឆ្នាំ២០២៣ កន្លងទៅនៅផ្ទះសំណាក់មួយក្នុងខេត្តសៀមរាប ។ ក្នុងបណ្តឹងស្រ្តីរងគ្រោះ បានរៀបរាប់ថា មុនដែលឈានដល់ការចាប់រំលោភនាង ក្នុងផ្ទះសំណាក់នោះ គឺនាងជាមួយនិងលោក រួមជាមួយតៃកុងរថយន្តរបស់លោកផង កាលពីថ្ងៃទី៣ ខែមិថុនាឆ្នាំ២០២៣ បានធ្វើដំណើរទៅកម្មវិធីបញ្ចុះសីមា នៅខេត្តព្រះវិហារ។ លុះមកវិញយប់ជ្រៅដល់ខេត្តសៀមរាប លោកចូលសឹងនៅផ្ទះសំណាក់សិន ដោយបន្ទប់ផ្សេងគ្នា តែបន្ទប់លោកនៅទល់មុខបន្ទប់នាង ។លុះដល់ម៉ោង៣ជិតភ្លឺថ្ងៃទី៤ខែមិថុនា ស្រាប់តែលោកគ្រូទូរសព្ទហៅនាង ឱ្យចូលមកបន្ទប់លោកគ្រូបន្តិចព្រោះមានការ ។