ភ្នំពេញ៖ក្រុមចោរហារយដែលតែងឆក់យកសម្ភារនិងទ្រព្យសម្បត្តិពលរដ្ឋទូទៅដោយគ្មានក្តីមេតា្តនោះបានឆក់យកកាបូបពីស្ត្រីម្នាក់ជាកម្មករបោសសំរាមតាមផ្លូវយកទៅបាត់។ករណីបង្កឱ្យមានការភ្ញាក់ផ្អើលនោះនៅជិតស្ពានអាកាសស្ទឹងមានជ័យ ផ្លូវ២៧១ ក្នុងសង្កាត់ទំនប់ទឹក ខណ្ឌបឹងកេងកងកាលពីវេលាទៀបភ្លឺថ្ងៃទី២៥ ខែមករា។កម្លាំងប្រចាំគោលដៅបានឱ្យដឹងថា មុនកើតហេតុស្ត្រីម្នាក់ជាកម្មករបោសសំរាមក្រុមហ៊ុនស៊ីនទ្រីកំពុងតែជិះកង់អាគុយចេញពីផ្ទះទៅកន្លែងធ្វើការ។មកដល់កន្លែងខាងលើក៏មានចោរ២នាក់ជិះម៉ូតូ១គ្រឿងមកឆក់យកកាបូបដែលទុកក្នុងត្រកកង់អាគុយបានសម្រេចរួចជិះគេចខ្លួនបាត់។ស្ត្រីរងគ្រោះឈ្មោះ សុខ ភាព អាយុ៤៨ឆ្នាំស្នាក់នៅក្នុងទីតាំងក្រុមហ៊ុនស៊ីនទ្រី សង្កាត់ដង្កោ ខណ្ឌដង្កោ។ចំណែកសម្ភារក្នុងកាបូបដែលបាត់បង់មាន ទូរសព្ទដៃម៉ាក oppo មួយគ្រឿង- លុយខ្មែរ៣ម៉ឺនរៀល-ប័ណ្ណបសស១សន្លឹកនិងសម្លៀកបំពាក់មួយកំផ្លេ៕
Related Articles
រថយន្តបើកលឿនបុកផ្ទះពលរដ្ឋទាំងកម្រោលផ្អើលកណ្ដាលយប់
ភ្នំពេញ៖រថយន្តម៉ាកតូយូតាឡង់គ្រីស័រស៊េរីទំនើបបានបើកក្នុងល្បឿនលឿនបួងចង្កូតបត់ចូលផ្លូវមិនផុតជ្រុលទៅបុកផ្ទះពលរដ្ឋទាំងកម្រោលកណ្តាលយប់។ហេតុការណ៍នេះបានកើតឡើង នៅផ្លូវរថភ្លើង ក្នុងសង្កាត់កាកាបទី១ ខណ្ឌពោធិ៍សែនជ័យ កាលពីវេលាម៉ោងជាង២ រំលងអាធ្រាត្រចូលថ្ងៃទី២៧ ខែសីហា ឆ្នាំ២០២១។ ពលរដ្ឋ បានប្រាប់ថា មុនពេលកើតហេតុមានរថយន្តឡង់គ្រីស័របើក តាមផ្លូវសហព័ន្ធរុស្ស៊ីក្នុង ល្បឿនលឿន។មកដល់កន្លែងកើតហេតុបានបួងចង្កូតបត់ចូលផ្លូវតែមិនផុតក៏ជ្រុលទៅបុកចូលផ្ទះពលរដ្ឋទាំងកម្រោលបណ្តាលឱ្យរងការខូចខាតសម្ភារជាច្រើន។ចំណែកឯរថយន្តបង្ករងការខូចខាតផ្នែកខាងមុខយ៉ាងដំណំ។ ក្រោយមកសមត្ថកិច្ច ផ្នែកចរាចរណ៍ខណ្ឌពោធិ៍សែនជ័យចុះមកឱ្យភាគីម្ចាស់ផ្ទះនិងខាងរថយន្តបង្កចរចាគ្នាហើយភាគីរថយន្តបង្កព្រមសង ថ្លៃជួសជុលផ្ទះចំនួន២.៧៥០ដុល្លារដើម្បីបញ្ចប់រឿង៕ដោយ៖ចំប៉ី
ដែនជំរកសត្វព្រៃស្រែពកគួរឱ្យគយគន់សម្រាប់ភ្នែកទេសចរណ៍
ភ្នំពេញ៖ទេសភាពទាំងនេះគឺស្ថិតតាមបណ្តោយទន្លេស្រែពកភាគខាងលើក្នុងដែនជំរកសត្វព្រៃស្រែពកក្នុងខេត្តមណ្ឌលគិរី។នៅក្នុងការចុះល្បាតកាលពីពេលថ្មីៗកន្លងទៅនេះមន្ត្រីឧទ្យានុរក្សនៃមន្ទីរបរិស្ថានខេត្តមណ្ឌលគិរីបានផ្តិតរូបភាពនៅតាមទីតាំងនេះដែលជាទីជម្រករបស់សត្វកម្រមួយចំនួនផងដែរ ដូចជា ក្រពើភ្នំ ភេ អន្លុងត្រីត្រសក់ ជាពិសេសតាមដងទន្លេដុះដោយដើមឈើទាលធំៗ។ លោកកែវសុភក្រប្រធានមន្ទីរបរិស្ថានខេត្តមណ្ឌលគីរីបានឱ្យដឹងថានៅរដូវនេះធនធានធម្មជាតិមានភាពស្រស់ត្រកាលបង្ហាញនូវសុខភាពរបស់ព្រៃនៅតំបន់នោះផងដែរ។ក្រៅពីនោះយើងសង្កេតឃើញវត្តមានសត្វស្វាមួយចំនួនដូចជាស្វាព្រាម,ស្វាស្រូវ,និងសត្វស្លាបកេងកងតូចស្មោញនិងក្អែកទឹកជាដើម។ដោយឡែកតាមការសិក្សាក្រពើភ្នំមានវត្តមាននៅក្នុងតំបន់នោះប្រហែល២០ទៅ២៥ក្បាល។តាមការសិក្សាក្រពើភ្នំមានវត្តមាននៅក្នុងតំបន់នោះប្រហែល២០ ទៅ២៥ក្បាល ។ សូមបញ្ជាក់ថាដែនជម្រកសត្វព្រៃស្រែពកនៅខេត្តមណ្ឌលគីរីត្រូវបានបែងចែកជាបួនតំបន់។ក្នុងនេះមានតំបន់ស្នូលតំបន់អភិរក្សតំបន់ប្រើប្រាស់ដោយចីរភាពនិងតំបន់សម្រាប់បម្រើដល់ការងារគ្រប់គ្រងថែរក្សាអភិរក្សនិងអភិវឌ្ឍសេដ្ឋកិច្ចសង្គមប្រកបដោយនិរន្តរភាព។នេះបើយោងតាមអនុក្រឹត្យរបស់រាជរដ្ឋាភិបាលចុះថ្ងៃទី១ខែកុម្ភៈឆ្នាំ២០១៩។ ការបែងចែកតំបន់គ្រប់គ្រងដែនជម្រកសត្វព្រៃស្រែពករៀបចំឡើងដើម្បីធានាប្រសិទ្ធភាពនិងប្រសិទ្ធផលនៃការគ្រប់គ្រងធនធានធម្មជាតិនិងជីវៈចម្រុះនៅក្នុងដែនជម្រកសត្វព្រៃស្រែពកក៏ដូចជាការលើកកម្ពស់ចូលរួមរបស់សហគមន៍មូលដ្ឋានក៏ដូចជាសាធារណជន។ក្នុងការរួមចំណែកដល់ការគ្រប់គ្រងការការពារនិងការអភិរក្សជីវៈចម្រុះនិងធនធានធម្មជាតិក្នុងតំបន់ព្រមទាំងធានាឱ្យមានការថែទាំសត្វព្រៃនិងប្រព័ន្ធអេកូឡូស៊ី៕ជុំជឿន
រថយន្តបើកលឿនកៀរម៉ូតូកិនយុវជនម្នាក់បែកក្បាលស្លាប់
ភ្នំពេញ៖គ្រោះថ្នាក់ចរាចរបង្កពីរថយន្តបានបើកកៀរម៉ូតូឱ្យដួលហើយកិនពីលើបណ្តាលឱ្យបុរសម្នាក់បែកក្បាលខ្ទេចស្លាប់ភ្លាមេរថយន្តនោះក៏បើករត់គេចបាត់។ហេតុការណ៍នេះកើតឡើងនៅតាមបណ្ដោយផ្លូវជាតិលេខ៣ក្នុងភូមិព្រែព្រីងខាងត្បូង១សង្កាត់ចោមចៅទី២ខណ្ឌពោធិ៍សែនជ័យកាលពីរំលងអធ្រាត្រចូលថ្ងៃទី៧ខែមករាឆ្នាំ២០២១។ នៅក្នុងកាបូបជនរងគ្រោះមានអត្តសញ្ញាណប័ណ្ណមួយសន្លឹកមានឈ្មោះខឿនខាវភេទប្រុសអាយុ២៣ឆ្នាំ មានស្រុកកំណើតភូមិព្រៃខ្មៅឃុំកន្សោមអកស្រុកកំពង់ត្របែកខេត្តព្រៃវែងដោយជិះម៉ូតូម៉ាកឌ្រឺមសង់ ស៊េរីឆ្នាំ២០២០ពណ៌ខ្មៅពាក់ផ្លាកលេខភ្នំពេញ1IE.1696ជិះតែម្នាក់ឯង។សមត្ថកិច្ចចុះមកធ្វើកំណត់ហេតុរួចប្រគល់សពឱ្យរថយន្តដឹកសពយកទៅដម្កល់ទុក្ខនៅវត្តទឹកថ្លា៕សេះស