កំពង់ឆ្នាំង៖កម្លាំងនគរបាលកំពង់ឆ្នាំងបានបញ្ជូនក្រុមទំនើង៦នាក់ដែលអុកឡុកនិងដេញកាប់អ្នកដំណើរជិះម៉ូតូតាមផ្លូវនាពេលកន្លងមកទៅតុលាការដើម្បីអនុវត្តតាមច្បាប់។សមត្ថកិច្ចបានឱ្យដឹងថា កាលពីយប់ថ្ងៃទី២៤ ខែមករា នគរបាលខេត្តចុះស្រាវជ្រាវចាប់បានក្រុមទំនើងចំនួន៦នាក់ដែលកន្លងមកតែងដេញវ៉ៃ-ដេញកាប់បំផ្លាញម៉ូតូនិងកាប់អ្នកដំណើរតាមផ្លូវបង្កអសន្តិសុខដល់ប្រជាពលរដ្ឋក្នុងមូលដ្ឋាន។មន្ត្រីដដែលបានបន្តថា ក្រុមទំនើងទាំងនោះបានធ្វើសកម្មភាពជាច្រើនលើកនៅស្រុករលាប្អៀរ-ក្រុងកំពង់ឆ្នាំង-បង្កឱ្យមានមនុស្សរងរបួស-ខូចខាតនិងបាត់បង់សម្ភារទ្រព្យសម្បត្តិ។តាមចម្លើយរបស់ក្រុមទំនើងបានប្រាប់ថា ពួកគេតែងតែធ្វើសកម្មភាពបែបនេះស្ទើររៀងរាល់ថ្ងៃ ភាគច្រើនធ្វើនៅកន្លែងស្ងាត់-តំបន់សួនច្បារនិងម្តុំរង្វង់មូលហើយក៏នាំគ្នាគេចចូលផ្ទះ។ពេលចាប់ខ្លួនសមត្ថកិច្ចបានដកហូតម៉ូតូនិងដាវដែលជាឧបករណ៍បានធ្វើសកម្មភាពកន្លងមក៕
Related Articles
កម្លាំងនគរបាលឃាត់ជនបីនាក់ជាមុខសញ្ញាប្រើប្រាស់ចែកចាយគ្រឿងញៀន
ព្រះវិហារ៖កម្លាំងប៉ុស្តិ៍នគរបាលរដ្ឋបាលឃុំម្លូព្រៃ១កាលពីថ្ងៃទី១០ខែកញ្ញាឆ្នាំ២០២០បានឃាត់ជនបីនាក់សង្ស័យជាមុខសញ្ញាប្រើប្រាស់ចែកចាយគ្រឿងញៀននៅចំណុចផ្លូវជាតិលេខ៩។សមត្ថកិច្ចក៏ឃាត់ម៉ូតូដែលអត់ស្លាកលេខហើយសួរនាំ២នាក់បានឆ្លើយសារភាពថាខ្លួនពិតជាបានប្រើប្រាស់គ្រឿងញៀនពិតប្រាកដមែន។ លោកវរសេនីយ៍ឯកឈួរម៉ាឌីអធិការដ្ឋាននគរបាលស្រុកឆែបបានឱ្យដឹងថាៈកម្លាំងបាននាំខ្លួនទាំងបីនាក់មកកន្លែងប៉ុស្តិ៍នគរបាលរដ្ឋបាលឃុំម្លូព្រៃមួយ ដើម្បីធ្វើតេស្ត ទឹកនោម លទ្ធិផលដូចមានខាងក្រោម:ក្នុងចំនោម ៣ នាក់ ២ នាក់វិជ្ជមានម្នាក់អវិជ្ជមាន។ ១, ឈ្មោះ អ៊ុន ភក្តី ភេទ ប្រុស អាយុ ២៤ ឆ្នាំ២, ឈ្មោះ យន់ មករា ភេទ ប្រុស អាយុ ២៤ ឆ្នាំ៣, ឈ្មោះ សាត់ រតនា ភេទ ប្រុស អាយុ ៣០ ឆ្នាំ ។កម្លាំងប៉ុស្តិ៍នគរបាល និងប៉ូលិសសេដ្ឋកិច្ច បានប្រគល់ជនទាំង ៣ នាក់ឱ្យអធិការដ្ឋាននគរបាលស្រុកឆែប អនុវត្តតាមនីតិវិធី៕វ៉ាន់ឌី
បេក្ខជនឈរឈ្មោះបោះឆ្នោតក្រុមប្រឹក្សាគណបក្សភ្លើងទៀន៤រូបសុំលាលែងក្រោយអស់ជំនឿលើមេដឹកនាំ
កំពង់ចាម៖ថ្ងៃទី១៣ ខែឧសភា ឆ្នាំ២០២២នេះបេក្ខជនពេញសិទ្ធិឈរឈ្មោះបោះឆ្នោតក្រុមប្រឹក្សាឃុំសង្កាត់នៃគណបក្សភ្លើងទៀនចំនួន៤រូបនៅស្រុកព្រៃឈរ ខេត្តកំពង់ចាម បានដាក់ពាក្យលាលែងពីគណបក្សនយោបាយមួយនេះក្រោយអស់ជំនឿលើមេដឹកនាំខ្លួន។ អតីតសមាជិកគណបក្សភ្លើងទៀនទាំង៤នាក់នោះរួមមាន លោក លាង ប៊ុនឡេង នៅឃុំជ្រៃវៀន ស្រុកព្រៃឈរ-លោក ភោគ សាបាន នៅឃុំក្រូច ស្រុកព្រៃឈរ-លោកស្រី សូ អាន នៅឃុំមៀន ស្រុកព្រៃឈរ-លោក ជួង ដារា នៅឃុំជ្រៃវៀន ស្រុកព្រៃឈរ។ ការដាក់ពាក្យសុំលាលែងពីសមាជិក និងបេក្ខជនពេញសិទ្ធិឈរឈ្មោះបោះឆ្នោតក្រុមប្រឹក្សាឃុំសង្កាត់ពីគណបក្សភ្លើងទៀននៅពេលនេះ ក្រោយពីពួកគាត់អស់ជំនឿ និងគិតថា ការបន្ដរួមរស់ជាមួយគណបក្សនយោបាយមួយនេះ។ប៉ុន្ដែពួកគាត់មិនទាន់បានសម្រេចចិត្តថា ទៅរួមរស់ជាមួយគណបក្សប្រជាជនកម្ពុជា ឬគណបក្សនយោបាយណាមួយនៅឡើយ។ គេសង្កេតឃើញថា មុនការបោះឆ្នោតក្រុមប្រឹក្សាឃុំសង្កាត់ ដែលនឹងឈានចូលមកដល់ថ្ងៃទី៥ ខែមិថុនា ឆ្នាំ២០២២ខាងមុខនេះ បេក្ខជន និងសមាជិករបស់គណបក្សភ្លើងទៀន បានដាក់ពាក្យសុំលាលែង និងចាកចេញពីគណបក្សនេះជាបន្ដបន្ទាប់ ហើយភាគច្រើនបានដាក់ពាក្យសុំរួមរស់ជីវភាពនយោបាយជាមួយគណបក្សប្រជាជនកម្ពុជា ដែលជាគណបក្សឈ្នះឆ្នោត និងដឹកនាំប្រទេសទទួលបានភាពរីកចម្រើន អភិវឌ្ឍន៍ជាបន្ដបន្ទាប់ ក្រោមការដឹកនាំរបស់សម្ដេចតេជោ ហ៊ុន សែន៕ញ៉ែម សុផល
ផាកពិន័យម៉ូតូជាង១១ម៉ឺនគ្រឿងនិងរថយន្តជាង៤ម៉ឺនគ្រឿងរយៈពេល១២៣ថ្ងៃ
ភ្នំពេញៈ អ្នកនាំពាក្យអគ្គស្នងការដ្ឋាននគរបាលជាតិ លោកឧត្តមសេនីយ៍ឯក ឆាយ គឹមខឿន បានឱ្យដឹងថាៈចំពោះលទ្ធផលរឹតបន្តឹងការអនុវត្តច្បាប់ចរាចរណ៍ផ្លូវគោក តាមស្មារតីអនុក្រឹត្យលេខ៣៩ រយៈពេល ១២៣ថ្ងៃ គិតចាប់ពីថ្ងៃទី១ ខែឧសភា ដល់ថ្ងៃទី៣១ ខែសីហា ឆ្នាំ២០២០។ យានយន្តដែលត្រូវបានត្រួតពិនិត្យ និងផាកពិន័យ សរុបចំនួន ១៥៦.៣៨៣គ្រឿង។ក្នុងនោះម៉ូតូមានចំនួន ១១.៦០២៥គ្រឿង និងរថយន្តមានចំនួន ៤០.៣៥៨គ្រឿង (រថយន្តតូច ៣៤៧៣៨គ្រឿង និងរថយន្តធំ ៥៦២០គ្រឿង)។ លោកឧត្តមសេនីយ៍ឯក ឆាយ គឹមខឿន បញ្ជាក់ថា បទល្មើសភាគច្រើនសម្រាប់ម៉ូតូ និងរថយន្ត គឺអត់ពាក់មួកសុវត្ថិភាព, ល្មើសសញ្ញា បត់ជែង, លើសចំណុះ, ស្រវឹង, អត់ស្លាកលេខ, ល្មើសល្បឿន, អត់ប័ណ្ណបើកបរ, អត់ខ្សែក្រវ៉ាត់, គ្មានស្លាកលេខ, និងនិយាយទូរស័ព្ទពេលបើកបរ៕សុភាព