ព័ត៌មានសង្គម សន្តិសុខ

ប្តីប្រពន្ធចេញពីផ្សារចោរឆក់យកកាបូបលុយអស់ជាង១០លានរៀល ​

ភ្នំពេញ៖ប្តីនិងប្រពន្ធបានជិះម៉ូតូរៀងខ្លួនចេញពីផ្សារដើមគបំណងទៅផ្ទះស្រាប់តែមានចោរមួយក្រុមជិះម៉ូតូ៣គ្រឿងមកឆក់យកកាបូបលុយបានសម្រេចរួចគេចខ្លួនបាត់អស់។ករណីបង្កការភ្ញាក់ផ្អើលនោះបានកើតឡើងនៅមុខវត្តស្ទឹងមានជ័យ​តាមផ្លូវព្រះមុនីរ៉េត​ក្នុងសង្កាត់ស្ទឹងមានជ័យទី១​ ខណ្ឌមានជ័យកាលពីរំលងអធ្រាត្រចូលថ្ងៃទី២៥ ខែមករា។ស្ត្រីរងគ្រោះបានឱ្យដឹងថា​ មុនកើតហេតុពួកគាត់បានជិះម៉ូតូម្នាក់១គ្រឿងចេញពីផ្សារដើមគដោយប្តីជិះតាមក្រោយហើយស្ពាយកាបូបលុយពីចំហៀង​។មកដល់កន្លែងខាងលើស្រាប់តែមានក្រុមចោរជិះម៉ូតូ៣គ្រឿងមកពីក្រោយក៏ឆក់យកកាបូបលុយពីប្តីរបស់គាត់បានសម្រេចរួចជិះម៉ូតូគេចខ្លួនបាត់អស់។​ក្នុងកាបូបនោះមានលុយចំនួនជាង១០លានរៀល​និងទូរសព្ទម៉ាក​ Iphone 13​ មួយគ្រឿងមានទាំងឯកសារមួយចំនួនទៀត។ក្រោយកើតហេតុជនរងគ្រោះបានទៅដាក់ពាក្យបណ្តឹងនៅនគរបាលប៉ុស្តិ៍រដ្ឋបាលស្ទឹងមានជ័យទី១ដើម្បីសុំឱ្យជួយស្វែងរកចាប់ក្រុមជនសង្ស័យទាំងនោះយកមកចាត់ការតាមច្បាប់៕

rsc

Leave a Reply

Your email address will not be published. Required fields are marked *