ភ្នំពេញ៖តុលាការរាជធានីភ្នំពេញព្រឹកថ្ងៃទី២៦ ខែមករានេះបានឃុំខ្លួនជនជាតិចិនម្នាក់ដាក់ពន្ធនាគារព្រៃសជាបណ្តោះអាសន្នដែលជាប់ចោទពីបទជួញដូរគ្រឿងញៀន៤គីឡូក្រាម។សមត្ថកិច្ចបានឱ្យដឹងថា ជនត្រូវចោទឈ្មោះ YANG DEQIANG អាយុ៣៥ឆ្នាំជនជាតិចិនត្រូវបានចោទប្រកាន់ពីបទជួញដូរ-រក្សាទុក-ដឹកជញ្ជូននូវសារធាតុញៀនប្រភេទកេតតាម៉ីនចំនួន៤គីឡូក្រាម។ជនជាប់ចោទរូបនេះត្រូវបានកម្លាំងនគរបាលចាប់ខ្លួនកាលពីថ្ងៃទី២០ ខែមករានៅខេត្តព្រះសីហនុរួចបញ្ជូនមកអគ្គស្នងការដ្ឋាននគរបាលជាតិនិងកសាងសំណុំរឿងបញ្ជូនទៅតុលាការ។យោងតាមមាត្រា៤០នៃច្បាប់ស្តីពីការត្រួតពិនិត្យគ្រឿងញៀនកម្ពុជាបទ-រក្សាទុក-ដឹកជញ្ជូន-ផលិតនិងចរាចរណ៍ដោយខុសច្បាប់នូវសារធាតុញៀនត្រូវផ្តន្ទាទោសដាក់ពន្ទនាគារពី២០ទៅ៣០ឆ្នាំឬអស់មួយជីវិត៕
Related Articles
ទន្សោងមួយក្បាលរបួសជើងអាចដោយសារគ្រាប់កាំភ្លើងព្រានព្រៃ
ឧត្ដរមានជ័យ៖សត្វទន្សោងគោព្រៃស្ទើរដាច់ពូជ ដែលកំពុងមានវត្ដមានតិចតួច ស្ថិតក្នុងព្រៃសហគមន៍សង្ឃរុក្ខវ័ន្តឯខេត្ដឧត្ដរមានជ័យ ត្រូវជនមិនស្គាល់មុខទំនងលួចបាញ់ឱ្យរបួសមួយក្បាល។ មន្ត្រីអាជ្ញាធរបានឱ្យដឹងថា កាលពីថ្ងៃទី១៩ខែ មិថុនាឆ្នាំ២០២៣ សត្វទន្សោងញី១ក្បាលបានរងរបួសត្រង់ជើងមុខ ត្រូវគេឃើញដួលក្រោកមិនរួចនៅចុងប្រឡាយ ភូមិគោកសំព័រ ឃុំលំទង ស្រុកអន្លង់វែង ខេត្តឧត្តរមានជ័យ។ក្រោយពីមានសត្វកម្ររងរបួសបែបនេះ ត្រូវបានកម្លាំងគណៈកម្មការសហគមន៍និងមន្ត្រីឧទ្យានុរក្សជួយសង្គ្រោះ ដឹកយកទៅទីស្នាក់ការកណ្តាលរបស់សហគមន៍ ស្ថិតនៅភូមិឈូកមាស សង្កាត់កូនក្រៀល ក្រុងសំរោង ខេត្តឧត្តរមានជ័យដើម្បីព្យាបាល។មន្ត្រីដដែលបានបន្តថា ទន្សោងញី១ក្បាលដែលរងរបួសជើងពេលនេះ គឺក្នុងចំណោមសត្វទន្សោងជាច្រើនក្បាលទៀត ដែលកន្លងមកត្រូវក្រុមព្រានដាក់អន្ទាក់-បរបាញ់និងងាប់។រហូតមកដល់បច្ចុប្បន្នក្រុមព្រានព្រៃនៅតែបន្តលបលួចដាក់អន្ទាក់ និងបរបាញ់សត្វព្រៃនៅក្នុងព្រៃសហគមន៍សង្ឃរុក្ខាវ័ន្ដ។ ទន្សោងញី១ក្បាលដែលរងរបួសនេះ បើតាមការសន្និដ្ឋានទៅលើមុខរបួសក្រុមគណ:កម្មការសហគមន៍និងមន្រ្ដីឧទ្យានុរក្សបានបញ្ជាក់ថា អាចរងរបួសដោយសារគ្រាប់កាំភ្លើងរបស់ព្រានព្រៃ៕
ត្រៀមបញ្ជូនបុរសម្នាក់ទៅតុលាការពីបទវាយឪពុកឱ្យស្លាប់
ស្វាយរៀង៖សមត្ថកិច្ចនគរបាលបានត្រៀមបញ្ជូនបុរសម្នាក់ពីបទខឹងឪពុកស្ដីបន្ទោសកុំឱ្យសេពគ្រឿងញៀនក៏ទាញដុំថ្មវាយក្បាលឪពុកឱ្យស្លាប់ទៅតុលាការ។មន្ត្រីនគរបាលបានឱ្យដឹងថា ហេតុការណ៍នេះបានកើតឡើងនៅភូមិអង្គសាលា ឃុំចំបក់ ស្រុកស្វាយជ្រំ ខេត្តស្វាយរៀងកាលពីព្រលប់ថ្ងៃទី២៦ខែធ្នូឆ្នាំ២០២១។ជនសង្ស័យឈ្មោះប្រាក់ ចិត្ត អាយុ៣០ឆ្នាំ ។ ចំណែកបុរសជាឪពុកដែលស្លាប់ឈ្មោះប្រាក់ ទិត អាយុ ៥៤ ឆ្នាំ រស់នៅភូមិឃុំខាងលើ ។មុនកើតហេតុគេឮសំឡេងឪពុកនិងកូនមានជម្លោះពាក្យសម្តីយ៉ាងខ្លាំងដោយឃើញកូនសេពគ្រឿងញៀនទើបឪពុកស្ដីបន្ទោស។ពេលនោះជនសង្ស័យខឹងក៏ស្ទុះទាញបានដុំថ្មមកវាយត្រូវចំក្បាលជាច្រើនដុំថ្មបណ្ដាលឱ្យឪពុកស្លាប់តែម្ដង។ក្រោយមកជនសង្ស័យត្រូវបានសមត្ថកិច្ចនគរបាលចាប់ខ្លួននិងរៀបចំសំណុំរឿងត្រៀមបញ្ជូន ទៅតុលាការចាត់ការតាមនីតិវិធី៕
ម៉ូតូបុកជាមួយម៉ូតូបណ្តាលឱ្យអ្នកបើកបរស្លាប់ទាំងសងខាង
មណ្ឌលគិរីៈគ្រោះថ្នាក់ចរាចរណ៍មួយរវាងម៉ូតូបុកជាមួយម៉ូតូបណ្តាលឱ្យអ្នកបើកបរស្លាប់សងខាងទាំងពីរនាក់។ហេតុការនេះបានកើតឡើងនៅលើផ្លូវខេត្តលេខ៣៧៦៤ចន្លោះគីឡូម៉ែត្រលេខ៣៤ស្ថិតភូមិពូលូងសង្កាត់រមនាក្រុងសែនមនោរម្យខេត្តមណ្ឌលគិរីកាលពីល្ងាចថ្ងៃទី១៤ខែសីហាឆ្នាំ២០២០។ លោកកាន់ពេញអធិការនគរបាលក្រុងសែនមនោរម្យបានឱ្យដឹងថាមានករណីគ្រោះថ្នាក់ចរាចរណ៍រវាងម៉ូតូនឹងម៉ូតូក្នុងទិសដៅបញ្ច្រាស់ទិសគ្នា។មូលហេតុម៉ូតូម៉ាកអិចសិនធ័រវ៉ាឡាន ក្នុងស្ថានភាពផ្លូវកោង និងបានជ្រុលចង្កូតទៅខាងឆ្វេងដៃទៅបុកម៉ូតូម៉ាកវែវតែម្តង។ ក្នុងហេតុការណ៍នេះបានបង្កឱ្យ៖១,អ្នកបើកម៉ូតូឈ្មោះអើចញ៉េបភេទប្រុសអាយុ១៩ឆ្នាំជនជាតិព្នងនៅភូមិពូត្រុំសង្កាត់រមនាក្រុងសែនមនោរម្យ។ភាគីម៉ូតូម៉ាកវែវព័ណ៌ទឹកប្រាក់គ្មានស្លាកលេខកញ្ចក់មានគ្មានមួកស្លាប់នៅកន្លែងកើតហេតុ។ លោកបានបន្តថាទី២,អ្នកបើកម៉ូតូម៉ាកអិចសិនធ័រព័ណ៌ក្រហមគ្មានស្លាកលេខគ្មានមួកគ្មានកញ្ចក់ពុំស្គាល់ស្គាល់អត្តសញ្ញាណបានស្លាប់នៅកន្លែងកើតហេតុ។បច្ចុប្បន្នសពម្នាក់ត្រូវបានសមត្ថកិច្ចប្រគល់ទៅអោយក្រុមគ្រួសារធ្វើបុណ្យតាមប្រពៃណី៕ចាន់បុត្រ