កំពត៖សពក្មេងប្រុសចំនួន២នាក់ត្រូវបានរកឃើញក្នុងព្រែកកំចាយដោយក្រុមអ្នកស៊ីឈ្មួលមុជទឹកក្រោយបាត់ពីផ្ទះអស់មួយយប់។ហេតុការណ៍ដ៏សោកសៅនេះបានកើតឡើងនៅភូមិកំពង់គ្រែង ឃុំកំពង់គ្រែង ស្រុកទឹកឈូ ខេត្តកំពតកាលពីវេលាថ្ងៃត្រង់ថ្ងៃទី៣០ ខែមករា។មន្ត្រីមូលដ្ឋានបានឱ្យដឹងថា ក្មេងប្រុសរងគ្រោះដែលស្លាប់ឈ្មោះឆក សម្បត្តិ អាយុ៨ឆ្នាំនិងឈ្មោះថន សុខគា អាយុ៧ឆ្នាំ។ទាំង២នាក់នៅភូមិឃុំខាងលើ។ក្រុមគ្រួសារក្មេងរងគ្រោះបានឱ្យដឹងថា កាលពីល្ងាចថ្ងៃទី២៩ ខែមករាទាំង២នាក់បាននាំគ្នាជិះកង់ដើរលេងក្នុងភូមិដោយសារយប់តាមរកមិនឃើញ។លុះព្រឹកថ្ងៃទី៣០ ខែមករាក៏បន្តដើររកស្រាប់តែឃើញកង់ដែលពួកគេ២នាក់បានជិះដាក់ផ្អែកដើមស្វាយនិងស្បែកជើង២គូនៅក្បែរព្រែកកំចាយក្នុងដីអ្នកភូមិមួយកន្លែង។ដោយមានការសង្ស័យជាករណីចុះលេងហើយលង់ទឹកសមត្ថកិច្ចនិងមន្ត្រីអាជ្ញាធរបានជួលអ្នកមុជទឹករាវរករហូតដល់ម៉ោង១២ថ្ងៃត្រង់ទី៣០មករានេះក៏ឃើញសពទាំង២នាក់ក្នុងព្រែកកំចាយតែម្តង៕
Related Articles
ជិះម៉ូតូបុកជាមួយកុងទឺន័រក៏ដួលមានរថយន្ត១គ្រឿងទៀតមកពីក្រោយកិនស្លាប់
កណ្ដាល៖បុរសម្នាក់ជិះម៉ូតូជ្រុលទៅបុកជាមួយរថយន្តកុងទឺន័រក៏ដួលស្រាប់តែមានរថយន្តមួយគ្រឿងទៀតមកពីក្រោយបានកិនបណ្តាលឱ្យជនរងគ្រោះស្លាប់។ហេតុការណ៍នេះបានកើតឡើងលើផ្លូវជាតិលេខ១ក្នុងភូមិដីឥដ្ឋកោះផុស៣ ឃុំដីឥដ្ឋស្រុកកៀនស្វាយខេត្តកណ្តាលកាលពីយប់ថ្ងៃទី២៤ខែមីនា ឆ្នាំ២០២១។ សមត្ថកិច្ចបានឱ្យដឹងថា៖គ្រោះថ្នាក់ចរាចរណ៍នេះគឺម៉ូតូម៉ាកហុងដាឌ្រីមពណ៌ខ្មៅ ពាក់ផ្លាកលេខ ភ្នំពេញ 1CE.6106 បើកបរដោយឈ្មោះ ផល សុខជា ភេទប្រុស អាយុ ២៥ឆ្នាំ នៅភូមិជ័យឧត្តម ឃុំសំរោងធំ ស្រុកកៀនស្វាយទិសដៅពីអ្នកលឿងទៅភ្នំពេញ ។ ម៉ូតូនេះបុកជាមួយរថយន្ត ម៉ាក ហីយ៉ាន់ដាយ ពាក់ផ្លាកលេខភ្នំពេញ3B-3663 ទិសដៅពីភ្នំពេញ ទៅអ្នកលឿងអ្នកបើកបររត់គេចខ្លួនបាត់ ។ក្រោយពីម៉ូតូដួលមានរថយន្ត១គ្រឿងទៀតមិនស្គាល់ម៉ាកបានកិនលើជនរងគ្រោះនិងម៉ូតូដែលដួលនោះបណ្តាលឱ្យស្លាប់ ។ពលរដ្ឋតាមចាប់បានអ្នកបើកបររថយន្តដែលកិនម៉ូតូឈ្មោះឡុងជីវ័ន្ទភេទប្រុស អាយុ២៧ឆ្នាំនៅភូមិជម្ពូវ័ន្តសង្កាត់ចោមចៅ៕ដោយ៖វិចិត្រ
ភ្លៀងមួយមេធំបង្កជាទឹកជំនន់លិចភូមិដ្ឋានមួយចំនួននៅស្រុកអូរជ្រៅ
បន្ទាយមានជ័យៈភ្លៀងមួយមេធំជាច្រើនម៉ោងកាលពីល្ងាចដល់កណ្តាលយប់ថ្ងៃទី៤ខែតុលាឆ្នាំ២០២០បណ្តាលឱ្យលិចភូមិដ្ឋាននៅស្រុកគោកធ្យូងខេត្តស្រះកែវប្រទេសថៃនិងតំបន់ព្រំដែនជាមួយកម្ពុជា។ភ្លៀងមួយមេធំនេះបង្កឱ្យមានជំនន់នៅចំណុចជាប់អូរព្រំដែនវត្តចាស់ស្ថិតនៅភូមិអូរបីជាន់ ឃុំ អូរបីជាន់ស្រុកអូរជ្រៅខេត្តបន្ទាយមានជ័យ។ លោកវរសេនីយ៍ សេស វិបុលអធិការស្រុកអូរជ្រៅបានឱ្យដឹងកាលពីនៅថ្ងៃទី៤ខែតុលាឆ្នាំ២០២០ ថា៖យោងតាមការណែនាំពីលោកឧត្តមសេនីយ៍សិទ្ធិឡោះស្នងការនគរបាលខេត្តបន្ទាយមានជ័យនិងលោកអភិបាលស្រុកអូរជ្រៅ។អាជ្ញាធរនិងកងកម្លាំងចម្រុះចុះជួយជម្លៀសប្រជាពលរដ្ឋជាច្រើនគ្រួសារដែលរងគ្រោះដោយជំនន់ទឹកភ្លៀងនេះ។ លោកបានបន្តថា ៖ ពលរដ្ឋត្រូវបានដឹកជញ្ជូនមកកាន់ទីទួលសុវត្ថិភាពមានសាលាឃុំ, វត្តជាដើម ។ ក្នុងគ្រោះអាសន្ននេះមិនមាននរណាម្នាក់រងគ្រោះថ្នាក់ឡើយ។សូមបញ្ជាក់ចំណុចវត្តចាស់អូរព្រំដែនឬហៅអូរបីជាន់នោះជាទីទំនាបបាតខ្ទះ ហើយតែងរងការលិចលង់ទីធ្លាភូមិ ផ្ទះនិងផ្លូវចូលស្ទើររាល់ឆ្នាំ អោយតែមានភ្លៀងធ្លាក់ខ្លាំងឬទឹកពីព្រំដែន៕La yum
ចាប់នគរបាលម្នាក់និងគូកន៤នាក់យកកាំភ្លើងភ្ជង់និងវាយខ្នោះពលរដ្ឋ
ភ្នំពេញ៖សមត្ថកិច្ចចាប់មន្ត្រីនគរបាលនាយកដ្ឋានស៊ើបការណ៍ខាងក្រៅនិងបច្ចេកទេសម្នាក់និងបក្ខពួក៤នាក់ពាក់ព័ន្ធយកកាំភ្លើងខ្លីភ្ជង់ហើយវ៉ៃខ្នោះនិងវ៉ៃម៉ូតូជនរងគ្រោះ”។ហេតុការណ៍នេះ បានកើតឡើងតាមមហាវិថីព្រះនរោត្ដម មុខក្រសួងមហាផ្ទៃ ស្ថិតក្នុងសង្កាត់ទន្លេបាសាក់ ខណ្ឌចំការមន កាលពីទី៨ ខែមីនា ឆ្នាំ២០២២។ មន្ត្រីសមត្ថកិច្ចបានឱ្យដឹងថា តាមកំណត់ហេតុ Hotline ១១៧ជនសង្ស័យមានគ្នា៥នាក់ឈ្មោះ ស៊ឹម សុខហេងអាយុ២៨ឆ្នាំជាមន្ត្រីនគរបាលនាយកដ្ឋានស៊ើបការណ៍ខាងក្រៅនិងបច្ចេកទេស ។ឈ្មោះ សៅ វិចិត្រ-ឈ្មោះឈឿង រ៉ាវីន-ឈ្មោះ ប៊ុន ភក្តី-និងឈ្មោះ ឃីសុខហេង។ ចំណែកជនរងគ្រោះ២នាក់ ឈ្មោះ ផៃ ផានិត និងឈ្មោះ ឆៃ យ៉ារ័ត្ន បានធ្វើដំណើរចេញពីវត្តលង្កា ទៅផ្ទះនៅចាក់អង្រែក្រោម ។លុះមកដល់កន្លែងកើតហេតុក៏បានជួបក្មេងស្ទាវ២ក្រុមកំពុងដេញវ៉ៃគ្នា រួចបានយកដុំថ្មគប់ទៅលើជនរងគ្រោះ ។ ពេលនោះជនរងគ្រោះ បានផ្ដួលម៉ូតូរត់ចូលក្រសួងមហាផ្ទៃ តែត្រូវបានឈ្មោះ ស៊ឹម សុខហេង ជាមន្ត្រីនគរបាល បានយកអាវុធខ្លីភ្ជង់និងវាយខ្នោះ ហើយបក្ខពួកមួយចំនួនទៀតបានយកដុំថ្មវាយកម្ទេចម៉ូតូជនរងគ្រោះ។បច្ចុប្បន្នក្រុមជនសង្ស័យទាំង៥នាក់ កំពុងឃាត់ខ្លួននៅប៉ុស្តិ៍នគរបាលរដ្ឋបាលទន្លេបាសាក់ ដើម្បីស៊ើបអង្កេតនិងចាត់ការបន្ត៕