ភ្នំពេញ៖កម្លាំងនគរបាលខណ្ឌឬស្សីកែវបានស្រាវជ្រាវចាប់ជនដៃដល់ចំនួន៨នាក់ក្រោយធ្វើសកម្មភាពកាប់លើសិស្សសាលាឱ្យរបួសធ្ងន់២នាក់បញ្ជូនទៅតុលាការ។សមត្ថកិច្ចបានឱ្យដឹងថា កាលពីរសៀលថ្ងៃទី២៨ ខែមករា នៅផ្លូវបេតុង ភូមិទួលពពែ សង្កាត់ ទួលសង្កែទី២ ខណ្ឌឬស្សីកែវ កម្លាំងនគរបាលខណ្ឌឬស្សីកែវបានស្រាវជ្រាវឈានដល់ការឃាត់ខ្លួនជនដៃដល់ចំនួន៨នាក់ចំណោម១២នាក់ដែលបានប្រើកាំបិតប៉័ងតោកាប់សិស្សសាលាឱ្យរបួសធ្ងន់២នាក់។មន្ត្រីដដែលបានបន្តថា ជនរងគ្រោះឈ្មោះគ្រីណាសាការ អាយុ១៦ឆ្នាំជាខ្មែរអីស្លាមជាសិស្សស្នាក់នៅសង្កាត់ច្រាំងចំរេះទី២ ខណ្ឌឬស្សីកែវរងរបួសធ្ងន់។ឈ្មោះ រី ណារុនអាយុ១៥ឆ្នាំជា សិស្ស ស្នាក់នៅភូមិសង្កាត់ជាមួយគ្នារបួសធ្ងន់។លុះដល់យប់ថ្ងៃទី២៩ ខែមករា កម្លាំងខណ្ឌនិងប៉ុស្តិ៍បានចុះស្រាវជ្រាវឃាត់ខ្លួនបាន ជនសង្ស័យ ចំនួន៨ នាក់ក្នុងចំណោមបក្ខពួក១២នាក់-ឈ្មោះ សុខ ជា-ឈ្មោះ តុង ម៉េងលី-ឈ្មោះ ម៉ៅហឿន មិថុនា-ឈ្មោះ ហុក សុធារិទ្ធ-ឈ្មោះ ហួត ចាន់តារាពេជ្រ-ឈ្មោះ យ៉េត រ៉ាវី-ឈ្មោះ សុគន្ធ បញ្ញា-និងឈ្មោះទឹម បញ្ញា។ពូកគេមានអាយុពី១៤ដល់១៦ឆ្នាំនៅសង្កាត់ទួលសង្កែ១ ខណ្ឌឫស្សីកែវ។ដកហូតវត្ថុតាងរួមមាន -កាំបិតបុ័ងតោ២ និងម៉ូតូ២ គ្រឿង ៕
Related Articles
រថយន្តធំដឹកជីបើកចុះចំណោតភ្នំក្រឡាប់របួស២នាក់នៅស្រុកអន្លង់វែង
ឧត្តរមានជ័យ៖រថយន្តធំដឹកទំនិញរបស់ថៃបានបើកចុះពីលើកំពូលភ្នំដងរែកស្រាប់តែដាច់ហ្រ្វាំងក្រឡាប់ជាច្រើនត្រឡប់រងរបួស២នាក់ ។ហេតុការណ៍នេះបានកើតឡើងនៅចង្កេះភ្នំដងរែកតាមផ្លូវជាតិលេខ៦៧Bក្នុងភូមិជើងភ្នំឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យកាលពីរសៀលថ្ងៃទី៤ខែឧសភា ឆ្នាំ២០២១ ។ លោក ហ៊ើន សំបោន មន្រ្តីកងរាជអាវុធហត្ថស្រុកអន្លង់វែង បានឱ្យដឹងថា៖រថយន្តធំដឹកទំនិញថៃនេះម៉ាកហីណូសណ្តោងកន្ទុយ ពណ៌ស ពាក់ផ្លាកលេខ ៧០-៩៥ ៧៣ដឹកទំនិញប្រភេទជី ពេញរថយន្តចូលតាមច្រកទ្វារអន្តរជាតិជាំ ឆ្ពោះមកប្រទេសកម្ពុជា។ពេលធ្វើដំណើរមកដល់ចង្កេះភ្នំដងរែករថយន្តនេះក៏បានដាច់ហ្វ្រាំងទៅបុករនាំងបណ្តាលឱ្យក្រឡាប់ជាច្រើនត្រឡប់។ ប៉ុន្តែអ្នកបើកបរនិងអ្នករួមដំណើរម្នាក់ទៀតបានរួចផុតពីសេចក្តីស្លាប់។អ្នកបើកបរ មានឈ្មោះ វ៉ាន់ ឆៃ ភេទប្រុស អាយុ៥៣ឆ្នាំ រស់នៅភូមិជោគជ័យ ស្រុកជោគជ័យ ខេត្តនគររាជសីមាប្រទេសថៃ។ ចំណែកអ្នករួមដំណើរឈ្មោះ ឆាន លាវ ភេទប្រុស អាយុ៦៣ឆ្នាំ រស់នៅភូមិ-ឃុំជាមួយគ្នាអ្នកទាំង២រងរបួស៕ដោយ៖សៅវ៉ាន់ឌី
ហ្វូងសត្វឱម៉ាល់ទិចក្មេងស្រីម្នាក់ឱ្យស្លាប់ពេលជិះកង់កាត់វាលស្រែ
ស្វាយរៀង៖ក្មេងស្រីម្នាក់មានហ្វូងសត្វឱម៉ាល់ទិចហើយស្លាប់ពេលបញ្ជូនទៅមន្ទីរពេទ្យខណៈ ជិះកង់កាត់វាលស្រែទៅតាមជីតាឃ្វាលគោនៅចម្ងាយពីផ្ទះប្រមាណ២០០ម៉ែត្រ។សមត្ថកិច្ចបានឱ្យដឹងថា ក្មេងស្រីដែលស្លាប់ឈ្មោះធឿនចន្ថា អាយុ៧ឆ្នាំរៀននៅសាលាបឋមសិក្សា២ធ្នូ ។ឪពុកឈ្មោះខៀវ ថេន អាយុ៣៥ឆ្នាំម្ដាយឈ្មោះ ហ៊ូ ស៊ីណាអាយុ ៣៦ឆ្នាំរស់នៅភូមិមេលោង សង្កាត់ចេក ក្រុងស្វាយរៀង។កាលពីរសៀលថ្ងៃទី២៣ ខែសីហាឆ្នាំ២០២២ក្មេងស្រីរងគ្រោះបានជិះកង់កាត់វាលស្រែទៅតាមជីតាដែលឃ្វាលគោនៅមាត់បឹងតាបែន។ខណៈនាងកំពុងជិះកង់ទៅដល់ភ្លឺបឹងស្រាប់តែមានខ្យល់យ៉ាងខ្លាំងបោកបក់បណ្តាលឱ្យដាច់ធ្លាក់សំបុកឱម៉ាល់ពីលើចុងត្នោតធ្លាក់មកដីទាំងសំបុកចំពីមុខកងក្មេងរងគ្រោះ។រំពេចនោះសត្វឱម៉ាល់ហើរចេញពីសំបុកមកព្រួតទិចលើនាងឡើងសុសខ្លួន។ក្រោយមកក្មេងស្រីខាងលើបានរត់ទៅឱ្យជីតារបស់ខ្លួនឱ្យជួយហើយប្រញាប់ដឹកទៅមន្ទីរពេទ្យបង្អែកខេត្តស្វាយរៀង។តែដោយស្ថានភាពរបួសធ្ងន់ធ្ងរពេកត្រូវបានបញ្ជូនបន្តទៅព្យាបាលនៅភ្នំពេញហើយបានស្លាប់កណ្ដាលផ្លូវ៕
អគ្គិភ័យលេបត្របាក់ផ្ទះ១ខ្នងនិងទ្រព្យសម្បត្តិគ្មានសល់បង្កពីកូនប្រុស
កណ្តាល៖អគ្គិភ័យបានឆាបឆេះផ្ទះមួយខ្នងរួមទាំងទ្រព្យសម្បត្តិយ៉ាងសន្ធោសន្ធៅអស់គ្មាសល់បង្កពីកូនប្រុសម្ចាស់ផ្ទះដែលសង្ស័យឥទ្ធិពលគ្រឿងញៀន។គ្រោះអគ្គិភ័យនេះបង្កការភ្ញាក់ផ្អើលនៅភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាលកាលពីម៉ោងជាង៩យប់ថ្ងៃទី៣០ ខែសីហា។សមត្ថកិច្ចបានឱ្យដឹងថា ម្ចាស់ផ្ទះខាងលើឈ្មោះ សុខ រិទ្ធអាយុ៥៤ឆ្នាំប្រពន្ធ ឈ្មោះគា ហេងអាយុ៥២ឆ្នាំរស់នៅភូមិឃុំខាងលើ។ពេលមានហេតុការណ៍កើតឡើងពួកគាត់ទាំង២នាក់បានទៅភ្នំពេញ។ចំណែកកូនប្រុសម្ចាស់ផ្ទះជាជនបង្កនោះឈ្មោះរិទ្ធ សុភាពអាយុ៣១ឆ្នាំទំនងប្រើប្រាស់គ្រឿងញៀន។ផ្ទះមួយខ្នងធ្វើអំពីឈើប្រក់ស័ង្កសីទំហំ៦មគុណ៩ម៉ែត្រដែលភ្លើងឆេះបំផ្លាញនោះបានខូចខាតទាំងស្រុង។ក្នុងនោះមានទូដាក់ខោអាវ១និងសម្ភារប្រើប្រាស់ជាច្រើនទៀត។ករណីភ្លើងឆេះនេះកម្លាំងនគរបាលស្រុកលើកដែកបានជួយអន្តរាគមន៍ដោយប្រើប្រាស់រថយន្តអគ្គិភ័យនិងបាញ់ទឹកអស់២រថយន្តទើបភ្លើងរលត់។តែមិនមានមនុស្សរងគ្រោះថ្នាក់ទេ៕