ភ្នំពេញ៖តុលាការភ្នំពេញកាលពីល្ងាចថ្ងៃទី២៩ ខែមករាបានឃុំខ្លួនស្រ្តីអាជីវករអនឡាញម្នាក់ដាក់ពន្ធនាគារព្រៃស”ម២”បណ្តោះអាសន្នករណីចេញសែកស្អុយចំនួន៥.០០០ដុល្លារ។សមត្ថកិច្ចបានឱ្យដឹងថា ស្រ្តីជាប់ចោទឈ្មោះសល់ ស្រីនៀត អាយុ២៥ឆ្នាំ ត្រូវបានឃាត់ខ្លួន និងបញ្ជូនទៅតុលាការកាលពីរសៀលថ្ងៃទី២៨ ខែមករា ពីបទចេញមូលប្បទានប័ត្រគ្មានសាច់ប្រាក់ជាសែកស្អុយចំនួន៥.០០០ដុល្លារ។មុនឃាត់ខ្លួនស្ត្រីខាងលើនៅភូមិជើងឯក សង្កាត់ជើងឯក ខណ្ឌដង្កោក្រោយពីសមត្ថកិច្ចទទួលបានបណ្តឹងពីម្ចាស់បំណុល។បន្ទាប់ពីសាកសួរជនសង្ស័យរួចបានរកឃើញពិតជាបានពាក់ព័ន្ធប្រព្រឹត្តអំពើនោះមែន។មន្ត្រីនគរបាលយុត្តិធម៌ក៏បាន កសាងសំណុំរឿងបញ្ជូនជនសង្ស័យទៅតុលាការតាមនីតិវិធី។តាមបណ្តឹងបានបញ្ជាក់ថា កាលពីថ្ងៃទី២៥ ខែមិថុនាឆ្នាំ២០២២ ឈ្មោះ សល់ ស្រីនៀតបានទៅខ្ចីប្រាក់ពីដើមបណ្តឹងដើម្បីយកមកប្រកបមុខរបររកស៊ីដែលកន្លងមកខ្ចីរួចសងៗ។លើកនេះខ្ចី៥.០០០ដុល្លារសន្យាសងគ្រប់ចំនួនវិញក្នុង១សប្តាហ៍ដោយចេញមូលប្បទានប័ត្រចំនួន២សន្លឹក។ប៉ុន្តែខាងធនាគារបានបញ្ជាក់យ៉ាងច្បាស់លាស់ថាសែក២សន្លឹកនេះគ្មានសាច់ប្រាក់ទេ៕
Related Articles
រថយន្តធំចុះជម្រាលភ្នំដាច់ហ្វ្រាំងបុករថយន្តតូចពីក្រោយធ្លាក់ផ្លូវទាំង២បណ្តាលឱ្យរងរបួស៧នាក់
ឧត្តរមានជ័យ៖រថយន្តស្ទូចចុះជម្រាលភ្នំដាច់ហ្វ្រាំងបុកគូថរថយន្តវីហ្គោធ្លាក់ផ្លូវទាំង២បណ្តាលឱ្យរងរបួសធ្ងន់ស្រាល៧នាក់។ហេតុការណ៍គួរឱ្យរន្ធត់នេះបានកើតឡើងលើកំណាត់ផ្លូវជាតិលេខ៦៧Bចន្លោះបង្គោលគីឡូម៉ែត្រលេខ១៣១និង១៣២ស្ថិតក្នុងភូមិជើងភ្នំឃុំត្រពាំងប្រីយ៍ស្រុកអន្លង់វែខេត្តឧត្តរមានជ័យកាលពីព្រលប់ថ្ងៃទី២១ខែឧសភាឆ្នាំ២០២០។ មន្ត្រីនគរបាលចរាចរណ៍ស្រុកអន្លង់វែង បានឱ្យដឹងថា មុនពេលកើតហេតុគេឃើញរថយន្ត ១គ្រឿងម៉ាកវីហ្គោបើកចុះពីលើភ្នំច្រកអន្តរជាតិជាំ។លុះមកដល់កន្លែងកើតហេតុស្រាប់តែរថយន្តស្ទូចមួយគ្រឿងដែលបើកពីក្រោយដាច់ហ្វ្រាំងក៏រុញរថយន្តវីហ្គោដែលបើកខាងមុខនោះបណ្តាលឱ្យធ្លាក់ជម្រាលភ្នំទាំង២ ធ្វើឱ្យរងរបួសធ្ងន់ស្រាលជាច្រើននាក់។
សមត្ថកិច្ចបញ្ជូនជន២នាក់ទៅតុលាការពីបទពាក់ព័ន្ធគ្រឿងញៀន
ប៉ៃលិនៈកាលពីថ្ងៃទី១៣ខែធ្នូឆ្នាំ២០១៩សមត្ថកិច្ចខេត្តប៉ៃលិនបានបញ្ជូនជនសង្ស័យ២នាក់ទៅតុលាការពីបទពាក់ព័ន្ធគ្រឿងញៀន។ក្រោយពេលកម្លាំង ឃាត់ខ្លួនបានកាលពីរសៀលថ្ងៃទី១២ខែធ្នូនៅចំណុចភ្នំដំបងស្ថិតនៅភូមិភ្នំដំបងសង្កាត់អូរតាវ៉ៅក្រុងប៉ៃលិនខេត្ត ប៉ៃលិន ។ សមត្ថកិច្ចបានឱ្យដឹងថាជនសង្ស័យទាំង២ នាក់ឈ្មោះ ង៉ែត គា ភេទ ប្រុសអាយុ៣៩ឆ្នាំកសិករ និងឈ្មោះសេន ពិ សិទ្ធ ភេទ ប្រុស អាយុ ២៧ ឆ្នាំ កសិករ ។ អ្នក ទាំង ពីរ រស់នៅ ភូមិ ឃុំកើតហេតុខាងលើ។ជនសង្ស័យទាំងពីរនាក់នេះក្រោយធ្វើតេស្តទឹកនោមគឺមានសារធាតុញៀនពិតប្រាកដមែន។បច្ចុប្បន្នជនសង្ស័យខាងលើត្រូវបានកម្លាំងការិយាល័យប្រឆាំងគ្រឿងញៀនកសាងសំណុំរឿងបញ្ជូនទៅតុលាការខេត្តចាត់ការតាមច្បាប់៕