ភ្នំពេញ៖រថយន្តទំនើបម៉ាកម៉ាស់ស្តាបានបើកបុកម៉ូតូពីចំហៀងពេញទំហឹងពេលកំពុងជិះឆ្លងផ្លូវរួចអូសជាច្រើនម៉ែត្របណ្ដាលឱ្យបុរសខាងម៉ូតូរងរបួសធ្ងន់។គ្រោះថ្នាក់ចរាចរណ៍នេះបានកើតឡើងនៅភ្លើងស្តុប៩២ ផ្លូវភ្នំពេញ-ហាណូយស្ថិតក្នុងសង្កាត់គោកឃ្លាង ខណ្ឌសែនសុខកាលពីរំលងអធ្រាត្រចូលថ្ងៃទី៣១ ខែមករា។ សាក្សីបានឱ្យដឹងថា មុនកើតហេតុគេឃើញបុរសម្នាក់ជិះម៉ូតូហុងដាឌ្រីមផ្លាកលេខមណ្ឌលគិរី1A-2367ធ្វើដំណើរតាមផ្លូវលេខ៩២ឆ្លងទៅផ្លូវភ្នំពេញ-ហាណូយពីកើតទៅលិច។មកដល់កន្លែងខាងលើមានរថយន្តម៉ាកMazda ផ្លាកលេខភ្នំពេញ2BA-1197បើកដឹកក្រុមគ្រួសារមានក្មេងចាស់ប្រុសស្រី៦នាក់។រថយន្តបើកតាមផ្លូវភ្នំពេញ-ហាណូយពីជើងទៅត្បូងហ្វ្រាំងមិនទាន់ក៏ជ្រុលបុកម៉ូតូរួចអូសជាច្រើនម៉ែត្របណ្ដាលឱ្យខាងម៉ូតូរងរបួសធ្ងន់។ក្រោយកើតហេតុសមត្ថកិច្ចបានចុះវាស់វែងយករថយន្តនិងម៉ូតូទៅទុករង់ចាំដោះស្រាយពេលក្រោយ៕
Related Articles
កំពុងស្រាវជ្រាវករណីឆេះផ្ទះបំផ្លាញម៉ូតូ-រថយន្តនិងមនុស្សម្នាក់រងរបួសធ្ងន់
ភ្នំពេញ៖ផ្នែកជំនាញបានបើកការស្រាវជ្រាវករណី ឆេះផ្ទះកាត់ដេរមួយខ្នងអស់ទាំងស្រុងបាត់បង់ទ្រព្យសម្បតិ្ត ខូចខាតសម្ភារប្រើប្រាស់-ម៉ូតូ២គ្រឿង-រថយន្ត១គ្រឿងនិងមនុស្សម្នាក់របួសធ្ងន់។ហេតុការណ៍នេះបានកើតឡើងនៅផ្លូវ៣១៨ ភូមិ៣ សង្កាត់ទួលស្វាយព្រៃទី១ ខណ្ឌបឹងកេងកង កាលពីរំលងអធ្រាត្រចូលថ្ងៃទី២២ ខែកក្កដាឆ្នាំ២០២៣។សមត្ថកិច្ចបានឱ្យដឹងថា ម្ចាស់ផ្ទះឈ្មោះ អៀន សុខម ភេទស្រី អាយុ ៥៨ឆ្នាំមុខរបរអ្នកកាត់ដេរសម្លៀកបំពាក់។មុនកើតហេតុគេឭស្នូសំឡេងផ្ទុះចេញពីផ្ទះខាងលើ ក៏ផ្តើមឆេះយ៉ាងសន្ធោសន្ធៅតែម្ដង។ភ្លាមៗនោះមន្ត្រីអាជ្ញាធរមូលដ្ឋានបានរាយការណ៍ទៅខាងរថយន្តពន្លត់អគ្គិភ័យឱ្យមកជួយអន្តរាគមន៍។ ក្រោយមកកម្លាំងសមត្ថកិច្ចបង្ការពន្លត់អគ្គិភ័យនិងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យជាច្រើនគ្រឿងមកជួយបាញ់ទឹកពន្លត់។ក្នុងប្រតិបត្តិការកម្លាំងបានចេញរថយន្តពន្លត់អគ្គិភ័យចំនួន១៣គ្រឿង បាញ់ទឹកអស់១៣រថយន្ត ភ្លើងក៏បានរលត់នៅយប់ថ្ងៃដដែល។ក្នុងហេតុការណ៍នេះបានបណ្ដាលឱ្យបុរសម្នាក់រងរបួសធ្ងន់ បាត់បង់ទ្រព្យសម្បតិ្ត ខូចខាតសម្ភារប្រើប្រាស់ ក្នុងនោះមានម៉ូតូចំនួន២គ្រឿង-រថយន្តម៉ាកToyota vitz ១គ្រឿង។តែគ្រោះអគ្គិភ័យនេះមិនឆេះរាលដាលដល់ផ្ទះអ្នកជិតខាងទេ។ចំពោះមូលហេតុនិងទំហំនៃការខូចខាតសមត្ថកិច្ចកំពុងបើកការស្រាវជ្រាវនិងសាកសួរ៕
បញ្ជូនជនសង្ស័យ៨នាក់ប្រើកាំបិតប៉័ងតោកាប់សិស្សរបួស២នាក់ទៅតុលាការ
ភ្នំពេញ៖កម្លាំងនគរបាលខណ្ឌឬស្សីកែវស្រាវជ្រាវចាប់ជនសង្ស័យបាន៨នាក់ចំណោម១២នាក់ដែលប្រើកំបិតប៉័ងតោកាប់សិស្ស២នាក់ឱ្យរងរបួសធ្ងន់និងបញ្ជូនទៅតុលាការនៅថ្ងៃនេះ។សមត្ថកិច្ចបានឱ្យដឹងថា កម្លាំងជំនាញខណ្ឌឬស្សីកែវកាលពីថ្ងៃទី២៩ ខែមករាបានស្រាវជ្រាវចាប់ជនសង្ស័យបាន៨នាក់ចំណោម១២នាក់ពាក់ព័ន្ធប្រើកាំបិតប៉័ងតោកាប់សិស្ស២នាក់ឱ្យរបួសធ្ងន់នៅ សង្កាត់ទួលសង្កែទី២ ខណ្ឌឬស្សីកែវកាលពីពេលកន្លងទៅ។ជនសង្ស័យ៨នាក់ដែលចាប់ខ្លួន-ឈ្មោះសុខ ជា-ឈ្មោះតុងម៉េងលី-ឈ្មោះម៉ៅហឿន មិថុនា-ឈ្មោះ ហុក សុធារិទ្ធ-ឈ្មោះហួត ចាន់តារាពេជ្រ-ឈ្មោះ យ៉េត រ៉ាវី-ឈ្មោះសុគន្ធ បញ្ញា-និងឈ្មោះទឹម បញ្ញា។ពូកគេមានអាយុពី១៤ដល់១៦ឆ្នាំនៅសង្កាត់ទួលសង្កែ១ ខណ្ឌឫស្សីកែវ។ដកហូតវត្ថុតាងរួមមាន -កាំបិតបុ័ងតោ២ និងម៉ូតូ២ គ្រឿង។ចំណែកជនរងគ្រោះ២នាក់ឈ្មោះគ្រីណាសាការ អាយុ១៦ឆ្នាំខ្មែរអីស្លាមជាសិស្សស្នាក់នៅសង្កាត់ច្រាំងចំរេះទី២ ខណ្ឌឬស្សីកែវរងរបួសធ្ងន់។ឈ្មោះរី ណារុនអាយុ១៥ឆ្នាំជាសិស្សស្នាក់នៅភូមិសង្កាត់ជាមួយគ្នារបួសធ្ងន់៕
ត្រៀមបើកដំណើរការហោះហើរឡើងវិញនូវអាកាសយាន្តដ្ឋានខេត្តបាត់ដំបង
បាត់ដំបង៖ព្រលានយន្តហោះវាលបែកចានស្ថិតក្នុងភូមិរំចេក៤សង្កាត់រតនៈក្រុងបាត់ដំបងដែលលេខាធិការដ្ឋានអាកាសចរណ៍ស៊ីវិលកម្ពុជាផ្អាកដំណើរការរាប់សិបឆ្នាំមកហើយអាចដំណើរការដឹកជញ្ជូនអ្នកដំណើរនិងទំនិញតាមជើងយន្តហោះឡើងវិញក្នុងពេលឆាប់ៗខាងមុខនេះ។ ការត្រៀមបើកឱ្យដំណើរការព្រលានយន្តហោះវាលបែកចានខេត្តបាត់ដំបងនេះគឺយោងតាមកិច្ចប្រជុំបស់រដ្ឋបាលខេត្តជាមួយអ្នកបើកបរយន្តហោះជនជាតិបារាំងនិងសហការី។បានជួបពិភាក្សាការងារបង្ហាញពីគោលបំណងបើកឱ្យដំណើរការឡើងវិញព្រលានយន្តហោះវាលបែកចានដោយដំបូងប្រើយន្តហោះខ្នាតតូចសម្រាប់តែដឹកអ្នកដំណើរ។ដែលមានភារកិច្ចសំខាន់ចង់ធ្វើដំណើរពីបាត់ដំបងទៅភ្នំពេញឬពីភ្នំពេញមកខេត្តបាត់ដំបងវិញបានឆាប់រហ័សទាន់ចិត្ត។ ដោយមានការឯកភាពរវាងរដ្ឋបាលខេត្តជាមួយលេខាដ្ឋានអាកាសចរស៊ីវិលកម្ពុជាបានជួបប្រជុំគ្នាដោយបានបង្កើតជាគណៈកម្មការមួយចុះស្រង់ស្ថិតិអ្នកដែលរស់នៅក្នុងដីព្រលានយន្តហោះហើយរាការណ៍ទៅលេខាដ្ឋានអាកាសចរស៊ីវិលកម្ពុជា។ធ្វើការដោះស្រាយគោលនយោបាយរួចរាល់ហើយទើបដាក់ឱ្យរៀបចំជួសជុលនឹងដំណើរការឡើងវិញបាន។ លោកងួនរតនៈអភិបាលខេត្តបានសហការក្នុងការពន្លឿនប្រមូលទិន្នន័យឱ្យបានច្បាស់លាស់ដើម្បីរាយការណ៍ប្រាប់គណៈកម្មការបច្ចេកទេសហើយចុះអនុវត្តការជួសជុលនិងសាងសង់ជាជំហ៊ានៗដើម្បីឱ្យបានឆាប់ដំណើរការក្នុងពេលឆាប់ៗខាងមុខនេះ៕