ភ្នំពេញ៖ឆេះភូមិគ្រឹះដ៏ធំមួយមានតម្លៃប្រមាណ៣លានដុល្លារ យ៉ាងសន្ធោសន្ធៅ ត្រូវកម្លាំងពន្លត់អគ្គិភ័យ ចេញរថយន្តជាច្រើនគ្រឿងជួយអន្តរាគមន៍ មូលហេតុគេសង្ស័យមកពីក្រុមជាងផ្សាដែក។ហេតុការណ៍នេះបានកើតឡើង ស្ថិតនៅតាមផ្លូវបេតុង ក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ កាលពីម៉ោង១០ព្រឹកថ្ងៃទី២៤ ខែឧសភា។ ប្រភពព័ត៌មានពីកន្លែងកើតហេតុបានឱ្យដឹងថា សំណង់ភូមិគ្រឹះដ៏ស្កឹមស្កៃនេះ កំពុងតែសាងសង់ជារបស់ថៅកែក្រុមហ៊ុន Jasmine លក់ផ្គត់ផ្គង់គ្រឿងសំណង់។ភូមិគ្រឹះនេះត្រូវបានប្រភពបានប្រាប់ថា ម្ចាស់បានចំនាយថវិកាសាងសង់អស់ប្រមាណ៣លានដុលា្លរ។ប្រភពដដែលបានបន្តថា មុនកើតហេតុនៅជាន់ខាងលើដំបូលមានក្រុមជាងកំពុងផ្សាដែក ខណៈភូមិគ្រឹះកំពុងដំណើរការបន្តនៅផ្នែកខាងលើ។ពេលជាងកំពុងធ្វើការស្រាប់តែឆ្លងចរន្តភ្លើងបង្កជាអគ្គិភ័យ ឆេះសម្ភារត្រូវកម្មករបាននាំគ្នាយកបំពង់ពន្លត់អគ្គិភ័យទៅបាញ់ពន្លត់ដែរ តែមិនអាចពន្លត់ភ្លើងនោះបានក៏ផ្តើមឆាបឆេះយ៉ាងសន្ធោសន្ធៅតែម្តង។ពេលភ្លើងកំពុងឆេះត្រូវបានកម្លាំងរថយន្តពន្លត់អគ្គិភ័យចេញប្រមាណ១០គ្រឿង មកពីបណ្តាអង្គភាពនានាជួយបាញ់ទឹកភ្លើងក៏រលត់ទៅវិញ។គ្រោះអគ្គិភ័យនេះបណ្តាលឱ្យខូចខាត គ្រឿងបំពាក់ សម្ភារក្នុងភូមិភូមិគ្រឹះនេះអស់មួយចំនួនធំ តែមិនបង្កគ្រោះថ្នាក់ដល់មនុស្សទេ៕
Related Articles
តាមរកក្មេង២នាក់ដែលជនល្មើសចាប់ដាក់ឡានយកទៅបាត់
សៀមរាប៖សមត្ថកិច្ចបានតាមរកក្មេងប្រុស២នាក់បងប្អូនដែលក្រុមជនល្មើសមានគ្នាប្រមាណ៤-៥នាក់ចាប់ដាក់រថយន្តយកទៅបាត់ខណៈឪពុកសុំឱ្យជួយអន្តរាគមន៍។ មន្ត្រីនគរបាលបានឱ្យដឹងថា កាលពីរសៀលថ្ងៃទី១២ ខែឧសភាឆ្នាំ២០២២បុរសម្នាក់ឈ្មោះភាច ហ៊ុន រស់នៅភូមិល្អក់ ឃុំកណ្តែក ស្រុកប្រាសាទបាគង ត្រូវជាឪពុកក្មេងប្រុសទាំង២បានប្រាប់សមត្ថកិច្ចថា កូនរបស់គាត់២នាក់ ឈ្មោះ ហ៊ុន គិនហេង ភេទប្រុសអាយុ ១៣ឆ្នាំ និងប្អូនឈ្មោះ ហ៊ុន សុវិសាល អាយុ ៩ឆ្នាំ។ ក្មេងទាំង២បានជិះម៉ូតូឌុបគ្នាចេញពីសាលារៀនអនុវិទ្យាល័យ និងបឋមសិក្សាឃ្លោកអណ្តូង។ លុះមកដល់ក្រោយរោងម៉ាស៊ីនជប៉ុន ភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប ត្រូវជនល្មើស៤-៥នាក់បានចាប់ដាក់ក្នុងរថយន្តសាំយ៉ុងពណ៌ខ្មៅគ្មានផ្លាកលេខ ។ បន្ទាប់ពីទទួលបានព័ត៌មាន សមត្ថកិច្ច ១១៧ លោកអនុសេនីយ៍ឯក ស្រី ស៊ីថន បានផ្ដល់ព័ត៌មានទៅលោក សឿន សេន ស្នងការរងទទួលរងសេនាធិការ ដើម្បីចុះអន្តរាគមន៍បន្ទាន់ ។បច្ចុប្បន្ន កម្លាំងជំនាញ និងបណ្តាអធិការដ្ឋានស្រុកនៃស្នងការដ្ឋាននគរបាលខេត្តសៀមរាប កំពុងស្រាវជ្រាវទៅលើករណីនេះ៕
រន្ទះបាញ់ស្លាប់ម្នាក់ និងរបួសពីរនាក់នៅស្រុកបន្ទាយអំពិល
ឧត្តរមានជ័យ៖មេឃកំពុងភ្លៀងនៅចម្ការរន្ទះបាញ់បណ្តាលឱ្យស្លាប់បុរសជាប្តីម្នាក់ រីឯប្រពន្ធនិងបងថ្លៃម្នាក់ទៀតបានដូលសន្លប់ធំត្រូវបានដឹកបញ្ជូនទៅមន្ទីពេទ្យបង្អែកខេត្តភ្លាមៗ។ករណីនេះបានកើតកាលពីរសៀលថ្ងៃទី១៣ខែវិឆ្ឆិកាឆ្នាំ២០២០ស្ថិតនៅចំណុចព្រៃរំដួលស្ថិតនៅភូមិរំដួលចាស់ ឃុំអំពិល ស្រុកបន្ទាយអំពិលខេត្តឧត្តរមានជ័យ។ សមត្ថកិច្ចបានឱ្យដឹងថា ជនរងគ្រោះ១.ឈ្មោះ ណូ ណយ ភេទប្រុស អាយុ១៩ឆ្នាំ(ត្រូវជាប្តី) ស្លាប់ ។២.ឈ្មោះ យឺន សុភី ភេទស្រី អាយុ១៩ឆ្នាំ(ត្រូវជាប្រពន្ធ)សន្លប់ រងរបួសធ្ងន់ ។និងទី៣.ឈ្មោះ មឺត ចំណានភេទប្រុសអាយុ២៦ឆ្នាំ(ត្រូវជាបងថ្លៃ)សន្លប់រងរបួសធ្ងន់អ្នកទាំងបីរស់នៅភូមិកើតហេតុខាងលើបានបញ្ជូនទៅមន្ទីពេទ្យបង្អែកខេត្តឧត្តរមានជ័យ ៕
ភោជនីយដ្ឋាន “ម្លប់ស្បូវមានលាភ”ល្មើសបំរាមអាជ្ញាធរសម្រេចបិទនិងដកអាជ្ញាប័ណ្ណ
ភ្នំពេញ៖ កាលពីរសៀលថ្ងៃទី២៥ ខែមេសា ឆ្នាំ២០២១អភិបាលខណ្ឌសែនសុខលោក ម៉ូវ ម៉ានិត បានដឹកនាំកម្លាំងចុះបិទទីតាំងភោជនីយដ្ឋាន “ម្លប់ស្បូវមានលាភ” ស្ថិតនៅផ្លូវលេខ1007Zស្ថិតក្នុងភូមិពោងពាយ សង្កាត់ភ្នំពេញថ្មីរាជធានីភ្នំពេញ ដែលល្មើសបំរាមជួបជុំគ្នាផឹកស៊ី ។ មន្ត្រីក្នុងប្រតិបត្តិការបានឱ្យដឹងថា៖ អាជ្ញាធរ បានសម្រេចបិទនិងដកអាជ្ញាប័ណ្ណភោជនីយដ្ឋាន ម្លប់ស្បូវមានលាភនេះ។ចំណែកមនុស្ស៦នាក់ ដែលត្រូវបានឃាត់ខ្លួន ត្រូវបានពិន័យចំនួន២លានរៀលដល់៥លានរៀល។ជាមួយគ្នានេះដែរ ម្ចាស់ទីតាំង ត្រូវបានផាកពិន័យចំនួន៥លានរៀល ។ ជាការកត់សម្គាល់ នៅក្រុងតាខ្មៅ ខេត្តកណ្តាល ដែលរាជរដ្ឋាភិបាលសម្រេចថាជាភូមិសាស្ត្រនៃការ “បិទខ្ទប់”ព្រោះមានការរីករាលដាលជំងឺកូវីដ១៩ ដូចរាជធានីភ្នំពេញ ដែរនោះ នៅពេលសមត្ថកិច្ចឃាត់ខ្លួនក្រុមអ្នកផឹកស៊ីបាន តែងបញ្ជូនទៅតុលាការដើម្បីចាត់ការតាមផ្លូវច្បាប់ ដោយមិនលើកលែងឡើយ ។ ជាក់ស្តែង មនុស្សប្រុសស្រីចំនួន៦នាក់ ដែលប្រមូលម្តុំគ្នាផឹកស៊ី ទូលឆ័ត្រទាំងកំពុងភ្លៀងខ្លាំង ទើបត្រូវបាន តុលាការខេត្តកណ្តាល សម្រេចឃុំខ្លួនដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទ “រារាំងដល់ការអនុវត្តវិធាន” តាមមាត្រា៤ និង មាត្រា១១ នៃច្បាប់ស្តីពីកូវីដ ៕ដោយ៖ចំប៉ា