Featured ព័ត៌មានសង្គម សន្តិសុខ

អគ្គិភ័យឆេះភូមិគ្រឹះតម្លៃប្រមាណ៣លានដុល្លារសង្ស័យមកពីក្រុមជាងផ្សាដែក

ភ្នំពេញ៖ឆេះភូមិគ្រឹះដ៏ធំមួយមានតម្លៃប្រមាណ៣លានដុល្លារ យ៉ាងសន្ធោសន្ធៅ ត្រូវកម្លាំងពន្លត់អគ្គិភ័យ ចេញរថយន្តជាច្រើនគ្រឿងជួយអន្តរាគមន៍ មូលហេតុគេសង្ស័យមកពីក្រុមជាងផ្សាដែក។ហេតុការណ៍នេះបានកើតឡើង ស្ថិតនៅតាមផ្លូវបេតុង ក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ កាលពីម៉ោង១០ព្រឹកថ្ងៃទី២៤ ខែឧសភា។ ប្រភពព័ត៌មានពីកន្លែងកើតហេតុបានឱ្យដឹងថា សំណង់ភូមិគ្រឹះដ៏ស្កឹមស្កៃនេះ កំពុងតែសាងសង់ជារបស់ថៅកែក្រុមហ៊ុន Jasmine លក់ផ្គត់ផ្គង់គ្រឿងសំណង់។ភូមិគ្រឹះនេះត្រូវបានប្រភពបានប្រាប់ថា ម្ចាស់បានចំនាយថវិកាសាងសង់អស់ប្រមាណ៣លានដុលា្លរ។ប្រភពដដែលបានបន្តថា មុនកើតហេតុនៅជាន់ខាងលើដំបូលមានក្រុមជាងកំពុងផ្សាដែក ខណៈភូមិគ្រឹះកំពុងដំណើរការបន្តនៅផ្នែកខាងលើ។ពេលជាងកំពុងធ្វើការស្រាប់តែឆ្លងចរន្តភ្លើងបង្កជាអគ្គិភ័យ ឆេះសម្ភារត្រូវកម្មករបាននាំគ្នាយកបំពង់ពន្លត់អគ្គិភ័យទៅបាញ់ពន្លត់ដែរ     តែមិនអាចពន្លត់ភ្លើងនោះបានក៏ផ្តើមឆាបឆេះយ៉ាងសន្ធោសន្ធៅតែម្តង។ពេលភ្លើងកំពុងឆេះត្រូវបានកម្លាំងរថយន្តពន្លត់អគ្គិភ័យចេញប្រមាណ១០គ្រឿង មកពីបណ្តាអង្គភាពនានាជួយបាញ់ទឹកភ្លើងក៏រលត់ទៅវិញ។គ្រោះអគ្គិភ័យនេះបណ្តាលឱ្យខូចខាត គ្រឿងបំពាក់ សម្ភារក្នុងភូមិភូមិគ្រឹះនេះអស់មួយចំនួនធំ តែមិនបង្កគ្រោះថ្នាក់ដល់មនុស្សទេ៕

rsc

Leave a Reply

Your email address will not be published. Required fields are marked *