ភ្នំពេញ៖តុលាការភ្នំពេញកាលពីល្ងាចថ្ងៃទី២៨ ខែឧសភាបានឃុំខ្លួនជនសង្ស័យដាក់ពន្ធនាគារប ពីបទប្រើកាំបិតចុងស្រួចចាក់សម្លាប់មន្ត្រីនគរបាលម្នាក់នៅបុរីកីឡាជិត១ឆ្នាំមុន។ ករណីជនសង្ស័យបានប្រព្រឹត្ត នៅភូមិទ្រុងមាន់ សង្កាត់អូបែកក្អម ខណ្ឌសែនសុខ កាលពីថ្ងៃទី៧ ខែកក្កដាឆ្នាំ២០២២កន្លងទៅ។លុះដល់រសៀលថ្ងៃទី២៥ ខែឧសភាឆ្នាំ២០២៣ត្រូវកម្លាំងនគរបាលក្រសួងមហាផ្ទៃស្រាវជ្រាវទើបចាប់ជនសង្ស័យបាន។នៅថ្ងៃទី២៥ ខែឧសភាឆ្នាំ២០២៣ កម្លាំងបានបញ្ជូនជនដៃដល់ទៅតុលាការដើម្បីចាត់ការតាមច្បាប់។ សមត្ថកិច្ចបានឱ្យដឹងដោយរំលឹកថា កាលពីថ្ងៃទី៧ ខែកក្កដាឆ្នាំ២០២២ ជនល្មើសឈ្មោះ សាន ចាន់គឹមហុង អាយុ២២ឆ្នាំបានប្រើកាំបិតចុងស្រួចចាក់សម្លាប់មន្ត្រីនគរបាលម្នាក់ឈ្មោះ យឺន សំណាង ហៅសំណាង អាយុ ៥៦ឆ្នាំ។ ក្រោយប្រព្រឹត្តអំពើឃាតកម្មរួច ជនដៃដល់បានរត់គេចខ្លួនបាត់។ក្រោយមកកម្លាំងក្រសួងមហាផ្ទៃបានស្រាវជ្រាវចាប់ជនសង្ស័យឈ្មោះ សាន ចាន់គឹមហុង ពីបទឃាតកម្មតាមដីកាបង្គាប់ឱ្យចាប់ខ្លួនលេខ១៤៨៧“ក១”.ដ.ច.ន ចុះថ្ងៃទី១៥ ខែធ្នូឆ្នាំ២០២២របស់ចៅក្រុមស៊ើបសួរតុលាការភ្នំពេញ។បច្ចុប្បនតុលាការបានឃុំខ្លួនជនសង្ស័យរូបនេះដាក់ពន្ធនាគារបណ្តោះអាសន្នរង់ចាំបើកសវនាការពេលក្រោយ៕
Related Articles
ក្មេងប្រុសតូចម្នាក់លួចចេញពីផ្ទះទៅលេងទឹកស្រះបណ្តាលឱ្យលង់ស្លាប់
ក្រចេះ៖ក្មេងប្រុសតូចម្នាក់បានលួចចេញពីផ្ទះមិនឱ្យឪពុកម្តាយដឹងទៅលេងទឹកស្រះក្រោយផ្ទះបណ្តាលឱ្យលង់ស្លាប់។ហេតុការណ៍កើតនៅក្នុងភូមិមានជ័យឃុំស្រែចារស្រុកស្នួលខេត្តក្រចេះកាលពីព្រឹកថ្ងៃទី១១ខែឧសភាឆ្នាំ២០២១ ។ មន្ត្រីនគរបាលស្រុកស្នួលបានឱ្យដឹងថា៖ក្មេងប្រុសរងគ្រោះឈ្មោះចិនចាវអាយុ៤ឆ្នាំបានស្លាប់ដោយសារលង់ទឹកស្រះនៅខាងក្រោយផ្ទះរបស់ឪពុកខ្លួនឯង។ម្តាយក្មេងរងគ្រោះបានរៀបរាប់ថា៖ កូនរបស់គាត់បានលួចចេញទៅលេងទឹកស្រះនៅក្រោយផ្ទះពេលគាត់មិនបានដឹង ដែលស្រះនោះមានចម្ងាយប្រហែល២០០ម៉ែត្រពីផ្ទះ។ ស្ត្រីជាម្តាយបានបន្រថា៖កូនតូចបានទៅជាមួយនិងបងជីដូនមួយរបស់គេម្នាក់ទៀត។ពេលនោះស្រាប់តែបងជីមួយគេក៏ឃើញប្អូនលង់ទឹកលិចបាត់ក្នុងស្រះ ក៏រត់មកប្រាប់គាត់ជាម្តាយ ។ភ្លាមៗនោក៏នាំគ្នារត់សំដៅទៅរកស្រះទឹកដើម្បីជួយស្រង់កូនចេញពីក្នុងស្រះ។តែអកុសល កូនគាត់បានស្លាប់បាត់ទៅហើយ៕ដោយ៖ស.រ័ត្ន
រថយន្តបែនបើកបុកនិងកិនអ្នកជិះម៉ូតូបណ្តាលឱ្យបុរសម្នាក់ធ្លាយពោះវៀនស្លាប់ភ្លាម
ភ្នំពេញ៖គ្រោះថ្នាក់ចរាចរណ៍បង្កពីរថយន្តបែនមួយគ្រឿងបើកបុកនិងកិនអ្នកជិះម៉ូតូPCXពីក្រោយបណ្តាលឱ្យបុរសម្នាក់ធ្លាយពោះវៀនស្លាប់ភ្លាម។ហេតុការណ៍នេះបានកើតឡើងនៅតាមផ្លូវ៣០ម៉ែត្រភូមិតំណាក់ត្រយឹងសង្កាត់ចោមចៅ២ខណ្ឌពោធិសែនជ័យកាលពីវេលាម៉ោង៩ព្រឹកថ្ងៃទី២៥ខែវិច្ឆិកាឆ្នាំ២០២០។ មន្ត្រីសមត្ថកិច្ចបានឱ្យដឹងថាៈសពជនរងគ្រោះមានឈ្មោះអឿនចិន្តាភេទប្រុសអាយុ២៩ឆ្នាំមុខរបរជាងជួសជុលទូរស័ព្ទនៅផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២នៅភូមិព្រែករុន ឃុំព្រែកគយ ស្រុកស្អាង ខេត្តកណ្តាល។ ជនរងគ្រោះជិះម៉ូតូ ម៉ាក PCX ពណ៌ស ពាក់ផ្លាកលេខ ភ្នំពេញ 1IG0193ត្រូវរថយន្តប្រភេទបែនពាក់ផ្លាកលេខភ្នំពេញ3E2156បើកបុកពីក្រោយហើយកិនស្លាប់ភ្លាមៗនៅកន្លែង។អ្នកបើកបរចុះរត់គេចខ្លួនបាត់៕វិចិត្រ
រន្ទះបានបាញ់ចំយុវជនម្នាក់បណ្តាលឱ្យស្លាប់
បាត់ដំបង: យុវជនម្នាក់ បានស្លាប់ភ្លាមៗ ដោយសារត្រូវរន្ទះបាញ់ នៅពេលមេឃ កំពុងធ្លាក់ភ្លៀង ។យុវជននោះកំពុងអង្គុយនៅលើតុដើម្បីរង់ចាំឪពុកដែលកំពុងដាំបាយក្នុងវត្ត។ហេតុការណ៍នេះ បានកើតឡើង នៅវត្តល្អាងកង្កែបភូមិស្នឹងកើត ឃុំស្នឹង ស្រុកបាណន់កាលពីរសៀល ថ្ងៃទី២១ ខែសីហាឆ្នាំ២០២០។ លោក ប៉ាន់ វ៉ាន់នីអធិការនគរបាលស្រុកបាណន់ បានឱ្យដឹងថាៈ យុវជនដែលត្រូវរន្ទះបាញ់ស្លាប់នោះ ឈ្មោះ ណាក់ សុខណា អាយុ ១៧ ឆ្នាំ (សិស្ស) រស់នៅក្នុងភូមិបាណន់ ឃុំកន្ទឺ២ ស្រុកបាណន់ ។ ឈ្មោះ កែវ វណ្ណៈ អាយុ ៤៥ ឆ្នាំ ត្រូវជាឪពុកបង្កើត របស់យុវជនរងគ្រោះ។ បន្ទាប់មកកម្លាំងបច្ចេកទេសនិងកោសល្យវិច័យខេត្តរួចមកសមត្ថកិច្ចក៏បានសន្និដ្ឋានថាជនរងគ្រោះមានស្លាកស្នាមដាច់រហែកខោក្នុងផ្នែកឆ្វេងត្រង់ប្រដាប់ភេទនិងពងស្វាសមានស្នាមជាំខ្មៅទើបបណ្តាលឱ្យស្លាប់ ៕