អន្តរជាតិ៖ VNEpress -តារាបង្ហាញម៉ូតតៃវ៉ាន់ដ៏ល្បីឈ្មោះ នាង លីនឈីលីង បាននិយាយថា នាងនឹងចាកចេញពីការបង្ហាញមុខជាសាធារណៈ បន្ទាប់ពីរៀបការនិងសម្រាលកូន។ នៅក្នុងវគ្គថ្មីនៃកម្មវិធីជជែក The Echo of Life ដែលរៀបចំដោយពិធីករទូរទស្សន៍តៃវ៉ាន់ លោក ខេវិន សៃ នាងលីនបានឱ្យដឹងថា នាងចាកចេញពីវិស័យកម្សាន្តដើម្បីផ្តោតលើការចិញ្ចឹមកូនប្រុសអាយុ១ឆ្នាំរបស់នាង។
តារាស្រីវ័យ៤៨ឆ្នាំរូបនេះបាននិយាយថា វានឹងចំណាយពេលច្រើនបំផុត ១៥ឆ្នាំ ហើយនាងសង្ឃឹមថា រូបភាពរបស់នាងនឹងនៅតែស្ថិតក្នុងចិត្តរបស់មនុស្ស។នាងលីនបានបន្ថែមថា នាងនឹងនៅតែបង្ហាញមុខជាសាធារណៈ ប៉ុន្តែសម្រាប់តែកម្មវិធីសប្បុរសធម៌ប៉ុណ្ណោះ។ នាងបានបង្កើតមូលនិធិសប្បុរសធម៌ Chiling ក្នុងឆ្នាំ២០១១ ដើម្បីជួយគ្រួសារក្រីក្រនិងកុមារក៏ដូចជាគាំទ្រគម្រោងសង្គ្រោះគ្រោះមហន្តរាយនៅតៃវ៉ាន់។ ក្នុងឆ្នាំ២០១៩ នាងលីនបានរៀបការជាមួយតារាចម្រៀងជប៉ុនអាគីរ៉ា ដែលមានអាយុប្អូននាងដល់ទៅ៧ឆ្នាំ។
នាងបានសម្រាលបានកូនប្រុសម្នាក់ក្នុងឆ្នាំ២០២២ បន្ទាប់ពីព្យាបាលការគ្មានកូន។មុនពេលរៀបការនាងលីនគឺជាតារាស្រីកំពូលម្នាក់នៅតៃវ៉ាន់ ហើយជារឿយៗត្រូវបានចាត់ទុកជាតារាដែលគួរឱ្យស្រឡាញ់បំផុតនៅកោះតៃវ៉ាន់។នៅចុងទសវត្សរ៍ឆ្នាំ២០០០ និងដើមឆ្នាំ២០១០ នាងបានជាប់ក្នុងបញ្ជីស្ត្រីសិចស៊ីបំផុតទាំង១០០ ដោយទស្សនាវដ្តី FHM Taiwan៕ពីរស្មីកម្ពុជា ប្រែសម្រួល៖កញ្ញាដាលីស
