បាត់ដំបង៖នគរបាលប្រឆាំងគ្រឿងញៀនខេត្តកាលពីព្រឹកថ្ងៃទី៨ខែមីនាឆ្នាំ២០២០បានបញ្ជូនជនសង្ស័យពីរនាក់និងវត្ថុតាងថ្នាំញៀនម៉ាទឹកកកជិតកន្លះខាំទៅតុលាការពីបទជួញដូរគ្រឿងញៀន។
ជនសង្ស័យទាំងពីររូបនេះត្រូវកម្លាំងផ្នែកប្រឆាំងគ្រឿងញៀនឃាត់ខ្លួនបាននៅចំណុចក្រុមទី៦ភូមិរំវេក៤សង្កាត់រតនះក្រុងបាត់ដំបងកាលពីរសៀលថ្ងៃទី៧ខែមីនាឆ្នាំ២០២០។
មន្ត្រីនគរបានខេត្តបានឱ្យដឹងថាជនសង្ស័យទាំងពីរនាក់មានឈ្មោះចេបចំរ៉ាត់ហៅពៅភេទប្រុសអាយុ២៣ឆ្នាំនិងឈ្មោះនៅវិច្ឆិកាភេតប្រុសអាយុ២២ឆ្នាំ។ទាំងពីរនាក់នេះនៅភូមិអូររំចង់ឃុំបាក់ចិញ្ចៀនស្រុកភ្នំក្រវាញខេត្តពោធិសាត់។
ចំណែកវត្ថុតាងដែលចាប់យកបានមានថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន៣ថង់ទម្ងន់៤៨,៧៥ក្រាមទូរស័ព្ទដៃ២គ្រឿង(ចាស់)និងកាបូបស្ពាយ១និងសម្ភារប្រើប្រាស់មួយចំនួន។
មន្ត្រីដដែលបានបន្តថាក្រោយពេលជនសង្ស័យទាំងពីរនាក់ឆ្លើយសារភាពរួចមកកម្លាំងជំនាញបានកសាងសំណុំរឿងបញ្ជូនជនទាំងពីរនាក់រួមទាំងវត្ថុតាងទៅតុលាការដើម្បីចាត់ការតាមនីតិវិធី៕