សៀមរាប៖ផ្ទះប្រជាពលរដ្ឋចំនួន៧ខ្នងនៅឃុំស្រែណូយក្នុងស្រុកវ៉ារិនខេត្តសៀមរាបបានទទួលរងគ្រោះដោយគ្រោះធម្មជាតិដោយខ្យល់កន្ទ្រាក់កាលពីល្ងាចថ្ងៃទី១៤ខែមីនាឆ្នាំ២០២០។
មន្ត្រីនគរបាលស្រុកវ៉ារិនបានឱ្យដឹងថា៖កាលពីល្ងាចថ្ងៃទី១៤ខែមីនាមានភ្លៀងធ្លាក់លាយឡំនិងខ្យល់កន្ទ្រាក់បានកើតឡើងបណ្តាលឱ្យប៉ះពាល់ដល់ផ្ទះប្រជាពលរដ្ឋចំនួន ៧ ខ្នងនៅភូមិចំនួន២។
មន្ត្រីដដែលបានបន្តថាភូមិដែលលរងការប៉ះពាល់គឺមានភូមិរលំរុន,និងភូមិវត្ត,ស្ថិតក្នុងឃុំស្រែណូយស្រុកវ៉ារិន។ក្នុងនោះរលំទាំងស្រុងចំនួន១ខ្នងនិងប៉ើងដំបូលផ្ទះនិងសំយាបផ្ទះចំនួន៦ខ្នង។ករណីនេះនេះពុំបណ្ដាលឱ្យរងគ្រោះដល់មនុស្សឡើយ៕
