កម្សាន្ត

តារាចម្រៀង វី​តា ដេក​នៅតែ​ផ្ទះ​មិន​ទៅណា​ក៏​អាច​បង្ហាញ​ភាព​ស៊ិច​ស៊ី​បានដែរ​

​ភ្នំពេញ៖តារាចម្រៀង​កញ្ញា វី​តា ដែល​ល្បី​ជា​បេក្ខភាព​ចូល​ប្រឡង​ក្នុង​កម្មវិធី​ប្រកួត​សំនៀង អិ​ច ហ្វេ​កទ័រ ខេ​ម​បូ​ឌា​(X Factor Cambodia) ដល់​វគ្គ​ចុងក្រោយ​នោះ​បើទោះបីជា​នៅតែ​ផ្ទះ​មិនទៅ​ណា ដោយសារតែ​កូ​វីដ​១៩ ក៏​លេងខ្លួន​បង្ហាញ​ភាព​ម៉្ញិក​ម្ញ​ក់​និង​បញ្ចេញ​ភាព​សិច​ស៊ី​ធ្វើឱ្យ​អ្នកគាំទ្រពេញចិត្ត​។ ​មួយរយៈ​ចុងក្រោយ​នេះ​មហាជន​នាំគ្នា​សម្ងំ​នៅផ្ទះ​មិន​ចេញទៅ​ក្រៅ​ដូចគ្នា​នឹង​តារា ចម្រៀង វី​តាដែរនោះ នាង​បែរជា​បង្ហាញ​រូប​សម្រស់​និង​សកម្មភាព​ឱ្យ​គួរ​ស្រឡាញ់​និង​ស៊ិច​ស៊ី​តិចៗ ជូន​អ្នកគាំទ្រ​របស់​នាងក៏ដូចជា​បណ្តាញ​សង្គម​ហ្វេ​ស​ប៊ុ​ក​ចាប់អារម្មណ៍​។​ទាំង​វីដេអូ និង រូបភាពជាច្រើន​របស់​នាង ត្រូវបាន​បង្ហោះ​​រាល់ថ្ងៃ​មាន​មនុស្ស​តាមដាន និង​ពេញចិត្ត​លើ​សកម្មភាព​។​បើ​និយាយពី​ប្រុសៗ​លើ​ហ្វេ​ស​ប៊ុ​ក​ម្នាក់​ចុច​ពេញចិត្ត​នាំគ្នា​សរសើរ​រូប​សម្រស់​របស់​នាង​។

ព័ត៌មានសង្គម សន្តិសុខ

ព័ត៌មាន​បន្ថែម​៖​បុរស​ម្នាក់​បាន​ស្លាប់​នៅ​គល់ស្ពាន​អាកាស​ខេត្តកំពង់ស្ពឺ​ដោយសារ​ចោរប្លន់​យក​រថយន្ត​

កំពង់ស្ពឺ​៖​បុរស​ម្នាក់​បាន​ស្លាប់​នៅក្នុង​ថ្លុកឈាម​ខណៈដែល​ត្រូវ​ចោរប្លន់​ចាក់​និង​កាំបិត​យក​រថយន្ត​មួយគ្រឿង​នៅ​ចំណុច​ស្ពាន​អាកាស់​ផ្សារ​កំពង់ស្ពឺ​។​ហេតុនេះ​បង្កឱ្យមាន​ការភ្ញាក់ផ្អើល​កាលពី​វេលា​ម៉ោង​១០​និង​៣០​នាទី​យប់​ថ្ងៃទី​៣​ខែមេសា​ឆ្នាំ​២០២០​។​ ​មន្ត្រីនគរបាល​ជំនាញ​ខេត្តកំពង់ស្ពឺ​បានឱ្យដឹងថា​ជនរងគ្រោះ​ដែល​ត្រូវ​ចោរប្លន់​យក​រថយន្ត​នេះ​មា​ឈ្មោះ​ម៉ឺន​ចេក​ភេទ​ប្រុស​អាយុ​៥០​ឆ្នាំ​មុខជា​អ្នករត់​តាក់ស៊ី​រស់នៅ​ភូមិ​ដើម​ចាន់​សង្កាត់​ច្បា​អំពៅ​២ ខណ្ឌ​ច្បា​អំពៅ រាជធានី​ភ្នំពេញ​។​ប្រភព​បាន​បន្តថា​រថ​យន្ត​របស់​ជនរងគ្រោះ​ដែល​ចោរប្លន់​យកទៅ​បាត់​នោះ​ម៉ាក​បា​ឡែ​ន​ពណ៌​ទឹកមាស​ពាក់​ស្លាក​លេខ​ភ្នំពេញ​2AD2414​។​ ​ក្រុមចោរ​ដែល​ជួល​រថយន្ត​ជនរងគ្រោះ​ដឹក​មកពី​ខេត្ត​ព្រះសីហនុ​ទៅ​ភ្នំពេញ​។​ខណៈ​មកដល់​ចំណុច​ស្ពាន​អាកាស​មុខ​ផ្សារ​ខេត្តកំពង់ស្ពឺ​ទំនងជា​ជនរងគ្រោះ​ឈប់​រថយន្ត​បម្រុង​ចុះ​រត់​ឱ្យគេ​ជួយ​តែ​អកុសល​ត្រូវ​ក្រុមចោរ​ចាក់​ចំ​បំពុងករ​និង​ចុង​ដ​ង្ហើ​ប​បណ្តាលឱ្យ​ប្រកាច់​ស្លាប់​ក្នុង​ថ្លុកឈាម​។​រថយន្ត​ត្រូវ​ក្រុមចោរ​បើក​ចេញពី​កន្លែងកើតហេតុ​ទៅ​កើត​បាត់ស្រមោល​។​ ​ក្រោយ​កើតហេតុ​មន្ត្រី​នគរ​ជំនាញ​បានធ្វើការ​ស្រាវជ្រាវ​រក​ក្រុមគ្រួសារ​ជនរងគ្រោះ​និង​បន្ត​ស្រាវជ្រាវ​រក​រថយន្ត​និង​ក្រុមចោរប្លន់​ចាត់ការ​តាមច្បាប់​៕

ព័ត៌មានអន្តរជាតិ

ជប៉ុន​ដៀល​អង្គការ​សុខភាព​ពិភពលោក​ថា​៖​អង្គ​ការគួរ​ប្តូរ​ឈ្មោះ​ជា​អង្គការ​សុខភាព​ចិន​វិញ​ប្រសើ​ជាង

ព័ត៌មាន​អន្តរជាតិ​៖​ឧបនាយករដ្ឋមន្ត្រី​ជប៉ុន​កាលពី​ថ្ងៃ​ពុធ​បាន​ប្រើពាក្យ​ប្រមាថ​ចំពោះ​អង្គការ​សុខភាព​ពិភពលោក​ដោយនិយាយ​ថា​ពួកគេ​កំពុង​ត្រាប់​តាម​ការឃោសនា​របស់​ចិន​ហើយ​គួរតែ​ប្តូរ​ឈ្មោះ​ទៅជា​អង្គការ​សុខភាព​ចិន វិញ​ទៅ ។​ ​ យោងតាម​សារព័ត៌មាន​DailyCaller​ចេញផ្សាយ​កាលពី​ថ្ងៃទី​១​ខែមេសា​ឆ្នាំ​២០២០​បានឱ្យដឹងថា​យោងតាម​អ្នកបកប្រែ​គឺថា​លោក​TaroAso​ឧបនាយករដ្ឋមន្ត្រី​បាន​មានប្រសាសន៍ថា​“​ប្រជាជន​គិតថា​អង្គការ​សុខភាព​ពិភពលោក​គួរតែ​ប្តូរ​ឈ្មោះ​របស់ខ្លួន​មិនគួរ​ត្រូវបាន​គេ​ហៅថា​WHO​ឬ​អង្គការ​សុខភាព​ពិភពលោក​នោះទេ ។​វា​គួរតែ​ត្រូវបាន​ប្តូរ​ឈ្មោះ​ទៅជា អង្គការ​សុខភាព ចិន ឬ CHO វិញ​។​ ​ការរិះគន់​ដោយ​គ្មាន​សំចៃមាត់​បន្តិច​នេះ​បាន​កើតឡើង​បន្ទាប់ពី​មាន​របាយការណ៍​ថា​ប្រទេស​ចិន​បាន​បំភាន់​ពិភពលោក​ដោយ​ចេតនា​ធ្វើឱ្យ​ចំនួន​ករណី​ឆ្លង​វីរុស​កូ​វីដ​១៩ និង​មរណភាព​នៅក្នុង​ប្រទេស​ថយចុះ ។ ​អង្គការ​សុខភាព​ពិភពលោក​បាន​បញ្ជូន​ជំនួយការ​អគ្គនាយករង​BruceAylward​ក្នុង​បេសកកម្ម​ស្វែងរក​ការពិតទៅ​ប្រទេស​ចិន​កាលពី​ខែកុម្ភៈ​ជាទី​ដែល​លោក​បាន​កោតសរសើ​រយ៉ា​ង​ខ្លាំង​ចំពោះ​កិច្ចប្រឹងប្រែង​របស់​ប្រទេស​ចិន​។​សម្រាប់តែ​បង្ហាញថា​ប្រទេស​ចិន​មិនត្រូវ​បាន​គេ​រាប់​ករណី​ស្រាល​នៅក្នុង​ទិន្នន័យ​របស់ខ្លួន​ក្នុងចំណោម​របស់​ផ្សេងទៀត​។​ ​ប្រទេស​ចិន​បាន​រាយការណ៍​ជា​ផ្លូវការ នូវ​ករណី​ឆ្លង​ចំនួន ៨២.០០០ នាក់ និង​ស្លាប់​ចំនួន ៣.៣០០ នាក់ គឺ​ទាប​ជាង​ប្រទេស​មួយចំនួន​ដែល​ការ​ផ្ទុះឡើង​នៅពេល​ក្រោយ​ដូចជា​សហរដ្ឋអាមេរិក​។​ក្រុង​អ៊ូ​ហាន​ដែល​វីរុស​បាន​ផ្ទុះឡើង​ដំបូង​បាន​រាយការណ៍​ថា​មាន​អ្នកស្លាប់​២.៥៣៥​នាក់​។​ ប៉ុន្តែ​ក្នុង​រយៈពេល​ពីរ​ថ្ងៃ​ក្នុងកំឡុងពេល​មាន​វិបត្តិ​មាន​មួយ​ក្នុងចំណោម​កន្លែង​ទុក​សាកសព​ចំនួន​៨​របស់​ទីក្រុង​បានទទួល​ការដឹកជញ្ជូន​កោដ្ឋ​ចំនួន ៥.០០០ ក្នុង​មន្ទី​ពេទ្យ ដើម្បី​ដឹក​ធាតុ​របស់​អ្នកស្លាប់​នេះ បើ​យោងតាម Shanghaiist​។​ ​កន្លែង​ដាក់​សាកសព​នេះ​គ្រោង​នឹង​ចេញ​កោដ្ឋ​ដាក់​ធាតុ​នៅ​អត្រា​៥០០​ក្នុង​មួយថ្ងៃ​រហូតដល់​ថ្ងៃទី​៤​ខែមេសា​។​ប្រសិនបើ​ទីក្រុង​មាន​កន្លែង​ដាក់​សព​ចំនួន​៧​ផ្សេងទៀត​កំពុង​អនុវត្ត​គោលនយោបាយ​តែមួយ នោះ​ចំនួន​សរុប ៤ ម៉ឺន​កោដ្ឋ ត្រូវបាន​ចាប់ផ្តើម​ដោយ​ការប្រគល់​ដំបូង​ដែល​បានបញ្ជាក់​នៅ​ថ្ងៃទី ២៦ ខែមីនា​៕Derm rang ​

ព័ត៌មានសង្គម សន្តិសុខ សេដ្ឋកិច្ច

សមត្ថកិច្ចជំនាញចាប់ឈើ​ប្រណីត​ជាង​១០​ម៉ែត្រគូបនៅស្រុ​ក​សំឡូត​

​បាត់ដំបង​៖​ឈើសុក្រំជាង១៧០ដុំ​ដែលស្មើនឹង​១២,៦៣៩ម៉ែត្រគូប​ត្រូវបានមន្ត្រីព្រៃឈើសហការ​ជាមួយកម្លាំងកងរាជអាវុធហត្ថស្រុកសំឡូតរកឃើញនៅក្នុងដីឡូត៍មួយកន្លែងក្នុងភូមិកញ្ចាំងឃុំស៊ុងស្រុក​សំឡូត ។​បាន ធ្វើ កំណត់ហេតុ រឹបអូស ឈើ ទាំង អស់នោះ នៅ​ព្រឹក​ថ្ងៃទី​៣​ខែមេសា​ឆ្នាំ​២០២០​តែម្ចាស់​ឈើ​ដឹងខ្លួន​មុន​បាន​រត់​គេចខ្លួនបាត់​។ ​លោក​ឆាយ ណា​រ៉េត​ប្រធាន​ផ្នែក​រដ្ឋបាល​ព្រៃឈើ​ប្រចាំ​ស្រុក​សំឡូត​បានឱ្យដឹងថ​ឈើសុក្រំដែលត្រូវបាន រឹបអូសទាំងនោះមានចំនួន១៧២​ដុំស្មើនឹង១២,៦៣៩ម៉ែត្រគូប។ឈើទាំងនេះត្រូវបានឈ្មូញទុច្ចរិតដឹកជញ្ជូន​ចេញពី​ព្រៃ​ក្នុង​តំបន់​ដែនជម្រកសត្វព្រៃ​ដោយ​លួចលាក់​យកមក​ស្ដុក​ទុក​នៅក្នុង​ដីឡូត៍​ក្រុម​ការ​ភូមិ​-​ឃុំ​ខាងលើដើម្បីរកឱកាសដឹកចេញទៅកាន់ទីផ្សារ​៕

ព័ត៌មានសង្គម សុខាភិបាល

តំណាងរាស្ត្រ​មណ្ឌល​ខេត្តកំពង់ស្ពឺ​ឧបត្ថម្ភ​សម្ភារប្រយុទ្ធ​ប្រឆាំងនឹង​ជំងឺ​កូ​វីដ​១៩​

កំពង់ស្ពឺ​៖​លោក​ហ៊ុន​ម៉ា​នី​តំណាងរាស្ត្រ​មណ្ឌល​ខេត្តកំពង់ស្ពឺ​បាន​ឧបត្ថម្ភ​នូវ​សម្ភារ​ប្រយុទ្ធ​ប្រឆាំងនឹង​ជំងឺ​កូ​វីដ​១៩​ជូន​ដល់​រដ្ឋបាល​ខេត្តកំពង់ស្ពឺ​កាលពី​រសៀល​ថ្ងៃទី​៤​ខែមេសា​ឆ្នាំ​២០២០​។​ ​លោក​ហ៊ុន​ម៉ា​នី​មានប្រសាសន៍​ក្នុងឱកាស​នោះ​ថា​សូមឱ្យ​លោក​វ៉ី​សំណាង​អភិបាលខេត្ត​ត្រូវ​យកចិត្តទុកដាក​ដល់​ប្រជាពលរដ្ឋ​ទូទាំង​ខេត្តកំពង់ស្ពឺ​ដើម្បី​ជៀស​ផុតពី​ការឆ្លង​ជំងឺ​កូ​វីត​១៩​។​លោក​វ៉ី​សំណាង​បាន​ថ្លែង​នូវ​ការ​អរគុណ​ចំពោះ​លោក​ហ៊ុន​ម៉ា​នី​ដែល​បាន​ឧបត្ថម្ភ​ជា​សម្ភារ​ដល់​រដ្ឋបាលខេត្ត​ប្រើប្រាស់​ក្នុង​យុទ្ធនាការ​ប្រយុទ្ធប្រឆាំង​នឹង​ជំងឺ​កូ​វីត​-១៩ ។ ​ជាមួយនេះ​លោក​អភិបាលខេត្ត​បាន​បញ្ជាក់ថា​នាពេល​បច្ចុប្បន្ន​បើទោះបីជា​ខេត្តកំពង់ស្ពឺ​មិនទាន់មាន​អ្នក​ឆ្លង​ជំងឺ​កូ​វីត​-១៩​ទេ​។​ប៉ុន្តែ​រដ្ឋបាលខេត្ត​គឺ​នៅតែ​បន្ត​យកចិត្ត​ទុ​ដាក់​បំផុត​ពង្រឹង​ការអនុវត្ត​ទាំង​វិធានការ​ការពារ​និង​វិធានការ​ផ្សព្វផ្សាយ​អប់រំ​ណែនាំ​ដើម្បី​បង្ការ​ទប់ស្កាត់​នូវ​ការឆ្លង​រាលដាល​នៃ​ជំងឺ​នេះ​។​ក្នុង​កាលៈទេសៈ​ដែល​រាជរដ្ឋាភិបាល​កម្ពុជា​ក៏ដូចជា​ខេត្តកំពង់ស្ពឺ​កំពុង​អនុវត្ត​វិធាន​ការបង្ការ​ទប់ស្កាត់​ការឆ្លង​រីក​រាល​នៃ​ជំងឺ​កូ​វីដ​-១៩​។​ ​អំណោយ​នាពេលនេះ គឺ​ពិត​ជាមាន​សារសំខាន់​ណាស់ ព្រោះថា ជែ​ល ឬ​អាល់កុល នាពេល​បច្ចុប្បន្ន ប្រៀប​បានជា​អាវុធ​ការពារ​ខ្លួន​សម្រាប់​គាំទ្រ​យុទ្ធនាការ​ប្រយុទ្ធប្រឆាំង​ជំងឺ​កូ​វីត​-១៩​ទាំងអស់​តែម្ដង ។ ​លោក​ហ៊ុន​ម៉ា​នី​ក៏បាន​លើកឡើងថា​អំណោយ​ដែល​បានប្រគល់​នាពេលនេះ​គឺ​បានមកពី​ការកៀងគរ​របស់​សប្បុ​រស​ជន ជាការ​រួមចំណែក​ក្នុង​សកម្មភាព​នានា ដើម្បី​ប្រយុទ្ធ​នឹង​ជំងឺ​កូ​វីត​១៩ និង​ជួយ​រំលែក ការលំបាក ខ្វះខាត សម្រាប់​ប្រជាពលរដ្ឋ​ផង ។​ អ្នក​ដែល​ចុះ​បំពេញ​បេស​សកម្ម ការពារ​ទប់ស្កាត់ និង ប្រយុទ្ធ​ប្រឆាំងនឹង​កូ​វីត​១៩​ផង​។​ខណៈដែល​រាជរដ្ឋាភិបាល​កម្ពុជា​បាន​នឹង​កំពុង​យកចិត្តទុកដាក់​អំពាវ​នាវ និង​ណែនាំ​ដល់​គ្រប់​ស្ថាប័នរដ្ឋ​វិស័យ​ឯកជន​អង្គការ​ជាតិ​អន្តរជាតិ​នឹង​ប្រជាពលរដ្ឋ​រួមគ្នា​ប្រយុទ្ធ​នឹង​ជំងឺឆ្លង កូ​វីដ​១៩​ដែលជា​ជំងឺ​រាតត្បាត​ជាស​កល​។ ​អំណោយ ដែល​បាន ប្រគល់ជូន​រដ្ឋបាលខេត្ត​នាពេលនេះ រួមមាន​៖ ឧបករណ៍​វាស់​កម្តៅ​ចំនួន​៦០​គ្រឿង​, ម៉ាស់​ការពារ​២០.០០០​ម៉ាស់​, ទឹក​អាកុល​លាងដៃ ៥៥០​លីត្រ​, សាប៊ូដុំ ២៣៥​កេស​, ជែ​ល​លាងដៃ ២២៥​ដប​, និង ភេសជ្ជៈ ៤០០​កេស​, ៕

សន្តិសុខ

បុរសម្នាក់ចងក​នឹង​ខ្សែ​អង្រឹង​នៅក្រោម​ដើម​ស្វាយចន្ទី​

ស្ទឹងត្រែង​៖​ប្រទះឃើញ​សព​បុរស​ម្នាក់​ធ្វើអត្តឃាត​ដោយ​ចងក​ដោយ​ប្រើ​ខ្សែ​អង្រឹង​នៅ​ចំណុច​អូរ​តូច​ភូមិ​វាល​ដេញ​ឃុំ​អន្លង់​ជ្រៃ​ស្រុក​ថា​ឡា​បរិ​វ៉ា​ត់​ខេត្តស្ទឹងត្រែង​កាលពី​វេលា​ម៉ោង​៦​និង​៣០​នាទី​ព្រឹក​ថ្ងៃទី​៤​ខែមេសា​ឆ្នាំ​២០២០​។ ​សមត្ថកិច្ច​បាន​និយាយថា សព​មានឈ្មោះ​វន រដ្ឋា​ភេទ​ប្រុស​អាយុ​២៩​ឆ្នាំ​រស់នៅ​ភូមិ​វាល​ដេញ​ឃុំ​អន្លង់​ជ្រៃ ស្រុក​ថា​ឡា​បរិ​វ៉ា​ត់​ខេត្តស្ទឹងត្រែង​។​យោងតាម​ការបំភ្លឺ​ពី​ក្រុមគ្រួសារ​និង​សាក្សី​ក​ន្លែ​ន​កើតហេតុ​និង​យោងតាម​ការពិនិត្យ​សព​លោកគ្រូ​ពេទ្យ​បាន​សន្និដ្ឋានថា​សព​ពិតជា​ស្លាប់​ដោយសារ​ធ្វើអត្តឃាត​(​ចងក​)​សម្លាប់ខ្លួន​ដោយ​ខ្លួនឯង​ពិតប្រាកដ​មែន មិន​ពាក់​ព​ន្ធ័​និង​ករណី​ផ្សេង​ឡើយ​៕

សន្តិសុខ

​អុជ​ធូប​ទុកចោល​រួច​ចេញទៅ​សែន​ផ្នូរ​ត្រូវ​ភ្លើង​ឆេះ​ផ្ទះ​ខ្ទេច​

​កំពង់ឆ្នាំង​៖​ផ្ទះមួយ​ខ្នង​ត្រូវ​ភ្លើង​ឆេះ​ខ្ទេច​បន្ទាប់ពី​ម្ចាស់ផ្ទះ​បា​អុជ​ធូប​ទុកចោល​ហើយ​ចេញទៅ​សែន​ផ្នូរ​។​ហេតុការណ៍​នេះ​បាន​កើតឡើង​ស្ថិតនៅ​ភូមិ​រមាស​ឃុំ​តាំងក្រសាំង​ស្រុក​ទឹកផុស​ខេត្តកំពង់ឆ្នាំង កាលពី​វេលា​ម៉ោង ១២​និង​១0 នាទី​ថ្ងៃទី​៤ ខែមេសា ឆ្នាំ ២០២០ ។​ ​សមត្ថកិច្ច​បានឱ្យដឹង​ថា​ផ្ទះ​ដែល​ត្រូវ​អគ្គិភ័យ​ឆេះ​នេះ​មាន​ទំហំ​៨​ម៉ែត្រ​គុណ​១៨​ម៉ែត្រ​ប្រក់​ស័ង្កសី​ជញ្ជាំង​ស័ង្កសី​ឆេះ​ស្ទើរ​អស់ទាំង​ស្រុង​។​ម្ចាស់ផ្ទះ​ឈ្មោះ​ជា​ចរិយា​ភេទ​ស្រី​អាយុ​២៩​ឆ្នាំ​។​សមត្ថកិច្ច​បានឱ្យដឹង​ថា ករណី​អគ្គិភ័យ​នេះ​បង្កឡើង​ដោយ​ភ្លើង​ធូប​ក្នុងពេលដែល​ម្ចាស់​អុជ​រួច​ទុកចោល​ចេញទៅ​សែន​ផ្នូរ​។ ​បើតាម​ប្រភព​នៅ​កន្លែងកើតហេតុ​បានឱ្យដឹងថា​នៅវេលា​កើតហេតុ​ខាងលើ​ស្រាប់តែ​ភ្លើង​បាន​ឆេះ​សន្ធោសន្ធៅ​តែម្តង​។​ប្រជាពលរដ្ឋ​បាននាំគ្នា​ជួយ​ពន្លត់​ដែរ តែ​មិន​ឈ្នះ និង បាន​ហៅ​រថយន្ត​ពន្លត់​អគ្គិ​ ​ភ័យ​មកជួយ​អន្តរ​គម​ន៍​បាញ់​ទឹក​ពន្លត់​ទើប​ភ្លើង​មិន​បណ្តាលឱ្យ​ឆេះ​រាលដាល​ដល់ផ្ទះ​ប្រជាពលរដ្ឋ​ដែល​ស្ថិត​នៅក្បែរនោះ​៕ហ.ចូច  

សន្តិសុខ

នៅស្រុក​ពួក​រថយន្ត​បើកបុក​ជាមួយ​ម៉ូតូ​បណ្តាលឱ្យ​មនុស្ស​ពីរ​នាក់​ស្លាប់​

សៀមរាប​៖​មនុស្ស​ពីរ​នាក់​បាន​ស្លាប់​ភ្លាមៗ​ដោយសារ​រថយន្ត​ស៊ាំ​យ៉ុង​ដឹកស្រូវ​បុក​ម៉ូតូ​។​ហេតុការណ៍​គ្រោះថ្នាក់​ចរាចរ​នេះ​បានកើត​ឡើងលើ​ដងផ្លូវ​ជាតិ​លេខ​៦​នៅ​ខាង លិច​សាលាឃុំ​ខ្នាត ក្នុងភូមិ​ខ្នាត ឃុំ​ខ្នាត ស្រុក​ពួក កាលពី​ព្រឹក ថ្ងៃទី​៤​ខែមេសា​ឆ្នាំ​២០២០​។ ​លោក​វរសេនីយ៍ឯក​ទេព​ពុំសែន​អធិការនគរបាល​ស្រុក​ពួក​បានឱ្យដឹងថា​បន្ទាប់​ពី​កើតហេតុ​អ្នកបើកបរ​រថយន្ត​បង្ក​បាន​រត់គេចខ្លួន​។​រថយន្ដ​ស្លាក​លេខ​កំពង់ចាម​2A8528​ក្នុង​ដំណើរ​ពី​លិចទៅ​កើត​។​ ចំណែក​ម៉ូតូ​រងគ្រោះ​ធុន​C125​ពណ៌​ខ្មៅ​ស្លាក​លេខ​សៀមរាប​1AE2252​បើកបរ​ដោយ​ឈ្មោះ​ហុង ហ៊ី ប្រុស​នៅ​ភូមិ ថ្នល់ សង្កាត់​ស្រ​ង៉ែ​បើក​ពី​កើ​តទៅ​លិច​(​ស្លាប់​)​។​ឯ​អ្នករួមដំណើរ​ឈ្មោះ​ឈួន​ឈាន​ប្រុស​អាយុ​៤៨​ឆ្នាំ​នៅ​ភូមិ​ជាមួយគ្នា​(​ស្លាប់​)​។​ លោក​អធិការ​បានឱ្យដឹង​ទៀតថា​បន្ទាប់ពី​កើតហេតុ​រថយន្ត​បង្ក​បាន​ព្យាយាម​បើក​រត់​ហើយ​ត្រូវ​សមត្ថកិច្ច​ដេញតាម​ចាប់​យកមក​រក្សាទុក​នៅ​អធិការដ្ឋាន​ស្រុក​ពួក​រង់ចាំ​ដោះស្រាយ​តាមច្បាប់​។​សាកសព​បានប្រគល់​ទៅ​ក្រុមគ្រួសារ​៕

ព័ត៌មានសង្គម សុខាភិបាល

អ្នក​សម្រាក​ព្យាបាល​នៅ​មន្ទីរពេទ្យ​ខេត្តកំពត​បានជា​សះស្បើយ​ពី​ជំងឺ​កូ​វីដ​១៩

កំ​ពត៖​ជនរងគ្រោះ​ដោយ​ជំងឺ​កូ​វីដ​១៩​សញ្ជាតិ​ម៉ាឡេស៊ី​ពីរ​នាក់​បានជា​សះស្បើយ​មួយរយ​ភាគរយ​ក្រោយ​សម្រាក​ព្យាបាល​អស់​រយៈពេល​ជិត​២០​ថ្ងៃ​។​អ្នក​ទាំងពីរ​ត្រូវបាន​អនុញ្ញាតឱ្យ​ចេញពី​មន្ទីរពេទ្យបង្អែក​ខេត្តកំពត​ត្រឡប់​ទៅ​ប្រទេស​វិញ​ព្រោះតែ​លទ្ធផល​អវិជ្ជមាន​ដោយ​ការធ្វើ​តេស្ត​នៅ​ពីរ​ដំណាក់កាល​ចុងក្រោយ​រួចមក​។​ ​ លោក​ឈុ​យ ឆូ​ង ប្រធាន​មន្ទីរពេទ្យបង្អែក​ខេត្តកំពត​បាន​ប្រាប់ឱ្យដឹង​កាលពី​ព្រឹក​ថ្ងៃទី​៤ ខែមេសា ឆ្នាំ​២០២០​ថា​បុរស​ជនជាតិ​ម៉ាឡេស៊ី​ពីរ​នាក់​ដែលមាន​ផ្ទុក​ជំងឺ​កូ​វីដ​១៩​ហើយ​ត្រូវបាន​នាំមក​សម្រាក​ព្យាបាល​ក្នុង​មន្ទីរពេទ្យបង្អែក​ខេត្តកំពត​ទទួលលទ្ធផល​អវិជ្ជមាន​នូវ​មេរោគ​កូ​រ៉ូ​ណា​មួយរយ​ភាគរយ​។ អ្នក​ទាំងពីរ​នឹងត្រូវ​អនុញ្ញាតឱ្យ​ត្រឡប់​ទៅ​ប្រទេស​កំណើត​នា​ថ្ងៃទី​៤​ខែមេសា​នេះ​ដើម្បី​បាន​វិល​ជួបជុំ​ក្រុមគ្រួសារ​វិញ​។ លោក​ប្រធាន​មន្ទីរពេទ្យ​បាន​រំលឹកថា​បន្ទាប់ពី​ការធ្វើ​តេស្ត​រកឃើញ​លទ្ធ​ផល​វិជ្ជមាន​នៃ​ជំងឺ​កូ​វីដ​១៩​លើ​អ្នក​ទាំងពីរ​កាលពី​ថ្ងៃទី​១៨​ខែមីនា​ឆ្នាំ​២០២០​មន្ត្រី​សុខាភិបាល​និង​ក្រុមការងារ​ខេត្ត​បាន​នាំមក​កាន់​មន្ទីរពេទ្យបង្អែក​ខេត្ត​ភ្លាមៗ​។ ​អំឡុងពេល​នៃ​ការដាក់​ឱ្យនៅ​ដាច់ដោយឡែក​និង​ថែទាំ​ព្យាបាល​យ៉ាង​យកចិត្ត​ទុក​នោះ​ការយក​សំណាក​ទៅធ្វើ​តេស្ត​ប្រព្រឹត្ត​ឡើងជា​ជំហានៗ​។​ទីបំផុត​លទ្ធផល​បាន​បង្ហាញថា​អ្នក​ទាំងពីរ​អវិជ្ជមាន​មេរោគ​កូ​វីដ​១៩ បន្ទាប់ពី​ការធ្វើ​តេស្ត​ពីរលើក​ចុងក្រោយ​ជាប់ៗ​គ្នា​។ ​សូម​បញ្ចា​ក់ថា ក្រៅពី​ជនជាតិ​ម៉ាឡេស៊ី​ទាំងពីរ​នាក់​ដែលមាន​មេរោគ​កូ​វីដ​១៩​ជាប់​តាម​ខ្លួន​មក​ស្រាប់​នោះ នៅ​ខេត្តកំពត​មិនមាន​ករណី​ឆ្លង​ថ្មី​ឬ​ការរីក​រាលដាល​ក្នុង​សហគមន៍​ណាមួយ​ឡើយ​។ ​ប៉ុន្តែ​ទោះជា​បែបនេះ​ក្តី​អាជ្ញាធរខេត្ត​មិន​ព្រងើយកន្តើយ​ទេ​គឺ​គណៈកម្មការ​ប្រយុទ្ធប្រឆាំង​ជំងឺ​កូ​វីដ​១៩​បាននិងកំពុង​បញ្ជ្រាប​ចំណេះ​ដល់​ប្រជាពលរដ្ឋ​គ្រប់​មូលដ្ឋាន​យ៉ាង​សស្រោកសស្រាំ​បំផុត​៕សុខឌីណា  

ព័ត៌មានសង្គម សុខាភិបាល

​អ្នកជំងឺ​កូ​វីដ​១៩​សរុប​១៨​នាក់​ក្នុងចំណោម​៤០​នាក់​បានជា​សះស្បើយ​

ខេត្ត​ព្រះសីហនុ​៖​គ្រូពេទ្យ​ជួរមុខ ដែល​បាន​ព្យាបាល​អ្នក​ឆ្លង ជំងឺ​កូ​វីដ​19​នៅ​ខេត្ត​ព្រះសីហនុ បាន​ប្រាប់ថា​ខេត្ត​ព្រះសីហនុ​មាន​អ្នកជា​សះស្បើយ​ពី​ជំងឺ​កូ​វីដ​19​ចំនួន​៩​នាក់​ថ្មី​ទៀត​គិត​ត្រឹម​ថ្ងៃទី​៣​ខែមេសា​ឆ្នាំ​២០២០​។ ​សរុប​ទាំងអស់​អ្នកជំងឺ​កូ​វីដ​១៩​ដែល​បានជា​សះស្បើយ​ចំនួន​១៨​នាក់​ហើយ​នៅ​ខេត្ត​ព្រះសីហនុ​ដែល​(​ចិន​ម្នាក់​,​ខ្មែរ​ម្នាក់​,​បារាំង​១៦​នាក់​)​ក្នុងចំណោម​អ្នកជំងឺ​សរុប​ចំនួន​៤០​នាក់​ដែល​រាប់ទាំង​ជនជាតិ​ចិន​ដំបូង​គេ​ផង​។ ​បច្ចុប្បន្ន​នៅសល់​២២​នាក់​កំពុង​ព្យាបាល​បន្ត​ក្នុងនោះ​មាន​ខ្មែរ​២​នាក់​បារាំង​២០​នាក់​។​របាយការណ៍​ពី​អាជ្ញាធរ​ប្រាប់ថា​អ្នកជា​ទាំងអស់​បាន​អនុ​ញ្ញា​ត្ត​ចាក​ចេញពី​ខេត្ត​ព្រះសីហនុ​កាលពី​ពី​ព្រលប់​ថ្ងៃទី​៣​ខែមេសា​ឆ្នាំ​២០២០​នេះហើយ ដើម្បី​វិលត្រឡប់​ទៅផ្ទះ​និង​ប្រទេស​កំណើត​វិញ​៕